بوابة الإنترنت الرقمية ADSLGATE

Amazon عنوان IP سرعة الإتصال الإعلان استعادة كلمة المرور
العودة   البوابة الرقمية ADSLGATE > بوابة خدمات الأعضاء > الأعضاء العام > الشهادات العلمية والتخصصات الجامعية
التسجيل التنبيهات لوحة التحكم مشاركات اليوم قوانين المنتدى الاتصال بنا مشاركات اليوم اجعل كافة الأقسام مقروءة




إضافة رد
 
أدوات الموضوع
قديم 19-06-2019, 12:03 PM كاتب الموضوع #1
khaledmm111
مشارك
 
الصورة الرمزية khaledmm111
 






افتراضي جامعة البترول او جامعة الملك سعود





السلام عليكم

الحمدلله جاني قبول من جامعة الملك فهد للبترول والمعادن
وانا من سكان الرياض وناوي هندسة كيميائية

ادري هالموضوع يتكرر كل سنة

بس سؤالي

صحيح البترول اقوى جامعة سعودية لكن بالهندسة صناعية هل تفرق وتستحق العناء ؟ ( اغترب واترك آهلي وفضلا عن صعوبة البترول وغيرها )
وايضا هل جامعة الملك سعود تطورت عن اول وماصار فيه تفتض بينها والبترول ؟

 

 




khaledmm111 غير متصل  
أشكر صاحب الموضوع رد مع اقتباس
2 عضواً يشكرون khaledmm111 للفائدة التي وجدوها في هذا الموضوع

قديم 19-06-2019, 12:15 PM #2
مهند الاحمري
مشارك
 
الصورة الرمزية مهند الاحمري
 


افتراضي رد: جامعة البترول او جامعة الملك سعود





البترول ترتيبة 4
سعود 24 او 23
يفضل البترول لان كل سنه الشركات تقدم عروض وظيفية لهم

 

 




مهند الاحمري غير متصل  
عضو وجد هذه المشاركة مفيدة
رد مع اقتباس

قديم 19-06-2019, 12:55 PM #3
Sike
نشيط
 
الصورة الرمزية Sike
 


افتراضي رد: جامعة البترول او جامعة الملك سعود





تدخل البترول عشان الوظيفة = بتطلع في اول سنتين. وما اقول الكلام هذا دراسياً اقولها لك نفسياً لأن البترول اصعب من انك تكمل فيها عشان الوظيفة, اذا بتشد حيلك وبتطور من نفسك وبتستغل المجتمع البترولي اللي حولك وتبغى الغربة تطورك اقولك انه افضل خيار لك. اذا تبي تجلس عند اهلك وتبغى يصير عندك وقت فراغ اكبر تستغل فيه هواياتك وتطور من نفسك (لان وقتك فالبترول بيكون اقل للامور الخارجية) ادخل سعود وتوكل على الله.

ماادري وش قصدك فالبترول بالهندسة الصناعية بس البترول ممتازة في كل تخصصاتها بلا استثناء وافضل من سعود من ناحية جودة التعليم وسالفة الصعوبة تعتمد عليك اذا تشوفها تسوى او لا.

 

 




Sike غير متصل  
عضو وجد هذه المشاركة مفيدة
رد مع اقتباس

قديم 19-06-2019, 01:26 PM كاتب الموضوع #4
khaledmm111
مشارك
 
الصورة الرمزية khaledmm111
 


افتراضي رد: جامعة البترول او جامعة الملك سعود





عفوا اقضد الكيميائية

 

 




khaledmm111 غير متصل  
رد مع اقتباس

قديم 19-06-2019, 04:00 PM #5
Eyad 7
نشيط
 
الصورة الرمزية Eyad 7
 


افتراضي رد: جامعة البترول او جامعة الملك سعود





الغربة والبعد عن الأهل لاحقتك سواءا الحين ولا إذا تخرجت، أغلب وظائف الهندسة الكيميائية بالشرقية أو بالمناطق الصناعية.

وبعدين الغربة اللي بتواجهها ما تعتبر غربة بالمعنى المعروف عند الناس، يعني باقي بين نفس الناس وتعرف النظام والحياة الاجتماعية، فمهي نفس غربة اللي يطلع برا. هي مجرد مرحلة تعتمد فيها على نفسك بالأكل والشرب وإمور الحياة بدل ما تعتمد على أهلك. وهذي نفس الشي لاحقتك سواءا الحين أو إذا تزوجت.

