بوابة الإنترنت الرقمية ADSLGATE

Amazon عنوان IP سرعة الإتصال الإعلان استعادة كلمة المرور
العودة   البوابة الرقمية ADSLGATE > الحراج والتجارة الإلكترونية > التجارة الإلكترونية
التسجيل التنبيهات لوحة التحكم مشاركات اليوم قوانين المنتدى الاتصال بنا مشاركات اليوم اجعل كافة الأقسام مقروءة




إضافة رد
 
أدوات الموضوع
قديم 21-05-2019, 02:02 PM #1
سالي خاااالد
نشيط
 
الصورة الرمزية سالي خاااالد
 






افتراضي عرفت سر رخص اسعار فراجرنس نت واكس





سلام عليكم...
انا عرفت سر رخص اسعار الموقعين هدي للعطور اللي مشهورين جدا للعرب وغير العرب وتقريبا هم االلي يقدموا افضل الاسعار.. وقلت اقلكم سبب رخص اسعار هدي الموقعين وغيرهم من المواقع الشبيهه، يمكن حد فيكم مو عارف بردو وحابب يعرف


https://www.fragrancex.com

https://www.fragrancenet.com/

كتير ناس بتحبهم وناس تقول اصلي العطور وناس تقول تقليد عشان رخيص..

انا حشرح لكم حسب فهمي ويارب اعرف افهمكم ويوصلكم الفكره..

السبب الحقيقي لرخص اسعارهم ان هما Grey market...

ايش يعني Grey market يعني السوق الرمادي..
شي بين السوق الابيض اللي هو كل شي رسمي وقانوني و ممتاز وميه ميه.
ومابين السوق الاسود اللي هو بيع ماهو غير قانوني

السوق الرمادي مو شي غير قانوني .. لا هو عادي جدا ومطلوب كمان..

دحين مثلا ماركه معينه ، تبغي تفضي مساحه وماعندها مبيعات وتبغي تجيب جديد.. انتاج جديد بتورايخ جديده وماتبغي القديم عشان سمعتها.. فيكونوا متعاملين مع ناس من السوق الرمادي ويعطوهم دي العطور ويبيعوها لهم بسعر رخيص وبالتالي تتباع لنا من تجار السوق الرمادي بسعر ارخص من سعره الحقيقي.

المهم انه اي سبب يحتاجوا اصحاب الماركه التخلص من عطورهم، يبيعوها للسوق الرمادي... وبيكون العطور بتجيلهم من جميع انحاء العالم.



ممكن احد يسأل طيب لو مثلا الموقع صاحب الماركه يبغي يتخلص من عطوره لسبب ما ، ليه ما يخفض هو سعرها بشكل كبير ويبيع؟
حقولكم ' لا ما يقدر لان يخاف بالحركه هدي يشوه سمعه ماركته. ان مثلا الناس تفهم انه رخص كبير بسبب عدم نجاح المنتج او اي شي.

و عشان كدا بنلاقي تفاوت في اراء الناس اللي بيشتروا من مواقع السوق الرمادي ، ناس يطلع معاها حلو وناس لا... لان ممكن عطر تخزينه كان سيء وهدا سبب التخلص منه ولكن سبب عدم ثبات العطر وممكن عطر كان بس بسبب انه تاريخه قديم شويه.. لكن عادي شغال كويس..



فعشان كدا ناس بتقول لو فراجرنس اكس ونت تقليد كان اتقفل الموقع.. لا هو سوق رمادي للعطور مو تقليد و عشان كدا عمره ماحيتقفل. لان هدا شي قانوني عندهم


وبالنسبه لو اشتريت مثلا عطر من موقع اوروبي وعليه كلام عربي فهدا من احد الادله ان ممكن معاك عطر من السوق الرمادي لان عليه كتابه عربي لانه كان موجه للبيع في احد بلاد الشرق الاوسط. بس هو غير مغشوش يعني زي ما قلت لكم.

العطور اللي بتتصدر لبلاد الشرق الاوسط بينتطبع عليها الكلام العربي..
ماحننكر ان في اختلاف في النسخ ، اللي بيتصدر بلاد الشرق الاوسط مختلف. بدليل كمان عطر اسمه sexy 212 .. النسخه اللي عندنا محذوف منها كلمه sexy
يعني نسخ العطور اللي متصدره للعرب غير الاجنبيه. لان كمان نسخ الشرق الاوسط نسبه الكحول فيها مختلفه.



