وش الحل الغو رحلتي وابي استرجع فلوسي ؟!!

[ibramylife]

السلام عليكم

صباح الخير شباب

شباب الله يسعدكم ابي فرعتكم وتعطوني الحل عشان استرجع فلوس التذكره

المهم انا قبل 4 اسابيع حجزت تذكرتي من موقع المسافر على خطوط الخليج ذهاب وعوده ب2000 ريال تقريبا" ورحلتي الذهاب كانت يوم 1 نوفمبر وكلمتهم اليوم عشان استفسر عن وزن الحقائب صدموني قالولي رحلتك انلغت للاسف ومعليش ومن هالكلام اللي ما يفيد وبس قلت لهم طيب رجعولي المبلغ حق التذكره الموظف قلي بقدم لك على طلب ارجاع بس المبلغ بيوصلك بعد 18 شهر !!!!!!! معقوله هالمده !!!!! بصراحه شي يقهر وتعامل سيء جدا" مش معقوله هالمده واللي يشوفهم يقول انا حاجز ب100 الف عشان ياخذو كل هالشهور عشان الارجاع !!!


على العموم تكفون اللي يعرف لحل اقدر استرجع فيها مبلغ تذكرتي بأسرع وقت ممكن يعلمني لانه واحد من اخواني قلي اشتكيهم على هيئة الطيران السعودي

المهم تكفون ساعدوني لاني متضايق مره من هالموضوع وسفرتي مهمه كانت لاني كنت رايح لولدي وزوجتي

 

 

[Sohaib]

طالما الرحلة الغيت يفترض ان المبلغ راح يرجع لك ..
لانك لست انت من الغى الرحلة .

ارفع شكوى على وزارة التجاره , و ارسل ايميل على المسافر يفيد بالشكوى .
المبلغ ممكن ياخذ وقت الى ما يرجع لك لكن مو 18 شهر
اعتقد ان 18 شهر يكون لك رصيد , لكن في الاخير انت لم تلغي الرحلة .


الاسترجاع ياخذ يالكثير 3 شهور خلال فترة كورونا

 

 

[ibramylife]

Sohaib

طالما الرحلة الغيت يفترض ان المبلغ راح يرجع لك ..
لانك لست انت من الغى الرحلة .

ارفع شكوى على وزارة التجاره , و ارسل ايميل على المسافر يفيد بالشكوى .
المبلغ ممكن ياخذ وقت الى ما يرجع لك لكن مو 18 شهر
اعتقد ان 18 شهر يكون لك رصيد , لكن في الاخير انت لم تلغي الرحلة .


الاسترجاع ياخذ يالكثير 3 شهور خلال فترة كورونا

ايوه بضبط مثل ما قلت الالغاء صار من عندهم فا المفروض هم اللي يرجعولي المبلغ بدون اي مماطله وقلة حياء !!!

طيب اخوي اذا رفعت شكوى لوزارة التجاره ان شاء الله هالشكوى بتجيب نتيجه سريعه ولا برضو حقين التجاره بيتأخرو عليا .. طيب ينفع اقدم شكوى لهيئة الطيران السعودي عشان يرجعولي المبلغ في اسرع وقت ممكن

وبعدين على فكره شركة الطيران خليجيه اعتقد انها حقت البحرين اسمها طيران الخليج

 

 

[Sohaib]

المسافر عباره عن وسيط
هو ماراح يختفظ بالمبلغ معاه , المبلغ مباشره يكون لدى شركة الطيران , شركة الطيران هي المسؤولة عن الاسترجاع , يعني يرجعون المبلغ للمسافر و المسافر يرجعها لك .

التأخير مو من المسافر بقدر ما يكون من شركة الطيران نفسها .
لكن المسافر يكون له دور في المتابعه و طلب الالفاء بشكل اسرع .