والرياض 400 كيلو فتقدر تزورها بشكل شهري إذا تحس الوضع بيكون صعب عليك.

بالنسبة للفرق، فأكيد فيه فرق كبير وواضح بين البترول وسعود. أتوقع اللي يميز البترول أنك لو تخرجت بمعدل ممتاز فراح تحصل وظيفة بشكل أسرع، واحتمال أصلا تجي شركات وتوقع معك وأنت توك بدراستك.

إذا همك الدراسة والتحصيل العلمي البترول أحسن، إذا هامتك الوظيفة فلازم تتواصل مع طلاب سعود وتشوف كيف وضعهم بسوق الوظائف، وهذا راح يساعدك على اختيار القرار.

 

 




Eyad 7 غير متصل  
رد مع اقتباس

قديم 19-06-2019, 04:30 PM #6
RyBack
مبدع
 
الصورة الرمزية RyBack
 


RyBack @Youtube
افتراضي رد: جامعة البترول او جامعة الملك سعود





لو منك بروح البترول اكيد

الغربة بتساعدك في دراستك وبعيد عن معارفك الي ممكن تشتتك في الدراسة

ومافي شيء مستحيل

كل شيء صعب = كمية وقت زيادة فقط لا أكثر وراح تجتازة

 

 

التوقيع
اكثر من مستخدم للحساب

RyBack غير متصل  
عضو وجد هذه المشاركة مفيدة
رد مع اقتباس

قديم 19-06-2019, 04:34 PM #7
abo Faries
Laptop Support Team
مشرف
 
الصورة الرمزية abo Faries
 


افتراضي رد: جامعة البترول او جامعة الملك سعود





مشاهدة المشاركة الأصلية
khaledmm111
السلام عليكم

الحمدلله جاني قبول من جامعة الملك فهد للبترول والمعادن
وانا من سكان الرياض وناوي هندسة كيميائية

ادري هالموضوع يتكرر كل سنة

بس سؤالي

صحيح البترول اقوى جامعة سعودية لكن بالهندسة صناعية هل تفرق وتستحق العناء ؟ ( اغترب واترك آهلي وفضلا عن صعوبة البترول وغيرها )
وايضا هل جامعة الملك سعود تطورت عن اول وماصار فيه تفتض بينها والبترول ؟

و عليكم السلام

رح اتكلم عن البترول بحكم تجربة شخصية لأقاربي

في البداية أنت كخريج البترول فرصتك أفضل في التقديم على الشركات الصناعية أكثر من غيرك ( طبعا الموضوع أرزاق ما نختلف )

الشي الثاني الدراسة صعبة جدا زي ما انت عارف ترى ما في غير الكتاب تبغى تفلها راحت عليك و ضيعت سنوات من عمرك

في الشركات الصناعية سابك ارامكو اقل راتب تاخذه لا يقل عن 10 حاليا ( ما ادري في السنوات القادمة ايش رح يصير )

وظيفتك رح تكون بعيده عن مكان اقامتك في الشرقية مثلا او الغربية إلا لو جاء رزقك في الرياض عند اهلك

الموضوع يحدده رغبتك و هدفك

بس خذها نصيحة إذا ما لقيت وظيفة عند أهلك ما فيها شي لو تخرج من مدينتك و تشوف رزقك في أي مكان فقط أحسن الاختيار

و الحمدلله ديرتنا ما فيها غربة إن كنت في الشمال أو الجنوب أو الغرب و الشرق

رح تتعود على مكان وظيفتك مثلك مثل غيرك

 

 

