عندي 200 الف ريال , اريد اشتري اسهم اسثمار طويل تعطي توزيعات سنوية جيدة , نصائحكم ؟

[شذى الأرجوان]

انصحك بتطبيق دينار التابع لبنك البلاد

 

 

[المحترف99]

شف أنا لي أكثر من 20 سنة بسوق الأسهم
الآن السوق غير جيد هذا أولاً
ثانياً ألإنتظار أفضل و أحسن
ثالثاً السوق السعودي بعد التجزئة يحتاج إلى سنوات حتى يوقف على رجليه
رابعاً عليك بسهم لوسيد الآن ب 5.47 دولار متوقع يصل مابين 3 إلى 4 دولار و يمكن أكثر


ليش قلت لك لوسيد ؟
لأن الدولة الله يحفظها راح تكون أغلب سيارات الدولة من هذه الشركة بلدية و شرطة و غيرها من الجهات الحكومية ،،،،،،،،، فراح يكون هناك مبيعات كبيرة للشركة
هذا غير أن زيادة الإنتاج لأن الشركة إنتاجها غير جيد و مصنعها في بترورابغ راح يزيد الإنتاج


فيه أسهم ممتازة له عوائد جيدة مثل أسهم الريتات تعطي على السهم سنوي مابين 30 هللة إلى قرابة الريال و أسعارهم متدنية يعني من 7 إلى 19 ريال تأكد من ربحية الشركة كم تعطي بالسنة

فيه أسهم عوائد ممتازة مثل شركة جرير و سابك و الراجحي أسمنت القصيم

لو تضارب أحسن و أفضل خليك مضاربتك بشكل اسبوعي و أفضل شيء أن تتعلم التحليل الفني + الحنكة في إختيار الأسهم الجيدة و يصير عندك معلومات إضافية تجاه السهم يعني كأنك وصلت لك معلومة تدخل " إشاعة " و لما يطلع الخبر تطلع من السهم " الشراء عن الإشاعة و البيع عند الخبر " و هكذا

فيه أمور طويلة عريضة لابد أن تتعلمها جيداً لكن بما إنك تقول إستثمار طويل الأجل أبتعد عن الأسهم الخاسرة من رأس مالها " نصيحة "

هذا من وجهة نظري قابل للصواب و الخطأ

 

 

[ثامر212]

حط في بالك بعض الشركات ما توزع كاش لكن تبقي ارباح, وش الفائدة؟ الفائدة زيادة سعر السهم سنوياً "شركات نمو" ولا تتصور ان الشركات الي توزع 5% هذي فقط اربحها لا فيه ارباح مبقاة

 

 

[عفات44]

اذا مستعجل على السكر والضغط ادخل الاسهم

 

 

[أشتكي]

ahmad10025

السلام عليكم

اخواني معي 200 الف ريال واريد استثمرها(5 سنوات) في سهم قيادي ويعطي توزيعات سنوية جيدة ( لين الحين مش واضح موضوع التوزيعات ياليت حد يعطي مثال )

افيدونا بارك الله فيكم ولعل الغير كذلك يستفيد

اذا بتدخل سوق الأسهم كمضارب فنسبة خسارتك هي 95%
وأما اذا ستدخل الاسهم بهدف الحصول على توزيع أرباح فهي تتراوح بين 1-4% من رأس مالك ومع حساب نسبة التضخم فأنت لن تربح أي شيء في الحقيقة!!

يعني لو حسبتها بكلتا الطريقتين ستكون الخسارة هي نتيجة شبه حتمية
ولو مثلا فكرت تشتري بكل المحفظة في أسهم سابك بقيمة 120 ريال حط في بالك أنه ممكن ينزل سعر السهم الى 5 ريال في أقل من شهر وتخسر رأس مالك في غمضة عين!!

طبعا أنا لا أبالغ عندما أقول لك في غمضة عين لأن طبيعة أسواق المال هي التقلب الشديد
فالأسهم عبارة عن سوق (مقامرة) لا يربح فيه الا صاحب الكازينو (البنوك)

ونصيحتي لك احفظ أموالك في أصول عينية ثابتة مثل شراء ذهب أو فضة أو عقار حتى لا تفقد الاموال قيمتها بسبب التضخم والذي هو طبيعة الاسواق الرأس مالية

أو استثمر أموالك في عمليات بيع وشراء حقيقية وليس في مضاربات اسهم وهمية مثل أن تفتح بقالة أو محل ملابس أو ورشة اصلاح سيارات وغيرها من المشاريع التنموية وصدقني سوف يفتح الله لك فيها رزق عظيم وبركة في المال والوقت والصحة

وكلامي هذا أقوله لك من واقع ممارسة وخبرة 7 سنوات في سوق الاسهم وليس من نسج الخيال وفي الأخير أنت حر في اختيارك

 

 

[laosh]

المحترف99

شف أنا لي أكثر من 20 سنة بسوق الأسهم

رابعاً عليك بسهم لوسيد الآن ب 5.47 دولار متوقع يصل مابين 3 إلى 4 دولار و يمكن أكثر

يعني تنصح الواحد يشتري والسهم بيخسر !

