ماذا ستفعل بعد ارتفاع الاسعار

[wael5656]

kaka_1

عن نفسي ماراح اقاطع شيء اللي بسويه الشيء ما اقدر اشتريه او مرهق لي مادياً بتركه اما فكرة اقاطع عشان ينزل السعر هذي تنفع ايام الحضارات القديمة مب الان او تنفع في الدول اللي عندها حرية مطلقة في السوق غير كذا البعض جالس يضحك على نفسه.

اتفق انا مقاطع الكماليات خير شر من زمان لكن الاساسيات صعب اقاطعها حتى لو قاطعتها شهر شهرين ٦ اشهر مصيري ارجع لها و السعر مثل ما هو اذا ما زاد طبعا لاسف هذه ضريبه الاحتكار حتى لو قاطعت ما اظن راح ينزل السعر بصراحه حتى لو نزل غالبا ينزل لسعره قبل الزياده و اللي هيا اصلا غاليه خير شر الله المستعان بس

الله يفرجها من عنده يارب العالمين اللهم امين

 

 

[هاني 5959]

‏عاجل ������
.

.
المملكة تعلن رسمياً :

فرض حظر مؤقت لاستيراد لحوم الدواجن وبيض المائدة من فرنسا بسبب إنفلونزا الطيور.
.

.
هل بترتفع الاسعار أكثر من كذا
؟!

 

 

[Macubix]

هاني 5959

‏عاجل ������
.

.
المملكة تعلن رسمياً :

فرض حظر مؤقت لاستيراد لحوم الدواجن وبيض المائدة من فرنسا بسبب إنفلونزا الطيور.
.

.
هل بترتفع الاسعار أكثر من كذا
؟!

اكبر مورد البرازيل ودولة ثانية لست متذكر اندونيسيا او ماليزيا

 

 

[Secret N]

والله انا مقتنع وللاسف ان الاسواق عندنا في السعودية هشة

على اي شي يبون يرفعون السعر لو تموت نملة في روسيا قالو عشانها وعندك سوق الاسهم معهم لو يطلع اي خبر لو اشاعة هبط سوق هش جدا

ناهيك عن الموظفين الجدد اللي ياخذ قرض ويضف السوق بالكماليات الغالية ويعطي انطباع للتجار اليهود ان احنا جيوبنا مليانة ومايفرق معنا الغلا

 

 

[Rakan IV]

إبراهيم المسلم

قيلت من قبل الطبقة الوسطى سوف تسحق

الله يفرجها بس

المشكلة الطبقة الوسطى هم اللي مسوين زحمة عند الكفيات الجديدة والمطاعم ويلاحقون ورا الترند.

 

 

[مقلع بدون هبوط]

kaka_1

عن نفسي ماراح اقاطع شيء اللي بسويه الشيء ما اقدر اشتريه او مرهق لي مادياً بتركه اما فكرة اقاطع عشان ينزل السعر هذي تنفع ايام الحضارات القديمة مب الان او تنفع في الدول اللي عندها حرية مطلقة في السوق غير كذا البعض جالس يضحك على نفسه.

انت تتكلم عن نفسك كفرد

لكن لما يكون خمسه ولا سته في البيت ينتظرونك تدخل بيدك شي للمعيشه وليس للترفيه ولا للكماليات
وتجلس تناظر طبق البيض ب٢٥ وتقعد في حيرة عند اطباق البيض تحسبها ان اخذته ماجبت لهم صامولي وان خليته وش احط لهم في الصامولي . كمثال

اذا ماقدرت تجيب لهم دجاج وبيض ورز وخبز وش الشي اللي باقي ماتقدر تشتريه

 

 

[مقلع بدون هبوط]

THE HUNTER

قريبا فوائد الحمية النباتية

راح تسمع لازم تقللون من الدجاج والبيض وش فيها لو كليت ملفوف اول ماتقوم من النوم وتنام وتحط جنبك صحن جزر؟


الله يهديهم الى رواتبهم ضعيفة ماعندهم ثقافة التوفير!