وبردو موقع BeautyEncounter و scented monkey من اللي يصنفوا سوق رمادي للعطور. بردو الموقعين هدي في ناس بيحبوهم من اللي في المنتدى هنا وبيطلبوا منهم..
وعلى فكره في مواقع عباره عن سوق رمادي بيحطوا وصف للموقع انه outlet.. فلو كتب موقع انه outlet يعني كدا سهلك ووضحلك من البدايه انه سوق رمادي. لكن في مواقع وناس تبيع عطور سوق رمادي ومايحبوا يوضحوا كدا، وبس يقولوا عطور اصليه بسعر رخيص جدا، كنوع يعني لجذب الناس للشراء انه اصلي ورخيص جدا بس ما يوضحوا السبب ليش سعرهم رخيص جدا. بس الفاهم بس حيعرف ليه عندهم اصلي ورخيص.

واتوقع ان كمان موقع خبير العطور هو عبارة عن سوق رمادي للعطور. عطور أصليه باسعار رخيصه مالها سبب غير كدا .. وكتير ناس بتآكد انه عطوره اصليه. واوكي ممكن فعلا اصليه لكن مصدره لها هو انه سوق رمادي للعطور. لانه مو موزع معتمد للعطور الأصلية اساسا. وأي عطر اصلي لازم حيكون غالي هو كدا ال retail price له. لكن لما موزع علطول يوفره لك رخيص وانت متاكد ان عطره اصلي اعرف انه موزع سوق رمادي للعطور.. واللي بيبعوا عطور السوق الرمادي دايما عندهم تفاوت في آراء الزبائن.، شويه يعجب ناس وشويه يحسوا ان مضروب. طبعا عشان ممكن ناس يقع حظها في عطر سوق رمادي من اللي مشكلتهم تخزين سيء وحسب تفاوت سوء التخزين حسب تأثيره على جوده عطرك.

وبغض النظر ان في عطور مقلده كتير في السوق من اماكن معينه زي موقع VIP brand التركي وموقع ايباي مليان تقليد. جودتهم اسوأ مايمكن وكمان يسببوا أضرار صحية. لازم تكونوا عارفين ان العطور المقلدة مضره صحيا وممكن تأثر على الجلد كمان وتسبب حساسية.


وهدي روابط المواقع الإضافية اللي اتكلمت عنها، اللي قلت انهم بردو سوق رمادي للعطور. مع بردو زياده روابط لمواقع تانيه تصنيفهم حسب بحثي عنهم انهم بردو سوق رمادي للعطور. لكن المواقع ماجربتها ومااعرف في عرب جربوا دي المواقع الإضافية او لا. ولا اعرف عن سلاسة الشحن او في شحن للدول العربيه او لا. بس للناس اللي تحب تستكشف وتجرب حطيت لكم الروابط


https://www.beautyencounter.com/

http://www.scentmonkey.com/

https://www.alkhabeershop.com/


http://www.parfum1.com/

https://www.perfume.com

https://www.maxaroma.com/

https://jet.com/c/health-and-beauty/fragrance/6000223


https://fragrancebuy.ca/

https://www.overstock.com/Health-Bea.../3467/cat.html

https://www.strawberrynet.com







وعموما السوق الرمادي مايعتبر سيء. هو كويس للحصول علي عطور اصليه بسعر رخيص..
بس انه زي ما قلت لكم.. ممكن يصادف اوقات عطر مايكون حلو او سيء عشان كانت مشاكله كبيره. زي متخزن وقت طويل مثلا او متخزن مو لفتره طويله بس طريقه تخزينه كانت غلط فاثرت علي جوده العطر. لان كل دي اشياء تأثر..

ونقطه الاستفادة هي ان اللي يحب يحصل على عطور اصليه مخفضة، فيتجه للي يبيعوا عطور السوق الرمادي بس يشوف احد موثوق. لكن لازم تكون عارف وراضي ان ممكن يوصلك عطر تاريخه قرب ينتهي.. ممكن ايوا وممكن لا.. انت وحظك.. وممكن يجيلك عطر ثباته سيء عشان يكون جا حظك في عطر كان متخزن غلط واثر عليه. ممكن يجيلك عطر حلو وتفرح جدا وممكن لا.. يعني مسآله حظ. لازم لما تتسوق من دي المواقع تكون متوقع شي زي كدا ممكن يحصل ولو حصل ماتستغربه. عموما ناس كتير حظهم بيكون حلو مع دي المواقع ويكونوا راضيين يعني الغالبيه حظهم حلو ومبسوطين مع دي المواقع.


