للعبة Folklore / أحد جواهر ال Playstation المخفية !!!
banner
2022-11-05 , 08:07 مساءً
برينس لوبو’s Avatar
برينس لوبو

مشارك

المشاركات:113
التسجيل:May 2009
برينس لوبو
Image


من اوائل العاب ال Action RPG الي انعلنت للبلايسيتشن 3 ، اغلب العاب ال Playstation 3 الي نزلت ببداية عمر الجهاز ماتكون مشهورة واشوف السبب انه الاكس بوكس 360 كان مكتسح الساحة وقتها وعنده Backward Compbality وكان الاكس 360 ارخص من بس3 ... الجيل السابع احد اكثر الأجيال الي قدم لنا عناوين جديدة والعاب عد واغلط قوية !!


ثاني اندر حصرية اشوفها للبلايسيتيشن 3 بعد [I]3D Dot[/I] Game [I]Heroes [/I] ونزلت بداية عمر الجهاز ب 2007.. ادور عليها بكل مكان من 15 سنة ومش لاقينها باي محل الا قبل شهر لقيتها ب 200 ريال بدون كتيّب .... واللعبة الي اغلب الناس تدور عليها ولا يحصلونها الا باسعار فلكية والتجار يستغلوا ندرتها ويزيدوا سعرها ... ومانزلت على ال Store نسخة رقمية للاسف مع انه نزل لها DLC على الستور ..


واعتقد كانت تسويقها ضعيف جداً فمانشهرت الشهرة المطلوبة


وش الاسباب الي تخليك تلعبها ؟؟ وش يميزها عن غيرها من العاب ال Action RPG ??






Image


[FONT=tahoma]بطاقة تعريفة للعبة :-[/FONT]


Image


الإسم : Folklore
الجهاز : حصرية لل PlayStation 3
تاريخ الإصدار : 10/07/2007
نوع اللعبة : غموض ، Action RPG
الناشر : Sony Computer Enteritment
المطور : Game Republic






Image


[FONT=times new roman]القصة :[/FONT]


- مافي سبويلرات مقدمة فقط -



https://www.youtube.com/watch?v=Orjhs7VhxsQ&fea...



ثيم اللعبة : طبعاً عندنا إثبات بالحياة الاخرى والحمدلله اننا مسلمين بس خلنا ندخل بمخ الكاتب ... ثيم اللعبة هو لو عندك إثبات انه في حياة بعد الموت .. هل راح تغير نمط حياتك الحين ؟ هل العالم راح يتحسن عندك للافضل او للاسوء؟


Image






ImageImage


- بطلين القصة -


القصة مستلهمة من الفولكلور الأيرلندي وتقع احداثها في إيرلندا ، تتكلم عن بنت إسمها Ellen ماعندها إلا ذكرى وحدة وهي عمرها 5 سنوات عن امها ... تجيها رسالة من إمها الميتة تجي لقرية Dollin " سايلنت هيل 2 ريفرنس " وتروح للقرية تدور عن امها وتبي تسترجع ماضيها ... وبنفس الوقت صحفي تجيه مكالمة غريبة من شخص مجهول تقوله انها جاها وحوش Fayries بقتلوها وتحتاج للمساعدة ... الصحفي يفكرها بالبداية مكالمة واحد يستهبل بس بعدين جاه فضول وراح عشان يبي يكتب قصة قوية محد جاب مثلها قبل عن مدينة مليانة غموض وقتل من شخص مجهول... القصة تدمج بين الماضي حق القرية والحاضر حق القرية وعالم Netherworld تروح له عشان تشوف الاموات وتعرف اجوبة عنهم.






