يقولون مطفر ولايقولون راعي سوابق !! ..احذروا من هذه الطريقة في النصب
banner
2022-10-24 , 02:05 صباحاً
راع البل’s Avatar
راع البل

مشارك

المشاركات:393
التسجيل:Jun 2006
راع البل
الموضوع ومافيه للي مايبي يقرأ القصة ( ولدي باع جواله بحراج واستلم فلوسه كاش وانمسك بالبنك أثناء الإيداع )

جاني اتصال وأنا بالدوام من رقم غريب .. رديت عليه وعرفني بنفسه وأنه مدير فرع الإنماء بالحي الفلاني !! حياك الله سم طال عمرك .. قال تتكرم تجيني الفرع بشكل عاجل !!
وش العلم !! إلا الرجال أعطى الجوال لشخص ثاني ويقول له كلمه وخله يجي!!!
هلا !!!! من معي .. قال أنا ولدك .. تعال يابوي البنك بسرعة !!!

طلعت من الدوام وطول الطريق فكرت بجميع المواقف المحتملة !! حوالة مشبوهة أو اشترى من النت لحساب جهة أو منظمة محضورة !!! ماوصلت البنك إلا وقد وصلت بأفكاري للإرهاب وكل ماوقفت عند إشارة بحثت عن مضاعفات تناول العدس لمدة طويلة ..وأسرع الطرق القانونية عشان تتبرأ من أحد!!! :34::34::34:

مابي أطول عليكم ..ولدي استأذن مني يبيع جواله ويزود عليه ويشتري جهاز أفضل فقلت اللي تشوف .. فعرض جواله للبيع بحراج وتم الاتفاق على 2500 ريال ..وبالفعل قابل المشتري رجال كبير ومعه يابنته يازوجته بجنبه .. نزل وسلم على الولد وفحص الجهاز وسلمه المبلغ ومشى ...
يوم رجعت أنا للبيت قلت للولد أودعها بحسابك ترى إذا تركتها بجيبك بتلعب فيها .. فقال أبشر .. من اليوم الثاني راح البنك وحاول يودعها في الجهاز وكان عطلان .. فيقول شفت الفرع فاضي باخر الشهر قلت ادخل اودعها من عند الموظف مافيني حيل اقعد أدور بين الفروع ..
يقول الموظف أخذ الفلوس وطالع بوجهي وقال جربت تودعها بالجهاز اللي برى؟ قال له الولد حاولت بس عطلان .. قال طيب استرح السيستم فيه مشكلة خمس دقايق بس!

مايدري الا مدير الفرع يناديه ويطلب منه يلحقه للمكتب !! يقول قعد يسولف معي موظف ولا تدرس وأبوك وين يشتغل .. معك كمبيوتر!!! بالأخير قال ياولدي الفلوس هذي مزرورة ولازم نكلم الشرطة !!!!!!!!!!!!!!!!!!!!!!!!!!!!!!

أنا أحمد الله سبحانه على أنه طاح بيد مدير واعي وفاهم وقعد ياخذ ويعطي معاه بكل أريحية قبل لا يصدمه بالخبر !! لأن الولد يوم سمع بتزوير وشرطة خلاص ضاعت علومه حتى ماقدر يدافع عن نفسه ويسرد للموظف حقيقة الموقف!!
فتكرما من هالمدير اتصل علي .. ولا نظاما أنه يسلم الأمر للشرطة وهم يتصرفون .. لكن يقول لي هالمدير إني ماعلمت الولد بالمشكلة إلا بعد ماسولفت معه وتأكدت أنه على نياته ولا يدري وش العلم .. لذلك كلمتك تجي توقع بدال ولدك على أنك أنت اللي جابه للبنك .. وعاد أنت والشرطة تفاهموا!!

قلت تممممم أبصم لك بجبهتي ياشيخ لكن أعتق الولد وبيض الله وجهك ..


يوم رجع الدم بعروقي وهديت التفت وسألت الولد ماخذت رقم لوحة ولا شي ؟ قال لا يابوي الرجال قال مسافر وواعدني على الدايري .. وقال بيكون عندي العشاء ياخذه ويكمل طريقه للدمام ..لبق وراي وهو مشغل العالي وفيه حرمه معه قدام فما حبيت أقعد أطالع بالموتر معه عايلة !! والعالي مجهرني أصلا ماشوف شي!!