واللي يبغي شي مو من سوق رمادي و ما يبغي يتعرض لدي المشاكل فيتجه للوكيل والموزع المعتمد المعروف او يشتري من موقع سيلفردج او موقع الخطوط السعودية.. وهدي الموقعين مافي اي احد ذكر اي تجربه سيئه للعطور منهم من ناحيه ثبات او تاريخ قديم جدا للمنتج او جوده.. والموقعين مجربين من ناس كتير وهم مو سوق رمادي للعطور.



https://www.selfridges.com/SA/en/cat...ty-_-Fragrance

https://skysalesonline.com/ar/


تحديث: حسب رأي احد الأعضاء. فموقع الخطوط اوقات يكون تخزينهم هما نفسهم للعطور غير تمام فيأثر على جوده العطر رغم انه آصلي.

وهدا ممكن يفسر سبب ان موقع الخطوط احيانا ينزل تخفيضات كبيره. يمكن لهدا السبب. رغبه في التخلص في بضاعه معينه بسبب التخزين.


فبالتالي: أأمن موقع للعطور لنتائج ممتازه بدون اي مشاكل او تخييب للآمال هو موقع سلفردج البريطاني.. عطورهم آصليه مو سوق رمادي وتخزينهم هما نفسهم كمان للعطور ممتاز.
مهم جدا التسوق من موقع تخزينه للعطور ممتاز عشان كواليتي العطر مايتأثر.




معلومة إضافيه: السوق الرمادي مو بس موجود للعطور. لا موجود لكل شي من منتجات الماركات ملابس مثلا وساعات. ولكل شيء فيهم له أماكن للبيع. واللي يحب يحصل على آي شي من الماركات بسعر مخفض، يعني يروح يدور على مكان سوق رمادي لنوع السلعة المطلوبة.

زي محل تجتوج في جده مثلا ههههه يعني هو سوق رمادي بردو. لان بنلاقي فيه ملابس ماركات بسعر رخيص جدا وبتكون ملابس ماركات فعلا مو تقليد






 

 





التعديل الأخير تم بواسطة سالي خاااالد ; 25-05-2019 الساعة 08:35 PM.
سالي خاااالد غير متصل  
أشكر صاحب الموضوع رد مع اقتباس

قديم 21-05-2019, 02:21 PM #2
حسن 39
مشارك
 
الصورة الرمزية حسن 39
 


افتراضي رد: عرفت سر رخص اسعار فراجرنس نت واكس





شكرا للشرح

 

 




حسن 39 غير متصل  
0 - 2 Yes No
رد مع اقتباس

قديم 21-05-2019, 02:43 PM كاتب الموضوع #3
سالي خاااالد
نشيط
 
الصورة الرمزية سالي خاااالد
 


افتراضي رد: عرفت سر رخص اسعار فراجرنس نت واكس





مشاهدة المشاركة الأصلية
حسن 39
شكرا للشرح

العفو

 

 




سالي خاااالد غير متصل  
2 - 1 Yes No
رد مع اقتباس

قديم 21-05-2019, 03:30 PM #4
© A x R 9 7 9
بارز
 
الصورة الرمزية © A x R 9 7 9
 


افتراضي رد: عرفت سر رخص اسعار فراجرنس نت واكس





مشاهدة المشاركة الأصلية
سالي خاااالد
وبالنسبه لو اشتريت مثلا عطر من موقع اوروبي وعليه كلام عربي فهدا من احد الادله ان معاك عطر من السوق الرمادي لان عليه كتابه عربي لانه كان موجه للبيع في احد بلاد الشرق الاوسط. بس هو غير مغشوش يعني زي ما قلت لكم.

العطور اللي بتتصدر لبلاد الشرق الاوسط بينتطبع عليها الكلام العربي..


الكلام العربي ما له علاقة بأن المنتج موجه للشرق الأوسط و اصلا هو عبارة عن تحذير و لقيته مكتوب في أكثر من ماركة سواء عطورات او ملابس مع اني شاريها من الموقع الأمريكي الأصلي للماركة ..

