وزارة الدفاع - القوات البرية الملكية السعودية - وظيفة مشغل طائرة بدون طيار

[iCastro]

السلام عليكم ورحمة الله وبركاته

احد يعرف شيء عن وظيفة مشغل طائرة بدون طيار في القوات البرية الملكية السعودية (الجيش)؟

جاني قبول مبدئي على رتبة رقيب، وانا جامعي معدل عالي ومتردد.

الي ابغى اعرفه وش شغلهم ووين مكان شغلهم؟

 

 

[AhMeD1919]

روح روح روح روح روح روح ولا تشاور لاتنتظر ابدا احد يقولك شي عسكريه وامان وظيفي وكلها 6-8 سنوات وتدخل ريس ولا ملازم اذا ترقياتك كويسة وتتقاعد على رائد وغالبا مجالك راح يكون بالمطارات قواعد الطيران والاماكن هذي.

 

 

[yoda]

الاسم الوظيفي واضح منه ايش بتسوي, تسوق drones زي الالعاب. ومن الي شفناه في يوكرانيا المجال هذا جدا مهم في الحروب الحديثه. اتوقع راتبها عالي.

 

 

[meshary996]

نصيحتي لك وافق على الوظيفة و توكل على الله

 

 

[جــ الوقت ــروح]

iCastro

السلام عليكم ورحمة الله وبركاته

احد يعرف شيء عن وظيفة مشغل طائرة بدون طيار في القوات البرية الملكية السعودية (الجيش)؟

جاني قبول مبدئي على رتبة رقيب، وانا جامعي معدل عالي ومتردد.

الي ابغى اعرفه وش شغلهم ووين مكان شغلهم؟

معلومات عامه فقط

بالنسبة للجيش فراح يتحدد موقعك او وحدتك بعد نهاية الدورة الا اذا كان رقم مشغل طائرة بدون طيار على وحدات متخصصة فقط ,,

مثلا الوحدة موجودة في الرياض فقط بكذا راح يكون موقعك بالرياض ,, ولكن بالغالب راح يكون تخصصك ضمن الوحدات الاخرى ,

بالنسبة لشغلهم بيكون ميداني وحسب حاجة الوحدة للإستطلاع ,, يصير تطلع مهمات خارج وحدتك للإستطلاع ,,

اللي شفته من طائرات الدرون اضن مثل الفانتوم واشكالها ,, يعني ابو مسافات قريبة الا اذا تغير الوضع الان !

 

 

[karoome12]

روح الله يوفقك ، رتبة رقيب ماشاء الله ممتازة في ظل الظروف الحالية ، اغلب الدورات العسكرية صارت جنود و بالجامعة ، في اسوء الاحتمالات 10 سنوات كحد اقصى وانت ريس رقباء ، بس اذا صار عمرك 40 و طالع انسى انك تترقى ضابط ملازم ، بحكم لكل رتبة عمر معين لتقاعد

 

 

[slagoro]

iCastro

السلام عليكم ورحمة الله وبركاته

احد يعرف شيء عن وظيفة مشغل طائرة بدون طيار في القوات البرية الملكية السعودية (الجيش)؟

جاني قبول مبدئي على رتبة رقيب، وانا جامعي معدل عالي ومتردد.

الي ابغى اعرفه وش شغلهم ووين مكان شغلهم؟

ممكن تفاصيل عن الوظيفة . اين يكون التقديم على الوظيفة و المعلومات الاخرى ؟


مع جزيل الشكر

 

 

[iCastro]

جــ الوقت ــروح

معلومات عامه فقط

بالنسبة للجيش فراح يتحدد موقعك او وحدتك بعد نهاية الدورة الا اذا كان رقم مشغل طائرة بدون طيار على وحدات متخصصة فقط ,,

مثلا الوحدة موجودة في الرياض فقط بكذا راح يكون موقعك بالرياض ,, ولكن بالغالب راح يكون تخصصك ضمن الوحدات الاخرى ,

بالنسبة لشغلهم بيكون ميداني وحسب حاجة الوحدة للإستطلاع ,, يصير تطلع مهمات خارج وحدتك للإستطلاع ,,

اللي شفته من طائرات الدرون اضن مثل الفانتوم واشكالها ,, يعني ابو مسافات قريبة الا اذا تغير الوضع الان !

يعطيك العافية على المعلومات، المشكلة مافي معلومات ثابته عن هذا التخصص. في الي يقول ميداني ترمي طائرات صغيرة مثل ماقلت انت، وفيه الي يقول في غرفة تحكم. حوسه الصراحة لكن الله يسهلها ويكتب لي الخير.

karoome12

روح الله يوفقك ، رتبة رقيب ماشاء الله ممتازة في ظل الظروف الحالية ، اغلب الدورات العسكرية صارت جنود و بالجامعة ، في اسوء الاحتمالات 10 سنوات كحد اقصى وانت ريس رقباء ، بس اذا صار عمرك 40 و طالع انسى انك تترقى ضابط ملازم ، بحكم لكل رتبة عمر معين لتقاعد

ايه بالله الظروف الحالية مرا سيئ والواحد يبي يمشي عمره، لكن مثل ماتعرف الواحد يتخرج من الجامعة بتعب وبمعدل عالي واخرتها في الجيش :*) الله كريم

slagoro

ممكن تفاصيل عن الوظيفة . اين يكون التقديم على الوظيفة و المعلومات الاخرى ؟


مع جزيل الشكر

التقديم كان في رمضان في موقع التجنيد الموحد حق وزارة الدفاع. قطاعات كثيره زي الجوية والبرية والبحرية. انا تخصصي لغة إنجليزية وماطلع لي إلا وظيفتين كلها في القوات البرية الملكية السعودية الي هي وظيفة مشغل طائرة بدون طيار ووحده وظيفة اسمها (إنجليزي) مركز سلاح المهندسين.

 

 

[جــ الوقت ــروح]

iCastro

ايه بالله الظروف الحالية مرا سيئ والواحد يبي يمشي عمره، لكن مثل ماتعرف الواحد يتخرج من الجامعة بتعب وبمعدل عالي واخرتها في الجيش :*) الله كريم

اولا ,, الله يكتب لك مافيه الخير والصلاح ويوفقك اينما ذهبت .

ثانيا ,, تعقيبي على اللي باللون الاحمر ,, التغيير اللي صاير الان بالدولة وأنضمتها أعطت الشي الكثير للقوات المسلحة عموما وللقوات البرية خاصةً ,,

تغيير جذري واصلاحات كثيرة قد لانرى نتائجها مباشرة ولكن باذن الله خلال السنوات القادمة ,

الدورات الخارجية للقوات البرية اصبحت مكثفة بشكل كبير , بالماضي كانت اغلب الدورات مقتصرة على الجوية والدفاع والبحرية والقليل للقوات البرية ,

اشراك الافراد الان في العمليات القيادية واعطائهم صلاحيات ومهام اكثر من قبل ,,

زمان كان الوضع مجرد داوم واقضب الباب ,, الان اصبحت لك مسؤلية والعين عليك للتحسين ورفع مستوى الافراد ,

باذن الله التغيرات راح تكون كبيرة وفي صالح الافراد قبل كل شي .

أتمنى لك التوفيق .

 

 

[ربيع غازي]

انصحك بقبولها

لا توجد وظائف فالوقت الحالي حتى وان كان معدلك عالي

انا ما اقول اقبل بأي شي لانه العسكرية يعتبر افضل شي بحكم انه بتستلم راتب الرقيب و راتب اساسي نفس مسماك الوظيفي