كرسي مكتبي مريح؟

[" Weber "]

السلام عليكم

ودي تساعدوني بإيجاد كرسي مكتبي مريح وجودته عاليه ومتوفر محلياً (الرياض)

حتى الآن ما طلع معي أفضل من Herman Miller Aeron



الكرسي رائع جداً حسب التقييمات لكنه سعره حوالي 3000 ريال

وودي بحاجه من 1000 الى 1500 ريال

شكراً

 

 

[-Abdulmohsen-]

وعليكم السلام

والله أنصحك تروح لـ إيكيا ، رحت لهم قبل فترة فيه أنواع وأشكال الكراسي منها الرخيص ومنها الغالي.

 

 

[AW23]

انا بعد عندي نفس سؤال الاخ weber
وعندي انحراف بالعمود الفقري واقضي وقت طويل عالكرسي
واحتاج شي مريح وصحي
عندي واحد من ايكيا يتحمل الدهك والضغط والتنقيز بعد
لكن يتعبني في الجلوس جدا جدا جدا
( سعره يتراوح بين 350 الى 450 ) غيرمتواجد بموقعهم الان
والزين عندهم مبالغ بسعره وخصائصه قليله

 

 

[H1N2]

ايكيا كراسيهم حلوه بس اللي 1500 وفوق

ايكيا عندهم الى حول 500 ريال لكن كلها بلاستك وكنت بشتريهآ بس نصحني منها اكثر من وآحد هنآ بالمنتدى

تتكسر بسرعه وما تتحمل .. وللحين جالس آصبر آجمع وآشتري وآحد غآلي بس يتحمل معي وقت طويل

بيني وبينك آفكر بـ ليزي بوي .. يآخي مرريييح

 

 

[PBASD]

متاااااااااااااابع

 

 

[bllue Light]

فيه مححل بالعليا ,

كله كراسي ومكاتب بس للاسف مآدري وين بالضبط بالعليا =/

 

 

[" Weber "]

بيني وبينك آفكر بـ ليزي بوي .. يآخي مرريييح

كم واحد نصحني فيهم، وين ألاقي منتجاتهم بالله؟

--

آيكيا للأسف سيئه بهالمجال، الأغلب يذم كراسيهم وأنا معاهم لأني أستخدم واحد الآن

 

 

[H1N2]

والله العظيم قبل فتره كتبت موضوع هنا استشير بالنسبه للكرسي المريح

كنت حاط ٧٠٠ ريال وشفت ايكيا بس ما ارتحت لهم والحمدلله ما شريت


مشكله ليزي بوي غاااااااااااالي بس لك وللعمر .. يعيش وبقوه وضمانه يخليك تتطمن وترتاح

بس والله يبي لي فتره لين اشتريه

 

 

[Abohisham]

أيا كان الكرسي، أنصحك بكرسي أبو ظهر مرتفع، حتى يسند راسك و ترتاح رقبتك. لا تاخذ أبو نص ظهر زي اللي انت حاط صورته.

و بالتوفيق.

 

 

[Dreak]

نفس المشكله ابي كرسي مريح

اللي عندي متهالك و الاسفنج طلع و انشق

 

 

[booss222]

شوف فيه محل كبير أسمه "أوفيس ديبو" على خريص.. اختصاصه كله طاولات و كراسي و مكاتب.

 

 

[MEG]

في كراسي مكتبية صينية من 800 الى 1500 ريال عند الجديعي للاثاث المكتبي - الرياض، شارع الستين

 

 

[اللورد رستم]

شوف المحلات المتخصصة مثل الجديعي - الجريسي ....

 

 

[السفير OK]

فيه محل دخلته مره فيه جميع انواع الكراسي من هذا النوع وبألوان واشكال مختلفة

موقعه تقاطع الملك عبدالله مع خالد بن الوليد تتجه شمال كأنك رايح غرناطة ( محلات مؤسسه التقاعد)

بيجيك على اليمين بعد ساكو اسمه ما يحضرني بس مكتوب لمستلزمات المكاتب حاجه زي كذا

 

 

[just yka]

اذكر يوم اطبق في قسم المشتريات


كانوا يتعاملون مع محل اسمة باك كمفورت ( back comfort )


كان يجيبون كراسي للمدراء

كراسي جدا مريحة >>> مجربة