أيضا النسخ الموجهة للشرق الأوسط أما أن تكون حصرية له او تكون بتركيز مختلف و لكن الجودة نفسها الموجودة بالنسخ الأخرى بشرط انك تشريها من موزع رسمي محترم

 

 




© A x R 9 7 9 غير متصل  
3 Yes No
رد مع اقتباس

قديم 21-05-2019, 03:58 PM #5
1بو محمد
بارز
 
الصورة الرمزية 1بو محمد
 


افتراضي رد: عرفت سر رخص اسعار فراجرنس نت واكس





الواضح ان رايك غير مبني على اي حقيقة مثبتة هو مجرد تحليل شخصي
مسألة الكتابة العربية مالها علاقة انا خلال سفري اشتريت عطورات ومستحضرات تجميل عليها كتابة عربية ومن متاجر مشهورة باورربا مباشرة .

 

 

التوقيع

يقول ﷺفي الحديث الصحيح : إن الناس إذا رأوا المنكر فلم يغيروه أوشك أن يعمهم الله بعقابه .



1بو محمد غير متصل  
21 Yes No
رد مع اقتباس

قديم 21-05-2019, 04:13 PM كاتب الموضوع #6
سالي خاااالد
نشيط
 
الصورة الرمزية سالي خاااالد
 


افتراضي رد: عرفت سر رخص اسعار فراجرنس نت واكس





مشاهدة المشاركة الأصلية
1بو محمد
الواضح ان رايك غير مبني على اي حقيقة مثبتة هو مجرد تحليل شخصي
مسألة الكتابة العربية مالها علاقة انا خلال سفري اشتريت عطورات ومستحضرات تجميل عليها كتابة عربية ومن متاجر مشهورة باورربا مباشرة .

ممكن حكايه الكتابه العربي مو شرط . لكن الباقي حقيقي وعادي لو مو حابب تصدق انه في شي اسمه موزع سوق رمادي . انا قلت اللي عرفته واللي حابب يصدق يصدق . بس مو من تحليلي اللي قلته في الموضوع. لانه فعلا موجود

 

 





التعديل الأخير تم بواسطة سالي خاااالد ; 21-05-2019 الساعة 04:50 PM.
سالي خاااالد غير متصل  
6 - 7 Yes No
رد مع اقتباس

قديم 21-05-2019, 04:51 PM #7
aziz-50
مشارك
 
الصورة الرمزية aziz-50
 


افتراضي رد: عرفت سر رخص اسعار فراجرنس نت واكس





طيب الخطوط الجويه ماتشتري بنفس الاسعار للجمله اشوفها مطيره الاسعار وبعدين تنقص مثلا عطر سعره 400 وشوي تخفض سعره لميتين وشوي تقول عرض مستحيل تبيعه بخساره معناته سعر الشراء جمله زي ما اشتروه المواقع اللي تبيعه ب 180 ريال

 

 




aziz-50 غير متصل  
Yes No
رد مع اقتباس

قديم 21-05-2019, 05:21 PM كاتب الموضوع #8
سالي خاااالد
نشيط
 
الصورة الرمزية سالي خاااالد
 


افتراضي رد: عرفت سر رخص اسعار فراجرنس نت واكس





مشاهدة المشاركة الأصلية
aziz-50
طيب الخطوط الجويه ماتشتري بنفس الاسعار للجمله اشوفها مطيره الاسعار وبعدين تنقص مثلا عطر سعره 400 وشوي تخفض سعره لميتين وشوي تقول عرض مستحيل تبيعه بخساره معناته سعر الشراء جمله زي ما اشتروه المواقع اللي تبيعه ب 180 ريال

بتنقص ايوا الخطوط اوقات عشان نفس الاسباب اللي قلتلها فوق .. خلاص لازم يتخلصوا من البضاعه اللي مركونه فتره عشان يجددوا . وعشان متخزن وقت ويتباع قبل مايتخزن فتره اطول وتقل جودته.

 

 




سالي خاااالد غير متصل  
2 - 1 Yes No
رد مع اقتباس

قديم 21-05-2019, 05:24 PM #9
aziz-50
مشارك
 
الصورة الرمزية aziz-50
 


افتراضي رد: عرفت سر رخص اسعار فراجرنس نت واكس





مشاهدة المشاركة الأصلية
سالي خاااالد
بتنقص ايوا الخطوط اوقات عشان نفس الاسباب اللي قلتلها فوق .. خلاص لازم يتخلصوا من البضاعه اللي مركونه فتره عشان يجددوا . وعشان متخزن وقت ويتباع قبل مايتخزن فتره اطول وتقل جودته.