بيرتفع سعر الملفوف والجزر

 

 

[خالد سعود]

مقلع بدون هبوط

لي كم سنه اقضي اون لاين من كارفور
وتجي الى عند الباب عاد الرياض قد ماتوفر مشاوير مكسب لك

واللي ما احصله عندهم اكمله من العثيم

الدجاج والبيض اخذها من مخرج ١٤ سوق الجمله
البيض كرتون حاليا ب١٩٥ يطلع الطبق ١٦.٥ بينما البقاله الطبق ٢٢ وبعضهم اكثر

يصير يوميا بس الخبز والصامولي ايام المدارس

ما شاء الله معلوماتك جيده

ولكن ياليت تفصل فيها اكثر ودنا نستفيد ونوفر دراهمنا

 

 

[مقلع بدون هبوط]

خالد سعود

ما شاء الله معلوماتك جيده

ولكن ياليت تفصل فيها اكثر ودنا نستفيد ونوفر دراهمنا

كل بيت يختلف استهلاكه عن الاخر
حسب عدد افراد الاسره
حسب ظروفهم

لكن في جميع الاحوال سو لك حساب في كارفور

والشي الاساسي للمقاضي تكون مكتوبه في ورقه
سواء بتروح بنفسك ولا تقضي اون لاين
اذا ماهي مكتوبه كل شي تشوفه بتقول ودنا فيه

فانها تكون مكتوبه شي مهم ولاتتجاوز المكتوب
وبس

اطلب اغراضك من كارفور وللعلم اسعارهم اون لاين اقل من لو رحت لهم .
واللي مايكون متوفر الله يعينك تاخذه من العثيم او المكان اللي تشوفه مناسب لك واحيان تكون كل الطلبات متوفره

وحسب نوع الشي ونسبة الاستهلاك عندك
شي لادم تشتريه اسبوعيا وشي يتخزن شهريا

كمثال في رمضان عملو تخفيض على رز ابو كاس حطوه ب٥٥ ريال بدال ٧٨ ريال واحيان يوصل ٨٣ ريال للعشره كيلو

شريت اربعه اكياس ( طبعا محددين لكل عميل كيسين لكن قسمت طلباتي دفعتين مع كل دفعه كيسين ) وتمشينا فتره ان شاءالله

الدجاج والبيض مره في الشهر انزل السبت الصباح الجمله مخرج ١٤ اخذ كرتون بيض حجم البيضه وسط
وامر محلات الدجاج اشوف اسعار النوعيات المفضله لنا
طبعا المبرد ارخص من المجمد فاخذ المبرد ونجمده

الفواكه كل اسبوع اجيب نوع لان الاطفال اذا تعددت الخيارات تركوها كلها
لكن اسبوع برتقال واسبوع تفاح واسبوع موز وتشوف يجي له طعم وياكلونه فهذي نصيحه للي عنده اطفال


حاول تدخر مبلغ للمقاضي الى فترة ماقبل الراتب تمون هناك تخفيضات وعروض جامده

 

 

[BMG904]

kaka_1

عن نفسي ماراح اقاطع شيء اللي بسويه الشيء ما اقدر اشتريه او مرهق لي مادياً بتركه اما فكرة اقاطع عشان ينزل السعر هذي تنفع ايام الحضارات القديمة مب الان او تنفع في الدول اللي عندها حرية مطلقة في السوق غير كذا البعض جالس يضحك على نفسه.

ذكرتني بسالفة العقارات عندنا بالشرقية

قالوا بنقاطع عشان تنزل الاسعار

طيب وش بيصير بعد المقاطعة والنزول ؟ مردكم تشتروا وبترتفع

 

 

[mo7al1983]

من ٢٠١٥ وحالنا من ردي لأردى

 

 

[مقلع بدون هبوط]

BMG904

ذكرتني بسالفة العقارات عندنا بالشرقية

قالوا بنقاطع عشان تنزل الاسعار

طيب وش بيصير بعد المقاطعة والنزول ؟ مردكم تشتروا وبترتفع

الاشياء اللي عمرها طويل ماتنفع معها المقاطعه العقار ان قاطعته يركد او يرتفع بنسبه قليله