التوقيع
my headphone collections HD6xx,HD600,HD700,HD598,akg K712
fanmusic C6 XLR oxygen free copper cable
Little Dot MKii tube amp,Liquide Carbon X,
with Sdac + D1 Plus + dac X6



abo Faries غير متصل  
رد مع اقتباس

قديم 18-07-2019, 02:31 AM #8
٪٪ Talal ٪٪
مشارك
 
الصورة الرمزية ٪٪ Talal ٪٪
 


افتراضي رد: جامعة البترول او جامعة الملك سعود





حسب تصنيف شنغهاي لعام 2019
جامعة الملك سعود وجامعة الملك عبدالعزيز تفوقت على جامعة الملك فهد للبترول والمعادن سواء كترتيب عام أو على مستوى الهندسة

http://www.shanghairanking.com/index.html

البترول سابقاً أقوى جامعة حالياً جامعة الملك سعود وجامعة الملك عبدالعزيز بالصدارة بترتيب ضمن (101-150) على مستوى العالم
وجامعة الملك فهد بترتيب ضمن ( 301-400) على مستوى العالم

 

 





التعديل الأخير تم بواسطة ٪٪ Talal ٪٪ ; 18-07-2019 الساعة 02:38 AM.
٪٪ Talal ٪٪ غير متصل  
عضو وجد هذه المشاركة مفيدة
رد مع اقتباس

قديم 18-07-2019, 03:10 AM #9
United Nations
مشارك
 
الصورة الرمزية United Nations
 


افتراضي رد: جامعة البترول او جامعة الملك سعود





تبغى جامعة بناءً على التصنيف ادخل جامعة الملك سعود.
اما جامعة البترول اجتازت مرحلة التصنيف و بدأت تشتغل على براءت الاختراع
السنة هذي حققت المركز الرابع عالمياً في براءات الاختراع المسجلة في الولايات المتحدة متفوقة على جامعات عريقة.
و براءات الاختراع التي تركز عليها الجامعة ليست فقط ابحاث و تسجل و لا يستفاد منها بل يتم استخدامها في الصناعة و الاستفادة منها تجارياً.


https://academyofinventors.org/press-releases/
https://news.kfupm.edu.sa/ar/2019/06...-patents-2018/
https://news.kfupm.edu.sa/ar/2019/06...veloped-kfupm/

 

 




United Nations غير متصل  
عضو وجد هذه المشاركة مفيدة
رد مع اقتباس

قديم 23-07-2019, 12:55 AM #10
مدري123
بارز
 
الصورة الرمزية مدري123
 


افتراضي رد: جامعة البترول او جامعة الملك سعود





مشاهدة المشاركة الأصلية
٪٪ Talal ٪٪
حسب تصنيف شنغهاي لعام 2019
جامعة الملك سعود وجامعة الملك عبدالعزيز تفوقت على جامعة الملك فهد للبترول والمعادن سواء كترتيب عام أو على مستوى الهندسة

http://www.shanghairanking.com/index.html

البترول سابقاً أقوى جامعة حالياً جامعة الملك سعود وجامعة الملك عبدالعزيز بالصدارة بترتيب ضمن (101-150) على مستوى العالم
وجامعة الملك فهد بترتيب ضمن ( 301-400) على مستوى العالم

مع احترامي الكبير لتصنيفاتك الا انه الشركات الصناعية تاخذ طلاب البترول بشكل سريع صدقني حتى الي معدله سيئ في البترول بالكثير سنة وهو متوظف بإذن الله
اما التصنيفات طبيعي عبدالعزيز وسعود يتفوقون تخصصات اكثر بكثير كادر تعليمي ومساحات هائلة للمباني وتقبل بنات واعداد طلاب هائلة كلها امور تخش في التقييم
البترول عدد كليات محدود و عدد طلاب قليل جدا مقارنة بالجامعات الثانية حوالي ٦٠٠٠ طالب فقط غير انه البترول اخذت الرابع عالميا في براءات الاختراع و غير انه اذا على الهندسة الكيميائية تصنيف البترول بين المركز ٥٠ الى ١٠٠ يعتبر جدا مرتفع وقسم الهندسة الكيميائية يعتبر ثاني اعلى قسم في الجامعة بعد قسم هندسة البترول الي كان في سنة من السنوات في الترتيب ٢١ عالميا

 

 

التوقيع
•▪》°لا اله الا الله 《▪•



مدري123 غير متصل  
عضو وجد هذه المشاركة مفيدة
رد مع اقتباس

قديم 25-07-2019, 12:57 AM #11
mountine man
مشارك
 
الصورة الرمزية mountine man
 


افتراضي رد: جامعة البترول او جامعة الملك سعود





لا تسمع من طلاب البترول في النهاية الجامعتين معترفة بشهاداتهم والمادة العلمية وحدة اما بالنسبة للوظائف ترا كل الخريجين يتوظفون ما بتعيق معاك اذا تخرجت من سعود نصيحتي فك عمرك من المرمطة والقروشة في البترول لأنهم يفتخرون ان دخول جامعتهم اصعب من دخول كلية الطب ومثل ذا التفكير معناه (تعقيد الطالب وخسف معدله = شطارة )

