بوابة الإنترنت الرقمية ADSLGATE

Amazon عنوان IP سرعة الإتصال الإعلان استعادة كلمة المرور
العودة   البوابة الرقمية ADSLGATE > بوابة خدمات الأعضاء > الأعضاء العام
التسجيل التنبيهات لوحة التحكم مشاركات اليوم قوانين المنتدى الاتصال بنا مشاركات اليوم اجعل كافة الأقسام مقروءة




إضافة رد
 
أدوات الموضوع
قديم 04-04-2019, 02:44 PM #1
عزوز المحمادي
متميز
 
الصورة الرمزية عزوز المحمادي
 


عزوز المحمادي @Twitter




افتراضي سنين من علم التغذية والرياضة في موضوع واحد...نمط حياة صحي





السلام عليكم ورحمة الله وبركاته



في هذا الموضوع باذن الله بختصر سنين وسنين من الأخطاء اللي سويتها – مئات الفيديوهات من دكاترة وناس معتمدين في التغذية الرياضية ورياضة كمال الاجسام ومئات الساعات بالقراءة حول الموضوع كون الموضوع يعتبر شغف بالنسبة لي

راح أحاول اجعل الموضوع أساس الأساس بمعنى اذا انت شخص تبي صحة افضل وتبي جسم افضل بعطيك رؤوس الأقلام اللي تحتاجها واللي راح توصلك المكان اللي تبيه بدون زيادة باذن الله الموضوع راح يكون مقسم الى جزئين جزء التغذية وجزء التمارين لا اعلم اذا كان الموضوع بيكون معقد او لا ولكن ما راح يكون مستحيل فهمه فـ اذا ما فهمت شيء عيد الموضوع مرة ومرتين وثلاث لان بكل صراحة الموضوع قد يختصر عليك وقت جداً طويل .. معاناة كبيرة وايضاً قد يوفر عليك فلوس بدال ما تشترك مع مدرب

بقول هالشيء مرة وركز معي .. الكلام هذا كله مو من تجربتي..مو انا اللي قلته او صنعته ونصيحة أي شخص يقلك من تجربته في هالمجال انا من رأيي تبعد عنه وتقله يعطيك العافية .. بهالوقت انت ما تحتاج تجارب من الناس العلم موجود وواضح وصريح والدراسات الموجودة فعلاً مو دراسات الواتس اب والناس المعتمدين ساروا موجودين فعلاً مو زي قبل تعتمد على الشخص الأكبر حجماً في ناديك ولك الحق انك تبحث عن أي معلومة بحطها ولكن لازم تعرف فيه أشياء كثيرة صحيحة بهالمجال لكن لا يعني ان هالشيء ممكن يكون الأنسب لك فـ انا راح اشرح الطريقة اللي اشوف ممكن تناسب الاغلب ومافيها مشاكل كثير لكن الموضوع ما بيكون سهل

راح اقسم الموضوع بسبويلر عشان يترتب عليك الموضوع يسير لو فهمت موضوع ما يحتاج تقراه مرة ثانية وراح يكون بهالترتيب

1-نظرية توازن الطاقة
2-التغذية
-العناصر الغذائية الثلاثة او الماكروز
-حساب الاحتياج
-متابعة السعرات وفتنس بال
-التحكم بالجوع
-الطبخ
-المكملات
3-التمارين
-المقاومة
-الكارديو
-جدول تمارين


 
ببدا بكلمة "حمية" او "دايت"
لازم تفهم قبل كل شيء فيه حميات كثيرة عندك المرونة – حساب السعرات – الكيتو – النباتي – نظام التمر – نظام الزبادي والى اخره
السبب الوحيد انك تخسر دهون على هذي الأنظمة هو سبب واحد واللي هو نظرية
توازن الطاقة
Energy balance




المعنى ان السبب الوحيد في زيادة او نقصان وزنك هي توازنك للطاقة .. او السعرات الحرارية .. بعطيك مثال
متوسط حرق الشخص يقارب 2000 سعرة حرارية والرقم يختلف من شخص الى اخر والاكل بشكل عام له رقم معين من السعرات الحرارية متى تزيد وزن ؟ اذا كان رقم الاكل اكبر من رقم الحرق بختصار اذا قاعد تأخذ طاقة اكثر من انك تصرفها الجسم يخزن هذي الطاقة على شكل دهون بالجسم والعكس ..انا ما اهتم وش تاكل وش تسوي اذا وزنك قاعد يزيد فانت تطبق هالقانون اذا وزنك قاعد ينقص انت قاعد تطبق هالقانون بكذا تعرف كل الكلام عن حوارق الدهون او الاكلة الأسطورية اللي تخليك تخسر 3 كيلوا بالاسبوع او التمرين المحدد اللي يشد الجسم ويحرق الدهون هذي كلها كلام فاضي المشكلة الأساسية للسمنة هي ان الشخص ما قدر يوافق بين ادخال الطاقة وصرفها ..تبي تخسر وزن ؟ اصرف اكثر من ما تاكل تبي تزيد وزن ؟ كل اكثر من ما تصرف

ولكل حمية لها سلبياتها وميزاتها بالنسبة لي جربت النباتي – حساب السعرات بشكل نظيف – المرونة – الكيتو – وأول دايت كان دايت الزبادي للأسف :/
طيب وش افضل دايت ؟ مافيه افضل دايت فيه الدايت المناسب لك انت بالنسبة لي بعد التجربة اما راح أكون على دايت مرونة او دايت كيتو ولا راح اجرب اكثر من كذا ..جرب ثم احكم

الحين فهمنا ان الطاقة هي الأساس طيب هل يهم اللي اكله دام الموضوع فقط عن ارقام ؟ الى حد ما ايه .. تقدر تنحف على كتكات وبيبسي واكل مو كويس ايه ممكن لكن انت كذا تختار الخيار الاسوء .. الموضوع فيه صحة وفيه أسلوب حياة مو مجرد شيء تسويه لشهرين تنحف ثم ترجع جسمك مثل قبل



