لأهل الخبرة: زيادة الأحصنة والعزم للباجيرو

MMMMMMMMM30 · 06-12-2018, 09:41 AM

السلام عليكم ورحمة الله
حاولت أبحث في هذا الموضوع وأصحاب الورش متناقضين واحد يقول ركب تيربو .. والثاني يقول لا ركب فلتر رياضي وهدرز.. معي باجيرو 2014 فل كامل وأبغى أزيد قوتها وعزمها مدري وش أفضل شيء أسويه برأيكم وخبرتكم ويكون خراباته قليله..شكرا لكم

sending love · 06-12-2018, 10:03 AM

ايش تستفيد ؟!؟

أبو كوثر · 06-12-2018, 10:09 AM

ما انصحك التعديل في المكينه ابدا

الاسباب

1- زياده صرف بتزين

2- اجزاء المكينه من كام وشنبر وتروس مصممين من المصنع على عزم م معين اذا زاد العزم عن الطبيعي تخترب

3- زيادة تكاليف على القاضي

6s Bs · 06-12-2018, 10:16 AM

كل الطريقتين صحيحه
بس التيربو يعطيك احصنه اكثر

MMMMMMMMM30 · 06-12-2018, 10:41 AM

sending love

ايش تستفيد ؟!؟

أنا أستعملها بالبر بس أحس العزم شوي طايح .. المكينة كبيرة 3800 بس أحسها تحتاج

MMMMMMMMM30 · 06-12-2018, 10:42 AM

أبو كوثر

ما انصحك التعديل في المكينه ابدا

الاسباب

1- زياده صرف بتزين

2- اجزاء المكينه من كام وشنبر وتروس مصممين من المصنع على عزم م معين اذا زاد العزم عن الطبيعي تخترب

3- زيادة تكاليف على القاضي

أنا أبغى شيء أسويه بدون تعديل بالمكينة وإنما إضافات وتعديلات بسيطة تفرق معي

MMMMMMMMM30 · 06-12-2018, 10:44 AM

6s Bs

كل الطريقتين صحيحه
بس التيربو يعطيك احصنه اكثر

هل تعرف أحد ركبه وماواجه مشاكل .. بمعنى آخر هل ممكن أعاني من التيربو أو ممكن بدائل أقل خرابات ..

TechnoFan · 06-12-2018, 01:22 PM

التيربو مكلف لانه يبغى كمبيوتر وبخاخات واقزوز ومبرد والتيربو نفسه
لكن يعطي نتيجة فعالة طبعا اذا ماعدلت البساتم والسبايك وعمود الكرنك بتخبط المكينة بشكل اسرع من المعتاد هذا غير القير
هدرز وفلتر مع انتيك مع دبة رياضية مع برمجة او كمبيوتر رياضي تعطيك فرق حلو والكمبيوتر او البرمجة مهمة علشان ماتحرق زيت وتخبط بسبب انخفاض الباك برشر

pro4x · 06-12-2018, 01:52 PM

إلغي مروحة الكلتش وركب مراوح كهرب spal
تكسب عزم + تقليل إستهلاك الوقود

قدر مكتوب · 06-12-2018, 03:45 PM

pro4x

إلغي مروحة الكلتش وركب مراوح كهرب spal
تكسب عزم + تقليل إستهلاك الوقود

هو بلا شي يحتمي تبيه يحط مرواح كهرباء

الفتك والباجيرو ماينفع معاهم مرواح الكهرباء خصوصا بالصيف حرارة ومشاكل وقد ينشعر راس المكينه

الباجيرو يصرف بنزين بدون تعديل فكيف بتعديل !!!

تبي تعدل خذ باترول تقدر تعدل فيه على مزاجك يقبل مكاين ويقبل تعديل بتيربو واهل الامارات اكبر دليل على التعديل على الباترول

MMMMMMMMM30 · 06-12-2018, 08:38 PM

TechnoFan

التيربو مكلف لانه يبغى كمبيوتر وبخاخات واقزوز ومبرد والتيربو نفسه
لكن يعطي نتيجة فعالة طبعا اذا ماعدلت البساتم والسبايك وعمود الكرنك بتخبط المكينة بشكل اسرع من المعتاد هذا غير القير
هدرز وفلتر مع انتيك مع دبة رياضية مع برمجة او كمبيوتر رياضي تعطيك فرق حلو والكمبيوتر او البرمجة مهمة علشان ماتحرق زيت وتخبط بسبب انخفاض الباك برشر

ردك وافي شكرا لك

MMMMMMMMM30 · 06-12-2018, 08:40 PM

pro4x

إلغي مروحة الكلتش وركب مراوح كهرب spal
تكسب عزم + تقليل إستهلاك الوقود

فيه شخص بالمجال نصحني بهالشيء .. لكني اكتشفت انها غير كافية لأن الباجيرو يحتاج تركيب مروحة إضافية بسبب الحرارة بالصيف ..

FireBox · 06-12-2018, 11:50 PM

يا عزيزي ..

نصيحة اذا تبي تعدل عدل على V8 سيدان او سبورت ..

تعدل على SUV و V6 خساير فلوس عالفاضي !!

يعني كم حصان بتوصل او حتي كم ثانية بتفرق معاك ...!؟

تسارع الباجيرو من 0 الي 100 في 8 ثواني و افضل الاحوال بيوصل الي 7 ثواني !!

و لو عدلت و حطيت تيربو و برمجة و مبردات ووو الخ بتخسر اكثر من 40 الف و ما راح يفرق معاك الا

ثانية او ثانيتين بالكثر لن السيارة كبيرة و ثقيلة و غير انسيابية و هذا غير القير و لا الدفرس و لا

المساعدات راح تخدمك !!

^^ و هذي قمة الخساير و المرمطة ...

عندك خيارين ...

اما انك تاخذ لك سيدان او سبورت قديم شوي ( موستنق 2006 ) و تعدل علية بالراحة و تسوية مشروع محترم ...

او انك زي ما قالوا الاخوان ركب هوائيات مثل الهدرز و دبات الرياضية و اكزوز و فلتر رياضي مع برمجة بزيد تقريبا

20 الي 30 حصان و راح يفرق معاك بشكل ملحوظ ...

و بالتوفيق ...

أدوات الموضوع
مشاهدة صفحة طباعة الموضوع أرسل هذا الموضوع إلى صديق