Image


اللعبة تخليك تكمل القصة وتحلس تبي تخلصها بجلسة وحدة.. تشدك عشان تعرف الاسئلة ذي " مين القاتل هذا ؟ وليش يسوي كل هالافعال؟ ووش صار بماضي القرية ؟ ليش يخافون احد يذكره؟؟ وليش Ellen ماتتذكر شي من ماضيها ؟ "








اجواء اللعبة Dark Fantasy اللعبة مليانة غموض وتناقش مواضيع كثيرة عميقة " الموت ، الخوف ، الحقد / الكره ، والمشاعر " .. وتقدم احداث القصة بطيئ مرة وشوي شوي تكشف عن خيوطها تجذبك لاخر اللعبة .. تلعب بشخصيتين الصحفي والبنت ... 7 شابترات اللعبة ، كل شابتر تقريبا اخذ مني ساعة ونصف اذا جيت ابي احلل منه كل شي ، اول شي تخلص شابتر واحد الشخصيتين يلتقوا بمناطق معينة بكل شابتر ... وبعدين يخيروك تكمل بالبنت ولا الصحغي ؟ تكمل بالصحفي عشان تعرف الزوايا الثانية من ذا الشابتر ومعلومات اكثر عن القصة ..




Image
Image




القصة مرة رهيبة ويسردوا لك بطريقة Comics و Slideshow حوار بين شخصيتين زي الصور الي فوق وتقدر ترجع الحوارات الفائتة لو فاتتك شي تضغط O .. تمنيت لو يضيفوا مشاهد سينمائية اكثر وتمثيل صوتي مش كل شابتر تكافئ بعرض سينمائي واحد فقط.


كمية التويستات وبناء الشخصيات فيها والقصصي شي مش معقوول قصة اسطورية نادر تحصل مثلها ونهاية Perfect.


مفروض لها سكويل الي يخلصها يعرف يقدروا سووا لها Sequel بس الاستيديو للاسف قفّل ب 2011


Image




[FONT=trebuchet ms]عوالم اللعبة :[/FONT]




Image
Image
Image
Image


Image




تحس اللعبة جوها رعب اكثر من اربيجي اكشن ....


اللعبة تستعمل خلفيات Pre-rendered في القرية ، وخلفيات Real time في داخل عوالم اللعبة وياربااااااااااااه على الجمال والمتعة البصرية تحس انك بعالم ثاني فعلاً، من اجمل الالعاب الي لعبتها من هالناحية واحلى جزئية عندي باللعبة ... عالم مرة جميل ومنوع ، عالم اللعبة طاغي باللون البنفسجي وتحسه كئيب مناسب لجو قصة اللعبة ، عوالم ال Folklore مشبعة بالالوان ، كل منطقة لها ثيمها المعين ووحوشها الخاصة لها ... مثل المنطقة الي يقترفوا الذنب ويشعروا انه النفس اللوامة عندهم تعاتبهم يكون منطقة خاصة لهم قريبة لجهنم ... في عالم شبيه لاطلانطس ، وفي عوالم كثيرة منوعة.




كل عالم مختلف ويمثل مشاعر الشعب الي فيه لما يموتوا .








Image


[FONT=trebuchet ms]الموسيقى والأصوات : [/FONT]



https://www.youtube.com/watch?list=PLUv6esYNpgz...




تحس انه اللعبة تنومك مغناطيسياً مع سحرها الرهيب وعالمها والاوستات


تخيل انك تمشي بغابة بنفسجية ، وتشوف اوراق شجر حمر وبنفسجية مع يراقات والشمس تشرق بالصباح الباكر وتشتغل ذي الاوست ... يسعدلي جوكم يشيخ T_T




[FONT=trebuchet ms]رهيبين مرة [/FONT]






Image




[FONT=times new roman]ال Gameplay: [/FONT]


[MEDIA=youtube]WPTqLQO4vAQ[/MEDIA]


قريب للعبة LOST KINGDOM بالجيم كيوب ....


