موقع حراج وطرق البيع ومشاكلة الكثيرة من الباعه و المشترين
banner
2022-10-16 , 06:16 مساءً
Hangover8’s Avatar
Hangover8

فعال

المشاركات:1195
التسجيل:Jul 2011
Hangover8
الله لا يوفقهم الي ينصبون ولا يوفق حراج بكبره اللي ما همه الا العمولة

تواصلت مع شخص على بلايستيشن 5 منزل إعلان بحراج وحولت له مبلغ مو بسيط وسحب علي ولكن عندي صور وفيديو للاعلان و محادثه واتس بيني وبينه المشكله الحساب باسم حرمه هل اقدر اشتكي معي ادله؟
2022-10-16 , 06:16 مساءً
2022-10-16 , 06:57 مساءً
أبو كوثر’s Avatar
أبو كوثر

مبدع

المشاركات:2799
التسجيل:Jun 2007
أبو كوثر
موقع حراج اغلبة شريطية ونصابين وخصوصا في قسم السيارات المستعملة تشوف مصائب البايع يضع سعر مبالغ فيه جدا والسيارة فيها مصائب ولا يذكرها واذا اتفقت معاه على الفحص يطلع لك بلاوي ويخسرك قيمة الفحص ويتهرب منك

وايضا الشريطية يزايدون على سلعة صاحبهم باسعار عاليه كان يجي واحد ما عندة اي فكرة ويسومها باعلى من اخر سومة وينصب عليه

والمشكلة الكبيرة اذا تم الاتفاق قال لك البائع ادفع عربون او ما تلزمي بشئ

فالافضل ابتعد عنه كثير من الناس راحت عليهم فلوس العربون
2022-10-16 , 06:57 مساءً
2022-10-21 , 09:58 صباحاً
أبومعاذ’s Avatar
أبومعاذ

مبدع

المشاركات:3972
التسجيل:Sep 2005
أبومعاذ
مخاوي الليل- كتب:
واحد من الشباب طلب قطعة من الموقع من مدينة ثانية
وشحن له تراب بكيس
وراحت 2000 ريال على الفاضي مع العلم انه راح وبلغ ومن الكلام ذا بس ماحولك احد
وانا اشوف عندنا ضعف كبير في السرقات اللي بالشكل ذا
يعني تحس مافيه اهتمام كبير للمواضيع ذي مجرد تسليك الوضع
ولا المفروض انك تجيبه من رقم جوالة لكن فيه تهاون كبير على المبالغ اللي يعتبرونها بسيطه
وصاحب الموقع ماهمه الامور اللي تتكلم عنها وسبق ورفع قضية علشان واحد تكلم عن الموقع وقال مافيه تنظيم
ومشكلة الموقع 70 بالمية من السومات سواليف وماحد صامل وتخرب عليك
وفيه طريقة يسونها الاجانب خاصه يكلمك من اكثر من جوال على الخاص واحد يعطيك سومة جيده والثاني والثالث يبخسون السعر علشان تقول خل ابيعها على الاول وشفتها كثير قبل كم اسبوع بايع مكيف وهذا نظامهم
والمفروض يكون فيه نظام اي سومة لازم تدفعه وتحجز بالموقع


حراج يد بيد او تخلي واحد يستلم منه في نفس مدينته

للعلم اسعارهم اغلي من السوق كونوا على حذز
2022-10-21 , 09:58 صباحاً
2022-10-21 , 11:21 صباحاً
B7rin’s Avatar
B7rin

مشارك

المشاركات:153
التسجيل:May 2011
B7rin
انا ما اشتري من حراج نادرا ويكون سعره منافس طبعا واقارنه في مواقع اخرى, شرط يكون تقيماته فوق 50 تقييماً, اكثر شي ينصب فيه فيه حراج عصابه شرائح النت السنويه شريحه (اعمال) طبعا ينزل سعرها شوي علشان يصطاد الفريسه+صار عندهم حركه يكون عنده تقييمات ايجابيه من 3 الى 10 تقييم ايجابي طبعا Fake

والله شفت ردود تحزن كثير الي انصب عليهم مبلغ 1000 وحولها بشرائح اعمال


لي زميل في العمل يمني انصب عليه بقسم السيارات بمبلغ 500 ريال عربون قاله بحولك السياره بسطحه تشوفها من الخفجي الى شروره :) وينتظر وينتظر ويدق مايرد بعدين النصاب قاله السطحه واقفه في الرياض عند المرور عليه مخالفه 500 ادفعها علشان تكمل سيرها الى شروره طبعا قالي السالفه وقلت له نصبه, مع انه ارسل له اوراق ثبوتيه من احوال واستماره ولا لاشخاص مساكين منتشره هوياتهم في النت.