لاحظوا ( اللقاء بالليل + بعيد عن الأنوار وعن الناس عشان إذا انصاد يقدر ينحاش بدون مايشوفه أحد + يستغل أخلاق أغلب الشعب من يوم يشوفون حرمه أو عايلة بالسيارة يحترمون أنفسهم ويصرفون أنظارهم ..حتى الشرطة ورجال الأمن بفضل الله عندنا معروفين بهالعادة المشرفة )

طيب ياللي ماتخاف ربك!! سرقت المسيكين وأخذت جهازه خلاص .. لكن فوق هذا تبي تضيع مستقبله بقضية تزوير !!!! مجرم وسافل أسأل الله أن يجعلك عبرة وأنت حي

الخلاصة أبعدوا عن التعامل النقدي قدر الإمكان .. سألت مدير البنك : طيب واللي مثلا شغال محاسب أو محصل ديون ويجمع الفلوس بشكل يومي ويروح يودعها .. قال كل شخص دخل بعملة مزورة للبنك بياكلها في لحيته وبيكون هو المسؤول عنها لو تكون ريال واحد ضمن عشرة مليون بيودعها!!! الفلوس المزورة أصلا لازم ترفع للبنك المركزي عشان تتلف .. ولازم يكون مقابل هالمبلغ اسم حامله !!!

كنت مخطط أترك التعامل بالدفع عن طريق الجوال ..وأتعامل كاش قدر الإمكان لأني لاحظت التعامل النقدي أكثر توفير وتعرف كم صرفت وكم اللي معاك .. لكن الدفع الإلكتروني ماغير تدفع هنا وهناك ولاتدري عن الرصيد إلا يوم تطلع مرفوضة !!!
بس عقب هالسالفة حرمت .. خلني أصير مطفر ولا أصير راعي سوابق :29::29::29:
Enlarged Image
2022-10-24 , 02:05 صباحاً
2022-10-24 , 01:34 مساءً
aalrodan’s Avatar
aalrodan

متميز

المشاركات:6815
التسجيل:Feb 2004
aalrodan
الحمد لله الي ستر علو ولدك و اخرجه من مشكلة كان بيطول لين يطلع منها و حسبي الله على من خانه

مكشلة التعامل النقدي لا تنتهي .. لكن نحن نحسن النية و نقابل ناس ما تخاف ربها

وش ناوي عليه .. هل بتتقدم بشكوى للشرطة ..
اذا بيتابعوا الموضوع من السهل مراقبة الكاميرات الموجودة بالطرق لتتبع السيارة .. قد تكون من تدلهم على مصدر كبير للاموال المزورة
2022-10-24 , 01:34 مساءً
2022-10-24 , 02:01 مساءً
Nothing179’s Avatar
Nothing179

مشارك

المشاركات:282
التسجيل:Aug 2008
Nothing179
الحمد لله
والفلوس تتعوض يالله لك الحمد
2022-10-24 , 02:01 مساءً
2022-10-24 , 02:20 مساءً
KSA_COD’s Avatar
KSA_COD

نشيط

المشاركات:568
التسجيل:Jan 2011
KSA_COD
الله يعوضه دام الشخص تواصل معه الكتروني اكيد موجوده المحادثات واكيد له رقم بحراج تواصل مع الشرطة وان شاء الله يجيبونه
2022-10-24 , 02:20 مساءً
2022-10-24 , 07:30 مساءً
O.O.O.O’s Avatar
O.O.O.O

متميز

المشاركات:5761
التسجيل:Apr 2009
O.O.O.O
حصل لي موقف قريب من موقفك ولكن بدون تزوير ..
الاحتياطات قبل البيع في موقع حراج
1- لا تعرض رقمك للتواصل في موقع حراج التواصل معك على العام او الرسائل الخاص
2- لا توافق على طلب الشاري اذا حدد لك موقع للمقابله
3- شوف لك موقع يكون موجود كاميرات
4- االافضل يكون معك شخص اخر حتى يساعدك عند حدوث مشكلة والافضل اطلب منه يسجل رقم اللوحة ونوع السيارة
5- لا تحذف المحادثات من الواتساب
6- رفض الاستلام نقدا تحويل لحسابك
2022-10-24 , 07:30 مساءً
2022-10-24 , 07:35 مساءً
LOVEMAC’s Avatar
LOVEMAC

