استفسار ياخوان واحد حكني وهرب !

[*Full Moon*]

السلام عليكم


اخواني في واحد وانا راكن سيارتي حكني و هرب


رحت محل تجاري قريب من الواقعة وبعد ما اصدرت تصريح من المرور علشان يشغلي الكاميرات عرفت سيارته وبعض الامور اللي تميزها عن غيرها لكن اللوايح مو واضحين حتى المرور ما قدر يطلعهم

اللي قاهرني انه سيارتي جديدة 2023 ولا حط رقم ولاشيء بس نزل من سيارته طالع الحكة ومشى

المهم بعد ما فقدت الامل صلحت السيارة على حسابي ب300 ريال


وبعد مضي شهر من الحادثة سبحان الله شفت السيارة نفسها واقفة عند بيت ورجعت شغلت الفلاشة وطابقت جميع الامور بينهم واتضح انه هو وانا متأكد 100 ٪ والدلائل موجودة


انا ما همني انه يعوضني ولا شيء بس ابغى يكون درس له

في هالحالة لو اروح للمرور واعطيهم اللوحة ويتأكدون

شنو الاضرار اللي راح تلحقه !؟

 

 

[ناصر الخير]

الهرب من موقع الحادث عليها مخالفة لحالها غرامة لا تزيد عن 10000 و\او الحبس لمدة لاتزيد عن 3 شهور على حسب تقدير الشرطة.

 

 

[anim19]

*Full Moon*

السلام عليكم


اخواني في واحد وانا راكن سيارتي حكني و هرب


رحت محل تجاري قريب من الواقعة وبعد ما اصدرت تصريح من المرور علشان يشغلي الكاميرات عرفت سيارته وبعض الامور اللي تميزها عن غيرها لكن اللوايح مو واضحين حتى المرور ما قدر يطلعهم

اللي قاهرني انه سيارتي جديدة 2023 ولا حط رقم ولاشيء بس نزل من سيارته طالع الحكة ومشى

المهم بعد ما فقدت الامل صلحت السيارة على حسابي ب300 ريال


وبعد مضي شهر من الحادثة سبحان الله شفت السيارة نفسها واقفة عند بيت ورجعت شغلت الفلاشة وطابقت جميع الامور بينهم واتضح انه هو وانا متأكد 100 ٪ والدلائل موجودة


انا ما همني انه يعوضني ولا شيء بس ابغى يكون درس له

في هالحالة لو اروح للمرور واعطيهم اللوحة ويتأكدون

شنو الاضرار اللي راح تلحقه !؟

خذ مبلع لا يقل عن 1500 ريال عشان يكون درس له

 

 

[منآآآحي قردآآحي]

هل المرور جاك وسوا تقرير بالحادث؟
وهل مريت تقدير وقدرت الحادث وقتها ومعك التقدير؟

اذا نعم،
ارجع للمرور عطيهم اللوحة ويعطونك برنت
وارفع مطالبتك للتأمين.

اذا ما صار شي من هذي
رح للمرور وشوف وش يقولون لك

 

 

[laosh]

( فَمَنْ عَفَا وَأَصْلَحَ فَأَجْرُهُ عَلَى اللَّهِ )

 

 

[هالبينو]

جرب واجه الرجال وشوف ايش رده

انا اعتقد ان عدم وضوح اللوح راح يطلعه من المشكلة فانت كلمه وخليه يعترف بنفسه واطلب تعويض

وحاول تسجل كلامه


او
خليه يتواصل معاك واتساب حط نوت على سيارته واكتب له انت حكيت سيارتي في اليوم الفلاني الرجاء التواصل على الواتساب وحط رقمك

واذا جاك واتساب وقال ايه انا انت كذا مسكت دليل..وطالبه بتعويض

 

 

[Grim Re]

والله بكل صراحة المرور ماتوقع فاضي لك عشان مشكلة بسيطة وانت بتعب نفسك ووقتك



غير كذا الكاميرات ماطلعلت رقم لوحته



رح كلمه مباشرة اذا غابنك مرة من وقتها او حط ورقة على باب سيارته انك ماتسامحه على الي سواه دامه عارف





لنا بعضهم يحكون سيارات وماينتبهون بس هو كان عارف من كلامك





هي سالفة ماتستاهل الصراحة


انا حكو سيارتي عشرين الف مرة على وقتها جديدة والشكوى لله


لاتتوقع سيارتك ماحد بيحكها مستقبلا الى لو مخزنها داخل مستودع

 

 

[LeHso]

من حقك تشتكي عليه ، لكن دامك دفعت من عندك 300 وانتهى الموضوع ما اشوف روحاتك للمرور اكثر من مرة لها داعي

هو غلطان لأنه شاف الحكة وطنش وكمل حياته لكن راح يشوفها ما عليك فيه كمل حياتك.