 

العناصر الغذائية الثلاثة او الماكروز كاختصار لـ macronutrients



1-البروتين "اللحوم ومشتقات الحليب غالباً"
2-الكاربوهيدرات "النشويات والخضار والفواكه"
3-الدهون "الزيوت والاجبان وغيرها"

بشكل مختصر بكلامنا هذا البروتين مسؤول عن اصلاح وبناء العضلات – الدهون مسؤولة عن امتصاص الفيتامينات والمعادن – الكاربوهيدرات مسؤول عن الطاقة السريعة وقت التمرين .. اذا اول مرة تسمعهم احفظهم وكررهم لانهم أساس التغذية وكل ما بتبحث بتغذية راح تلاقي ذول الثلاث وللشخص الطبيعي بدون امراض مافيه سبب معين يخليك تتخلى عن واحد وكل الاكلات تنقسم على ذول الثلاث
ملاحظة مهمة : فيه دهون كمصدر اكل وفيه دهون الجسم ..يختلفون كلياً عن بعض حرق الدهون وخسارة الدهون شيئين مختلفين حرق الدهون هو حرق دهون الاكل كمصدر طاقة وخسارة الدهون هي خسارة دهون الجسم


 

طيب كيف احسب احتياجي من هالثلاث ؟ الشرح الكتابي قد يكون صعب فـ بالتالي شوف هالفيديو اذا ما فهمت ابحث بالنت كيف احسب ماكروز الى ان تضبط معك لكن اعلم بالنهاية فيه اكثر من حسبة لا تدقق بالموضوع تكفى الموضوع بسيط وفيه اختلافات ولا فيه حسبة صح وغلط


حساب السعرات ..وهذا اهم شيء بالموضوع اذا تبي هدفك ..انت يومياً تأخذ كمية من الطاقة بس المشكلة انك ما تعرف الكمية هذي فـ بالبداية ابيك تسوي رياضة ولا تهتم بالتغذية حالياً لمدة أسبوعين الى ثلاث أسابيع عشان توازن بين صرفك واكلك للطاقة ومنها تحس بشعور افضل .. حساب السعرات يبي له خطوات واذا اتقنت هالمهارة راح تقدر حرفياً تاكل اللي تبيه "باعتدال" ولا تحرم نفسك من شيء وتحقق هدفك واللي هو "نظام المرونة"
نظام المرونة بختصار انك تحسب سعراتك وتحقق احتياجك اليومي من الماكروز وبنفس الوقت تقدر تاكل أشياء ممكن تحبها المشكلة ان فيه ناس كثير يعتقدون ان النظام عبارة عن دونات واكل فارغ السعرات وهذا مو صحيح النسبة عادةً تكون ما بين 70-90% اكل مفيد مليء بالفيتامينات والمعادن يعطيك طاقة والباقي عشان تستمتع بالاكل سواء حلويات او غيرها وانصح الاغلبية فيه كبداية


 

كيف اتابع السعرات ؟
تحتاج فقط ميزان اكل – برنامج my fintesspal
هذا شرح للمتابعة وايضاً البرنامج 30 دقيقة اجبر نفسك عليها بتشكرني بعدين


 

التحكم بالجوع

التحكم بالجوع له طرق جداً كثيرة طبعاً أتكلم عن التحكم بالجوع اذا انت حاسب سعراتك بالشكل الصحيح والمناسب فـ راح احط لستة أشياء ممكن تفيدك ولا اظن ان باي نظام تتبعه تكون جيعان فيه وهالشيء ما اشوفه صحي ابد
1-شرب المياه بشكل مستمر
2-استعمال القهوة او الشاهي ك وسيلة لسد الجوع
3-مضغ الطعام بشكل ابطء للإحساس بالشبع ولصحة افضل لمعدتك
4-الألياف الغذائية تعتبر مهمة جداً للصحة 10 قرام لكل 1000 سعرة او اكثر تساعدك باختياراتك بالاكل
5-زيادة البروتين للاحساس بالشبع
6-ابعد شوي عن المقليات والسكريات واستبدل الزيت ببخاخ الزيت لتوفير السعرات
7-الصيام المتقطع وراح اشرحه بصور
 







 
هنا موضوع عليه جدل كبير وخذوها من شخص اشترى معظم المكملات وبعد البحث واختصر عليك السالفة المكملات ممكن تساعدك بنسبة 5-15% كحد اقصى واي شخص يطبل لك بالمكملات كلامه ماخذه من شخص ثاني مطبل بدون أي دليل علمي .. 90% من المكملات مالها فائدة وكل الكلام جاي من الشركات عشان التسويق والمكملات اللي تسوى تنعد على الأصابع اللي هم
1-مكمل بروتين : بعد ما تعرف احتياجك من البروتين قد يساعدك الموضوع واشوفه المكمل الوحيد اللي الواحد "ممكن" يحتاجه
2-الكرياتين : مثبت ان له نتائج كويسة فـ حالة انك اخذته لمدة طويلة وقد يزيدك قوة شوي
3-الكافين : نفس تأثير القهوة ممكن الطعم يختلف
4-الفيتامينات : مشكلتها ان الناس ياخذوها بمجرد ما يبداوا نظام وما يعرفوا انهم لازم يفحصوا اذا عندك نقص ممكن تكمله بالمكمل اذا ما سويت هالشيء ممكن يرجع عليك الموضوع بطريقة سيئة
5-السيرياس ماس : هو سعرات كبيرة بملعقة واللي بصراحة ما انصح فيه لانك تقدر تسوي نفس الشيء بالبيت واغلبهم مليانييين سكر يعني صحتك وفوق هذا يلعب فيك

الاكل بيضل والراحة والنوم بيضلون اهم من هذي الأشياء بمئة مرة لكن البعض يبي هالشيء بس عشان يحفزه او عشان عاجبته سالفة المكملات والله اعلم لكن هذي هي الحقيقة


 


