ادخل الجامعة ولا ابدأ فالتجارة؟
banner
2019-02-28 , 11:08 صباحاً
alhaaym’s Avatar
alhaaym

بارز

المشاركات:1702
التسجيل:Dec 2006
alhaaym
انا معك وادعمك في قرارك بس لابد ان يكون تفكيرك عقلاني
انا معك في نقطه انك فهمت نفسك بان الدراسه غير مناسبه لك وتخليك عن الدراسه سيجعلك تكسب الوقت الذي ستهدره في شي انت لم تحبه ولم ترغبه بالتالي نتائجه لن تكون مرضيه اطلاقا لو استمرت فيه
انت كسبت ذاتك ووقت
لكن خلنا نشوف الامر من زاويه اخرى
ماهي التجاره التي ممكن ان تصنع لك مستقبلا مضمونا لعشر سنوات قدام على اقل تقدير
يمعنى انه بنهايه العشر سنوات تكون امنت نفسك لعشر سنوات اخرى
هل ( بسطه شاهي جمر ) خيار مناسب كتجاره تستطيع منها توفير حياه كريمه لك ولاسرتك وتنقلك لمستوى اعلى وتؤمن ذاتك لعشر سنوات قادمه ؟
لا اعتقد ذلك ابدا ..
نصيحه ركز في فهم ذاتك .. ركز في هدفك بعد عشر سنوات او عشرين سنه .. اين تريد ان تكون واين تريد ان تصبح ؟
ركز على هذا اولا ثم انطلق ؟
احلام شاب في 18 احلام ورديه خاليه من الواقعيه وقودها طموح زائف .. لا تخدع نفسك ..
خليك واقعي وقبل الواقعيه .. كن منطقي ..
2019-02-28 , 11:08 صباحاً
2019-02-28 , 03:15 مساءً
zaidnon’s Avatar
zaidnon

مشارك

المشاركات:429
التسجيل:Dec 2018
zaidnon
كمل جامعه اصرفلك

مين قالك الشاهي يطلع 6 الف؟؟؟؟؟ اذا طلعت 500 احمد ربك

عندي صديق اجنبي معدله 99.50 يتمنى ولو يقدر يكمل جامعه يوميا يقدم على منح !!


اما انت دراسه بلاش ولا بعد فوقها مكافئة وماتبي!!!!

الجامعه لازم
2019-02-28 , 03:15 مساءً
2019-03-05 , 04:40 مساءً
جساس ابن مره’s Avatar
جساس ابن مره

**

المشاركات:1813
التسجيل:Jul 2009
جساس ابن مره
الشهاده اهم من التجاره
التجاره افضل من الشهاده
2019-03-05 , 04:40 مساءً
2019-03-05 , 08:27 مساءً
abo khlood’s Avatar
abo khlood

فعال

المشاركات:1326
التسجيل:Jun 2009
abo khlood
Reezy كتب:
شكرا على الردود ياشباب لكن انا شايف اغلبكم يقول الجامعة مهمة جدا ومايذكر اسباب اهميتها. انا وش قاعد افكر الحين، انا اقول ليش اضيع ٥ سنين على مستقبل مجهول؟ طيب خلينا نكون ايجابيين ونقول يلا تخرجت وحصلت وظيفة والحمدلله طيب كم بيكون راتبي؟ يعني لو دخلت علوم حاسب او ادارة اعمال (التخصصات الي اقدر اتقبلها) راتبي مارح يزيد عن ١٠٠٠٠. طيب اقدر اوصل دخلي الشهري ١٠ في اقل من ٥ سنوات عن طريق مصادر دخل مختلفة وانا دارس ذا الشي وحاسب كل حاجة وواثق اني اقدر، ف ما اشوف اني محتاج الجامعة من الناحية المالية. ومن الناحية العلمية انا عارف ان العلم مهم لكن العلم اقدر احصله من مصادر ثانية مو شرط من الجامعة.

