قصة صارت لي بشارع الجوالات ( انضحك علي )
banner
2020-10-28 , 07:27 مساءً
بنسر الشرقية’s Avatar
بنسر الشرقية

فعال

المشاركات:1566
التسجيل:Jul 2012
بنسر الشرقية
قبل تقولو اي شي ادري اني اتحمل جزء من الغلط لكن ابي انبهكم للمستقبل انكم تركزوا على ادق التفاصيل لان بعض الناس ذمتهم وسيعة ولازم تمشي معهم بالورق.

انا كنت طالع شارع الجوالات ادور ايباد برو الجديد 128 قيقا واي فاي سعره بالسوق حول 3650-3800 مع الضريبة وخشيت محل وقالي ب4250 ريال قلت لا ماعجبني السعر وانا طالع كان فيه موظف ثاني يدخن شافني طالع قالي تعال وش بغيت وقلت له السالفة وقلت حصلت ب3650 " مع الضريبة " عند محل ثاني قال طيب ثواني ودق على راعي المحل وراح بعيد يكلمه ماسمعت وش قالو وجاني قال خلاص "نفسه" قلت وش نفسه بكم قصدك؟ قال " 3650 " قلت اوك وعلى طول فك الايباد بدون اي سابق انذار بعد مافكه قال وش تبي حماية وقلت ابي حرارية وكذا المهم قبل يبدا تركيب قلت خلني ادفع اول وانا بنفسي قلت كذا عشان خفت يصير مشكلة بالبطاقة واتفشل مع الرجال فقلت اضمن ادفع الحين وقال لا خلها بعد التركيب. المهم بعد التركيب اطالع القى الفاتورة 4300:63: طلع الرجال حاسبه 3650 بدون الضريبة! وانا قايل له حرفيا فلان حسبه ب3650 مع الضريبة وقال بحسبلك "نفسه" طبعا انا وقتها عرفت اني غلطت اني ماجلست ادقق على كل حرف لاني ماتوقعت ان بيكون فيه ناس قد كذا نذلين مع انه سعودي والمحل كبير مره. المهم اكلت السالفة وماقلت له شي خذت الايباد وطلعت عرفت لو بناقشه بيطلعني غلطان لان مافي اي شي يثبت انه معي الحق قانونيا بس اخلاقيا انا عارف وهو عارف وش كنت اقصد ولا كان خلاني ادفع قيمة الجهاز اول قبل التركيب زي اي محل بالدنيا عشان يضمن حقه بس ماخلاني ادفع عشان ماشوف السعر واكنسل الشراء حب يخليني بموقف ماقدر اهرب منه. :d

على العموم هذي كانت قصة للعظة والعبرة ومنها فضفضة شوي لاني كنت على نياتي وانضحك علي صراحة:63:

والي حصلت له مواقف زي كذا ياليت يذكرها عشان ننتبه لها بالمستقبل :7:
Enlarged Image
2020-10-28 , 07:27 مساءً
2020-10-30 , 11:39 مساءً
iMalek’s Avatar
iMalek

رب قول أنفذ من صول

المشاركات:2016
التسجيل:Mar 2011
iMalek

إذا أنت ([U]متأكد[/U]) أنه خدعك, فبلغ وزارة التجارة ..



بالتوفيق .. [:11:]




[LEFT]مالك .. [:11:][/LEFT]
2020-10-30 , 11:39 مساءً
2020-10-30 , 11:54 مساءً
anacond’s Avatar
anacond

متميز

المشاركات:7814
التسجيل:Oct 2009
anacond
الصراحه تستاهل اللي جاك ..

اجل يقولك ب ٣٦٥٠ ريال .. ويوم جيت تدفع غير السعر حطه لك مع الضريبه !

فلوسك معك وبجيبك وتقدر ترفض لانه هو اللي نصب عليك وتقدر تشتكيه لو يفك عشر اجهزة ويغلفها
مشكلته هو مو مشكلتك
المفروض يعطيك السعر كامل مع الضريبه
الغلطان هو موب انت
والمفروض ماتعطيه ولا هلله عشان يتادب هو وغيره
2020-10-30 , 11:54 مساءً
2020-10-31 , 12:01 صباحاً
ابو نمله مسكينه’s Avatar
ابو نمله مسكينه

بارز

المشاركات:1820
التسجيل:Dec 2014
ابو نمله مسكينه
كان سحبت عليه طيب فلوسك في جيبك وجهازه عنده
2020-10-31 , 12:01 صباحاً
2020-10-31 , 12:21 صباحاً
m3gb’s Avatar
m3gb