لو فيه شيء واحد ابيك تاخذه من الموضوع هو الطبخ .. الناس يقولون مهارة الطبخ ولازم تعرف كيف تطبخ بتجربتي مافيه شيء اسمه مهارة الموضوع حرفياً فقط انك تشوف فيديو وتطبقه والمرة الجاية تتذكر الخطوات وين المهارة بالموضوع ؟ مبالغة كبيرة يعني حرفياً تقدر تشوف مقطع وانت بالمطبخ وتطبخ اكلك ووش كسبت ؟
1-صحة افضل
2-نتائج باذن الله
3- انتظام اسهل
4-توفير فلوس

انك انت تطبخ اكلك افضل من انك تاكل من برا – افضل من انك تطلب احد يسوي لك الاكل – اذا كسبت هالشيء اضمن لك الطريق بيكون اسهل بنسبة كبيرة جداً بشكل ما تتصوره
بعطيك اهداف كنت حاطها ببالي مع شرط ان كل اللي اسويه يعجبني طعمه
1-اطبخ رز – باستا – سبيقتي – بطاطس كمصدر كاربوهيدرات او نشويات
2-اطبخ بيض بأكثر من نوع – اسلق صدر دجاج واقليه – اطبخ لحم مفروم وتونة
3-حمر بصل وطماطم ونوع بالبهارات
اللي فوق خلاني حتى لما تركت التمارين بالاختبارات اسويهم والحلو بالموضوع ان اللي فوق كله بيبقى معي للابد مو رايح


اذا طبقت اللي فوق فهمته وتعلمته انت الحين وصلت لمرحلة جداً كويسة وعرفت شيء جداً كبير برافو عليك

الحين الأسئلة الغذائية

طيب ما فهمت شيء من الموضوع الحين كيف انحف ؟

حبيبي انت .. حاول تقرا الموضوع مرة ثانية وتفهم الفيديوهات موجودة ونظرية توازن الطاقة مهمة اتعب شوي وافهمهم واذا فيه جزئية ما فهمتها اسال وان شاء الله اجاوب .
الشكل النهائي للموضوع بيكون انك تمارس المقاومة 4-5 أيام بالاسبوع مع عدد من الحصص للكارديو ما يكون كثير وتحسب سعراتك باليوم وتاكل اللي يفيدك ويعجبك وتصبر وتصبر الى ان تصل لهدفك باذن الله

كيف ازيد زني ؟
تمارس مقاومة وتاكل طاقة او سعرات حرارية اكثر مما تصرف .. ما ضبط الموضوع معك تزيد الطاقة اكثر واكثر الين ما تضبط

انا وزني X وطولي X وش اسوي ؟
اقرا الموضوع .. محد راح يعرف الأفضل لك الا مدرب او انت لان الأشياء اللي تشمل وزن وطول لازم المدرب المناسب يعرف أسلوب حياتك هل انت مضغوط هل نفسيتك كويسة هل يومك ثقيل ولا خفيف ثم يحكم فـ انت لازم تجرب وتفهم الموضوع لا تسمع كلام غيرك الا بنصائح خفيفة

جزئية التمارين


مهما كان هدفك التمارين لازم تكون بحياتك حتى لو ما عندك هدف انا اشوف ان لازم تتمرن جسم الانسان ما صُنع عشان يجلس طول اليوم هالشيء مو صحي ..هالشيء مو صحيح

وفيه نوعين اللي هم المقاومة والكارديو
المقاومة هي انك تضع عضلاتك بضغط بحيث تمزق الياف العضلة ثم تصلحها بالتغذية عشان تطور
الكارديو اللي هو التمارين الهوائية واللي تتضمن المشي الجري الهرولة الأجهزة الهوائية والغرض منها صحة افضل ولياقة افضل وحرق سعرات للبعض
بالنسبة لجدول التمارين انصح بهالجدول مناسب للكل واربع أيام تقدر تبدا فيه وتستمر لحد سنة كاملة
https://www.muscleandstrength.com/workouts/phul-workout

ولكن قبل ما تفكر تسوي أي تمرين اذا ما حطيت أسبوعين تتعلم كل التمارين بالطريقة الصحيحة لا تتمرنهم الموضوع سهل ما يحتاج تبدا بداية قوية الأهم هنا انك تستمر لو ما استمريت ما راح تلاقي شيء .. تفادى الإصابات وتعلم الطريقة


الأسئلة العامة

1-ابي اخسر وزن وناس يقولون لا تلعب حديد بالبداية
اسوء اسوء اسوء..اسوء نصيحة ممكن تسمعها شيء محزن ان فيه ناس مستمرين على هالنظام ..لما تخسر وزن جلدك ما راح يلاقي شيء يأخذ مكان الدهون اللي خسرتها فـ بالتالي تبقى لك الترهلات وهالشيء جداً سيء وحله مرة صعب وتقدر تبحث عن lose skin باليوتيوب
المقاومة تزيد لك العضل وهالشيء جيد صحياً وجسدياً
تحرق لك سعرات اكثر بالتالي تقدر تاكل اكثر
تحفز لك خسارة الدهون لانك تاكل اكثر
لا تفكر تبدا خسارة الوزن بدون مقاومة

2-هل لازم نادي ؟
لا مو لازم نادي ابدا اليوتيوب مليان تمارين فقط حاول تسوي شوية مقاومة اسبوعياً وتستمر

3-وش افضل وقت اتمرن ؟ وش افضل وقت اسوي كارديو ؟ وش افضل وقت اكل ؟
ما يهم .. شوف اللي يناسب حياتك انت

4-هل الحديد يوقف الطول ؟
لا والف لا بل ممكن يحفز هرمون النمو

5-طيب بديت النظام ما اعرف وش اكل ؟
هذي مهارة بتكتسبها مع الوقت .. ابحث عن يوم كامل من الاكل او
Full day of eating
ابدا سوي لك لستة اكل بروتيني اكل نشويات عشان بعدين بس تسوي مكس لاثنين وانتهى الموضوع

