ابحث عن نظام كميرات PoE

[Anmar z m]

السلام عليكم



حابب اركب كميرات بالبيت عن طريق الايثر نت مع جهاز التحكم فيهم



ايش في شركات تنصحوني فيها من ناحية الجودة والشراء من امزون او علي اكسبرس ؟
احتاج من 8 - 10 كميرات مع امكانية الزيادة

 

 

[LOVEMAC]

الافضل بدون منازع hikvision اذا تبي الامان

والجوده خرافيه اذا بديت من 8 ميجا بكسيل الى 12 ميجا

السعر غالي اكيد ، لكن عن تجربة حلال

 

 

[aCay]

Anmar z m

السلام عليكم



حابب اركب كميرات بالبيت عن طريق الايثر نت مع جهاز التحكم فيهم



ايش في شركات تنصحوني فيها من ناحية الجودة والشراء من امزون او علي اكسبرس ؟
احتاج من 8 - 10 كميرات مع امكانية الزيادة

ممكن تعطيني وش حاجتك من الكاميرات ؟


هل فيه بعضها خارجية او كلها او داخليه , تبي مستشعر حركة وترصد لوحات السيارات ؟

 

 

[Anmar z m]

LOVEMAC

الافضل بدون منازع hikvision اذا تبي الامان

والجوده خرافيه اذا بديت من 8 ميجا بكسيل الى 12 ميجا

السعر غالي اكيد ، لكن عن تجربة حلال

شيكت عليها وكلمت الموزع تكلف 7300 ريال 12 كميره

احسها كثيره تعتبر ولا ؟

 

 

[Anmar z m]

aCay

ممكن تعطيني وش حاجتك من الكاميرات ؟


هل فيه بعضها خارجية او كلها او داخليه , تبي مستشعر حركة وترصد لوحات السيارات ؟

كلها خارجيه وافضل تكون واضحه

هيا بتكون للبيت فبوزعها حولين البيت لا قدر الله لو سار شي اقدر اطلع

مدري ايش الي يحتاج بالزبط هل الفيس ركقنشن او ترصد اللوحات بيفيدني ولا لا؟ اذا التكلفه نفسها طبعا افضل


مستشعر الحركة طبعا ضروري بحيث ما يبدا السجيل الى وقت الحركة

 

 

[happy boy]

فكر بالي اقوله علشان ماتندم

ركب كاميرات خارجيه قوت الوضوح تظهر لك ارقام لوحة الشاشات

ركب شيء تستفيد منه 100%

 

 

[زائررر]

ما تحتاج مستشعر اخوي


الكاميرا تسجل من حالها عند وقع حركه ما



وتقدر تحدد مكان الحركه عن طريق البرنامج



يعني مثلا اذا كانت الكاميرا مواجهه على الشارع تقدر تحدد مكان سيارتك والمواقف الخاص بك


فا اذا صارت اي حركه بالمنطقه المحدده تبدا الكاميرا تسجل





انا افضل انك تبدا بعدد اقل من الكاميرات مثلا 5 كاميرات




اثنين للشارع امام المنزل واثنين للارتدادت الجانبيه


وواحده للمدخل



بعدين كل شهر مثلا تزود كاميرا على حسب الاحتياج



بخصوص السعر اللي ذكرته ما اقدر افيدك لكن اعتقد انهم ييبالغوا بمبلغ التركيب


وبالامكان تركبها بنفسك اذا عندك سلم طويل ودريل جيد

 

 

[ابو سآلم]

Reolink 4K من امازون او علي اكسبريس

 

 

[zzk]

الكاميرات الهدف منها ابعاد السارق او جعله يتردد بالدخول للمنزل وليس منع السرقة لان اللي ناوي بيسرق بيسرق سواء في كاميرات او لا واكيد بيكون محتاط ومغطي وجهه

ففائدتها الاكبر هي التخويف مب كشف هوية السارق

اما سالفة لوحات السيارات فمعظم الكاميرات للاستخدام المنزلي ما تجيبها بوضوح تام الا لو كانت قريبة ومتوقفة وغالبا بالنهار فقط لكن لو مسرعة او بعيدة فلا

فنصيحتي لك ركب كاميرات عادية متوسطة السعر ولا تغرك ارقام البكسل لانها كلها زي بعض

الكاميرات الاحترافية اللي تستخدمها البنوك والحكومة والشركات الكبيرة هي ذات الكفاءة العالية فعلا لكن اسعارها فلكية

 

 

[LOVEMAC]

zzk

الكاميرات الهدف منها ابعاد السارق او جعله يتردد بالدخول للمنزل وليس منع السرقة لان اللي ناوي بيسرق بيسرق سواء في كاميرات او لا واكيد بيكون محتاط ومغطي وجهه

ففائدتها الاكبر هي التخويف مب كشف هوية السارق

اما سالفة لوحات السيارات فمعظم الكاميرات للاستخدام المنزلي ما تجيبها بوضوح تام الا لو كانت قريبة ومتوقفة وغالبا بالنهار فقط لكن لو مسرعة او بعيدة فلا

فنصيحتي لك ركب كاميرات عادية متوسطة السعر ولا تغرك ارقام البكسل لانها كلها زي بعض

الكاميرات الاحترافية اللي تستخدمها البنوك والحكومة والشركات الكبيرة هي ذات الكفاءة العالية فعلا لكن اسعارها فلكية

