◄الاستفسارات حول البنوك (الجزء الثالث)►

[Econ]

ياسر ابو زياد

احد جرب بطاقه قسط الراجحي 0% لدفع رسوم الدراسه على ١٢ شهر هل فعلا بدون فوائد فقط تقسط الرسوم

لو تتاخر يوم النسبة تشق الظهر

 

 

[saylerx1]

السلام عليكم ,,
استفساري بخصوص بنك الراجحي هل الترقية لحساب التميز على الراتب الاساسي ولا شامل البدلات؟
شامل بدل السكن والنقل يستوفي الشروط لكن الاساسي اقل شوي من شرطهم.
ما لقيت جواب
شكرا

 

 

[bmsb]

هل ممكن تحديث بيانات الحساب الجاري في بنك الجزيرة من تطبيقهم ولا لازم زيارة ؟

 

 

[ياسر ابو زياد]

شفت اعلان الراجحي صناديق توزيعات شهريه اقل اشتراك 1000 ريال

كم تقريبا يوزع شهري اذا الاشتراك الف؟

مافي شي واضح

 

 

[FireF@x]

bmsb

ايش الفرق بين الحساب الجاري و حساب الادخار ؟

الحساب الادخاري يعطونك عليه ارباح (مضاربة)

saylerx1

السلام عليكم ,,
استفساري بخصوص بنك الراجحي هل الترقية لحساب التميز على الراتب الاساسي ولا شامل البدلات؟
شامل بدل السكن والنقل يستوفي الشروط لكن الاساسي اقل شوي من شرطهم.
ما لقيت جواب
شكرا

البنوك بشكل عام تعتمد على مجموع الراتب الي ينزل بالحساب، يوجد مرونة لدي بعض البنوك وممكن يقبل التعريف بالراتب في حال كان الي ينزل اقل.

bmsb

هل ممكن تحديث بيانات الحساب الجاري في بنك الجزيرة من تطبيقهم ولا لازم زيارة ؟

تقدر تحدث من خلال القنوات الالكترونية.

ياسر ابو زياد

شفت اعلان الراجحي صناديق توزيعات شهريه اقل اشتراك 1000 ريال

كم تقريبا يوزع شهري اذا الاشتراك الف؟

مافي شي واضح

ممكن توضح أكثر او صورة من الاعلان عشان اقدر أفيدك

 

 

[~الشاهين~]

هل ممكن افتح حساب بنكي لشخص آخر بموجب وكالة شرعية ؟

لأني حسب ما سمعت من كلام أحد الزملاء أن فتح الحساب لازم يحضر شخصياً

 

 

[abo hosa]

~الشاهين~

هل ممكن افتح حساب بنكي لشخص آخر بموجب وكالة شرعية ؟

لأني حسب ما سمعت من كلام أحد الزملاء أن فتح الحساب لازم يحضر شخصياً

ايه تقدر بس لازم تذكر صلاحية فتح حساب- اعتماد التواقيع اهم شي
ويذكر مراجعة جميع البنوك والمصارف او اسم البنك اللي تبيه

 

 

[i9af]

عاجز عن فهم قرار البنوك ليه حدو القروض العقارية بـ 7 الاف !

 

 

[fosl]

i9af

عاجز عن فهم قرار البنوك ليه حدو القروض العقارية بـ 7 الاف !

اخبر انه ممكن تتعاون انت و شخص قريب لك من الدرجة الاولى في القروض العقارية او حتى القروض الشخصية
يمكن هذا الحد الاعلى للشخص

ممكن الواحد و اخوه ابنه زوجته يتعاونون يصير القرض على الشخصين بنفس الوقت

ناسي اسمها القروض التعاونية او القروض المشتركة او شي زي كذا
شف البنك الي تبيه يقدم الخدمة هذي ولا لأ

 

 

[جهاد بن عبدالله]

saylerx1

السلام عليكم ,,
استفساري بخصوص بنك الراجحي هل الترقية لحساب التميز على الراتب الاساسي ولا شامل البدلات؟
شامل بدل السكن والنقل يستوفي الشروط لكن الاساسي اقل شوي من شرطهم.
ما لقيت جواب
شكرا

وعليكم السلام ورحمة الله وبركاته

على اللي ينزل في الحساب، يعني صافي الراتب.

 

 

[ياسر ابو زياد]

اخواني وش افضل بنك غير الراجحي

 

 

[ورقه وقلم]

ياسر ابو زياد

اخواني وش افضل بنك غير الراجحي

الإنماء و البلاد

 

 

[ياسر ابو زياد]

ورقه وقلم

الإنماء و البلاد

كيف الخدمات والانتشار

ودي اقفل الراجحي وانقل بس متخوف

 

 

[maldini mania]

أحد جرب بطاقة الراجحي سقنتشر؟

حل فعلاَ عليها خصم فوري 10% على المطاعم؟ وهل تعمل في أغلب المطاعم؟

 

 

[ياسر ابو زياد]

كم رسوم فتح محفظه اسهم الراجحي ؟ هل مجانيه ؟

 

 

[saleh alali1]

ياسر ابو زياد

اخواني وش افضل بنك غير الراجحي

الانماء لاتدور غيره

 

 

[saleh alali1]

ياسر ابو زياد

كم رسوم فتح محفظه اسهم الراجحي ؟ هل مجانيه ؟

قصدك الاسهم؟

 

 

[ياسر ابو زياد]

saleh alali1

قصدك الاسهم؟

ايه الاهلي مجاني اللي اعرفه

 

 

[ياسر ابو زياد]

saleh alali1

الانماء لاتدور غيره

هل متوفر له فروع بكل المدن لان ماودي انقل وثم اتورط

يعني انتشاره مثل الراجحي والاهلي بكل مكان تقدر تسوي خدماتك لو احتجت

 

 

[fast33]

ياسر ابو زياد

ايه الاهلي مجاني اللي اعرفه

فتح محفظة أسهم مجاني في كل البنوك، وفيه عدد من البنوك تقدر تفتح عندهم محفظة من الموقع بدون ماتزور الفرع آو القسم الاستثماري

أرشح لك الأهلي، خدمات التداول جيدة، ولا واجهت اي مشكلة من انتقلت له، حاضر في أغلب الاكتتابات، الأسعار المباشرة للأسهم مجانية عنده (عكس باقي البنوك الي تقدم الخدمة بحوالي 60 ريال شهريا)