لكن مثل البيض من مصدره الاول الى اخر منفذ لبيعه للمستهلك لازم يتصرف فمقاطعه بسيطه بتخليه يرخص

مثال اخر الخبز والمخبوزات
لو تلاحظ اغلب محلات المخابز من بعد الساعه ١٠ تبداء تبيع بنصف السعر او اقل واحيان او ثلاث بسعر واحد ولا اي اللي يجي منك لانه لادم يصرفه مايتخزن لليوم الثاني

 

 

[kaka_1]

مقلع بدون هبوط

انت تتكلم عن نفسك كفرد

لكن لما يكون خمسه ولا سته في البيت ينتظرونك تدخل بيدك شي للمعيشه وليس للترفيه ولا للكماليات
وتجلس تناظر طبق البيض ب٢٥ وتقعد في حيرة عند اطباق البيض تحسبها ان اخذته ماجبت لهم صامولي وان خليته وش احط لهم في الصامولي . كمثال

اذا ماقدرت تجيب لهم دجاج وبيض ورز وخبز وش الشي اللي باقي ماتقدر تشتريه

وهذا كلامي انا الشيء اللي ما اقدر اشتريه ما راح اشتري اما فكرة احرم نفسي وعندي الاستطاعه لا راح اشتري لان مقاطعتي ماراح تفيد ابد الا بشيء لا يذكر.



لان فكرة التجار هم السبب في الغلاء هذا كلام غير صحيح بشكل كامل .

 

 

[kaka_1]

BMG904

ذكرتني بسالفة العقارات عندنا بالشرقية

قالوا بنقاطع عشان تنزل الاسعار

طيب وش بيصير بعد المقاطعة والنزول ؟ مردكم تشتروا وبترتفع

انا اقولها المشكلة اكبر من سالفة تجار وعرض وطلب....

 

 

[epbasd]

mo7al1983

من ٢٠١٥ وحالنا من ردي لأردى

اي شه

 

 

[epbasd]

خالد سعود

ما شاء الله معلوماتك جيده

ولكن ياليت تفصل فيها اكثر ودنا نستفيد ونوفر دراهمنا

تبغى توفر بشكل جاد ما يحتاج احد يقولك
في جنسية معينة اذا شفتها تتقضي من سوق ، امشي وراهم وتقضي من نفس السوق والكمية على حسب بيتك
صدقا هذه الفئة دليل مباشر على التوفيير
جد وصدق مو تريقة

 

 

[3DX2Y]

مقلع بدون هبوط

وامر محلات الدجاج اشوف اسعار النوعيات المفضله لنا
طبعا المبرد ارخص من المجمد فاخذ المبرد ونجمده

كم الاسعار تقريبا؟؟ انا دايما اخذ صدور دجاج مبرد التقى فجأة ارتفع من 14 قبل كورنا ولما صارت الضريبة 15% صار 17 لين قبل رمضان هذا, وفجأة برمضان صار سعره 20 ريال


الحين صرت اخذ مجمد ساديا عليه عروض احيانا في التميمي وبنده يصير سعر الكيلو 25 ريال بدل ما اخذ مبرد 450 قرام ب20 ريال

 

 

[مقلع بدون هبوط]

3DX2Y

كم الاسعار تقريبا؟؟ انا دايما اخذ صدور دجاج مبرد التقى فجأة ارتفع من 14 قبل كورنا ولما صارت الضريبة 15% صار 17 لين قبل رمضان هذا, وفجأة برمضان صار سعره 20 ريال


الحين صرت اخذ مجمد ساديا عليه عروض احيانا في التميمي وبنده يصير سعر الكيلو 25 ريال بدل ما اخذ مبرد 450 قرام ب20 ريال

يوم السبت كان ارخص شي حجم ٩٠٠ دجاج اليوم مبرد
الحبه ب١٥
طبعا السعر مو شرط يبقى ثابت يوم الشهر الجاي احصله طق العشرين
معاد درينا عن دبرة ذا الاسواق

الصدور كان العثيم دايما عنده عروض عليها ومن قبل زمضان بكم يوم اختفت العروض

 

 

[DARK SKY]

تمام

 

 

[mansur]

احتمال كبير يرتفع سعر القمح