حتى المتاجر اكترونيه او غير اكترونيه بعضها نصب اذا جيت تشتري من اي متجر اطلب منه رقم معروف وحطه في الموقع للتأكد.
2022-10-21 , 11:21 صباحاً
2022-10-28 , 03:14 مساءً
BAT_MAN’s Avatar
BAT_MAN

نشيط

المشاركات:986
التسجيل:Dec 2006
BAT_MAN
alzaina كتب:
حراج = يد بيد غيرة انت الغلطان موقع فية النصب بدون اي ضمانات


مع احترامي لك كلامك لايكون بالمطلق
2022-10-28 , 03:14 مساءً
2022-10-28 , 03:19 مساءً
BAT_MAN’s Avatar
BAT_MAN

نشيط

المشاركات:986
التسجيل:Dec 2006
BAT_MAN
بخصوص حراج صحيح هناك مخالفات وناس ماتخاف الله لكن لابد منا عند شراء بضاعة نستخدم كافة الطرق لإدانة البائع حتى عند الشكوى يكون الموضوع يسير

حراج يعيبه كل من هب ودب يعرض سلعته ومثل ماتفضل احد الاخوان يفترض ان يكون التسجيل فيه مرتبط بمنصة مبنية على بيانات صحيحة

اضافة الى وجود مجموعات تحتكر انواع من السلع ولا تريد غيرها تتاجر بها او وتمتلكها و تبيع منها الغير مرغوب وتحتفظ وتكتنز بالمرغوب شجعا وطمعًا

الموقع له ماله وعليه ماعليه لكن باقي الناس فيها خير وانا استفدت من حراج كثير
2022-10-28 , 03:19 مساءً
2022-10-28 , 05:35 مساءً
alzaina’s Avatar
alzaina

بارز

المشاركات:1882
التسجيل:Apr 2011
alzaina
BAT_MAN كتب:
مع احترامي لك كلامك لايكون بالمطلق


كلامك غير مفوم لكن القول الحق الي انا قلتة وين الضمانات لك اذا واحد من قتة حياة يحط الشهادة الضريبية والسجل التجاري وكل الي تبقية ومع ذلك ينصب عليك وين تبقي اجب المنطق غير التاخير في استرجاع حقك وعندي مضوع بذالك ياعزيزي تقدر تشوفة بحسابي تحياتي لك
طبعاً اكيد في ناس تخاف الله لكن الشيطان شاطر
2022-10-28 , 05:35 مساءً
2022-11-03 , 08:40 مساءً
ma3oony’s Avatar
ma3oony

بارز

المشاركات:1812
التسجيل:Nov 2008
ma3oony
حراج سلاح ذو حدين اسرع مكان ممكن تلاقي زبون واسوء مكان تتعامل فيه مع زبون او مع بائع
يا كثر ما بعت وشريت فيه وما ارتحت
اذا حطيت سعر اقل من غيري فتحوا معي تحقيق كيف وليش حتى لو جديد بكرتونها الا يطلع فيها علة ، حلو الحرص لكن ما الاقيك شادها معي وبعد يومين احصلك تتحلطم لان غيري نصب عليك
واذا جيت اشتري يعامل السلعة كانها جزء من عيلته ما يعطيك اي معلومة مفيدة هذا ان ما كان نصاب
والي لو تحط سلعة قيمتها 50 ريال ويجيك واحد من اقصى المدينة يقولك 40 وانت توصلها وقيمة المشوار بقيمة السلعة ويطلع ساكن بمنطقة راقية ويبي يقنعك ما يقدر يدبر مواصلات لعندك

وللاسف لو اتنصب عليك ما عندك غير تشتكي الشرطة وبعدها ترفع للمحكمة وحتى لو كسبت القضية تدفع فوقها حق القرار واعلان الجريدة على حسابك وتنتظره لين يتضرر عشان يسدك وما هو بسادك ريال طالما ما عليه القاء قبض

واخيرا سياسة التقييم لو حصلت زبون كويس وتطلبه يقيمك بعد العملية ويسحب عليك ، والتقييم ممكن يخدمك بزيادة موثوقيتك ويخرب عليك بالسحبة
2022-11-03 , 08:40 مساءً
2022-11-18 , 07:44 صباحاً
Fadaaq’s Avatar
Fadaaq

متميز

المشاركات:6150
التسجيل:Aug 2009
Fadaaq
معليش اشوف كثير منتجات ممنوعة .. مثل العسل الملكي او الحيوي والذي ينسب انه اصلي من ماليزيا، والله انه عسل بقالة، مضاف له بودرة فياجرا او غيره، ويخلط هنا بآلات معينة ويغلف، ويقول لك نشتريها من ماليزيا.

قبل فترة، نشرت اعلان (التحذير من العسل الملكي)، وذكرت كذا .. وكان أيضا تحذير من هيئة الغذاء والدواء تقريبا 2014 ... وانه ضار ومن هالكلام، قبل فترة، وصلت لي اشعار بأنه حذف الإعلان لبيع منتجات وان كانت مرخصة!!

طيب، نزلت وبحثت عن العسل الملكي ، ومليان اعلانات تبيعه، وبعضها له شهوووور. وانا مجرد تحذير ولا أبيع ويحذف اعلاني؟؟؟!

كلما ادخل حراج، واشوف الاعلانات، أعمل عليها الابلاغ، واكتب انه مخالف وتحذير من هيئة الغذاء والدواء..

وللأسف .. ماقاعد يحذفونها..

