القروض مالها وماعليها

[L.E.O.N]

Ph.Ali

انا راتبي ينزل على ساب وحسب مافهمت من واحد عندهم ان تحديد المبلغ يعتمد على بندين
الاول- الشركة نفسها البنك مقسم شركات القطاع الخاص الى A-B-C-D
يشوفو الشركة في اي مجموعة وطبعا A افضل وحدة

البند التاني - راتبك

فيه نقطة مهمة ممكن موظف راتبه 4000 وشركته في مجموعة B ياخد قرض احسن من موظف راتبه 6000 وشركته في مجموعة C او D

فانا كنت ابحث عن البنوك التانية لاني محتاج قرض حول 150,000 ضروري ومع اني من أعداء القروض والاقساط بس الظروف جابرتني
على قولهم ايش جبرك على المر قال اللي امر منه
أسأل الله ان يغنيا من فضله ويرزق كل محتاج ويفرج هم كل مكروب
امين

اللي فهمته من كلامك انك موظف قطاع خاص
اخوي قبل تحول راتبك على اي بنك

تأكد انه جهة العمل مدرجة لدى البنك وهناك اتفاقيات بينهم للقروض

 

 

[فركوش]

قال الله تعالى «يمحق الله الربا ويربي الصدقات والله لا يحب كل كفار أثيم»البقرة ׃275

قال عز من قائل: «يا أيها اﻠﺫين آمنوا اتقوا الله وﺫروا ما بقي من الربا إن كنتم مؤمنين فإن لم تفعلوا فاﺫنوا بحرب من الله ورسوله وإن تبتم فلكم رؤوس أموالكم لا تظلمون ولا تظلمون » البقرة ׃277/278

هل بعد كلام الله شيء ؟؟؟

أكثر البنوك ربويه

قرقوف

مافيه امل يعطونك 150 الف
حتى ولا تراكمي

بس انتبه تاخذ قرض فيه شبهه
يقولك رز شعير حديد وخرابيط وانت لاشفت لاحديد ولا رز ولا غيره
وقع انك اشتريت وتوقع يقول تبي تبيع تقول اييه يعطيك ورقه وقع انك بتبيع وتوقع
بعد شوي الفلوس بحسابك
هههههههههههههههههه

مثل حق البنك الفرنسي
قلت وش السلع اللي عندكم قال حديد
قلت طيب حلو
وين الحديد اقدر اشوفه
ههههههههههههههههههههههه
قال الحديد في فرنسا
ههههههههههههههههههههههههه ههههه
ههههههههههههههههههههههههه ههه

استغفرالله العظيم

انتبه
انتبه
انتبه

من الحرام

خل الراجحي ياخذ عليك زود 1000 او 2000 او 3000

بس حلال
يودع الاسهم بحسابك وتشوفهن باالمحفظه حقتك
ويقولك تبي تبيع بيع ماتبي بكيفك.

 

 

[هستيريا]

انا اخذت من الراجحي وليتني ما اخذت

النسبة طلعت علي بـ 4.84 وتفاجأت صرااااحة

 

 

[*SAUDI ARABIA*]

الربا حرام الربا حرام الربا حرام

 

 

[M4j3stiC]

يا اخوان انا عندي عقلية مفادها أن القروض هي ربا و حرام 100% ، ممكن أحد يوضحّ لي ؟

 

 

[unnamed]

M4j3stiC

يا اخوان انا عندي عقلية مفادها أن القروض هي ربا و حرام 100% ، ممكن أحد يوضحّ لي ؟

والله بالنسبه لي
تعددت الطرق والاحكام والمفهوم واحد
خذ مبلغ ورجعه زياده
بعضها بحديد وبعضها باسهم وغيره

وما راح اتفلسف واقول حلال البنك الفلاني وحرام البنك الفلاني

بس ابتعد عن الشبهه لسببين
1: خوفا من الوقوع في الربا
2: تاثيره على معيشتي في التسديد

الحمدلله راتبي يغطي قرض وسياره ومصاريفي اليوميه (عزابي يدوب 10 ريال حق دجاج شوايه يوميا)
ولكن . قارص على نفسي وباذن الله راح اشتري سياره كاش السنه الجايه (وفرت على نفسي 30 الف زياده . وابتعدت عن مساله الحلال والحرام)


في النهايه انا اتكلم عن نفسي . وما اعرف ظروف وحاجة صاحب الموضوع. الله يفك همك بلا قروض ياا رب

 

 

[DYTS]

مستهدف

عندك بنك الأستثمار

انا صراحة يمكن آخذ من عندهم قرض

وقيمة المرابحة عندهم تقريبآ حوالي 2,75

وسألت كذآ واحد عن بنك الرياض وصراحة مامدحوه لي

الآن راتبي على الراجحي ولا فيه أمل آخذ منهم قرض

واتوقع والله أعلم أنوا بنآء على راتبك ماراح يعطونك المبلغ الي تبيه

الله يوفقنا وإياك

ايه والله انك صادق

 

 

[Ph.Ali]

اول شي شكرا لكل من ساهم في موضوعي وتنورينا جميعا
بس سؤال للاخوة هل احد عنده أفكار ببدائل للقروض عندي ناس من اقاربي مشاءالله الله يزيدهم ماأعتقد يسمعو عن شي اسمه أزمة مالية وبصراحة مااحب اطلب من احد (هين قرشك ولايهينك)
وبصراحة ماودي اخد قرض ياكرهي لها بس وش الحل

 

 

[s_l_l_o]

GAME ONER

اذا لقيت احد يسلفك احسن لك

هج من البنوك كما تهج من الاسد

انا ضحيه لهم وباقي 4 سنوات وحولها

والقرض يطير يمين ويسار وبسرعه يخلص شكلها مافيه بركه من حقين البنوك

آآآآه بس

+1

 

 

[خـليـل]

راتبي اقل من راتبك و من بنك سامبا و قرضي 2,75 %

لا تستعجل ..

اذا تقدر تصبر ، احتمالية تشوف بنوك تعرض لك بنسبة 1% فقط !!

الأيام قادمة و راح تشوف إن شاء الله ..

 

 

[>>me<<]

وش المغزى ان العسكر ياخذون فائدة عليهم اكثر

 

 

[jddawi]

متابع للموضوع
واحتاج معلومات اكثر عن القروض لاني انحديت عليها
( مقدم على زواج والوقت مايساعد اجمع تكاليف الشقة والعفش وليلة الزواج )

الله يوفقنا لفعل الخير ويبعدنا عن الحرام

 

 

[MaLaTh]

>>me<<

وش المغزى ان العسكر ياخذون فائدة عليهم اكثر

من جد نفس السؤال ،

عاد من كثر رواتب العسكر عشان ياخذون فايده اكثر !!

 

 

[true blue]

نصيحة اذا قدرت تستغني عن القرض افضل لك والله القرض يمحق بركة الراتب وكلامي من تجربة .