 

 

[Fahadin200]

حل الموضوع بينك و بينه

 

 

[mr_alqmor]

laosh

( فَمَنْ عَفَا وَأَصْلَحَ فَأَجْرُهُ عَلَى اللَّهِ )

شخص يتعدى علي ممتلكاتك ويمشي هذا ما عنده ذمه ولا ينفع مع العفو
هذا شخص لازم يتربى ,, والعفو له مواقف وليس في اي موقف يكون العفو بل العفو في موقف زي هذا يعتبر غلط لانه بيستسهل الشغله كل مره

 

 

[Sooozs]

خلاص سةمحه لان اذا ما اعترف بتعب نفسك ولا تستفيد شي

 

 

[I Master I]

laosh

( فَمَنْ عَفَا وَأَصْلَحَ فَأَجْرُهُ عَلَى اللَّهِ )

العفو و التسامح بهالأمور هو اللي وصلنا لهذه المرحلة

شخصياً لا أسامح و لا بريال من حقي بحادث حتى لو يدخل السجن

 

 

[مقلع بدون هبوط]

Sooozs

خلاص سةمحه لان اذا ما اعترف بتعب نفسك ولا تستفيد شي

مو مشكله
يسوي الاجراءات واذا استدعوه وحضر وعرف ان فيه نظام وضبط يسامحه
بس للتاديب فقط

 

 

[Munti]

العفو عند المقدرة وليس في أي وقت

 

 

[zxc777]

مقلع بدون هبوط

مو مشكله
يسوي الاجراءات واذا استدعوه وحضر وعرف ان فيه نظام وضبط يسامحه
بس للتاديب فقط

ياسلام عليك جبتها

 

 

[Sooozs]

zxc777

ياسلام عليك جبتها

ما تسوى تعب والله ما يغرف نضام ةمن طبق عليه عقوبه

 

 

[بني ادم]

laosh

( فَمَنْ عَفَا وَأَصْلَحَ فَأَجْرُهُ عَلَى اللَّهِ )

يقول ابن عثيمين رحمه الله في تفسير الآية اللي ذكرت :



{ الحث على العفو إذا كان إصلاحًا، فإن لم يكن إصلاحًا فالأخذ بالحزم أولى .}


معنى الكلام لازم يكون العفو والاصلاح مقرونين يعني يروح يشتكيه ويسامحه في القسم عشان ما يعيدها هذا معنى الآية

و الخيار لصاحب الشأن في الأول والأخير في طريقة تعامله مع الأمر

 

 

[bury my bones]

التأديب أفضل للمجتمع ككل
من أمن العقوبة أساء الأدب
والسماح في قسم المرور إن شاء الله

 

 

[III DeVaLz III]

هالظاهرة السيئة للأسف منتشرة وبكثرة في مجتمعنا لا أنت أول ولا أخر واحد تنحك سيارته ناس عند باب بيتها موقفة وتخرج تلقى صدام وواجهة السيارة تالفة ومعدومة تماماً من شدة وقوة الصدمة وفوقها هروب بكل دم بارد من الموقع دون تقديم إعتذار أو محاولة حتى لإصلاح خطأه دام التربية والتنشئة الأسرية معدومة والأخلاق منحطة ف توقع كل حاجة ولا تتعب حالك وتضيع وقتك عالفاضي دامك تحملت الضرر وصلحتها الله يعوضك خير , وعلى قولة المثل (من أمن العقوبة أساء الأدب) لو فيه قانون صريح يربي هالأشكال الوصخة فوراً ويجرم فعلتهم كان ما شفتهم مفلتين بالشوارع يصدمون سيارات الخلق دون مبالاة ويهربون بكل دم بارد لكن المرور مهو فاضي لهم الحين فاضي لأتمتتة مخالفات التأمين بأسرع وقت ممكن دون تأخير .

 

 

[epbasd]

شوفه وكلمه اذا قدرت ترا بعضهم بنات يحكو ويشردو