واذا ملزم تروح للبترول حاول تسكن لحالك داخل او خارج الجامعة لأن نظام الروميت سيء ما بتأخذ راحتك في سكن الجامعة

 

 




mountine man غير متصل  
رد مع اقتباس

قديم 26-07-2019, 07:25 AM #12
ابو محمد الحجازي
نشيط
 
الصورة الرمزية ابو محمد الحجازي
 


افتراضي رد: جامعة البترول او جامعة الملك سعود





والله يا جامعه جازان ما فرقت عن جامعه البترول وقت تقديمك ع الوظيفة بالسعودية كشهادة،، خويي تخرج من البترول هندسه مدنيه قبل سنتين الحين شغال في المينا جده براتب 4 وشغال شغل اجنبي لو جابوه يطق 40 الف..


خذ بعين الاعتبار ان الواسطة لها 90٪ بعد قدرة الله.
انا عانيت غربه دراسه كم سنه في الغربية قسم بالله كرهت حياتي بالنهايه ما كملت دراستي،، والحمدلله مدينتي مافي احلى منها،، رغم كان ودي بالابتعاث لكن ربك قدر لي غربه داخل السعودية.

نصحيه ادرس عند اهلك وركز ع جانب الواسطة وامورك ان شاء الله سهالات

 

 



التعديل الأخير تم بواسطة ابو محمد الحجازي ; 26-07-2019 الساعة 07:27 AM.
ابو محمد الحجازي غير متصل  
عضو وجد هذه المشاركة مفيدة
رد مع اقتباس

قديم 26-07-2019, 04:11 PM #13
دايخ في عالم كريزي
متميز
 
الصورة الرمزية دايخ في عالم كريزي
 


دايخ في عالم كريزي @Twitch
افتراضي رد: جامعة البترول او جامعة الملك سعود





اخوك في الله خريج جامعة البترول ولله الحمد حصلت عرضين وظيفيين من جنرال اليكترك وارامكو قبل التخرج بأكثر من سنتين. وفوقها الشركات هاذي تعطيك راتب قبل التخرج بشرط انك تتوظف معهم بعدالتخرج.

وهذا برنامج معروف عند جامعة البترول ارامكو وسابك وجنرال الكتريك وقريبا شركة الكهرب. يسوون عقد رعاية لعدد كبير من الطلاب.

انا ترا نفس حالتك من اهل الرياض ورحت الشرقية. وعلى فكرة 90% من الشركات الاحترافية واللي تعطي راتب فوق 15 الف هي في الشرقية. فأحسمها من الان

البترول سمعتها بنوها طلابها قبل ماتبنيها هي. ماتاخذ إلا ادفر طلاب المملكة ونسبة القبول تشهد وفوق هذا تخرجهم بعد معاناة مع المواد. وترا هذا يصقل شخصيتك. يكفي ان درجاتك في المواد وال A+ و ال A تعتمد على الطلاب اللي معك بالفصل او بالدفعة. ممكن اليوم A+ من 92 والترم الجاي من 88. كله يعتمد على عدد الطلاب الوافير اللي اخذين المادة معاك وصعوبة الاسئلة او سهولتها وهذا يشعل روح التنافس
واتوقع انه الجامعة الوحيدة اللي تطبقه بالمملكة. مو كل شي 95 A+ و 90 A

عموما كله يرجع لك ولأختيارك. الله يوفقك

 

 

التوقيع

دايخ في عالم كريزي غير متصل  
رد مع اقتباس

قديم 26-07-2019, 04:29 PM #14
ابو احمد 30
مشارك
 
الصورة الرمزية ابو احمد 30
 


افتراضي رد: جامعة البترول او جامعة الملك سعود





عليكم السلام



حسب توجهك لو تبي وضيفة في اكبر شركات اعتمد البترول اكيد وراتبهم مثل ارامكو وسابك وسافكو 15000 + بدل سكن 35000 سنوي + علاج في اغلب المستشفيات مثل المانع والمواساة مجاني + الك اسهم من الشركة كل نهاية سنة ميلادية (سافكو + سابك )


ونسيت بعد عندهم يوم تتقاعد يعطونك 1.200000 مليوون حسب راتبك وخدمتك كم سنة



.