انا في وجهة نظري الجامعة حلوة للي بيدخل طب او هندسة او مايحب التجارة ويبي يقعد موظف طول عمره. لكن انا ما احب اشتغل ل احد احب اشتغل عمل حر وبنظري هذي الحياة يا انك تحقق احلامك (العمل الحر والتجارة) او انك تحقق احلام غيرك (العمل لشركة طول عمرك)


وليش أنت رابط الشهادة الجامعية بالوظيفة فقط؟
أنت تقدر تستفيد من الجامعة عدة أشياء منها العلم والمعرفة بتخصص الدراسة، اكتساب مهارات اجتماعية مثل مهارات العرض والتفاوض والاقناع ومهارات شخصية مثل تحمل الضغوط وإدارة الوقت
ممكن تتعرف على أشخاص بالجامعة ويصيرون اقرب لك من أخوانك
وممكن تتعرف على شريك التجارة المستقبلي من الجامعة
وغيرها الكثير من الفوائد إذا أنت تبي تستفيد
الحمد لله الدراسة الجامعية متوفرة مجانا وفوقها مكافأة جامعية
والدراسة ما تمنعك من التجارة ، تقدر تدرس وتشتغل بوظيفة بداوم جزئي أو عمل حر بنفس الوقت
وإذا فرضا توظفت ، ما يعني أنك بتجلس موظف إلى أن تموت ، تقدر تستقيل وتكمل أو تبدأ مشروع تجاري
2019-03-05 , 08:27 مساءً
2019-03-06 , 08:03 صباحاً
LeHso’s Avatar
LeHso

نشيط

المشاركات:1050
التسجيل:Sep 2016
LeHso
صراحة فيه شي لفت انتباهي

ذحين مالك خلق تدرس جامعة ومالك خلق تمسك وظيفة بس لك خلق توقف بالشارع تبيع شاهي جمر :) !!

ايام الجامعة راح تعدي بحلوها وبمرها ويمكن تشتاق لها بعد ، وانا متاكد بعد كم سنة بتضحك على نفسك انه كان اعلى طموحك شاهي جمر بعد الثانوي
2019-03-06 , 08:03 صباحاً
2019-03-06 , 08:24 صباحاً
outofreach’s Avatar
outofreach

نشيط

المشاركات:953
التسجيل:Jan 2011
outofreach
sLoM9Dk كتب:
هالوقت ذا بدون شهاده ماتسوى شي ولا يغرك التجار الي طلعو بدون شهادات معروف كيف طلعو

والتجاره يبيلها مبلغ و راس مال كبير


كيف طلعوا ؟
2019-03-06 , 08:24 صباحاً
2019-03-26 , 03:48 صباحاً
Führer92’s Avatar
Führer92

**

المشاركات:229
التسجيل:Jun 2013
Führer92
hassanworkshop كتب:
شوف الدنيا تقريباً الراحه فيها قليله تتعب 11 سنة ثم تخرج براتب عالي ووضع اجتماعي ممتاز وانت في بداية الثلاثين ممتاز جداً و نادراً بيكون احد مثل دخلك للمعلومية اغلب الناس موظفين ورواتبهم اذا وصلو الثلاثين وكانو في وظايف جيده رواتبهم بين 10 و 15 اما الطبيب بيكون في بحر 40 اذا دخل البرنامج وتعب على نفسه اضافة إلى 50 الف ريال سنوياً بدل سكن



وفي شي اخر قد يفتح له عيادة خاصة او يتعاقد مع احد المستشفيات لو صار استشاري



فالطب مجال مفتوح وفيه نقص عالمياً لاحظ انا اقولك عالمياً ومطلوب في كل مكان



فلا تحبط الهمم في التعب تعبه فيه مقابل مالي مجزي ولا صار استشاري يكون مجزي اكثر واكثر



فيه بعد لو يبي يصير عسكري تدري راتبه دبل يستلم راتبين راتب وزارة الصحة و راتب رتبته العسكريه وعلى العكس من جميع التخصصات الاخرى ماينزل ميدان وعملة بيكون في المستشفى العسكري !



انا قريب من الاطباء واعرف عن اوضاعهم و اقول للي بالثانوي عليك بالطب للي يبي يتعب ثم يرتاح لاحقاً


أنا طبيب وعلى رأس برنامج تدريب جراحي
والتالي مما ذكرت غير صحيح:
١- الراتب لا يصل الى ٤٠ وانت على رأس برنامج بل أقل من النصف ( شاملاً بدل السكن)

٢- كثيرا مايكرر المجتمع مشروع فتح العيادة بعد دراسة الطب وهذا بزنسس صعب جدا يحتاج رأس مال كبير ولا اعرف من الزملاء من اقدم على هذا المشروع الا من اجتمع هو واصحابة الاطباء لفتح مشروع مشترك ( وغالبا ماتخلق مشاكل والارباح لا تكون كما يعتقد)

٣- الطب قد يكون مطلوب عالميا ولكن كل دولة تشترط اختبارات خاصة بها للحصول على رخصة مزاولة ( بعض الدول تطلب اختبارات في الطب الاساسي والاكلينيكي في "جميع" تخصصات الطب ( من الصعب اجتيازها اذا كان الطبيب قد تخصص واتقن مجال معين من الطب)