6-طيب ابي انزل للوزن X قبل الشهر X
اسوء تفكير بصراحة .. الجسم ما يمشي بالضبط زي ما تبي انت خذها أسلوب حياة لانك لو فكرت فيها كفترة وتروح اللي يسير ان بعد فترة بتكسب الوزن مرة ثانية فـ بالتالي الموضوع افضل لك لما تحافظ على صحتك وجسمك وشكلك وكلها اربع أيام بالاسبوع من 40 دقيقة الى ساعة وانت مخلص ما يحتاج تحط حياتك كلها بهالشيء .. اذا هذا تفكيرك وش اسوء شيء ممكن يسير لو ما نزلت هالكم من الوزن في الوقت المعين ؟ غالباً أسباب تافهه شوف نفسك كيف راح تسير بعد سنة سنتين واعطي الموضوع وقت اكبر صدقني بترتاح نفسياً ويطول بالك
7-طيب انا احب الكبسة اقدر ادخلها بنظامي ؟ او أي اكلة
غالباً ايه ما يضر لو انك في يوم واحد من 30 يوم ما حسبت سعرات اكلة .. بس تاكد انك تشد حيلك بالنادي ولا تبالغ واستمتع بالاكل لا تتسابق على الصحن وبالعافية عليك.. الموضوع ابيه يكون أسلوب حياة مو حرمان اعرف كيف تتصرف حول هالمناسبات لا تحرم نفسك واستمتع

8-الاكل مكلف وش اسوي ؟
نوع بالاكل البروتينات غالباً هي الاغلى من الثلاث .. خذ من اللحوم والتونة والدجاج لا تخلي الدجاج هو مصدرك بس .. ومكمل بروتين يساعدك وايضاً العروض بالنهاية لو بحثت كفاية بتلاحظ انك وفرت على نفسك

9-تنصحني بنظام فلان ؟ تنصحني بالاكلة هذي ؟
انصحك تشوف الموضوع بنظرة اكبر اللي هو أسلوب حياتك وتشوف اللي مناسب لك .. الطبخ هي افضل وسيلة لحياة افضل برأيي كنت انسان يومياً من مطاعم ولاحظت بعد فترة اني احط لذة ثواني بفمي عشان ساعتين من الكسل والتعب واحس اني معجز وانا توي بداية عمري هل فعلاً الموضوع يستحق ؟ هل انا فعلاً يعجبني هالاكل ولا بس عشاني متعود .. لما بديت اطبخ شفت الراحة بالاكل اكل متى ما ابي انا اختار اكلي واكلي يعجبني هذا تغيير أسلوب مو عشاني اتبعت نظام معين

10-قاعد اكل كثير بس ما يزيد وزني
اذا ما قاعد تحسب سعراتك فـ انت شغلك عشوائي ونتائجك بتكون عشوائية .. يمكن قاعد تاكل كثير بس تاكل اكل سعراته او طاقته قليلة فـ الموضوع ما يفرق

11-عندي ترهلات وش اسوي ؟
الترهلات موضوعها صعب وبعضها لازم عمليات للأسف .. لكن افضل حل لك هو انك تشد جسمك بانك تبني عضل في كل عضلاتك واسال الله ان يعينك

12-كم وجبة باليوم ؟
ما يهم .. شوف سعراتك وشوف كم تبي وجبة باليوم وبالعافية

13-كيف ازيد لياقتي ؟
اللياقة تزيد من انك توصل لمرحلة معينة من نبضات القلب غالباً تكون عالية .. مارس الرياضة وترتفع معك نبضات القلب وتزيد لياقتك

14-هل تنصحني بحوارق الدهون ؟
حوارق الدهون اكبر مقلب في هالمجال .. ليس لها فائدة تذكر

15-تنصحني بمدرب شخصي ؟
هالسؤال صعب شوي لكن يعتمد اولاً على ميزانيتك لا تضغط نفسك اذا ما تقدر تقدر تعرف كل شيء بالبحث ولكن الى يومي هذا اشوف لو اني جمعت شوي ودخلت مع مدرب كان اختصر علي الوقت بالطريقة الصحيحة وعلمني الطريقة وانا اخذت منه سنين معرفة واساله اوفر واوفر والموضوع استثمار بصحتي وجسمي وممكن راحتي وسعادتي بصراحة .. فيه المدربين اللي يضحكون عليك وفيه المدربين اللي نيتهم طيبة لكن ما عندهم علم كافي وهذا الشيء شفته بعيني فـ قبل ما تفكر لازم تشوف ان هالمدرب يستاهل من اعتماداته من أسلوبه من طريقته .. الحرمان ابدا ما كان حل واللي يقلك اكرفك في النادي ولا تماريني قاتله هذا مو أسلوب انت مو قاعد تحارب عشان جسمك انت تحافظ على صحتك كيف بتحافظ على صحتك وانت مثقل الموضوع على نفسك وكثير من المدربين هدفهم يجيبون لك نتائج اول 3 اشهر ويكرفونك والموضوع يسهل حرفياً انا اقدر اقلك تمرن يوميا وكل قليل وتخسر دهون وتشكرني بس هذا مو أسلوب حياة هذا تعذيب قصير بنتائج تغري وبعدها الشخص ما يفكر يرجع للنادي ابد لان كل اللي يتذكره الكرف اللي كان عليه والحرمان فـ اللي أخاف تخسره اكثر من الفلوس هو شعورك نحو هالنمط من الحياة الموضوع مو صغير