تخويف ؟

الي كل يوم يمسكونهم في بقالات وفي محلات جوالات وفي شوارع وفي غيره ليش ماخافوا ؟

السارق لحظتها ترى مايفكر الموضوع مب مشروع سرقة اكبر بنك بالتاريخ
والشيطان بلحظات يخليك ترتكب حماقة

عندي كميرات قديمه كلفتني فوق 10 الاف بوقتها 4 ميجا بكسل لاحظ اني اقولك 4 ميجا بكسل وهذي للحين تباع وعال العال وانا شاريها من سنوات

الكميرا الوحده كبر السبيلت ومع ذلك يجي حرامي عيني عينك يسرق ليش ما انتبه لها ؟ انا ما اتكلم عن واحد ولا اثنين ولا 3 انااقولك شفت لين شبعت

مع العلم مثل ماذكرت الكميرا جدا جدا جدا كبيره وملحوظه

لكن دليل ان السارق مافكر اساسا او ماراقب


بالاخير اقولك كلامك غير صحيح ابحث عن الجوده

الي بتصوره هو الي بتاخذه بالاخير اذا احتجته

ولا تذكرني بواحد شراء كميرا رديه ويوم طاح الفاس بالراس حتى وجهه الحرامي وهو ظاهر ماقدر يصوره زين لا استفاد من الكميرات ولا سجلت حدث يخدمه ويساعده

 

 

[zzk]

LOVEMAC

تخويف ؟

الي كل يوم يمسكونهم في بقالات وفي محلات جوالات وفي شوارع وفي غيره ليش ماخافوا ؟

السارق لحظتها ترى مايفكر الموضوع مب مشروع سرقة اكبر بنك بالتاريخ
والشيطان بلحظات يخليك ترتكب حماقة

عندي كميرات قديمه كلفتني فوق 10 الاف بوقتها 4 ميجا بكسل لاحظ اني اقولك 4 ميجا بكسل وهذي للحين تباع وعال العال وانا شاريها من سنوات

الكميرا الوحده كبر السبيلت ومع ذلك يجي حرامي عيني عينك يسرق ليش ما انتبه لها ؟ انا ما اتكلم عن واحد ولا اثنين ولا 3 انااقولك شفت لين شبعت

مع العلم مثل ماذكرت الكميرا جدا جدا جدا كبيره وملحوظه

لكن دليل ان السارق مافكر اساسا او ماراقب


بالاخير اقولك كلامك غير صحيح ابحث عن الجوده

الي بتصوره هو الي بتاخذه بالاخير اذا احتجته

ولا تذكرني بواحد شراء كميرا رديه ويوم طاح الفاس بالراس حتى وجهه الحرامي وهو ظاهر ماقدر يصوره زين لا استفاد من الكميرات ولا سجلت حدث يخدمه ويساعده

جاوبت على نفسك

انا قلت اللي بيسرق بيسرق وانت اثبت ان في ناس تسرق حتى بعلمهم بوجود كاميرات عشان كذه الكاميرا ليست لمنع السرقات بل لتوثيق الامر وجعل اللي ناوي يسرق يتردد ويشوفله فرصة اسهل

انت حر روح اشتري كاميرا نوعية احترافية محد ماسكك ياخوي

 

 

[LOVEMAC]

zzk

جاوبت على نفسك

انا قلت اللي بيسرق بيسرق وانت اثبت ان في ناس تسرق حتى بعلمهم بوجود كاميرات عشان كذه الكاميرا ليست لمنع السرقات بل لتوثيق الامر وجعل اللي ناوي يسرق يتردد ويشوفله فرصة اسهل

انت حر روح اشتري كاميرا نوعية احترافية محد ماسكك ياخوي

وانا لازم اكملك السيناريوا يعني عشان تقتنع

خلاص نمشي على كلامك اجل مانركب كميرات ولا نحتاج جوده ومفروض مافيه ااساسا كميرات الي بيسرق يسرق

منطقك ياشيخ ومسأله حر مش حر هذي ترجع لي ياخوي انا ارد على كلامك ماشي تقيس المواضيع بمنطق خربوطي

 

 

[zzk]

LOVEMAC

وانا لازم اكملك السيناريوا يعني عشان تقتنع

خلاص نمشي على كلامك اجل مانركب كميرات ولا نحتاج جوده ومفروض مافيه ااساسا كميرات الي بيسرق يسرق

منطقك ياشيخ ومسأله حر مش حر هذي ترجع لي ياخوي انا ارد على كلامك ماشي تقيس المواضيع بمنطق خربوطي

مدري كيف تفهم انت هل انا قلت لا تركب كاميرات قلت تركيب كاميرات متوسطة وسعرها متوسط ما قلت لا تركب كاميرات

اقترح ترجع تقرا كلامي اللي بالرد الاول

مشكلة انك ترد قبل لا تقرا وتفهم

 

 

[nawaf2]

ابو سآلم

Reolink 4K من امازون او علي اكسبريس

عندي كاميرات من الشركة هذي من 4 سنوات

للامانه جودة عاليه وايضا يوجد تطبيق لهم في ابستور ممتاز ويتم تحديثه دائما

 

 

[زائررر]

كاميرات reolink لي تجربه مع الكاميرا اللي بالبطارية ممتازه



تقدر تشتري من الموقع الشركة ويشحنوها لك مباشره للسعودية





هذا والله اعلم