٣- نرى استشاريين ناهزوا ال٦٠ عاما ومازالوا يحضرون الى قسم الطوارئ في انصاص الليالي حال استدعائهم ( مقولة اتعب الان عشان ترتاح بعدين لا تنطبق في مجال الطب البشري)

٤- فأنا اقول لآحبابي واقاربي عكس نصيحتك. لا تدخل الطب اذا كنت تبحث عن مكانة اجتماعية او دخل عالي، ادخل الطب فقط اذا كنت عاطفي اتجاهه وتنوي احتساب الاجر في كل مريض تعافية بعد الله من الباس. فستصل الى مرحلة لن يكون بمقدورك الاستمرار الا اذا تذكرت الاجر فلا منصب اجتماعي تدوم لذّته ولا مال تملك وقت للاستمتاع فيه

٥- شخصيا، الطب عزني وكون لي مكانة مميزة بين افراد العائلة والمدخول المادي ممتاز والحمدلله لم اندم على اتخاذ هذا القرار والاتحاق بالسلك الطبي ولكنه ليس مجال سهل من جميع النواحي وكل ريال اقبضة وكل اجر يكتب لي باذن الله فإنه يإتي بعد يوم شديد من الارهاق الجسدي والفكري خارج وداخل اسوار المستشفى.


واعلم ان ردي السابق كان اكثر بهجة عن تخصصي، ولكن كان لابد من توضيح النقاط اللي ذكرها الاخ لكي لا يعتقد البعض ان المجال مفروش بالورود.
2019-03-26 , 03:48 صباحاً
2019-03-26 , 09:42 مساءً
Brainist’s Avatar
Brainist

نشيط

المشاركات:893
التسجيل:Nov 2011
Brainist
ادخل برامج التدريب المنتهيه بالتوظيف واذا تبغى تضيع وقتك ادخل الجامعه اكثر من 5 اشخاص اعرفهم متخرجين بكالوريوس وعاطلين من سنتين وفي اللي متخرج طب بشهاده امتياز ومرتبه اولى بس مالهم وظايف السوق مايطلب ذي الشهادات اذا انك سعودي المتوفر لك شاهي جمر كاشير بسطة خضار ومن ذي الشغلات وطبعا ذا انجاز عظيم تم توفير اكثر من 7 الاف وظيفه للمواطنين اصحاب شهادات الهندسه والبكالوريوس والدكتوراه
2019-03-26 , 09:42 مساءً
2019-03-27 , 06:29 مساءً
hassanworkshop’s Avatar
hassanworkshop

نشيط

المشاركات:767
التسجيل:Feb 2017
hassanworkshop
AhmedFayaa كتب:


أنا طبيب وعلى رأس برنامج تدريب جراحي
والتالي مما ذكرت غير صحيح:
١- الراتب لا يصل الى ٤٠ وانت على رأس برنامج بل أقل من النصف ( شاملاً بدل السكن)



مشكلتك انك ما قريت كلامي زين وملاحظ من الاطباء ان الامور الادارية قليل يفهم فيها



ذكرت اذا صرت استشاري راتبك بيعدي الاربعين و هذا بعد ما تعدي البرنامج و بنجاح ثم تنتظر ثلاث سنوات خبرة ثم تصير استشاري او تدخل تخصص دقيق يسمونه فلوشيب بعد البرنامج ولاهو موجود الا بالرياض و جدة



ملاحظة:/ بدل السكن حالياً سمعت شالوه من اللي بالبرنامج


٢- كثيرا مايكرر المجتمع مشروع فتح العيادة بعد دراسة الطب وهذا بزنسس صعب جدا يحتاج رأس مال كبير ولا اعرف من الزملاء من اقدم على هذا المشروع الا من اجتمع هو واصحابة الاطباء لفتح مشروع مشترك ( وغالبا ماتخلق مشاكل والارباح لا تكون كما يعتقد)



فتح عيادة خاصة فيه أطباء يسوونها



فيه أطباء يدرس بالجامعه و يأخذ راتب و بعد عنده عياده برا يمكن حتى في مستشفى كبير ماهو لازم يفك مستوصف وكل شي بحقه في بعضهم دخله في بحر 100 الله يرزقهم ويبارك في اموالهم