أشتكي

كلامي هذا أقوله لك من واقع ممارسة وخبرة 7 سنوات في سوق الاسهم وليس من نسج الخيال وفي الأخير أنت حر في اختيارك

فيه شي مشترك بكل حقين الأسهم .. كلهم لهم سنوات طويلة بسوق الأسهم وماينصحون احد فيه

طيب انتم ليش تحذرون الناس منها دامكم مستمرين سنين فيها ؟!

المفروض الواحد لما يشوف نفسه خسران من اول سنة ينسحب من السوق ويكيش محفظته ويرتاح

 

 

[Audiophile*]

laosh

يعني تنصح الواحد يشتري والسهم بيخسر !

الشيء الوحيد اللي مخلي الناس تستثمر بلوسيد هو استثمار صندوق الاستثمارات ولا قوائمهم المالية و الاعلانات الربعية سيئة
انا شخصيا مشتري كمية قليلة ما تضر

فيه شي مشترك بكل حقين الأسهم .. كلهم لهم سنوات طويلة بسوق الأسهم وماينصحون احد فيه

طيب انتم ليش تحذرون الناس منها دامكم مستمرين سنين فيها ؟!

المفروض الواحد لما يشوف نفسه خسران من اول سنة ينسحب من السوق ويكيش محفظته ويرتاح

اغلب اللي ما ينصح تلقاه مضارب يومي او اسبوعي
المستثمر لفترة طويلة ما يهمه تقلبات السوق وما تلقاه اساساً يتابع السوق يومياً

 

 

[fosl]

Audiophile*

الشيء الوحيد اللي مخلي الناس تستثمر بلوسيد هو استثمار صندوق الاستثمارات ولا قوائمهم المالية و الاعلانات الربعية سيئة
انا شخصيا مشتري كمية قليلة ما تضر

اغلب اللي ما ينصح تلقاه مضارب يومي او اسبوعي
المستثمر لفترة طويلة ما يهمه تقلبات السوق وما تلقاه اساساً يتابع السوق يومياً

النكبة اذا كان ناوي يكون مستثمر لكن يرخي اذنة للمضاربين او يطمع في معلومة او سهم متقلب و يتوهق و تنسد نفسة من السوق

حتى كثير من المستثمرين تحصلة مشتت استثمارة بين عدد كبير جداً من الشركات في وقت قصير اقل من سنتين مثلاً ليش
حصل مدح على الشركة 1 من المضاربين(هم بيشترون و يبيعون بعد اسبوع بالكثير انت المفروض خطتك تمسك السهم بالسنوات)
حصل خبر لمشروع ملياري يخص الشركة 2 يروح يشتري على امل يبيع بمكسب(من اول لحظة فكر انة يشتري عشان يبيع بمكسب قريب خرب شغلة كله)

ما احارب المضاربة بشكل كلي خصوصاً الي من اسبوع و فوق(المضاربة اللحظية اكيد غلط و اجرام في حلالك و صحتك)
لكن على الاقل افصل محفظة المضاربة عن محفظة الاستثمار عشان لا تتخذ قرار في لحظة انت مو في كامل قواك العقلية و تندم طول عمرك عليها


اما عن لوسيد
مشكلة اذا بتبني قراراتك الاستثمارية بناء على توجه شي عملاق جداً زي الصندوق السعودي او بناء على توجه الدولة او اي شي كبير زي كذا
هم يقدرون ينتظرون اطول منك و يتحملون(الخسارة على الورق)(خصوصاً اذا انت من النوع الي يشيك على محفظته كل 5 دقايق) لمدة اطول منك بكثير و يقدرون يضخون كاش يعوضون فية اي شي يصير
يعني ابسط مثال على نقطة الخسارة على الورق
مرات تحصل شركة عطت منحة و كثير ما يدري يصحى يشيك محفظتك يحصل السهم نظرياً منهار يدخله الرعب يبيع كل كميته (طيب يالحبيب على الاقل شيك وش العلم طيب مو انت المفروض مستثمر فرصة تزيد حصتك بس لا وقت الاحمر يشتغل العقل المضاربي و يبيع مع الجموع)