بالنهاية اخذ الموضوع مني وقت واتمنى ان الموضوع كان واضح واعتذر اذا كان ملخبط شوي .. ولي سنين أشارك بمواضيع الرياضة والصحة وراح أكون متواجد بالموضوع وراح اساعد أي شخص يحتاج مساعدة والمعذرة اذا كان الشرح ماش واللي فيه شيء ما فهمه يقوله اشرحه اكثر ما ودي بصراحة الناس ينلعب عليهم بهالمجال خصوصاً هالوقت لاني كنت بنفس المكان قبل ..اوه المكمل الفلاني يساعدك تنحف ولا موية مع ليمون على الصباح تحرق دهون وكلام فاضي كثير وما خسرت الا وقت ومال والموضوع كان ابسط من كذا بكثير .. تعلمت بالطريق ان لو شفت الموضوع بأسلوب حياة "ادري قلت الموضوع الف مرة" الأمور تتسهل لما انضغط بالجامعة اروح النادي يومين بالاسبوع واكل نفس الاكل لحد الشبع بدون ما احسب سعرات ما راح تضرني أسبوعين وانا بكمل سنين باذن الله لما تفكر بالموضوع زي كذا ترتاح اهم شيء تستمر وتحب الرحلة كان ودي اشرح المواضيع بالتفصيل لكن فيه فيديوهات تختصر الموضوع فـ حطيتهم للفائدة الاكبر.. وانا الان طالب في الجمعية الدولية لعلوم الرياضة ISSA
وقاعد ادرس التدريب الشخصي راغباً بان اغير ولو بنسبة قليلة من هالمجتمع الى مجتمع صحي بحياة افضل وراح اخذ 5 اشخاص بالخاص بعد ما يرسلون لي قصتهم واوفر عليهم التدريب مجاناً كل اللي ابيه هو التزامه معي والغرض منه الفائدة اولاً ثم الخبرة

اسال الله ان يوفق الجميع وفي امان الله

 

 

التوقيع
فرعون كان يقول (أنا ربكم الأعلى) كيف كان رد الله سبحانه ؟
قال الله سبحانه وتعالى (اذْهَبَا إِلَىٰ فِرْعَوْنَ إِنَّهُ طَغَىٰ فَقُولَا لَهُ قَوْلًا لَّيِّنًا لَّعَلَّهُ يَتَذَكَّرُ أَوْ يَخْشَىٰ)
فكيف يكون عطفك بـ عبد قال :
"سبحانك ربي الأعلى "

اللهم إنك عفوٌّ تُحب العفوَ فاعفُ عنا




التعديل الأخير تم بواسطة عزوز المحمادي ; 04-04-2019 الساعة 05:59 PM.
عزوز المحمادي متصل الآن  
أشكر صاحب الموضوع رد مع اقتباس
57 عضواً يشكرون عزوز المحمادي للفائدة التي وجدوها في هذا الموضوع

قديم 04-04-2019, 03:44 PM #2
zoal
مراقب عام
الحمد لله والشكر له
 
الصورة الرمزية zoal
 


افتراضي رد: سنين من علم التغذية والرياضة في موضوع واحد...نمط حياة صحي





روعة ياعزوز مجهود خرافي وجميل ماشاء الله، افدتنا وفقك الله بالدنيا والاخرة


خمسة نجوم

 

 

التوقيع
استغفر الله العظيم



zoal غير متصل  
رد مع اقتباس

قديم 04-04-2019, 04:13 PM #3
XGamerCliperX
بارز
 
الصورة الرمزية XGamerCliperX
 


افتراضي رد: سنين من علم التغذية والرياضة في موضوع واحد...نمط حياة صحي





يعطيك العافية
اتمنى ان الموضوع يتثبت ويصير كمرجع

 

 




XGamerCliperX متصل الآن  
Yes No
رد مع اقتباس

قديم 04-04-2019, 06:40 PM #4
ريح الشمال66
مشارك
 
الصورة الرمزية ريح الشمال66
 


افتراضي رد: سنين من علم التغذية والرياضة في موضوع واحد...نمط حياة صحي





ماشاء الله موضوع متكامل ومنظم
الحمدلله بنظام المرونة نحفت كثير
كنت ادخل كل الاكلات حتى لو كانت مضره لكن بكميات بسيطه عشان ما احرم نفسي
اتمنى هالموضوع يكون مرجع لنا وللمهتمين بالدايت والرياضة بشكل عام

 

 




ريح الشمال66 غير متصل  
Yes No
رد مع اقتباس

قديم 04-04-2019, 07:19 PM #5
مفكر اسلامي
مشارك
 
الصورة الرمزية مفكر اسلامي
 


افتراضي رد: سنين من علم التغذية والرياضة في موضوع واحد...نمط حياة صحي





موضوع متعوب عليه جزاك الله خير


بالنسبه للتغذية الى الان في عقليتي انها مشكلة اتزان سلوكي تحتاج لعقل ناضح وارادة حتى الواحد يقاوم نفسه بحيث يكون بالمنتصف بين الافراط والتفريط

 

 




مفكر اسلامي غير متصل  
Yes No
رد مع اقتباس

قديم 04-04-2019, 07:48 PM كاتب الموضوع #6
عزوز المحمادي
متميز
 
الصورة الرمزية عزوز المحمادي
 


عزوز المحمادي @Twitter
افتراضي رد: سنين من علم التغذية والرياضة في موضوع واحد...نمط حياة صحي





مشاهدة المشاركة الأصلية
zoal
روعة ياعزوز مجهود خرافي وجميل ماشاء الله، افدتنا وفقك الله بالدنيا والاخرة


خمسة نجوم

مشاهدة المشاركة الأصلية
XGamerCliperX
يعطيك العافية
اتمنى ان الموضوع يتثبت ويصير كمرجع

مشاهدة المشاركة الأصلية
ريح الشمال66
ماشاء الله موضوع متكامل ومنظم
الحمدلله بنظام المرونة نحفت كثير
كنت ادخل كل الاكلات حتى لو كانت مضره لكن بكميات بسيطه عشان ما احرم نفسي
اتمنى هالموضوع يكون مرجع لنا وللمهتمين بالدايت والرياضة بشكل عام

شكرا على ردودكم الجميلة جعلها ان شاء الله فائدة للجميع

مشاهدة المشاركة الأصلية
مفكر اسلامي
موضوع متعوب عليه جزاك الله خير


بالنسبه للتغذية الى الان في عقليتي انها مشكلة اتزان سلوكي تحتاج لعقل ناضح وارادة حتى الواحد يقاوم نفسه بحيث يكون بالمنتصف بين الافراط والتفريط