٣- الطب قد يكون مطلوب عالميا ولكن كل دولة تشترط اختبارات خاصة بها للحصول على رخصة مزاولة ( بعض الدول تطلب اختبارات في الطب الاساسي والاكلينيكي في "جميع" تخصصات الطب ( من الصعب اجتيازها اذا كان الطبيب قد تخصص واتقن مجال معين من الطب)



البورد السعودي قوي و اللي يأخذه غالبا يعدي اي بورد الا الامريكي لانه اصعب شئ


٣- نرى استشاريين ناهزوا ال٦٠ عاما ومازالوا يحضرون الى قسم الطوارئ في انصاص الليالي حال استدعائهم ( مقولة اتعب الان عشان ترتاح بعدين لا تنطبق في مجال الطب البشري)



في تخصصات مافيها مناوبات بل في تخصصات دوامها محدد



مثال طب الاسرة دوامها مثل المدرسين بالضبط يمكن يفرق ساعه بينهم



وانت عارف انك تصير طبيب مقيم الين ما تدخل برنامج في جراحه وفيه باطنة وفيه نفسيه وفيه وفيه وكل تخصص له اشياء لازم تعرفها قبل ما تدخله



يعني ما تدخل جراحه وانت عارف انها مناوبات بل ان فيه عمليات تستمر لساعات طويلة وكل شي بحقه الجراح معروف أعلى الاطباء ثم تقولي مافيها راحة اكيد من يختار جراحه الا حب بهذا الشي و راح يستفيد اجر اذا احتسب الاجر و بعد فلوس






٤- فأنا اقول لآحبابي واقاربي عكس نصيحتك. لا تدخل الطب اذا كنت تبحث عن مكانة اجتماعية او دخل عالي، ادخل الطب فقط اذا كنت عاطفي اتجاهه وتنوي احتساب الاجر في كل مريض تعافية بعد الله من الباس. فستصل الى مرحلة لن يكون بمقدورك الاستمرار الا اذا تذكرت الاجر فلا منصب اجتماعي تدوم لذّته ولا مال تملك وقت للاستمتاع فيه



الاطباء يعملون بمبدأ الفرق وكل فريق على رأسه استشاري إذا كنت طبيب مقيم أو على رأس برنامج وما تقرر على الحالات إلا الحرجه الا بعد مشورة الاخصائي المناوب أو الاستشاري الطب ماهو لعبه يعني مافي طبيب يشتغل لحاله ولا في نظام للشغل ماحد يقدح من راسه


بالعكس اقاربي الاطباء ينصحون بالطب تعبه فترة الدراسة 6 سنوات ثم السنة الاخيرة تطبيق و تستلم مكافئة لا تقل عن 9 الاف ريال الناس اللي تقول الطب 7 سنين غلطانه لا هو فقط 6




٥- شخصيا، الطب عزني وكون لي مكانة مميزة بين افراد العائلة والمدخول المادي ممتاز والحمدلله لم اندم على اتخاذ هذا القرار والاتحاق بالسلك الطبي ولكنه ليس مجال سهل من جميع النواحي وكل ريال اقبضة وكل اجر يكتب لي باذن الله فإنه يإتي بعد يوم شديد من الارهاق الجسدي والفكري خارج وداخل اسوار المستشفى.





هذا الكلام مافي وظيفة مدخولها ممتاز الا في الطب و فيه بعد القطاع العسكري الضباط



راح افرد موضوع عن الطب لاحقاً لان الطلاب حاليا راح يتخرجون من الثانوي محتارين بالتخصصات



واعلم ان ردي السابق كان اكثر بهجة عن تخصصي، ولكن كان لابد من توضيح النقاط اللي ذكرها الاخ لكي لا يعتقد البعض ان المجال مفروش بالورود.





ردودي بالاحمر
2019-03-27 , 06:29 مساءً
2019-04-06 , 06:23 مساءً
jmsat’s Avatar
jmsat

مشارك

المشاركات:211
التسجيل:Jun 2015
jmsat
اذا كان معك 30 الف ريال تعال خاص وابشر باللي يدبل لك المبلغ خلال يوم و ممكن خلال اسبوع تحصل 100 الف وراس مالك 30 الف
2019-04-06 , 06:23 مساءً
2019-04-06 , 06:52 مساءً
Grim Re’s Avatar
Grim Re

متميز

المشاركات:6395
التسجيل:Apr 2014
Grim Re
فرقت مب قادر تدرس ٤ سنين ثم تسوي تجارة ؟

التجارة موضة طايحين فيها الشباب حالها حال القهوة


كمل دراستك واستقر

والي يقول نص الشعب جامعين

ترا فيه دراسات عليا وبحث علمي وتخصصات لو تروح مواقع مختصة

بتشوف بحوث علمية كثييرة وهاذي البحوث مايعرفها الى اصحاب المجال

والجامعات تدفع فلوس عليها وتدعهم
2019-04-06 , 06:52 مساءً
2019-04-07 , 11:34 مساءً
abdullah728’s Avatar
abdullah728