الشركة ممكن لها مستقبل(اذا نوعت نشاطها)(الاعتماد على فكرة سيارات البطارية فقط للمدى الطويل ما اشوفة امر واقعي) اذا عندك فائض من الاموال(غير حق الاستثمار الشهري) ادخل (بجزء من فائضك) فيها عن الحسوفة بس انساها لمدة لا تقل عن 5 سنوات اذا انت مستعجل بعد

لا تتخذ قرار زيادة كبيرة او بيع قبل مرور مدة طويلة

طبعاً الكلام كلة بعد ما تتأكد من شرعيتها
ولا تنسى الشركات الي خارج السوق السعودي ما تطلع الزكاة يعني احسب حسابك مزبوط لا تطلع عليك بخسارة
الكلام هذا ينطبق على اي شركة في اي سوق بالعالم
الا نقطة الزكاة خالصين منها في السوق السعودي

 

 

[أشتكي]

laosh

فيه شي مشترك بكل حقين الأسهم .. كلهم لهم سنوات طويلة بسوق الأسهم وماينصحون احد فيه

طيب انتم ليش تحذرون الناس منها دامكم مستمرين سنين فيها ؟!

المفروض الواحد لما يشوف نفسه خسران من اول سنة ينسحب من السوق ويكيش محفظته ويرتاح

نحذر الناس لأننا متعلقين في السوق من فترة طويلة ونريد استرجاع رأس المال أو على الأقل الخروج بأقل الخسائر
مثلا أنا والوالد دخلنا في السوق بمبلغ 220 ألف ريال ولا بقي منها غير 50 ألف ريال
وتوزيع الأرباح السنوية من الشركات لا يتعدى حفنة من الريالات القليلة التي لا تسمن ولا تغني من جوع
ويشهد الله علي اني تعلمت جميع أنواع التحليل من تحليل فني كلاسيكي إلى تحليل هارمونيك إلى موجات اليوت وحتى التحليل بالنجوم والقمر والأبراج والجن والعفاريت!!
ولكن جميعها لا تعمل مجرد بيع الأوهام على الناس من الذين يدعون أنهم محللين مختصين وفي النهاية من خسارة الى خسارة
لذلك أغلب من لهم فترة طويلة في السوق مثلي لا ينصحون أحد بالدخول في أسواق المال والأسهم
لأن الداخل فيه مفقود والخارج منه مولود

 

 

[مقلع بدون هبوط]

laosh

يعني تنصح الواحد يشتري والسهم بيخسر !





فيه شي مشترك بكل حقين الأسهم .. كلهم لهم سنوات طويلة بسوق الأسهم وماينصحون احد فيه

طيب انتم ليش تحذرون الناس منها دامكم مستمرين سنين فيها ؟!

المفروض الواحد لما يشوف نفسه خسران من اول سنة ينسحب من السوق ويكيش محفظته ويرتاح

اغلبهم صابر ومستميت لين يرجع له راس ماله ويطلع من سوق الاسهم
لان تساؤلك هذا انا نفس الشي طرحته على زملاء غاطسين بالاسهم واشوفهم شبه يوميا السوق طلع السوق نزل
فساءلتهم ليش ما تطلعون وتقفلون الموضوع دام كذا
كان ردهم نبي نرجع راس المال عالاقل او اقل نقطة خسائر

 

 

[copsman]

مقلع بدون هبوط

اغلبهم صابر ومستميت لين يرجع له راس ماله ويطلع من سوق الاسهم
لان تساؤلك هذا انا نفس الشي طرحته على زملاء غاطسين بالاسهم واشوفهم شبه يوميا السوق طلع السوق نزل
فساءلتهم ليش ما تطلعون وتقفلون الموضوع دام كذا
كان ردهم نبي نرجع راس المال عالاقل او اقل نقطة خسائر

اكبر غلط الشخص اذا كان خسران في وقت ركود السوق يروح يبيع الاسهم، لان اصلا هذي فرصه بآنه يجطي اموال اكثر بحيث اذا ارتفع السهم مره ثانيه يكون تعويض الخساره اسرع.