مبدع

المشاركات:5300
التسجيل:Dec 2012
LOVEMAC
المشكله ان قبلت بتحويل اون لاين ممكن تركب الصندوق ويكون عمليه بين طرفين وبالاخير تلحقك انت
وان قبلت بكاش تخاف تطلع مزوره وتاكل العدس مضبوط

الموضوع بصراحة صعب والبيع كاش دائما اذا انا البائع احدد المكان ما اخلي الزبون يحدد لي المكان اذا رضى هلا وسهلا مارضى عسى عمره ماشرا
2022-10-24 , 07:35 مساءً
2022-10-24 , 08:05 مساءً
هالبينو’s Avatar
هالبينو

متميز

المشاركات:7353
التسجيل:Nov 2009
هالبينو
ايش جنسية الشخص؟؟؟ وايش صار معاك ومع الشرطة؟ كيف اكيد الحرامي هذا اتواصل مع ولدك عن طريق الجوال او موقع حراج وكله مسجل
2022-10-24 , 08:05 مساءً
2022-10-24 , 08:39 مساءً
مقلع بدون هبوط’s Avatar
مقلع بدون هبوط

متميز

المشاركات:16224
التسجيل:Jul 2012
مقلع بدون هبوط
هالبينو كتب:
ايش جنسية الشخص؟؟؟ وايش صار معاك ومع الشرطة؟ كيف اكيد الحرامي هذا اتواصل مع ولدك عن طريق الجوال او موقع حراج وكله مسجل
الجنسيه من جهة الشمال . هذولا دايم يستغلون النساء في نصبهم وتسليك امورهم
انا دايم امر بازمات ماديه وا بيع الجوالات بشكل كبير
شفت هالنوعيات من زمان
ودايما انا احدد المكان اللي يجي فيه طبعا الغالب اكون في كوفي او مطعم . واذا وصل عالموقع وكلمني اقله ادخل انا جالس داخل المكان . فيه ناس يدزها ويعرف ان مافيه مجال يستغفلني . والصادق بيدخل ويجلس ويتم التفاهم

حراج مرتع للنصابين لكن يبقى كيف تتصرف وتحمي نفسك
عندي سلعه عارضها في متجر ابل . وفي حراج يوميا ناس ترسل شريت بحدك يالله تعالني المكان الفلاني واذا شفت الموقع الاقيه شارع عام عند ارض فاضيه ولا عالدايري في اماكن مافيها محلات .
اخرهم عصر اليوم مرسل لي شريت بحدك تعال . قلت تبي تشتري تعال في المكان اللي حددته لك . عل طول يعطيني حضر اتصال وواتس وكلش
2022-10-24 , 08:39 مساءً
2022-10-24 , 10:33 مساءً
جهاد بن عبدالله’s Avatar
جهاد بن عبدالله

متميز

المشاركات:5676
التسجيل:Jun 2013
جهاد بن عبدالله
O.O.O.O كتب:
حصل لي موقف قريب من موقفك ولكن بدون تزوير ..
الاحتياطات قبل البيع في موقع حراج
1- لا تعرض رقمك للتواصل في موقع حراج التواصل معك على العام او الرسائل الخاص
2- لا توافق على طلب الشاري اذا حدد لك موقع للمقابله
3- شوف لك موقع يكون موجود كاميرات
4- االافضل يكون معك شخص اخر حتى يساعدك عند حدوث مشكلة والافضل اطلب منه يسجل رقم اللوحة ونوع السيارة
5- لا تحذف المحادثات من الواتساب
6- رفض الاستلام نقدا تحويل لحسابك


بالنسبة لعدم وضع رقم الهاتف، هذه خسارة على البائع.

شخصياً أي إعلان بدون رقم هاتف أتركه إلا في حالة سلعتي ما لقيتها إلا عنده وهذه نادرة، لكن الغالب ألقى غيره وأتركه، وأتوقع مثلي كثيرين، بالتالي البائع ضر نفسه.