طيب يومين ويرجعوا سعره لو الحكايه حكايه مخزون كان حتى نفاذ الكميه

 

 




aziz-50 غير متصل  
Yes No
رد مع اقتباس

قديم 21-05-2019, 05:29 PM كاتب الموضوع #10
سالي خاااالد
نشيط
 
الصورة الرمزية سالي خاااالد
 


افتراضي رد: عرفت سر رخص اسعار فراجرنس نت واكس





مشاهدة المشاركة الأصلية
aziz-50
طيب يومين ويرجعوا سعره لو الحكايه حكايه مخزون كان حتى نفاذ الكميه

انا مو متابعتهم بس الله اعلم ليه بيسووا كدا يمكن حركه اغرائيه للتسوق عشان السوق نايم عندهم بس العطور الماركات مابترخص بشكل كبير جدا غير لسبب ما.
او ممكن كمان كان عندهم بس كميه ولنقل مثلا ١٠ عطور قديمه شويه ويبغوا يمشوها قبل ماتقدم كتير وعندهم غيرها وصل جديد.. فيخلوا العرض لحد ما يمشي اللي يبغوه يمشوه وبعدين يرجعوا السعر الاصلي لما خلاص يخلص بيع العدد اللي كانوا يبغوا يبيعوه

 

 





التعديل الأخير تم بواسطة سالي خاااالد ; 21-05-2019 الساعة 07:40 PM.
سالي خاااالد غير متصل  
2 - 1 Yes No
رد مع اقتباس

قديم 21-05-2019, 05:59 PM #11
AL_Ma5vE
بارز
 
الصورة الرمزية AL_Ma5vE
 


AL_Ma5vE @Twitch
افتراضي رد: عرفت سر رخص اسعار فراجرنس نت واكس





ما اعتقد الموضوع كان محتاج اي استنتاج للي فقط " يقرأ"


مثال موقع : fragrancex.com
كاتبها بالصفحة الرئيسيه

Discount Perfume and Cologne up to 80% off at America's Largest Fragrance Outlet.



كلمة outlet في المتاجر وش تعني ؟!



الأوت لت , هو مكان يبيع البضائع التالفة أو التي عفا عليها الزمن قليلاً من شركة تصنيع معينة ، أو البضائع التي صنعها بكميات أكبر مما هو مطلوب.


ولكن حالياً الموقع في بعض العطور بدى ينتهج سياسه جديده

وهو اضافه عطور تم التأكد من صلاحيتها وانها جديده بسعر اعلى من الأخرى

مثال: عطر بلو دي شانيل




 

 

التوقيع

ح.ـآلـة صمت


التعديل الأخير تم بواسطة AL_Ma5vE ; 21-05-2019 الساعة 06:02 PM.
AL_Ma5vE متصل الآن  
10 - 5 Yes No
رد مع اقتباس

قديم 21-05-2019, 06:14 PM كاتب الموضوع #12
سالي خاااالد
نشيط
 
الصورة الرمزية سالي خاااالد
 


افتراضي رد: عرفت سر رخص اسعار فراجرنس نت واكس





مشاهدة المشاركة الأصلية
AL_Ma5vE
ما اعتقد الموضوع كان محتاج اي استنتاج للي فقط " يقرأ"


مثال موقع : fragrancex.com
كاتبها بالصفحة الرئيسيه



كلمة outlet في المتاجر وش تعني ؟!






ولكن حالياً الموقع في بعض العطور بدى ينتهج سياسه جديده

وهو اضافه عطور تم التأكد من صلاحيتها وانها جديده بسعر اعلى من الأخرى

مثال: عطر بلو دي شانيل




كلام جميل ممتاز
حلو انه بالادله والصور عشان الناس تصدق
عن نفسي ما كنت اعرف المقصود ب outlet

وحلوه المعلومه الاخيره اللي قلتها ، تفيد فعلا للناس اللي بتفضل تتسوق من هناك ، شكرا

 

 





التعديل الأخير تم بواسطة سالي خاااالد ; 21-05-2019 الساعة 06:49 PM.
سالي خاااالد غير متصل  
2 - 2 Yes No
رد مع اقتباس

قديم 21-05-2019, 06:15 PM #13
aziz-50
مشارك
 
الصورة الرمزية aziz-50
 


افتراضي رد: عرفت سر رخص اسعار فراجرنس نت واكس





مشاهدة المشاركة الأصلية
AL_Ma5vE
ما اعتقد الموضوع كان محتاج اي استنتاج للي فقط " يقرأ"


مثال موقع : fragrancex.com
كاتبها بالصفحة الرئيسيه



كلمة outlet في المتاجر وش تعني ؟!