فعال

المشاركات:1367
التسجيل:Jun 2009
m3gb
قال لك 3650 اول مايخلص قول له خذ ال 3650 قال لك لا هالسعر بدون ضريبه .. فالغلط عليه لان السعر دايم ينقال مع الضريبه
والضريبه في هالقيمه مبلغ مو بسهل 650 ريال !
وفي اساليب ممكن تتهرب منه ومنها اوه دقايق اجيب البطاقه او الفلوس من السياره وتسحب عليه
2020-10-31 , 12:21 صباحاً
2020-10-31 , 12:36 صباحاً
adors’s Avatar
adors

فعال

المشاركات:1158
التسجيل:May 2010
adors
معليش هو الغلطان
الحركات ذي يسووها كثير
نظام إني أقلك لا تدفع للنهاية أو "ما نختلف" عشان بالآخر تحس إنك إنت غلطان
إنت المفروض ترفض لما شفت السعر مختلف
2020-10-31 , 12:36 صباحاً
2020-10-31 , 12:43 صباحاً
سايكلوبس’s Avatar
سايكلوبس

نشيط

المشاركات:751
التسجيل:May 2018
سايكلوبس
مافي اي شي يثبت انه معي الحق قانونيا بس اخلاقيا...؟
انت ايش قاعد تقول ..؟يا عمي قله السعر مع الضريبة ليش تحسب لي بدون ضريبة واضرب الباب واعلى ما في خيره يركبه ايش الضعف هذا وكونه فك الجهاز هذه مشكلته مو مشكلتك استغفر الله العظيم نرفزتني وانا مالي دخل نصيحة خلي احد غيرك يشتري لك اذا الامور ماشية معك كذا
2020-10-31 , 12:43 صباحاً
2020-10-31 , 12:44 صباحاً
عزوز9’s Avatar
عزوز9

متميز

المشاركات:5677
التسجيل:Sep 2009
عزوز9
انا مافهمت ليه انت دفعت الفلوس
ليه ما قلت له احنا متفقين على 3600 تبيها ولا بسلامتك
2020-10-31 , 12:44 صباحاً
2020-10-31 , 02:04 صباحاً
خبير توب’s Avatar
خبير توب

مبدع

المشاركات:3769
التسجيل:Oct 2006
خبير توب
لو مكانك ماادفع ولا ريال حتى لو فك الجهاز
2020-10-31 , 02:04 صباحاً
2020-10-31 , 06:17 صباحاً
شبابي الغربية’s Avatar
شبابي الغربية

بارز

المشاركات:1703
التسجيل:Sep 2011
شبابي الغربية
الظاهر إن الدفع كان بالبطاقة
والأخ ما انتبه للسعر إلا بعد ما انطبع الإيصال
2020-10-31 , 06:17 صباحاً
2020-10-31 , 06:53 صباحاً
iABDLLAH’s Avatar
iABDLLAH

متميز

المشاركات:8221
التسجيل:Feb 2011
iABDLLAH
في شئ صار بالموضوع ، دايما يصير معي

اذا دخلت محل وقلتله حصلته بالمحل الفلاني ارخص ، ويقولك خلاص بجيبه لك

ويطلع جواله ويدق على فلان وفلان واقعد انتظر 10 دقايق واحيان توصل ثلث ساعه

وانا بكل بساطه اقدر اخذه من المحل الاول لان الجهاز متوفر عنده


اخر مرة صارت لي هالسالفة ولطعني ما يقارب 25 دقيقه وهو يقولي الحين ببيوصل ، الحين جاي ، دقايق بس

بعدها حرمت انتظر ، اذا قلتله بلمحل الفلاني ارخص وقالي طيب اصبر اجيبه لك ! صرت امشي واتركهم وارجع للمحل الاول واشتريه


يعني مثل موضوعك

ليش اقعد انتظر الموظف يتكلم بالجوال وانتظره يجيب الايباد ودام المحل الاول والمحل هذا كلهم نفس السعر ( على كلام الموظف ) ارجع اخذه من المحل الاول لانه متوفر عنده
2020-10-31 , 06:53 صباحاً
2020-10-31 , 07:14 صباحاً
xooxoox’s Avatar
xooxoox

مبدع

المشاركات:4543
التسجيل:Apr 2008
xooxoox
ادري ما انت ناقص و ردود الاخوان زادتك بس وش الحوسة هذي ؟ :d
يعني يقول لك ب 4250
و بعدين يحسبه لك ب 3650 بدون الضريبة طيب على كذا مع الضريبة بيصير 4197 و نص ريال
و في الأخير ياخذ منك 4300 ؟
2020-10-31 , 07:14 صباحاً
2020-10-31 , 07:25 صباحاً
radeon’s Avatar
radeon

متميز

المشاركات:6508
التسجيل:Apr 2009
radeon
وعليكم السلام ورحمة الله وبركاته

يا اخوة
نصيحة
نصيحة
نصيحة

لا تطلع من بيتك الا ودعاء ( الخروج ) على لسانك ومن قلبك ... الوارد عن نبينا ﷺ

والله وبالله وتالله ترى عجائب قدرة الله وحفظه لك من مصايب الدنيا ومن شر شياطين الانس والجن.. [emoji845]

وهو :
( بسم الله ، توكلت على الله ، اعتصمت بالله ، ولا حول ولا قوة الا بالله ) .