تلعب بشخصيتين ... الصحفي Keats والبنت Ellen وكل واحد له ميزاته وسلبياته .... الصحفي Keats اقوى من Ellen ويقدر يتحول بشكل مؤقت اذا شفطت ارواح كثيرة ويصير قوي بزيادة وسريع ؟... هدفك بال Gameplay تشفط ارواح ال Fayries حوالي 100 وحش موجود باللعبة .. كل عالم له وحوشه الخاصة واذا جمعتهم كلهم يكافئوك بلبس جديد للصحفي او البنت ماياثر عليه الماي او الكهرب الخ ، تمنيت لو يكون فيه تنوع اكثر بين الشخصيتين من ناحية الجيم بلي لانه احس اللعبة ثقيلة لما اخلص شابتر بالبنت وارجع اعيد Backtracking نفس الاحداث للصحفي اطفش واقفل اللعبة ليوم ثاني العبها بعدين.




Image


الوحوش انواع : وحوش يطيروا ، وحوش ضخام ، وحوش يدافعوا عنك ، وحوش ارضيين ، وحوش يكهربوا ، ناريين .. الخ ، كل وحش له نقاط ضعف وقوة زي البوكيمون




Image




الشي الممتع بال Gameplay يستغل قدرات ال Motion Sensor كاملة واحسن الالعاب الي شفته يستغل القدرات فيها كل نوع وحوش له طريقة امتصاص خاصة ولازم تحرك اليد بنفس الطريقة الي يعلموك عليها. احياناً تكون مش دقيقة مرة وتكون مزعجة .. والشي الثاني الممتع انه كل وحش تمتصه تستعمله وله تحديات معينة تخلصهم زي تقتل اعداء معينين 10 منهم ولما تخلص التحدي يزيد من قوة هجوم الوحش الي عندك ، والشي الثالث كل زعيم باللعبة كانك تحل لغز يبيلك وقت عشان تكتشف نقطة ضعفه.


مشكلة ال Gameplay انه لما تلعب بالشخصية الثانية راح يتكرر معك وبعض الاماكن اللعبة تقلب Beat Them Up يجبروك تقتل كل الاعداء عشان يروح الحاجز بمنطقة الي تبي تتقدم عليها .. فانا اسحب على الوحوش لما العب بالصحفي وامشي سيدة،، والمشكلة الثانية الوحوش الطائرة التصويب حقهم سيئ مرة وماتقدر تصيدهم يهلكوا طاقتك ... والمشكلة الثالثة بالجيم بلي انه لما تواجه وحوش ضخام الكاميرا تصير الكاميرا سيئة مرة ويصير Zoom على الشخصية وماتشوف شي، والمشكلة الرابعة اكثر الوحوش الي تاخذهم هجومهم والانميشن حقهم نفس الشي ، والمشكلة الاخيرة بالجيم بلي لما يصيروا واجد اعداء يصير تساقط فريمات قوي مرة.


كل يوم تصير في حادثة باللعبة غامضة ولازم تحقق فيها وتكلم الناس الي بالقرية عشان تعرف معلومات اكثر ... ولازم تنام عشان يجي الليل تدخل العالم الثاني وتتقدم بالقصة






تصميم المراحل خطي بزيادة لاتتوقع فيها استكشاف عميق.








كل وحش قوي يسموه Folklore باللعبة ويكون Boss عالمه .. ويكون عبارة عن دمج بين ذكريات الناس والوحوش يكون.






Image


[FONT=verdana]المراجعة المختصرة :[/FONT]






*Folklore [PS3 / 2007 ]*


الايجابيات :


+ كتابة القصة مصقولة بطريقة غامضة ومعقدة ومستلهمة برايي من سايلنت هيل ٢ وتشدك لين اخر رمق لين تكشف خيوط الغموض عنها وتويستات عد واغلط فيها


+ سرد القصة عن طريق ال Comics بطريقة جميلة جداً ومبسّطة وعروض CG
سابق لوقته


+ تنوع الوحوش الي تمتصها وقدراتها مع نقاط ضعفها وقوتها ويكافئوك لما تجمعهم كلهم بلبس مفيد




+ احلى الالعاب الي استغلت ال Motion Sensor لل Controller Ps3


+ شخصيات جذابة وكل مميز بطريقة معينة حتى بقصته وتلعب بشخصيتين باسلوب مختلف


+ بناء العالم والشخصيات شي رهيييب مرة خصوصا انه اجواء اللعبة Dark Fantasy وجرافكس سابق لوقته قوي للحين