مقلع بدون هبوط كتب:
الجنسيه من جهة الشمال . هذولا دايم يستغلون النساء في نصبهم وتسليك امورهم
انا دايم امر بازمات ماديه وا بيع الجوالات بشكل كبير
شفت هالنوعيات من زمان
ودايما انا احدد المكان اللي يجي فيه طبعا الغالب اكون في كوفي او مطعم . واذا وصل عالموقع وكلمني اقله ادخل انا جالس داخل المكان . فيه ناس يدزها ويعرف ان مافيه مجال يستغفلني . والصادق بيدخل ويجلس ويتم التفاهم

حراج مرتع للنصابين لكن يبقى كيف تتصرف وتحمي نفسك
عندي سلعه عارضها في متجر ابل . وفي حراج يوميا ناس ترسل شريت بحدك يالله تعالني المكان الفلاني واذا شفت الموقع الاقيه شارع عام عند ارض فاضيه ولا عالدايري في اماكن مافيها محلات .
اخرهم عصر اليوم مرسل لي شريت بحدك تعال . قلت تبي تشتري تعال في المكان اللي حددته لك . عل طول يعطيني حضر اتصال وواتس وكلش


بالنسبة لنقطة تعال لي داخل، مب شرط إنه حرامي، لكن بيحس بالإهانة.

للعلم أنا أيضاً واحد من ذولي أروح أدفع دبل السعر لواحد ثاني ولا أتعرض للتسحيب المهين ذا.
2022-10-24 , 10:33 مساءً
2022-10-24 , 10:38 مساءً
مقلع بدون هبوط’s Avatar
مقلع بدون هبوط

متميز

المشاركات:16224
التسجيل:Jul 2012
مقلع بدون هبوط
جهاد بن عبدالله كتب:
بالنسبة لعدم وضع رقم الهاتف، هذه خسارة على البائع.



شخصياً أي إعلان بدون رقم هاتف أتركه إلا في حالة سلعتي ما لقيتها إلا عنده وهذه نادرة، لكن الغالب ألقى غيره وأتركه، وأتوقع مثلي كثيرين، بالتالي البائع ضر نفسه.







بالنسبة لنقطة تعال لي داخل، مب شرط إنه حرامي، لكن بيحس بالإهانة.



للعلم أنا أيضاً واحد من ذولي أروح أدفع دبل السعر لواحد ثاني ولا أتعرض للتسحيب المهين ذا.
كيف تسحيب مهين
مافيه اهانه
عازمك في كوفي اضمن لي وللشاري
لكن عالشارع بسرعه كذا . فيها مخاطر . مثل ما حصل مع صاحب الموضوع
اعطيتك اللوكيشن قبل ووقفت وقلت لك تفضل انا داخل جالس على كرسي مافيها اهانه

بالعكس الاهانه اللي يقلك شريت بحدك تعالني في المكان الفلاني ويعطيك موقع ارض فاضيه ولا شارع ماعنده محلات

واكيد تتذكر كم عضو هنا اشتكى من النصب عليه النصاب اللي يسوي نفسه شاري يواعده عند عماره تقتخ على شارعين . واشتهرت هالعمارة بمواعيد النصابين .
2022-10-24 , 10:38 مساءً
2022-10-24 , 10:45 مساءً
SnowPenguin’s Avatar
SnowPenguin

مبدع

المشاركات:4866
التسجيل:Dec 2016
SnowPenguin
مدري، أحس اللي يسوي فيها إنه ظروفه وإنه مسافر وغيره غالبا نصاب… في البيع و الشراء مو لازم الطرفين يعرفوا قصة حياة بعض، والنصابين عادة اللي يطلع منهم هذه التفاصيل
2022-10-24 , 10:45 مساءً
2022-10-24 , 10:53 مساءً
مقلع بدون هبوط’s Avatar
مقلع بدون هبوط

متميز

المشاركات:16224
التسجيل:Jul 2012
مقلع بدون هبوط
SnowPenguin كتب:
مدري، أحس اللي يسوي فيها إنه ظروفه وإنه مسافر وغيره غالبا نصاب… في البيع و الشراء مو لازم الطرفين يعرفوا قصة حياة بعض، والنصابين عادة اللي يطلع منهم هذه التفاصيل
في حراج عالخاص تجي معاريض قصص حياه . خصوصا اذا انت عارض جوال .
2022-10-24 , 10:53 مساءً
2022-10-24 , 11:12 مساءً
Onionite’s Avatar
Onionite