لو تبي وظائف حكومية او تفتح مكتب او شركة او بزنززز فاي جامعه ماتفرق



والله يوفقك

 

 





التعديل الأخير تم بواسطة ابو احمد 30 ; 26-07-2019 الساعة 04:33 PM.
ابو احمد 30 غير متصل  
رد مع اقتباس

قديم 27-07-2019, 01:01 PM #15
abo khlood
فعال
 
الصورة الرمزية abo khlood
 


افتراضي رد: جامعة البترول او جامعة الملك سعود





وعليكم السلام ورحمة الله وبركاته

إذا همك الوظيفة فقط من الشهادة فلا تروح للبترول لأن المعيار الأهم للحصول على وظيفة كحديث تخرج - بعد الواسطة - هو المعدل
وحصولك على معدل عالي بجامعة الملك سعود أسهل من البترول
ولا أعني أن جامعة الملك سعود سهلة ، الطالب بسعود أيضا سيبذل مجهود عالي للحصول على معدل مرتفع
لكن إذا مستعد تذاكر كل يوم وتعيش بعيد عن أهلك وإذا الأهل ما يحتاجون وجودك معهم فتوكل على الله ورح البترول
طريقة التدريس والتصفية اللي تصير للطلاب تزرع فيك مهارات شخصية و علمية صعب تحصل عليها بجامعة أخرى

 

 




abo khlood غير متصل  
رد مع اقتباس

قديم 27-07-2019, 05:26 PM #16
mwmwmw8
عضو جديد
 
الصورة الرمزية mwmwmw8
 


افتراضي رد: جامعة البترول او جامعة الملك سعود





السلام عليكم ورحمة الله وبركاته، اولا الله يعينك ويسهل عليك القرار صعب ويبي له استخارة واستشاره، كنت في مكانك قبل ٤ سنين، واخترت سعود بسبب القرب من الاهل، الان بعد مادرست في سعود اقولك اذا بتدخل تخصص كهرب او ميكانيك او صناعي وتطلع ب معدل 4.5/5 (يعني اغلب موادك A و B) وفوق ماراح يكون بينك وبين خريج البترول العادي فرق او ممكن يفضلونك عليه، اما بالنسبة لتخصص الهندسة الكيميائيه في سعود سمعته سيئه والطلاب ينفرون منه و واغلب من يدخله الي ماجاب معدل في اول سنتين، واتوقع ان الهندسة الكيميائية في البترول افضل بمراحل عن سعود، وغير الهندسة ترا الحاسب والبرمجه لها مستقبل فكر فيها، ملخص نصيحتي سعود + معدل عالي + تخصص ميكانيك/الكتريك/صناعي تساوي البترول في اي تخصص وبمعدل متوسط او متوسط مرتفع، اما تخصص كيميائي ف البترول اكيد، وايضا فكر بتخصصات الحاسب والبرمجه

 

 




mwmwmw8 غير متصل  
عضو وجد هذه المشاركة مفيدة
رد مع اقتباس

قديم 02-08-2019, 02:48 PM #17
wikii
مبدع
 
الصورة الرمزية wikii
 


افتراضي رد: جامعة البترول او جامعة الملك سعود





اسم الجامعه ماله اي تأثير في هذا الزمن

المهم المعدل والمامك بالتخصص ومدى فهمك له ولغتك هي تحدد مسارك الوظيفي ومدى المامك بالبرامج الهندسيه وكذلك لازم تجيب خبرة وظيفية باي طريقة
صدقني بعدها تبدأ العروض تجيك
بمجرد تتسجل بالتأمينات تحصل الشركات تتصل

منطقيا كل الشركات عندهم مقابله وظيفيه واختبارات لفهم المتقدم للتخصص
لذلك ركز على المذاكره واجتهد وافهم تخصصك كويس