لا أحد يقول هذي قطع ارزاق، لا مش صحيح.. بيع منتج حقيقي وتوكل على الله. اما منتج مضروب .. حرااام
2022-11-18 , 07:44 صباحاً
2023-01-08 , 06:45 مساءً
ابتهال الرويلي’s Avatar
ابتهال الرويلي

عضو جديد

المشاركات:17
التسجيل:Nov 2012
ابتهال الرويلي
ومشاكله الكثيرة ...
2023-01-08 , 06:45 مساءً
2023-01-10 , 12:30 صباحاً
اسلوبي حكايهه’s Avatar
اسلوبي حكايهه

مشارك

المشاركات:176
التسجيل:Nov 2013
اسلوبي حكايهه
موقع حراج من اجمل واطلق المواقع والله فيه خير ورزق ومنصه رائعه فيه كل شي وسهل وبسيط
ولكن ولكن ولكن " القانون لا يحمل مغفلين"

يا اخي عندك عقل استخدمه تتعامل مع واحد تقييماته صفر وعضويته جديده توه مسجلها ومدينه غير مدينتك وتحول له مبلغ كبير اقول حلال فيك

انتبه خلك ذكي السيارات شوفها بنفسك الاجهزه الخفيفه السلع المعقول سعرها لا تاخذ الا من شخص تتوفر فيه مجموعه من الأمور


1- عضويه قديمه اتكلم هنا عن عضويات من خمس سنوات وطالع.
2- تقييمات ايجابيه.
3- رقمه مش موجود بالقائمه السوداء.
4- ابحث برقمه بالنت يمكن عليه شكاوي.
2023-01-10 , 12:30 صباحاً
2023-01-11 , 02:12 مساءً
dzvcds’s Avatar
dzvcds

مشارك

المشاركات:163
التسجيل:Feb 2020
dzvcds
اسلوبي حكايهه كتب:
موقع حراج من اجمل واطلق المواقع والله فيه خير ورزق ومنصه رائعه فيه كل شي وسهل وبسيط
ولكن ولكن ولكن " القانون لا يحمل مغفلين"

يا اخي عندك عقل استخدمه تتعامل مع واحد تقييماته صفر وعضويته جديده توه مسجلها ومدينه غير مدينتك وتحول له مبلغ كبير اقول حلال فيك

انتبه خلك ذكي السيارات شوفها بنفسك الاجهزه الخفيفه السلع المعقول سعرها لا تاخذ الا من شخص تتوفر فيه مجموعه من الأمور


1- عضويه قديمه اتكلم هنا عن عضويات من خمس سنوات وطالع.
2- تقييمات ايجابيه.
3- رقمه مش موجود بالقائمه السوداء.
4- ابحث برقمه بالنت يمكن عليه شكاوي.


اذا "القانون مايحمي المغفلين" يحمي مين أجل ، القانون وجد ليحمي المغفلين أما الغير مغفلين ماينصب عليهم من الأساس.
2023-01-11 , 02:12 مساءً
2023-01-16 , 09:43 مساءً
بلاد الحرمين’s Avatar
بلاد الحرمين

فعال

المشاركات:1625
التسجيل:Feb 2012
بلاد الحرمين
dzvcds كتب:
اذا "القانون مايحمي المغفلين" يحمي مين أجل ، القانون وجد ليحمي المغفلين أما الغير مغفلين ماينصب عليهم من الأساس.


وبعض الاذكياء ايضا ماسلموا
2023-01-16 , 09:43 مساءً
2023-01-16 , 10:06 مساءً
مقلع بدون هبوط’s Avatar
مقلع بدون هبوط

متميز

المشاركات:16224
التسجيل:Jul 2012
مقلع بدون هبوط
اسلوبي حكايهه كتب:
موقع حراج من اجمل واطلق المواقع والله فيه خير ورزق ومنصه رائعه فيه كل شي وسهل وبسيط
ولكن ولكن ولكن " القانون لا يحمل مغفلين"

يا اخي عندك عقل استخدمه تتعامل مع واحد تقييماته صفر وعضويته جديده توه مسجلها ومدينه غير مدينتك وتحول له مبلغ كبير اقول حلال فيك

انتبه خلك ذكي السيارات شوفها بنفسك الاجهزه الخفيفه السلع المعقول سعرها لا تاخذ الا من شخص تتوفر فيه مجموعه من الأمور


1- عضويه قديمه اتكلم هنا عن عضويات من خمس سنوات وطالع.
2- تقييمات ايجابيه.
3- رقمه مش موجود بالقائمه السوداء.
4- ابحث برقمه بالنت يمكن عليه شكاوي.
مدري انت عايش مع البشر.
هل في محيطك كبار سن قلوبهم بيضاء مايشكون في احد او نساء يجهلون النصابين اللي في حراج وغيره .
اذا انت تعرف وذيب غيرك الالاف لايدركون ماتدرك

اكبر مغفل في التاريخ هو من قال عبارة
القانون لايحمي المغفلين .
القانون وضع لحماية اصحاب القلوب البيضاء والنية الطيبه .
2023-01-16 , 10:06 مساءً