+ الساوندتراك يرسخ بالمخ






السلبيات :


- تضطر تعيد احداث الشابترات ( الا بواخر اللعبة) تتكرر بين الشخصيتين حتى بنفس البوسس والاعداء مع بعض الاختلافات البسيطة


- بعض الاماكن تقلب اللعبة Beat them up ويجبروك تقتل كل الاعداء بشكل تكراري وممل


- ماتقدر تقفز وفي وحوش يكونوا عندهم نفس الحركات .. ونفس المتطلبات بالتحديات عشان تقويهم


- الكاميرا خصوصا مع الوحوش الكبار تخرف وتصير مخبوصة


- تساقط فريمات ببعض الاماكن


- مش سلبية بس كنت افضل لو يحطوا تمثيل صوتي كامل باللعبة




[SPOILER="التقييم النهائي"][B]٩[/B]/١٠ [/SPOILER]


Image




[FONT=trebuchet ms][B]الخاتمة :[/FONT][/B]


ماعليش على الاطالة واتمنى استمتعوا بموضوعي....




اعتبرها لعبة System Seller لل Playstation 3 للحين حصرية له ... لعبة مظلومة جدا وماخذت حقها وبالنسبة لميزانية اللعبة اشوفها لعبة اسطورية وتستاهل مزيد من الحب وقدمت لي اشياء نفتقدها بمطورين العاب ال AAA ... أحد الألعاب الي أسرت قلبي واندمجت باحداثها اتمنى لو Sony مع استيديو Bluepoint تعمل Remake لها او ريماستر حتى ويطوروا ال Gameplay لجيم بلي يناسب هالجيل او حتى ينزلوها لل Playstation Plus .... أذكر في خبر ريميك حصرية تحت التطوير وبنعلن عنها في ديسمبر اتمنى تكون هي ونشوفها من جديد للبلايستيشن 5، اتمنى نشوف بالريميك عوالم ببناء اضخم من ذا ، Folks أكثر من ذا العدد ، ويخلون القصة كاملة فيها تمثيل صوتي ، ونظام قتالي أكثر متعة من ذا ، لعبة تحفة فنية على الرغم من عيوبها




أنصح فيها بشدة الي يبي اللعبة بسعر كويس يكلمني اعرف شخص يوفرها بسعر مش مبالغ فيها


دمتم برعاية الله




Image
Enlarged Image
2022-11-05 , 08:07 مساءً
2022-11-05 , 08:53 مساءً
I Master I’s Avatar
I Master I

مبدع

المشاركات:2540
التسجيل:Feb 2022
I Master I
قابلة للعب على الأيميوليتر للي عنده كمبيوتر جيمنج ، اعتقد ظلمها أن فيها طابع ألعاب بلاي ستيشن 2 بينما المرحة اللي نزلت فيها كانت فترة انتقالية الناس كانت تبحث عن الشوتر و العاب تستعرض قوة الاجهزة تلك الفترة ، الآن اختفت هذه الهبه و ممكن تنجح لو نزل لها ريماستر
2022-11-05 , 08:53 مساءً
2022-11-05 , 09:49 مساءً
wael5656’s Avatar
wael5656

مبدع

المشاركات:4678
التسجيل:Aug 2013
wael5656
تصدق انا شوفتها ايامها عجبني الغلاف و لا شريتها

و لازالت على حسب علمي حصريه لبلاستيشن ٣ و لم تنزل في خدماتهم ولا كريماستر بعدين لاسف

+

شكرا على الموضوع
2022-11-05 , 09:49 مساءً
2022-11-05 , 09:50 مساءً
wael5656’s Avatar
wael5656