انا مهندس وفيه ناس متخرجه من جامعات ناشئه وانا متخرج منها ولي زملاء كثار ويشتغلون في اماكن كبيرة في الخاص وبالحكومي و

اعتقد سوق العمل تغير والفرص اصبحت متاحه للجميع بترول او غيره

والشركات صارت تنزل اعلانات مطلوب خبره في كذا وكذا مع لغه ممتازه مع المام بعدد كبير من البرامج واهملوا اسم الجامعه

الدراسه تختلف عن الشغل و دراستنا في الجامعه كانت نظري وارقام و حلول يدويه حتى تعرف اذا عندك اخطاء لو تصمم في الكمبيوتر والبرامج


الان صار فيه برامج تحليل انشائي ورسم ومحاكات دقيقه جدا
متخيل ممكن اي واحد يكون مهندس لو يتعلمها


كل كلامي مثبت بالادله لان عندي قروبات هندسيه كلها سعوديين و عدد الاعضاء فيها كبير ويشتكون من البطالة وقلة الرواتب وطلب الخبرة من الشركات اغلبهم سنة وسنتين وخمس سنوات بلا وظائف


حتى من الشركات العالميه صاروا ينزلون بتمهير ب3000 اللي مايكون ملزوم يوظفك
لازم تتنازل وتتوظف حتى تجيب الخبرة وتتسهل امورك

القطاع الخاص يعاني من مشاكل اقتصاديه واللي يتكلم عن ارقام كبيره في الرواتب اغلبهم متوظفين قبل 2015 لكن بعد 2015 حصلت مشاكل كثيرة وفيه شركات طلعت من السوق

حتى الشركات المتعاقده مع ارامكوا smp قلت رواتبهم صارت بين 4000 الى 7000 ويطلبون في اعلاناتهم خبره ثلاث سنوات وفوق

نصيحتي باختصار اي جامعه تدخلها ركز على المعدل والمامك للتخصص وعلى مشروع التخرج ومكان التدريب

لان كخريج مفاضلتك بتكون عليها لان ماعندك اي مميزه

والخبره الوظيفيه مهمه في الخاص بشكل كبير جدا

كل اعلان وظيفي يسألوا عنها وعن مسمى الوظيفي للخبره وكم راتبك علشان يشوفون هل يقدرون يعطونك راتب اعلى او لا

والان ارتفع الطلب على المهندسين السعوديين بسبب ان فرص الابتعاث اصبحت قليلة بشكل كبير جدا

اما قبل 2015 اي واحد يدرس خارج السعودية كم فصل على حسابه حتى لو معدله سيء بالثانوي ثم يطلب استكمال في البعثة ويجيه

كان الابتعاث عشوائي لان يشمل اي جامعة حتى لو تنصيفها فوق 200

انا اتكلم بواقعيه لان داخل سوق العمل وشايف الوضع وخريج من جامعة ناشئة وحصلت عروض من شركات كبيرة مع ان خبرتي قليلة جدا

انصحك فقط تدخل الجامعة اللي تناسبك وتجتهد في فهم تخصصك ومشروع التخرج والصيفي وركز على البرامج الهندسية لان هي المستقبل كل ماتتقن البرامج تكون مطلوب اكثر في الشركات وباذن الله امورك طيبة

وايضا باختصار الجهات الحكومية للتوظيف زي جدارة مفاضلتك على المعدل وقياس والاقدمية

اما الابتعاث والاعادة في الجامعات على القدرات الجامعيين واللغة والمعدل ودرجاتك في البكالوريوس

اما الشركات الخاصة على الخبرة واتقان البرامج الهندسية والالمام باللغة الانجليزية والمعدل اذا خريج فقط اذا معك خبرة يصبح المعدل من الماضي لو تلاحظ كل الاعلانات نبحث عن خبرة فوق 5 سنوات وهكذا

اما الجهات شبه الحكومية زي معادن على المعدل والانجليزي

 

 

التوقيع
السلام عليكم و رحمه الله وبركاته

عذرا .. تم حذف الموضوع الذي قمت بإنشاءه




التعديل الأخير تم بواسطة wikii ; 02-08-2019 الساعة 03:07 PM.
wikii غير متصل  
رد مع اقتباس

إضافة رد

أدوات الموضوع

الانتقال السريع


الساعة الآن 03:47 PM.