مبدع

المشاركات:3858
التسجيل:Jul 2007
Onionite
كنت ابيع بحراج و دائماً اصر كاش خوفاً من النصب اللي يصير بالحوالات اللحين حتى الكاش ما تسلم شكلي ما عادني بايع شئ ياالله الواحد يسلم!
2022-10-24 , 11:12 مساءً
2022-10-24 , 11:36 مساءً
mree’s Avatar
mree

مشارك

المشاركات:441
التسجيل:Nov 2009
mree
اعتقد الشرطة تقدر تتعقب سيريال الجهاز
2022-10-24 , 11:36 مساءً
2022-10-24 , 11:49 مساءً
مقلع بدون هبوط’s Avatar
مقلع بدون هبوط

متميز

المشاركات:16224
التسجيل:Jul 2012
مقلع بدون هبوط
Onionite كتب:
كنت ابيع بحراج و دائماً اصر كاش خوفاً من النصب اللي يصير بالحوالات اللحين حتى الكاش ما تسلم شكلي ما عادني بايع شئ ياالله الواحد يسلم!
الكاش تخاف من التزوير والحواله ايضا تخوف لكن لازم اللي حول لك يكون الشاري حتى مايكون هو معطي حسابك لشخص اخر هو نصب عليه وخلاخ يحول لك وهو ياخذ السلعه ويوقع بينكم .
2022-10-24 , 11:49 مساءً
2022-10-24 , 11:51 مساءً
مقلع بدون هبوط’s Avatar
مقلع بدون هبوط

متميز

المشاركات:16224
التسجيل:Jul 2012
مقلع بدون هبوط
mree كتب:
اعتقد الشرطة تقدر تتعقب سيريال الجهاز
غالبا يبيعونه بسرعه لو بخساره
علشان يعوضون المزرو بفلوس حقيقه
واكيد انهم شغالين بذا الاسلوب وعدة اساليب لين يخلصون الكميه المزورة عندهم.
2022-10-24 , 11:51 مساءً
2022-10-25 , 07:13 صباحاً
إحتمال’s Avatar
إحتمال

نشيط

المشاركات:1017
التسجيل:Jan 2016
إحتمال

الحمد لله اللي جات على كذا وسلم ولدك وان شاء الله درس وعبره


وازيدك من الشعر بيت
احيان تشتري جوال .. ويكون عليه قضية او مراقب وتتفاجأ ان البحث الجنائي جايبينك
مع راسك

واذا ماقدرت تثبت انك مشتريه باليوم والتاريخ .. تلبسها زي السلام عليكم
او العكس يشتريه منك ويسوي فيه جريه


لذلك اذا اشتريت جوال و او بعته من محل لازم لازم لازم تاخذ فاتوره بيع او شراء
واذا من غيره لازم تثبتها باي طريقة كانت
لاتطمع بتوفير كم ريال ولاسمح الله تروح فيها
2022-10-25 , 07:13 صباحاً
2022-10-25 , 08:11 صباحاً
fosl’s Avatar
fosl

متميز

المشاركات:5818
التسجيل:May 2009
fosl
Onionite كتب:
كنت ابيع بحراج و دائماً اصر كاش خوفاً من النصب اللي يصير بالحوالات اللحين حتى الكاش ما تسلم شكلي ما عادني بايع شئ ياالله الواحد يسلم!


عندي ايباد نظيف مره
اشتريته ايام الحظر و ما استخدمته يمكن ولا مجموع ثلاث ايام على بعض
ودي ابيعه قيمته جالسة تنزل كل يوم
بس اتذكر المواقف هذي و اقول يا ولد اشتر راحة نفسك ولا تسوى عليك

اخر مرة بعت عن طريق حراج كان ايفون7 قابلته حول اسواق المجد في الرياض

الحين على قولة الموضوع
يا حوالة تنشب بين اثنين
يا كاش تطلع مزورة وانت تاكلها على وجهك و اقنعهم بعدين انك منحاش من نصب الحوالات و طحت في المزور:27:
2022-10-25 , 08:11 صباحاً
2022-10-25 , 08:36 صباحاً
هالبينو’s Avatar
هالبينو