احسنت القول .. لكن للأسف متوسط الناس العادية عاشوا طيلة حياتهم على عادات سيئة من قلة حركة ومطعم بعد مطعم وسار لي الشيء شخصياً الى ان وصلت لدرجة ما اتخيل اكل بدون مطاعم .. والدايت هو الحرمان اللي لازم ابعد عنه اذا ابي اكون سعيد

السلوك سار سيء من ناحية الغذاء خاصةً ولكن لعل وعسى يوم من الايام هالشيء يتغير الى توجه افضل

 

 

التوقيع
فرعون كان يقول (أنا ربكم الأعلى) كيف كان رد الله سبحانه ؟
قال الله سبحانه وتعالى (اذْهَبَا إِلَىٰ فِرْعَوْنَ إِنَّهُ طَغَىٰ فَقُولَا لَهُ قَوْلًا لَّيِّنًا لَّعَلَّهُ يَتَذَكَّرُ أَوْ يَخْشَىٰ)
فكيف يكون عطفك بـ عبد قال :
"سبحانك ربي الأعلى "

اللهم إنك عفوٌّ تُحب العفوَ فاعفُ عنا



عزوز المحمادي متصل الآن  
Yes No
رد مع اقتباس

قديم 04-04-2019, 08:28 PM #7
Zngbeel
مشارك
 
الصورة الرمزية Zngbeel
 


افتراضي رد: سنين من علم التغذية والرياضة في موضوع واحد...نمط حياة صحي





مشاهدة المشاركة الأصلية
عزوز المحمادي
شكرا على ردودكم الجميلة جعلها ان شاء الله فائدة للجميع




احسنت القول .. لكن للأسف متوسط الناس العادية عاشوا طيلة حياتهم على عادات سيئة من قلة حركة ومطعم بعد مطعم وسار لي الشيء شخصياً الى ان وصلت لدرجة ما اتخيل اكل بدون مطاعم .. والدايت هو الحرمان اللي لازم ابعد عنه اذا ابي اكون سعيد

السلوك سار سيء من ناحية الغذاء خاصةً ولكن لعل وعسى يوم من الايام هالشيء يتغير الى توجه افضل


الله ي عزام انا عرفتك من يوم كنت بالثاني ثانوي أو ثالث ثانوي عن طريق التيم سبيك كان أسمي Smart

مدري إذا تتذكرني ولا لا.. ممكن قبل 7 سنوات


لكن بارك لي تخرجت السنه اللي راحت هندسة كهربائيه و الحين موظف بإحدى الشركات..


المغزى من كلامي إن الوقت مر بسرعه و أتذكرك سلتوح لكن الحين مثقف ماشاءالله وكتاباتك تححسني بالرقي


الله يسعدك و يديم علينا و عليك الصحه و العافيه..

 

 





التعديل الأخير تم بواسطة Zngbeel ; 04-04-2019 الساعة 08:45 PM.
Zngbeel غير متصل  
6 - 3 Yes No
رد مع اقتباس

قديم 04-04-2019, 09:02 PM #8
NDEM11
مبدع
 
الصورة الرمزية NDEM11
 


NDEM11 @Twitter
افتراضي رد: سنين من علم التغذية والرياضة في موضوع واحد...نمط حياة صحي





ماشاء الله عليك موضوع متكامل ومبسط وسهل

انا شخصيا استفدت سابقا من اخ عزوز وراسلته ع الخاص وماقصر الله يعطيه العافيه

 

 

التوقيع
My Phone: Galaxy S10+
My Laptop: Dell Inspiron i7559-2512BLK
My Operation System : Windows 10 Home


سُبحَان الله وبِحَمده .. سُبحَان الله العَظيم .



NDEM11 متصل الآن  
Yes No
رد مع اقتباس

قديم 04-04-2019, 10:20 PM #9
مثل الناس
مشارك
 
الصورة الرمزية مثل الناس
 


افتراضي رد: سنين من علم التغذية والرياضة في موضوع واحد...نمط حياة صحي





الله يعطيك الف عافية اخوي عزوز موضوع جبار
لكن عندي سؤال انا من سنة نزلت وزني الى ٥٨ طبعا مع الحديد
وبعدها بديت اضخم على على نسبة دهون ١٢٪؜ لي تقريباً 7 شهور ونسبة الدهون وصلت الحين ١٦٪؜ والوزن ٧١ وبنيت كتلة عضلية ممتازة جداً وماكنت متصورها ، والاكل طوال هالفترة محسوب بالميزان ، الى متى استمر بالتضخيم ؟ ومتى ابدا بالتنشيف ؟
طولي ١٧٤

 

 





التعديل الأخير تم بواسطة مثل الناس ; 05-04-2019 الساعة 12:22 AM.
مثل الناس غير متصل  
Yes No
رد مع اقتباس

قديم 05-04-2019, 12:28 AM #10
محب الوي
فعال
 
الصورة الرمزية محب الوي
 


افتراضي رد: سنين من علم التغذية والرياضة في موضوع واحد...نمط حياة صحي





موضوعك جاء بوقته
كنت محتاج موضوع مثل هذا بالضبط، ضعت بالانترنت من كثر ما قريت
الحمدلله صارلي فترة منضبط مع برنامجين بالجوال، يعطوك تمارين حلوة وبرنامج مرتب حسب احتياجك
التمارين تبدأ بسيطة ومع الوقت تصعب، وتحس بعضلاتك تنشد من اول يوم واهم شي انك ماتحتاج نادي، انا اسوي التمارين الصباح قبل الجامعة والحمدلله مرتاح
اسم التطبيقين
30 day fitness challenge
Lose weight in 30 day

 

 




محب الوي غير متصل  
Yes No
رد مع اقتباس

قديم 05-04-2019, 05:43 AM #11
iCanDoIt
نشيط
 
الصورة الرمزية iCanDoIt
 


افتراضي رد: سنين من علم التغذية والرياضة في موضوع واحد...نمط حياة صحي





مشاهدة المشاركة الأصلية
Zngbeel
الله ي عزام انا عرفتك من يوم كنت بالثاني ثانوي أو ثالث ثانوي عن طريق التيم سبيك كان أسمي Smart

مدري إذا تتذكرني ولا لا.. ممكن قبل 7 سنوات


لكن بارك لي تخرجت السنه اللي راحت هندسة كهربائيه و الحين موظف بإحدى الشركات..


