PS5 بعد الطلب المسبق ما أفضل متجر تعاملت معه؟

[The_Eagle]

السلام عليكم

في هذا الموضوع نبغى نتعرف فيه على أفضل متجر إلكتروني تعاملت معه
((خاصة في ذلك الوقت الاستثنائي وتحت الضغط يبان الأفضل))
في شراء أجهزة الجيل الجديد واكسسوراته من حيث
سرعة التوصيل ،التغليف ، الدعم الفني في حال الحاجة إليه

انا تعاملت مع عدة متاجر وكانت تجربتي كالتالي
اكسترا ... الأفضل من حيث السرعة و التغليف الجهاز الوحيد اللي جاء بغلاف بابلز اكثر من طبقة
متجر Mystore التابع ل STC ... التوصيل تأخر الى ثاني يوم مندوب STC يبغى ينام! وفي النهاية ارسل الجهاز مع مندوب توصيل عن طريق برامح التوصيل!!!!!، التغليف ...بدون أي تغليف حرفياً
متجر الإلكترونية الحديثة وكيل سوني ... التوصيل بالموعد ، التغليف كيس بشعارهم
متجر لاعب التابع للوكيل ... التوصيل في الموعد لكن على دفعات ، التغليف كيس بلاستيكي بشعارهم
الدعم الفني لاني طلبت من عندهم اكسسورات .. حسناً اسوء دعم

الملخص والتقييم
اكسترا 10/10
ماي ستور 6/10
الوكيل 7/10
لاعب 3/10


ملاحظة //
ليس بالتقييم اي دعاية لأي متجر فتجربتي الأفضل قد تكون الاسوء لك والعكس صحيح

 

 

[DME714]

أهنيك على الموضوع وبيكون ممتع ومرجع للبعض في المستقبل وفي ما يتعلق بتجارب الطلب المسبق لكن في نفس الوقت بيقلب مواجع للبعض والمعاناة اللي مروا فيها

بالنسبة لي فتم الطلب من لاعب وامازون السعودي (كان فيه مجال أطلب من إكسترا لكن سمعتهم سيئة وفوقها لي تجربه معهم في الطلب المسبق وتم استرجاع المبلغ ... كريه هالموقع)

والحمدلله لاعب كان على الموعد ووصل لي الجهاز في نفس اليوم ... وطبعاً هنا أنا أتكلم عن تجربتي الخاصة مع موقع لاعب وما أتكلم عنه بشكل عام لأني جالس أشوف البهذله اللي مرت على البعض وما عجبني الوضع لكن في النهاية ما أقدر أنكر سرعة التوصيل في تجربتي

وبالنسبة لأمازون فاللأسف تأخر

 

 

[mos3b soul]

بالنسبة لي فقط طلبت من موقع لاعب
جهاز بلايستيشن 5
ولعبة سبايدر مان مجاني من عرض الرصيد 250 ريال

الجهاز وصل بموعد الإصدار 19/11 ولله الحمد
اللعبة نفس الشي وصلت بنفس اليوم لكن تاخر استلامه بشحنه لأقرب فرع لي بعد 5 ايام

الدعم الفني مربوش قليلاً
ممكن نعذرهم لانهم توه فاتحين هالوكيل La3eb (يعني جديد)

تقييمي للتجربة 9/10

SPOILER:

اكيد فيه أحد عنده فضول ليه منقص 1 بالتقييم
لأن صارت لي سالفه ثانية معهم وزعلوني

 

 

[اهلاوي55]

وعليكم سلام
ماعمري جربت منصات ثانيه لكن منصة جرير من زمان فيهم سرعه و تغليف طيب
سوني 5 و الاكس بوكس اخذتهم بموعد الاطلاق

 

 

[مخاوي العجرة]

انا طلبته مسبق من الفرع واستلمته بيوم الأطلاق الساعه 10 صباحا ومااخذت العمليه اكثر من 5 دقائق وعطوني الضمان ورقة ومختومه


برأيي الوكيل (الالكترونية الحديثه) هو افضل مكان تستلم فيه الجهاز من الفرع
لأنه هذا تخصصهم وكل الزباين جايين علشانه عكس جرير واكسترا تلاقي زحمه من فئات اخرى من الزباين وتلاقي البائع احيانا مايعرف خواص السلعه وبعض تفاصيلها لانه مره ثانيه مو تخصصهم بلايستيشن