ولكن حالياً الموقع في بعض العطور بدى ينتهج سياسه جديده

وهو اضافه عطور تم التأكد من صلاحيتها وانها جديده بسعر اعلى من الأخرى

مثال: عطر بلو دي شانيل





عطور جيرلان تغيرت للزجاجه الموحده قبل ثلاث وقبل سنتين وشوي شفت سعر عطر هيرتاج البارفيوم انخفض من 320 الى 188 وقمت بالطلب فوصلني النسخه الجديده بالزجاجه الموحده انتاج نفس العام

 

 




aziz-50 غير متصل  
Yes No
رد مع اقتباس

قديم 21-05-2019, 06:24 PM #14
aziz-50
مشارك
 
الصورة الرمزية aziz-50
 


افتراضي رد: عرفت سر رخص اسعار فراجرنس نت واكس





الموقع فيه ثغرات بالاسعار مثلا عطر وانتد باي نايت من أزارو وهو عطر جديد صدر عام 2018 سعر ال 150 ملي ارخص من ال 100 ملي


https://www.fragrancex.com/products/...tml?sid=AZWBNM

 

 




aziz-50 غير متصل  
Yes No
رد مع اقتباس

قديم 21-05-2019, 06:36 PM كاتب الموضوع #15
سالي خاااالد
نشيط
 
الصورة الرمزية سالي خاااالد
 


افتراضي رد: عرفت سر رخص اسعار فراجرنس نت واكس





مشاهدة المشاركة الأصلية
aziz-50
الموقع فيه ثغرات بالاسعار مثلا عطر وانتد باي نايت من أزارو وهو عطر جديد صدر عام 2018 سعر ال 150 ملي ارخص من ال 100 ملي


https://www.fragrancex.com/products/...tml?sid=AZWBNM

بيكونوا تقريبا يبغوا يتخلصوا من الحجم الكبير.
انا شفت قبل كدا في منتدي اجنبي بيتكلموا على نفس الحكايه بس عن موقع تاني من اللي تخصص سوق رمادي، وبردو لاحظوا اوقات نفس الحكايه، سعر الكبيره ارخص من الصغيره. مو بس مو موقع فراجرنس اكس. بيكون ممكن اسباب زي الكبيره ما عليها طلب زي الصغيره ويبغوا يمشوا سوقها او تاريخها اقدم من الصغيره. ولو تاريخ البرفيوم اصلا انتاجه جديد فممكن الكبيره فيها مشكله تانيه الله اعلم ايش هي :D

 

 





التعديل الأخير تم بواسطة سالي خاااالد ; 21-05-2019 الساعة 06:43 PM.
سالي خاااالد غير متصل  
1 Yes No
رد مع اقتباس

قديم 21-05-2019, 06:50 PM #16
أبو فهد 85
نشيط
 
الصورة الرمزية أبو فهد 85
 


افتراضي رد: عرفت سر رخص اسعار فراجرنس نت واكس





جميل ، وأخيراً عرفت سر هالموقع

 

 




أبو فهد 85 غير متصل  
Yes No
رد مع اقتباس

قديم 21-05-2019, 07:04 PM #17
aziz-50
مشارك
 
الصورة الرمزية aziz-50
 


افتراضي رد: عرفت سر رخص اسعار فراجرنس نت واكس





ايضا عطر تري دي هيرمس كل سنه تنزل اصدار خاص بشكل قاروره مختلف هذا شكل اصدار 2018




سعرها كان 223 لل 100 ملي تواليت مقابل 259 للنسخ العاديه اللي ربما تكون نسخ اقدم نفذت الكميه وباقي التستر بنفس سعر العادي التستر مع انها اخر انتاج


https://www.fragrancex.com/products/...tml?sid=THVSPP

 