وفي رواية أخرى مع الدعاء السابق اضافة وهي :
( اللهم اني اعوذ بك ان أضل أو أُضل، أو أزلّ أو أُزلّ، أو أظلم أو أُظلم، او أجهل أو يجهل عليّ ).

لذِّكْرُ عِنْدَ الـخُرُوجِ مِنَ المَنْزِلِ

16 – (3) ((بِسْمِ اللَّهِ، تَوَكَّلْتُ عَلَى اللَّهِ ، وَلاَ حَوْلَ وَلا قُوَّةَ إلاَّ بِاللَّهِ))([1]).

- صحابي الحديث هو أنس بن مالك

وجاء في نهاية الحديث؛ قوله : ((يُقال له: كُفِيتَ وَوُقِيتَ وهُدِيتَ، وتنحَّى عنه الشيطان، فيقول لشيطان آخر: كيف لك برجلٍ قد هُدي وكفي ووقي؟)).

قوله: ((بسم الله)) أي: بسم الله أخرج.

قوله: ((توكلت على الله)) أي: فوضت جميع أموري إليه .

قوله: ((يقال له)) يجوز أن يكون القائل هو الله تعالى، ويجوز أن يكون ملك من الملائكة.

قوله: ((كفيت)) أي: صرف عنك الشر.

قوله: ((ووقيت)) أي: حفظت عن الأشياء الخفية عنك من الأذى والسوء.

قوله: ((وهديت)) إلى طريق الحق والصواب، حيث وفقت على تقديم ذكر الله تعالى، ولم تزل مهدياً في جميع أفعالك، وأقوالك، وأحوالك.

قوله: ((وتنحى عنه)) أي: بعد عنه الشيطان، ((فيقول لشيطان آخر)) يَقْصِدُ أذاه، وإخلاله: ((كيف لك برجل)) يعني: ما بقي لك يد في رجل قد هُدي بذكر الله، وكُفي شرك، وَوقي من مكرك وكيدك.

17 – (2) ((اللَّهُمَّ إنِّي أعُوذُ بِكَ أنْ أَضِلَّ، أوْ أُضَلَّ، أوْ أَزِلَّ، أوْ أُزَلَّ، أوْ أَظْلِمَ، أوْ أُظْلَمَ، أوْ أجْهَلَ، أوْ يُجْهَلَ عَلَيَّ))([2]).

- صحابية الحديث هي أم سلمة؛ هند بنت أبي أمية المخزومية – زوج النبي .

قوله: ((أنْ أَضِلَّ)) أي: أن أضل في نفسي، والضلال الذي هو نقيض الهدى، وفي الأصل ضل الشيء إذا ضاع، وضل عن الطريق إذا حار.

قوله: ((أو أُضَل)) أو أن يضلني غيري.

قوله: ((أو أَزِلَّ أو أُزَلَّ)) كلاهما من الزلة؛ أي: الخطأ؛ ومعنى الأول: أن أخطئ من نفسي أو أوقع غيري به، ومعنى الثاني: أن يوقعني غيري فيه.

قوله: ((أو أَظلِم، أو أُظلَم)) من الظلم، وهو وضع الشيء في غير محله؛ معنى الأول: أن أظلم غيري، أو نفسي، ومعنى الثاني: أن يظلمني غيري.

قوله: ((أو أَجهل، أو يُجهل عليَّ )) معنى الأول: أن أفعل فعل الجهلاء، أو أشتغل في شيء لا يعنيني، ومعنى الثاني: أن يجهل غيري علي؛ بأن يقابلني مقابلة الجهلاء بالسفاهة، والمجادلة...، ونحوهما.

وفي هذا تعليم لأمته ، وبيان الطريقة في كيفية استعاذتهم عند خروجهم من منازلهم.