متميز

المشاركات:7353
التسجيل:Nov 2009
هالبينو
مقلع بدون هبوط كتب:
الجنسيه من جهة الشمال . هذولا دايم يستغلون النساء في نصبهم وتسليك امورهم
انا دايم امر بازمات ماديه وا بيع الجوالات بشكل كبير
شفت هالنوعيات من زمان
ودايما انا احدد المكان اللي يجي فيه طبعا الغالب اكون في كوفي او مطعم . واذا وصل عالموقع وكلمني اقله ادخل انا جالس داخل المكان . فيه ناس يدزها ويعرف ان مافيه مجال يستغفلني . والصادق بيدخل ويجلس ويتم التفاهم

حراج مرتع للنصابين لكن يبقى كيف تتصرف وتحمي نفسك
عندي سلعه عارضها في متجر ابل . وفي حراج يوميا ناس ترسل شريت بحدك يالله تعالني المكان الفلاني واذا شفت الموقع الاقيه شارع عام عند ارض فاضيه ولا عالدايري في اماكن مافيها محلات .
اخرهم عصر اليوم مرسل لي شريت بحدك تعال . قلت تبي تشتري تعال في المكان اللي حددته لك . عل طول يعطيني حضر اتصال وواتس وكلش


والله هذا الي متأكد منه
مشاكلهم كثرت وفي تيكتوك صاروا ينزلوا مقاطع كذا علني لطريقة عيشهم الباذخة

مو معقول شخص مشرد عايش في كل هذا العز وراكب احسن سيارات ويقولك انا مسكين وبلدي حرب وهو كل شهر نازل بلده اجازة!

وساكن في احسن البيوت والاحياء وهو قبل 8 سنين كان منتف.. كل يومين نسمع عن تم القبض على مروج او مزور ويطلع واحد من نفس جنسيتهم! غير نصبات البنوك اغلبهم هم الي وراها!
2022-10-25 , 08:36 صباحاً
2022-10-25 , 09:15 صباحاً
fosl’s Avatar
fosl

متميز

المشاركات:5818
التسجيل:May 2009
fosl
للأمانة هذي فرصة لمن يحسن استغلالها
اغلب اشكال النصب انكشفت
توثيق العضويات عبر ابشر موجود مثلاً في مواقع التقسيط و مواقع الجمعيات المالية و غيرها
العنوان الوطني رقم الجوال السجل الائتماني في سمة و غيرها من الاشياء الي تسهل من ان الحل يكون واقع
الي بيقدر يطبق حل ينهي فيه المشاكل هذي خلال كم سنة بيكون مليونير غالباً
اتمنى انه ما ينساني اذا جته الفكرة من ردي هذا :d




هالبينو كتب:
والله هذا الي متأكد منه
مشاكلهم كثرت وفي تيكتوك صاروا ينزلوا مقاطع كذا علني لطريقة عيشهم الباذخة

مو معقول شخص مشرد عايش في كل هذا العز وراكب احسن سيارات ويقولك انا مسكين وبلدي حرب وهو كل شهر نازل بلده اجازة!

وساكن في احسن البيوت والاحياء وهو قبل 8 سنين كان منتف.. كل يومين نسمع عن تم القبض على مروج او مزور ويطلع واحد من نفس جنسيتهم! غير نصبات البنوك اغلبهم هم الي وراها!


الي اخبره و هذا الشي من زمان حصل
انه حصل تنظيم و قوانين لمداخيل الاجانب
بحيث انه مثلاً ما يقدر يحول اكثر من 100% من راتبة المسجل بشكل رسمي
و اشياء كثيرة ثانية الهدف منها كان الحد من التستر
السؤال الحين هل هذي التنظيمات للحين يعمل بها ولا تم اختراقها ولا وش السالفة
لأن على قولتك
وضعهم مو طبيعي
تحصلة يحول اكثر من 100% من مداخيلة الرسمية و يصرف يمكن 300% هنا في البلد مابين سيارات و منزل و غيرها
فيه شي غلط
و بعد في سالفة السيارات اخبر انه مو سهل للأجنبي امتلاك سيارة و هذولي تحصل عنده سيارة للعائلة سيارة للعمل و سيارة لنهاية الاسبوع :24:
2022-10-25 , 09:15 صباحاً