المغزى من كلامي إن الوقت مر بسرعه و أتذكرك سلتوح لكن الحين مثقف ماشاءالله وكتاباتك تححسني بالرقي


الله يسعدك و يديم علينا و عليك الصحه و العافيه..

مدري صراحة وش فايدة ردك بالعام؟
كان الأفضل تكلمه خاص!

 

 




iCanDoIt غير متصل  
3 - 1 Yes No
رد مع اقتباس

قديم 05-04-2019, 05:47 AM #12
iCanDoIt
نشيط
 
الصورة الرمزية iCanDoIt
 


افتراضي رد: سنين من علم التغذية والرياضة في موضوع واحد...نمط حياة صحي





يعطيك العافية أخوي عزوز

شخصياً عقدت النية البدء في صيام الماء ابتداء من الأسبوع القادم الفترة اللي اقدر استمر فيها ثم الحقها بالصيام المتقطع وبعدها صيام رمضان

وان شاء الله اوصل للوزن المناسب بإنتهاء شهر رمضان

اللهم بلغنا رمضان لا فاقدين ولا مفقودين

 

 




iCanDoIt غير متصل  
Yes No
رد مع اقتباس

قديم 05-04-2019, 09:36 AM #13
Zngbeel
مشارك
 
الصورة الرمزية Zngbeel
 


افتراضي رد: سنين من علم التغذية والرياضة في موضوع واحد...نمط حياة صحي





مشاهدة المشاركة الأصلية
iCanDoIt
مدري صراحة وش فايدة ردك بالعام؟
كان الأفضل تكلمه خاص!


العام مساحه حره للجميع بدون الغلط..
و أنا م غلطت احد
و شكرته على الموضوع

و مو لازم كلام يرضيك

 

 




Zngbeel غير متصل  
1 Yes No
رد مع اقتباس

قديم 05-04-2019, 03:40 PM كاتب الموضوع #14
عزوز المحمادي
متميز
 
الصورة الرمزية عزوز المحمادي
 


عزوز المحمادي @Twitter
افتراضي رد: سنين من علم التغذية والرياضة في موضوع واحد...نمط حياة صحي





مشاهدة المشاركة الأصلية
Zngbeel
الله ي عزام انا عرفتك من يوم كنت بالثاني ثانوي أو ثالث ثانوي عن طريق التيم سبيك كان أسمي Smart

مدري إذا تتذكرني ولا لا.. ممكن قبل 7 سنوات


لكن بارك لي تخرجت السنه اللي راحت هندسة كهربائيه و الحين موظف بإحدى الشركات..


المغزى من كلامي إن الوقت مر بسرعه و أتذكرك سلتوح لكن الحين مثقف ماشاءالله وكتاباتك تححسني بالرقي


الله يسعدك و يديم علينا و عليك الصحه و العافيه..

ايه تذكرتك مع ديمون :D ما شاء الله مدري كيف عرفتني

والله يسعد الجميع ومبروك على الوظيفة واتمنى لك التوفيق بحياتك

مشاهدة المشاركة الأصلية
مثل الناس
الله يعطيك الف عافية اخوي عزوز موضوع جبار
لكن عندي سؤال انا من سنة نزلت وزني الى ٥٨ طبعا مع الحديد
وبعدها بديت اضخم على على نسبة دهون ١٢٪؜ لي تقريباً 7 شهور ونسبة الدهون وصلت الحين ١٦٪؜ والوزن ٧١ وبنيت كتلة عضلية ممتازة جداً وماكنت متصورها ، والاكل طوال هالفترة محسوب بالميزان ، الى متى استمر بالتضخيم ؟ ومتى ابدا بالتنشيف ؟
طولي ١٧٤

الله يعافيك عزيزي

شوف التضخيم دايم شيء كويس لانك تبني عضل والعضل في كمال الاجسام يعتبر مرة بطيء .. بالنسبة الى متى ابدا تنشيف هذا يرجع لك شخصياً يعني مافيه حد معين ويعتبر الموضوع سيء انما ان التنشيف بيطول لو طولت التضخيم لان بديهي بيزيد التضخيم .. اذا عاجبك الوضع انصحك تسوي تنشيف قصير mini cut يعتبر من اسبوعين الى 6 اسابيع تنظف شوية دهون عشان تضخم لفترة اطول وبالنسبة لي هذي حركتي عشان اضمن معظم وقتي بالسنة بالتضخيم وزيادة العضل

بالتوفيق

مشاهدة المشاركة الأصلية
محب الوي
موضوعك جاء بوقته ������������
كنت محتاج موضوع مثل هذا بالضبط، ضعت بالانترنت من كثر ما قريت
الحمدلله صارلي فترة منضبط مع برنامجين بالجوال، يعطوك تمارين حلوة وبرنامج مرتب حسب احتياجك
التمارين تبدأ بسيطة ومع الوقت تصعب، وتحس بعضلاتك تنشد من اول يوم واهم شي انك ماتحتاج نادي، انا اسوي التمارين الصباح قبل الجامعة والحمدلله مرتاح
اسم التطبيقين
30 day fitness challenge
Lose weight in 30 day


جميل اهم شيء التطور لان جسمك يتعود بسرعة على معدل اللياقة والمقاومة فـ لو تشوف الموضوع يصعب هذا جداً كويس .. واهتم بالتغذية لا تنسى وبالتوفيق

 

 

التوقيع
فرعون كان يقول (أنا ربكم الأعلى) كيف كان رد الله سبحانه ؟
قال الله سبحانه وتعالى (اذْهَبَا إِلَىٰ فِرْعَوْنَ إِنَّهُ طَغَىٰ فَقُولَا لَهُ قَوْلًا لَّيِّنًا لَّعَلَّهُ يَتَذَكَّرُ أَوْ يَخْشَىٰ)
فكيف يكون عطفك بـ عبد قال :
"سبحانك ربي الأعلى "