اتصل على طيران الخليج و استفسر منهم , لكن مطالبتك راح تكون عن طريق المسافر

 

 

[zero0]

هذي حركة طايحين فيها شركات الطيران الفترة الاخيرة يلغون الرحلة ويقولون مافي استرجاع بس تحسب لك كرصيد وذا كله عشان يوفرون سيوله للرواتب وتشغيل وصيانه المططار نتيجة لخسايرهم مع ازمة كورونا

 

 

[dj_fatman_uae]

الحل بسيط وصارت معي بداية كورونا كلم البنك إذا انت دافع المبلغ بالبطاقة الإئتمانية و قلهم ابي الغي عملية الشراء و تعطيهم الاسباب و بعدها امش بالإجراءات ولكن عندك إلى 40 يوم من العملية عشان تطلب الإلغاء انا سويتها مع بنك ساب و رجعولي المبلغ خلال 3 ايام و بالنسبة للمسافر اذا تعاملهم كمكتب سفريات فإرفع شكوى لوزارة السياحة لأنه من تخصصهم
بالتوفيق

 

 

[ibramylife]

^^

الله يسعدكم ويوفقكم يارب على الافاده والردود

على العموم ابشركم كلمت المسافر نفس اللي حجزت عن طريقهم فأصريت عليهم انه لازم يشوفولي بديل او يرجعون لي المبلغ وسالفة استرداد المبلغ خلال 18 هذي ما وافقت عليها ابدا" المهم قالولي خلاص بنرفع لك طلب لشركة الطيران اللي حجزت عليها وان شاء الله نرد عليك خلال 24 ساعه والحمدلله بعد رفع الطلب ب15 دقيقه الا واشوف المبلغ محول عندي على البطاقه وخاصمين منه 40 ريال حقت ضرايب والحمدلله الحمدلله الحمدلله انه فلوسي رجعت بسرعه ...

بس تصدقون اللي مستغرب منه ليش في البدايه خوفوني وماطلوني لذي الدرجه ؟!!! معقوله خافو اني برفع عليهم شكوى لهيئة الطيران والسياحه !!!

بس والله توبه ثاني احجز على شركةطيران الخليج اتذكر كانت لي سفره معاهم قبل كم سنه وكانت طياراتهم عاديه مثل ناس والحمدلله بعد استرداد مبلغ التذكره رجعت حجزت على خطوط طيران الاتحاد اللي الكل يمدحها

 

 

[ibramylife]

dj_fatman_uae

الحل بسيط وصارت معي بداية كورونا كلم البنك إذا انت دافع المبلغ بالبطاقة الإئتمانية و قلهم ابي الغي عملية الشراء و تعطيهم الاسباب و بعدها امش بالإجراءات ولكن عندك إلى 40 يوم من العملية عشان تطلب الإلغاء انا سويتها مع بنك ساب و رجعولي المبلغ خلال 3 ايام و بالنسبة للمسافر اذا تعاملهم كمكتب سفريات فإرفع شكوى لوزارة السياحة لأنه من تخصصهم
بالتوفيق

يعطيك الف الف عافيه ويسعدك يارب على الافاده اخوي
والحمدلله ما احتجت ارفع شكاوي المبلغ في نفس اليوم رجعوه ليا يمكن خافو اني ارفع شكاوي عليهم

 

 

[ابوخالد_331]

الحمد لله رجعت الفلوس .. ونصيحة دايم الحجز يكون من شركة الطيران مباشرة افضل من الوسيط كالمسافر وغيره من التطبيقات والمواقع .. اي حجز كان سواء سياره - تذاكر سفر ... الخ

لان باسترداد الفلوس يكون فيه تأخير غالباً . وكلن يرمي عالثاني .

 

 

[Almatrodi]

الأفضل الحجز مباشرة من المالك مباشرة

وهذا يشمل الجميع حتى الفنادق

بعدما تقرر الفندق. ادخل على موقع الفندق وقارن السعر والعروض التي تكون موجودة

 

 

[yasir abdlrahman]

اذا حجزت عن طريق الفيزا ..اتصل فالبنك وارفع شكوى نصب على المسافر واطلب استرداد الملبغ