**

المشاركات:713
التسجيل:Jul 2015
abdullah728
يرجال تبي نصيحة منطقية وواقعية ؟؟؟

لا جامعة ولا تجارة .. كلها ميؤوس منها ومخاطرها عاليه جدا
الاولى ضياع سنوات بدون مقابل حرفيا يسوى والثانية ضياع فلوس بدون اشياء كثيرة لايسعني ذكرها

النصيحة الثمينة كالتالي : دور لك وظيفة بعد الثانوي براتب 4500+ وطوّر من نفسك ، او ادخل برامج التدريب المنتهية بالتوظيف .. وبالنهاية انت الكسبان
2019-04-07 , 11:34 مساءً
2019-04-17 , 05:53 صباحاً
WTLR’s Avatar
WTLR

مشارك

المشاركات:428
التسجيل:May 2015
WTLR
أكثر شي غبني في حياتي اني ماكملت دراستي..
والسبب ماهو تطنيش أو مثل ماتقول ماني راعي دراسة
السبب هو الظروف المادية .. ولا كنت ابي اكلف اهلي اكثر من طاقتهم من ناحيه مصروف أو سياره أو أي شي من هذي الناحية.

تعسكرت بعد الثانوية مباشره والكل يشوفني يحسبني اكبر من عمري ب 5 سنين :25: والحمدلله قدرت اني اخذ سيارة واساعد اهلي وادرس واعيش حياتي
و مباشره سجلت في جامعة الإمام تعليم عن بعد للأسف ماحصلت التخصص اللي كنت احبه وهاويه ( جغرافيا - تاريخ ) فسجلت بتخصص اسمه أنظمه ( قانون ) وحسيت انه جداً جميل وان هذا مكاني الصحيح..
درست المستوى الاول والثاني ونصف الثالث ثم توقفت بسبب ( الحرب بالجنوب ) والان رجعنا للرياض بعد سنتين ونصف انقطاع
والان ادرس النصف الثاني من المستوى الثالث
وجالس اكلمك الان بعد ثلاث ساعات من المحاضره المرئية :63:


فالاخير اذا انت مقتدر وقادر انك فكمل ولا تترك الدراسة. طلب العلم مااقترن بوظيفه... الوظيفة شي ( والعلم شي ثاني ) والله بتتغير عليك أمور كثير نفسياً وفكرياً بتنضج.

ادرس ( تسويق - محاسبة - إدارة أعمال - اقتصاد - إدارة مالية - حاسب آلي ) كل هذي التخصصات مقترنه بالتجارة
وانت هاوي للتجارة ليش ماتطور من نفسك عشان تسهل التجارة عليك؟ بغض النظر عن أن لها مستقبل وظيفي أو لا.

واعتذر على الإطالة :5:
2019-04-17 , 05:53 صباحاً
2019-04-20 , 05:35 مساءً
A7mad-78’s Avatar
A7mad-78

فعال

المشاركات:1398
التسجيل:Jul 2010
A7mad-78
الجامعة مهمة ،

عادي تبي تخش تجارة وتحب التجارة ، أدرس واشتغل في مشروعك في نفس الوقت وش المشكلة ،

اليوم بتشتغل في مشروعك الفلاني بكرة بعد بكرة مشروعك ماعاد صار له قيمة وصار صرفياته أكثر من مدخولاته هنا راح تقفل مشروعك وإذا ماعندك خطة احتياطية راح تدور لك ع وظيفة وبتتعب لين تلقى لأن مامعك شهادة



وجامعات السعودية كلها مليانة اللحين ، بيتخرجوا وبيتوظفوا وانت بدون شهادة ،


خش الجامعة في المجال اللي انت تحبه ، تحب تجارة خش تجارة
تتعلم وتطبق بنفس الوقت ، ماراح تتعب في المذاكرة لأنك مطبّق هالشيء عملياً وبتثبت المعلومة معك




الجامعة مهمة جداً أخوي احنا محنا ضدك لكن والله التجارة ماهي سهلة
لي تجربة فيها والله ممكن قعدت سنة واكثر وأنا مديون ! وللحين مديون ، الحمدلله على كل حال
2019-04-20 , 05:35 مساءً