 




aziz-50 غير متصل  
Yes No
رد مع اقتباس

قديم 21-05-2019, 07:14 PM كاتب الموضوع #18
سالي خاااالد
نشيط
 
الصورة الرمزية سالي خاااالد
 


افتراضي رد: عرفت سر رخص اسعار فراجرنس نت واكس





مشاهدة المشاركة الأصلية
أبو فهد 85
جميل ، وأخيراً عرفت سر هالموقع

 

 




سالي خاااالد غير متصل  
0 - 1 Yes No
رد مع اقتباس

قديم 21-05-2019, 07:22 PM كاتب الموضوع #19
سالي خاااالد
نشيط
 
الصورة الرمزية سالي خاااالد
 


افتراضي رد: عرفت سر رخص اسعار فراجرنس نت واكس





مشاهدة المشاركة الأصلية
aziz-50
ايضا عطر تري دي هيرمس كل سنه تنزل اصدار خاص بشكل قاروره مختلف هذا شكل اصدار 2018




سعرها كان 223 لل 100 ملي تواليت مقابل 259 للنسخ العاديه اللي ربما تكون نسخ اقدم نفذت الكميه وباقي التستر بنفس سعر العادي التستر مع انها اخر انتاج


https://www.fragrancex.com/products/...tml?sid=THVSPP

قريت كلامك كذا مره احاول افهم مضبوط .. ما اعرف ليه حسيت صعب افهم الكلام بس حسب مافهمت، ان نوع جديد سعره ارخص من القديم..
لو كدا حسب ما انا فهمت، فممكن بردو في اسباب تخلي الجديد ارخص من القديم.. مو شرط انه اصدار جديد فيكون اغلي من الاصدار القديم .. ممكن القديم حالته للاستخدام افضل ممكن تخزينه احسن ..ممكن احتمالات كتير. وكله بالنهايه نتيجه واحده ان الواحد واخد من الموقع عطور من مخازن اصحاب الماركات والموزعين المعتمدين اللي هما ماعاد يبغوها عندهم لاي سبب من الاسباب.وانت كمشتري بتاخد بس ما تكون عارف ايش هو السبب اللي خلاهم مايبغوها. وتسعيره موقع فراجرنس وغيره من المواقع اللي زيه بتحكم بردو.. حسب الحاله.. وحسب ماوضح واحد فوق في التعليقات.. ان هما بيغلو السعر لو حاله المنتج احسن

 

 





التعديل الأخير تم بواسطة سالي خاااالد ; 21-05-2019 الساعة 07:26 PM.
سالي خاااالد غير متصل  
1 - 1 Yes No
رد مع اقتباس

قديم 21-05-2019, 08:13 PM #20
aziz-50
مشارك
 
الصورة الرمزية aziz-50
 


افتراضي رد: عرفت سر رخص اسعار فراجرنس نت واكس





مشاهدة المشاركة الأصلية
سالي خاااالد
قريت كلامك كذا مره احاول افهم مضبوط .. ما اعرف ليه حسيت صعب افهم الكلام بس حسب مافهمت، ان نوع جديد سعره ارخص من القديم..
لو كدا حسب ما انا فهمت، فممكن بردو في اسباب تخلي الجديد ارخص من القديم.. مو شرط انه اصدار جديد فيكون اغلي من الاصدار القديم .. ممكن القديم حالته للاستخدام افضل ممكن تخزينه احسن ..ممكن احتمالات كتير. وكله بالنهايه نتيجه واحده ان الواحد واخد من الموقع عطور من مخازن اصحاب الماركات والموزعين المعتمدين اللي هما ماعاد يبغوها عندهم لاي سبب من الاسباب.وانت كمشتري بتاخد بس ما تكون عارف ايش هو السبب اللي خلاهم مايبغوها. وتسعيره موقع فراجرنس وغيره من المواقع اللي زيه بتحكم بردو.. حسب الحاله.. وحسب ماوضح واحد فوق في التعليقات.. ان هما بيغلو السعر لو حاله المنتج احسن


تري دي هيرمس كل سنه تغير من شكل القاروره وتنزلها اصدارات خاصه من شكل القاروره نعرف تاريخ اصدارها


https://www.designboom.com/competiti...on-01-17-2017/


فالموقع زي مالاحظت مرات يبيع الاصدارات الاحدث بسعر ارخص ومرات بنفس السعر ومرات اغلى ماهو ثابت

 

 




aziz-50 غير متصل  
Yes No
رد مع اقتباس

إضافة رد

أدوات الموضوع

الانتقال السريع


الساعة الآن 05:29 PM.