انا اسوي كذا مع العملات الرقميه و اخسر خساير كبيره بس ما ابيع، بالعكس استغل النزول عشان اشتري زياده، حتى لو كميه بسيطه

 

 

[كووكوو]

مقلع بدون هبوط

اغلبهم صابر ومستميت لين يرجع له راس ماله ويطلع من سوق الاسهم
لان تساؤلك هذا انا نفس الشي طرحته على زملاء غاطسين بالاسهم واشوفهم شبه يوميا السوق طلع السوق نزل
فساءلتهم ليش ما تطلعون وتقفلون الموضوع دام كذا
كان ردهم نبي نرجع راس المال عالاقل او اقل نقطة خسائر

هذي المشكلة .. أن الفلوس تقل قيمتها بسبب التضخم

والأسواق وكل شيء بالحياة معرض للربح والخسارة

لازم ترضى بالخسارة عشان لا تتفاقم خسائرك خصوصًا لو كنت مشتري في شركات نتائجها ومستقبلها ما يبشر بالخير
اما لو كانت الشركة أمورها تمام ومستقبلها مبشر فما يمنع انك تزيد كميتك فيها اذا هبطت 7-15% خصوصًا لو كان مشتراك عالي مرة .. والصبر زين إن شاء الله

 

 

[CYBERONE]

افتح حساب في دراية
افتح دراية قلوبال
تابع اخبار اعلان الارباح للشركات الكبيرة
اشتر عقود اوبشن على وقت الارباح
10 عقود ب 10 الاف ممكن تطلع لك 50 الف ريال خلال ساعات من اعلان الارباح
تضمن ربح سريع خلال ساعات ما تجيبه لك اي شركة توزع ارباح خلال سنة

 

 

[عنود الصيد]

نصيحة احفظ فلوسك من محرقة وضايع فلوسك ان تاخذ عقار ابرك من سوق الاسهم والمحافظ
ضحية من ضحايا سوق بربع مليون

 

 

[hxxh]

عنود الصيد

نصيحة احفظ فلوسك من محرقة وضايع فلوسك ان تاخذ عقار ابرك من سوق الاسهم والمحافظ
ضحية من ضحايا سوق بربع مليون

الله يعوضك خير .. انا اشوف يحط فلوس وديعه في البنوك افضل شي مثل بنك الانماء

 

 

[عنود الصيد]

hxxh

الله يعوضك خير .. انا اشوف يحط فلوس وديعه في البنوك افضل شي مثل بنك الانماء

الله يجزيك خير عاد هو حر يشوف الردود ويختار إلي في مصلحته

 

 

[Techreneur]

عنود الصيد

نصيحة احفظ فلوسك من محرقة وضايع فلوسك ان تاخذ عقار ابرك من سوق الاسهم والمحافظ
ضحية من ضحايا سوق بربع مليون

الاستثمار العقاري ممتاز خصوصا إذا عرفنا إن العقار يشمل الأراضي والوحدات السكنية والمحلات التجارية ويشمل شراء وبيع ويشمل شراء وتأجير ويشمل شراء وتطوير ثم بيع أو شراء وتطوير ثم تأجير وكلما كبرت وكونت علاقات وثقة كلما استطعت تكوين شراكات استثمارية ترفع فوق أكثر

لكن العقار يحتاج قوة مادية وهذا اللي يجعل الأسهم متيسرة لأغلب الناس بعكسه

مثلا الآن المنح البعيدة اللي ما بعد جاتها السفلتة والخدمات، إذا تم التأكد من توجه المدينة لها، تعتبر فرصة للشراء
لكن المبلغ ربما لا يقل عن 300 الف وتحتاج تصبر سنين وطبعا قبلها تحتاج تتعلم وين أفضل مواقع الأراضي للشراء في المخطط

استثمار طيب لكن يحتاج مبلغ وصبر وبعض الناس عنده ظروف مختلفة وخطة استثمارية مختلفة، قد يكون ما عنده الكاش، وبعضهم يبي عوائد شهرية ما يبي يصبر

الاستثمار العقاري اللي ممكن يكون بمبالغ أقل وعوائد مستمرة هو الاستثمار في التأجير العقاري
يعني تستأجر بدمة طويلة وتؤجر، أو تشتري بتمويل عقاري أو برهن عقاري وتؤجر، لكن أتوقع متعب جدا ومخاطره كثيرة وقصمة الظهر فيه كبيرة إذا لا قدّر الله اختلت عندك التدفقات النقدية

 

 

[*نسيم الصباح*]

CYBERONE

افتح حساب في دراية
افتح دراية قلوبال
تابع اخبار اعلان الارباح للشركات الكبيرة
اشتر عقود اوبشن على وقت الارباح
10 عقود ب 10 الاف ممكن تطلع لك 50 الف ريال خلال ساعات من اعلان الارباح
تضمن ربح سريع خلال ساعات ما تجيبه لك اي شركة توزع ارباح خلال سنة

النصيحة النموذجية للي حاب يفلس

 

 

[CYBERONE]

*نسيم الصباح*

النصيحة النموذجية للي حاب يفلس

الي بياخذ الاستثمار بسوق الاسهم مقامرة وبالحظ بدون اي دراسة او تحليل هذا الي يخسر فلوسه دايم

اذا كانت حقرة بقرة وبدون صبر وتحليل ودراسة اكيد بتخسر