مبدع

المشاركات:4678
التسجيل:Aug 2013
wael5656
I Master I كتب:
قابلة للعب على الأيميوليتر للي عنده كمبيوتر جيمنج ، اعتقد ظلمها أن فيها طابع ألعاب بلاي ستيشن 2 بينما المرحة اللي نزلت فيها كانت فترة انتقالية الناس كانت تبحث عن الشوتر و العاب تستعرض قوة الاجهزة تلك الفترة ، الآن اختفت هذه الهبه و ممكن تنجح لو نزل لها ريماستر


ممكن في لعبه فاتتني ايام البلاستيشن ٣ حصريه ايضا اسمها راين اندي تمنيت انها تنزل كريماستر عشان اشتريها لاسف و مو حصريه طرف ثالث لا حصريه طرف اول
2022-11-05 , 09:50 مساءً
2022-11-06 , 12:44 صباحاً
SnowPenguin’s Avatar
SnowPenguin

مبدع

المشاركات:4866
التسجيل:Dec 2016
SnowPenguin
شكرا على الإستعراض الرائع. اللعبة من الألعاب اللي فاتتني وفكرت عدة مرات إني أرجع وأجربها. لكن ما حصلت فرصة
2022-11-06 , 12:44 صباحاً
2022-11-10 , 11:58 مساءً
بندر الشمري’s Avatar
بندر الشمري

مبدع

المشاركات:5125
التسجيل:Feb 2012
بندر الشمري
شكراً على الموضوع مثل هذي المواضيع افتقدنا لها بالبوابة واتمنى ماتقطع عنها
2022-11-10 , 11:58 مساءً
2022-11-11 , 08:05 مساءً
Punk_’s Avatar
Punk_

Playstation Elite Member

المشاركات:4649
التسجيل:Sep 2010
Punk_
يعطيك العافية على المراجعة
بالفعل جيل البلايستشن 3 كان رهيب وفيه جواهر منسية
بعض الالعاب تستحق العودة لانها أنظلمت بالمبيعات وحاليا عدد الاعبين اضعاف لاعبين جيل PS3
2022-11-11 , 08:05 مساءً
2022-11-16 , 04:29 مساءً
تايم’s Avatar
تايم

مبدع

المشاركات:4771
التسجيل:May 2010
تايم
لعبتها من اجمل الالعاب بحياتي كلها رايقه وموسيقى هاديه واجوائها غريبه ويجيك احاسيس فيها لذه غريبه
تخليك غصب تكملها

والله من اجمل اجمل الالعاب حرام هلعبه انظلمت

كنت اعرفها براسي بس ما كانت اعرف اسمها والحين بحملها ع سوني 3المهكر حقي

و لو تببها ك لعبه خذ سوني 3 مهكر فيه انواع اكثر من ستور تثبته ع نفس الجهاز وتحمل كل الي تبيه مجانا بدون كمبيوتر الوضع سهل وبسيط وتهكير تافه جدا بدون اي مجهود
2022-11-16 , 04:29 مساءً
2022-11-16 , 04:36 مساءً
تايم’s Avatar
تايم

مبدع

المشاركات:4771
التسجيل:May 2010
تايم
توني قرات الصفحه كامله

بعض الشباب اذ مو اغلبهم بيمرون مرور الكرام من صور و الفديوهات بيحكمون عليها بتفاهه

لاكن هي لعبه مثل ماقال صاحب الموضوع

"تحس انه اللعبة تنومك مغناطيسياً مع سحرها"

فعلا العبه فيها سحر غريب فيها شي غريب واحاسيس غريبه

بس التجربه انك تشغلها وتلعب وبتفهم معنى كلامنا

للعلم لما شغلتها ولعبتها ماكانت جوي ولا كنت بلعبها
ولا احب شي اسمه ار بي جي لاكن هلعبه لها تاثر نفسي قوي كسحر


نصيحه من كل قلب قلبي خذو تجربه العبه وحطوها براسكم عدل
2022-11-16 , 04:36 مساءً
2022-11-16 , 08:25 مساءً
I Master I’s Avatar
I Master I