 

 

[tony power]

اعتقد افضل متجر اكسترا هذه المرة وصل الجهاز قبل بيوم يوم ١٨ نوفمبر الليل ابتدىء يوزع انا وصلني الفجر 1 صباح يوم 19 نوفمبر يوم الاطلاق الجهاز واكسسواراته وانا طالب الاكسسوارات لاحقا وصلو مع بعض

 

 

[GaNdOuR-99]

لاعب 10/10 والسبب وصلني الجهاز بالوقت المحدد و زيادة عليها 250 ريال مجانا ..~

 

 

[AS-SA]

الوكيل استلام من الفرع

 

 

[ياعيال الناس]

لاعب 10\10 وصلني عالموعد يوم الاطلاق وكل الاغراض كامله استلمتها مرة وحدة
بالاضافة لهدية 250 ريال رصيد اشتريت به لعبة + خصم 70 ريال من نقاط ميزة ..

 

 

[akainu]

الالكترونية

اسوء موقع واسوء دعم فني على الإطلاق ندمت اني تركت جرير وطلبته منهم

 

 

[عمر الجهني 18]

جرير استلام من الفرع 10/10

 

 

[moonlit2031]

اسوآ متجر شفته في حياتي لاعب طالب الجهاز من سبتمبر اول ما فتح الطلب المسبق وبعد الاطلاق بعشرة ايام تجيني رسالة تقول شحنة سيتم توصيلها اليوم ههههههههه طبعاً رفضت استلم الجهاز والغيت الطلب وراح يردون المبلغ بعد اسبوع الى ١٤ يوم نصيحة لا احد يتعامل معه ضيع لنا حلاوة استلام الجهاز في اول حسبي الله عليه

 

 

[The Dreamer III]

عن نفسي اكسترا أفضل متجر للتوصيل طلبت منهم سوني4 2013 ووصلني يوم الإطلاق و الآن طلبت منهم سوني 5 ووصلني بعد بيوم الإطلاق 19 نوفمبر الساعة 1 الليل.

 

 

[misoo]

لاعب وجرير كلهم وصلوا في يوم الاطلاق

 

 

[Xx The Mechanic xX]

Mestores (الالكترونيات الحديثة)
مصداقية في موعد التوصيل يوم الاطلاق
بس موقعهم يبغاله تحسين كبير ويكون اوضح
والتوصيل الافضل يكون عن طريق مناديب من عندهم مثل نون وامازون السعودي
افضل من شركات الطرف الثالث وخصوصا ارامكس سيئ جدا

 

 

[Grid]

طلبت ال٤ من اكسترا وللاسف حصلت مشاكل وقتها
اما ال٥ طلبته من جرير والحمدلله استلمته في وقتها ومافي اي زحمه ابد انا لحالي وفي ثواني استلمته

 

 

[Shoroq5]

طلبت الps5 من جرير وتم التوصيل ف يوم الاطلاق ١٩ نوفمبر الساعة ١٠ صباحا مع ان ماطلبته الا يوم ٣٠ اكتوبر الحمدلله وصل لي يوم الاطلاق وكذا مره طلبت منهم ولا يتاخر الطلب ، اثق فيهم ولا كان ماطلبت منهم ١٠/١٠

 

 

[ولد ارسنال]

تعاملي كان مع الوكيل، طلبت مسبق الاستلام من الفرع واستلمته يوم الاطلاق لكن امانة اشوف اكسترا تفوق على الكل في مسألة توصيل الاجهزة في موعدها من الساعة ١١ بتاريخ ١٨ بدا يوصل حقيقة كان الاسرع و الاميز فيهم.

 

 

[abodullah]

الصراحه لاعب وصلني في نفس يوم الاطلاق

 

 

[نسكافييه]

من تجربة ارتحت مع الوكيل عالم سوني بالدمام واتصلو علي قبل يوم التسليم بيوم عشان استلمه منهم الساعة ١٢ بالليل والحمدالله كنت من اول ٢٠ او ١٥ شخص استلمو الجهاز من عالم سوني بالدمام