عوضك الله خيرا
2020-10-31 , 07:25 صباحاً
2020-10-31 , 07:34 صباحاً
fosl’s Avatar
fosl

متميز

المشاركات:5818
التسجيل:May 2009
fosl
اتوقع المفروض حسب النظام الاسعار المعروضة و المعلنه حتى شفوياً تكون شاملة الضريبة مافيه اي سعر يشوفة العميل لأي سلعه بدون الضريبة
هذي ممكن تكون حجه لك
2020-10-31 , 07:34 صباحاً
2020-10-31 , 07:35 صباحاً
copsman’s Avatar
copsman

متميز

المشاركات:6562
التسجيل:Nov 2011
copsman
ليته صار هذا الموقف معي, كان رديت له الايباد في الكرتون و بغلفه بنفسي و اعطيه له بدون ما ادفع ريال واحد.
راح يعتبر الايباد مستعمل و ما راح يقدر يبيعه بسعر الاصلي لانه حط عليه عازل حراري.
ثاني شي, ما في اي قانون راح يكون في صفه لان الجهاز اصلا مش لك من الاساس لانك ما دفعت قيمته و انت ما كتبت اي تعهد انك تدفع بعد تركيب الحماية الحرارية.
2020-10-31 , 07:35 صباحاً
2020-10-31 , 08:07 صباحاً
ابو وهج’s Avatar
ابو وهج

فعال

المشاركات:1431
التسجيل:Aug 2006
ابو وهج
الله يعوض عليك
واعتبره درس من دروس الدنيا
2020-10-31 , 08:07 صباحاً
2020-10-31 , 10:10 صباحاً
meoto’s Avatar
meoto

مشارك

المشاركات:318
التسجيل:Aug 2011
meoto
بنسر الشرقية كتب:
المهم اكلت السالفة وماقلت له شي خذت الايباد وطلعت عرفت لو بناقشه بيطلعني غلطان لان مافي اي شي يثبت انه معي الحق قانونيا بس اخلاقيا انا عارف وهو عارف وش كنت اقصد ولا كان خلاني ادفع قيمة الجهاز اول قبل التركيب زي اي محل بالدنيا عشان يضمن حقه بس ماخلاني ادفع عشان ماشوف السعر واكنسل الشراء حب يخليني بموقف ماقدر اهرب منه. :d



لو كنت مكانك كان رفضت ادفع واقول له خل جهازكم لكم يانصابين واضرب الباب حتى لو نزل من سعره مرة ثانية عشان ماعاد يحاول يتذاكى مرة ثانية
لكن انت الزمت نفسك باتفاقك معاه وهذا ان دل على شيئ فهو يدل على كرم اخلاقك واحترامك
مع اني مازلت اتمنى انك ماقبلت
عموماً معوض خير وتتهنى بجهازك
2020-10-31 , 10:10 صباحاً
2020-10-31 , 11:10 صباحاً
1بو محمد’s Avatar
1بو محمد

مبدع

المشاركات:2293
التسجيل:Oct 2006
1بو محمد
البائع اخطأ خطأين الاول اعطاك سعر بدون ضريبة وهذا ممنوع بنص نظام وزارة التجارة السعر المعلن يشمل الضريبة
الخطأ الثاني فك الجهاز وعمل حماية قبل الدفع . ممكن مامعك فلوس لاي سبب بطاقة عطلانة او اي سبب ثاني لو حتى بتغير رايك فهو راح يتحمل النتيجة مهما كانت .
انت فلوسك معك وجهازة معة يحق لك تغير رايك باي لحظة وتخرج من المحل ومايقدر يجبرك عالشراء . اذا استلم المبلغ وانت استلمت الجهاز وانفك الجهاز البيع تم ومايحق لك تتراجع .
الي يقهر بالموضوع انك للان ماتعرف حقوقك وتحسب انك اخطأت والبيع تم قبل الدفع وانت ماخطأت قبل الدفع بل بعده والبيع ماتم الا بعد الدفع .
2020-10-31 , 11:10 صباحاً
2020-10-31 , 11:21 صباحاً
ZAS91’s Avatar
ZAS91

فعال

المشاركات:1632
التسجيل:Jun 2009
ZAS91
المفروض تسحب عليه والغلط عليه اصلا نظاميا

السعر المعروض او الظاهر للمستهلك يكون شامل الضريبه
2020-10-31 , 11:21 صباحاً
2020-10-31 , 12:41 مساءً
sasoke’s Avatar
sasoke

فعال

المشاركات:1166
التسجيل:Oct 2007
sasoke
لو احلف انه سواها عمداً عشان يحرجك انه تعب عشانك وخسر التغليفه ثم تنحرج تقوله لا !!
لأن بعض الناس تنحرج ، ومع الأسف شكلك منهم.
الحياء الي في غير محله هو الي يحطك بهالمواقف، وراح يستغلك غيره كثير بطرق ومواقف ثانيه دامك
تستحي وتبدي كل من هب ودب على حساب نفسك وراحتك !!

والله اعلم لو انك حشرته يوم غير السعر وقلتله لا ، كان اكل ت*ن واضطر يبيعك بالسعر الي يرضيك نفس الي قالك عشان تشتري.
2020-10-31 , 12:41 مساءً