اللهم إنك عفوٌّ تُحب العفوَ فاعفُ عنا



عزوز المحمادي متصل الآن  
Yes No
رد مع اقتباس

قديم 05-04-2019, 03:46 PM كاتب الموضوع #15
عزوز المحمادي
متميز
 
الصورة الرمزية عزوز المحمادي
 


عزوز المحمادي @Twitter
افتراضي رد: سنين من علم التغذية والرياضة في موضوع واحد...نمط حياة صحي





مشاهدة المشاركة الأصلية
iCanDoIt
يعطيك العافية أخوي عزوز

شخصياً عقدت النية البدء في صيام الماء ابتداء من الأسبوع القادم الفترة اللي اقدر استمر فيها ثم الحقها بالصيام المتقطع وبعدها صيام رمضان

وان شاء الله اوصل للوزن المناسب بإنتهاء شهر رمضان

اللهم بلغنا رمضان لا فاقدين ولا مفقودين


الله يعافيك اخوي

ولكن بس عشان انبهك وان شاء الله توصل للهدف اللي تبيه .. مهما كان النظام اللي تتبعه تذكر الفقرة الاولى من الموضوع اللي هي توازن الطاقة اذا لم تكن موجودة ما راح تشوف نتائج فـ اعط الموضوع نظرة اخرى وتأكد .. والله يوفقك

 

 

التوقيع
فرعون كان يقول (أنا ربكم الأعلى) كيف كان رد الله سبحانه ؟
قال الله سبحانه وتعالى (اذْهَبَا إِلَىٰ فِرْعَوْنَ إِنَّهُ طَغَىٰ فَقُولَا لَهُ قَوْلًا لَّيِّنًا لَّعَلَّهُ يَتَذَكَّرُ أَوْ يَخْشَىٰ)
فكيف يكون عطفك بـ عبد قال :
"سبحانك ربي الأعلى "

اللهم إنك عفوٌّ تُحب العفوَ فاعفُ عنا



عزوز المحمادي متصل الآن  
Yes No
رد مع اقتباس

قديم 05-04-2019, 04:19 PM #16
zcc1
بارز
 
الصورة الرمزية zcc1
 


افتراضي رد: سنين من علم التغذية والرياضة في موضوع واحد...نمط حياة صحي





سؤال لصاحب الموضوع أو اي احد له خلفية بالموضوع

انا قدر الله علي واصابني ورم سرطاني حميد في الحبل الشوكي وتم اسئصاله بعملية جراحية الحمدلله


السؤال / هل في بعص الاغذية اللي فيها مواد حافظة و زيوت مهدرجة والسكر ... تنشط الخلايا السرطانية على مدى سنوات ؟ ولا مافي ابحاث و دراسات على هذا الشيء

لأني سمعت أن في علاج مناعي لعدم تكون الخلايا السرطانية

 

 

التوقيع
سبحان الله وبحمده .. سبحان الله العظيم



zcc1 غير متصل  
Yes No
رد مع اقتباس

قديم 05-04-2019, 10:02 PM #17
رايحين هوا
بارز
 
الصورة الرمزية رايحين هوا
 


افتراضي رد: سنين من علم التغذية والرياضة في موضوع واحد...نمط حياة صحي





موضوع للتاريخ..!


بلا مبالغة.. اختصرت مفاهيم كثيرة ..
وفيه تشجيع قوي للاخوة سواء اللي وده يسوي حمية غذائية.. او يبني جسم رياضي..

أبدعت..
وصوتي بتثبيت الموضوع..

 

 

التوقيع
سبحان الله وبحمده..
سبحان الله العظيم..

رايحين هوا غير متصل  
2 Yes No
رد مع اقتباس

قديم 05-04-2019, 10:14 PM #18
سعد211
مشارك
 
الصورة الرمزية سعد211
 


افتراضي رد: سنين من علم التغذية والرياضة في موضوع واحد...نمط حياة صحي





قبل سنتين بديت رجيم وقمت ابحث وادور حتى طحت بنظام المرونة و برنامج الماي فتنس والحمد لله وصلت للوزن الي ابيه

صراحة الموضع قيم جداً كل شي تعلمته من سنتين لخصته انت بموضوع ما شاء الله

انا اضمن 100% الي بيمشي ع الخطوات الي ذكرته راح يوصل بأذن الله للوزن الي يبيه

لكن ياليت (تكلمت عن ثبات الوزن الي تحبط اكثر من يسوي الرجيم) وانه موضوع سهل ومسألة وقت فقط

 

 




سعد211 غير متصل  
Yes No
رد مع اقتباس

قديم 06-04-2019, 12:30 PM #19
ياسر ابو زياد
الجريح
 
الصورة الرمزية ياسر ابو زياد
 


افتراضي رد: سنين من علم التغذية والرياضة في موضوع واحد...نمط حياة صحي





ماشاء الله عليك موضوعك ممتاز اشكرك على طرحه ولكن حبيت لو كتبت جزئيه عن ازالة الكرش هل لها اكل معين او طريق معينه او تمارين معينه في البيت. اتوقع اغلبنا يحتاج هذه الجزئيه

 

 


ياسر ابو زياد غير متصل  
Yes No
رد مع اقتباس

قديم 06-04-2019, 01:33 PM #20
Sohaib
متميز
 
الصورة الرمزية Sohaib
 


Sohaib @Facebook Sohaib @Twitter
افتراضي رد: سنين من علم التغذية والرياضة في موضوع واحد...نمط حياة صحي





من زمان ما قرأت موضوع ممتع
شكراً لك

 

 

التوقيع
مخالف = تنبيه



Sohaib غير متصل  
رد مع اقتباس

إضافة رد

أدوات الموضوع

الانتقال السريع


الساعة الآن 08:51 PM.