مبدع

المشاركات:2540
التسجيل:Feb 2022
I Master I
تايم كتب:
توني قرات الصفحه كامله

بعض الشباب اذ مو اغلبهم بيمرون مرور الكرام من صور و الفديوهات بيحكمون عليها بتفاهه

لاكن هي لعبه مثل ماقال صاحب الموضوع

"تحس انه اللعبة تنومك مغناطيسياً مع سحرها"

فعلا العبه فيها سحر غريب فيها شي غريب واحاسيس غريبه

بس التجربه انك تشغلها وتلعب وبتفهم معنى كلامنا

للعلم لما شغلتها ولعبتها ماكانت جوي ولا كنت بلعبها
ولا احب شي اسمه ار بي جي لاكن هلعبه لها تاثر نفسي قوي كسحر


نصيحه من كل قلب قلبي خذو تجربه العبه وحطوها براسكم عدل


ليس سهل انك تقدر تتحصل عى اللعبة
2022-11-16 , 08:25 مساءً
2022-11-20 , 01:24 مساءً
برينس لوبو’s Avatar
برينس لوبو

مشارك

المشاركات:113
التسجيل:May 2009
برينس لوبو
تايم كتب:
لعبتها من اجمل الالعاب بحياتي كلها رايقه وموسيقى هاديه واجوائها غريبه ويجيك احاسيس فيها لذه غريبه
تخليك غصب تكملها

والله من اجمل اجمل الالعاب حرام هلعبه انظلمت

كنت اعرفها براسي بس ما كانت اعرف اسمها والحين بحملها ع سوني 3المهكر حقي

و لو تببها ك لعبه خذ سوني 3 مهكر فيه انواع اكثر من ستور تثبته ع نفس الجهاز وتحمل كل الي تبيه مجانا بدون كمبيوتر الوضع سهل وبسيط وتهكير تافه جدا بدون اي مجهود




انا عندي جهاز مهكر وحاولت بكل الطرق احملها مهكرة اضطريت اشتريها فيزكل
مالقيت داخل الستور اللعبة ولا النت كله
ياليت تعلمني الطريقة او الرابط
2022-11-20 , 01:24 مساءً
2023-01-02 , 04:53 صباحاً
abo Faries’s Avatar
abo Faries
مشرف

Laptop Support Team

المشاركات:4743
التسجيل:Oct 2014
abo Faries
في جواهر مخفية كثيرة لجهاز PS3
خسارة ما عاد تحصلهم الأن لسببين
يا تكون رقمية و انحذفت أو انتهت حقوق ملكيتها و انحذفت من الستور
أو تكون أشرطة و مبالغ في أسعارها

لكن بالمقابل منها اللي صار له ريماستر و نزل على PS4

اللعبة هذي شريتها أول ما أعلنوا عن إغلاق ستور PS3 و كانت جميلة و غريبة في نفس الوقت
تستاهل التجربة
2023-01-02 , 04:53 صباحاً
2023-01-04 , 09:42 مساءً
LOSY’s Avatar
LOSY

مبدع

المشاركات:2918
التسجيل:Oct 2009
LOSY
خسسساره ..انا وين كنت عنها؟؟؟
مع انه أجواءها وقصتها تناسبني جداً
ودخلت يوتيوب تفرجت على شوية مقاطع للقيمبلاي..اعجبتني مره
2023-01-04 , 09:42 مساءً
2023-01-10 , 11:22 مساءً
moonlit2031’s Avatar
moonlit2031

Love PS, Nintendo, & XBOX

المشاركات:9259
التسجيل:Apr 2009
moonlit2031
استعراضك خطي يعطيك العافية

واللعبة واضح انها خطيرة اتمنى ينزل لها ريماستر ع الفايف ������������
2023-01-10 , 11:22 مساءً
2023-01-28 , 07:19 صباحاً
احمد87’s Avatar
احمد87

نشيط

المشاركات:733
التسجيل:Nov 2011
احمد87
الله يعطيك العافية

بصراحة اول مرة اسمع بها
2023-01-28 , 07:19 صباحاً