بوابة الإنترنت الرقمية ADSLGATE

Amazon عنوان IP سرعة الإتصال الإعلان استعادة كلمة المرور
العودة   البوابة الرقمية ADSLGATE > بوابة خدمات الأعضاء > الأعضاء العام
التسجيل التنبيهات لوحة التحكم مشاركات اليوم قوانين المنتدى الاتصال بنا مشاركات اليوم اجعل كافة الأقسام مقروءة




إضافة رد
 
أدوات الموضوع
قديم 09-03-2019, 12:31 AM #1
Zdxl
مشارك
 
الصورة الرمزية Zdxl
 






افتراضي تصحيح النظر (تجربتي)





السلام عليكم




بذكرلكم تجربتي بالتفصيل والاسعار
من البدايه الى اللحظه




تم تشخيص ضعف النظر قبل 7 سنوات وشوي
مع العلم اني كنت اشتكي من مشكله في نظري

وان فيه فرق بين عيوني
الا ان اهلي ظنوني اتميرض




ما علينا نكمل
فصلت لي نظاره عين 0.25 والثانية 0.50
الا اني كنت اشوف انه ما زال عني ضعف
يعني نظارتي مب مقاسي
لكن اهلي عندهم اني اتوهم


وبعد فتره رجعت اكشف "عند نفس الدكتور" وغيرت النظاره
عين0.50 والثانية0.75
ولا زلت اشوف انه مب مضبوط



كنت انط قدام عشان اشوف الترجمه هذا وانا لابسه النظاره والشاشه 55 بوصه

فلاحد يقول ممكن كنتي تتوهمين




ورجعت اكشف "نفس الدكتور" بعد سنه
عين 1 والثانية1.25
كانت اطلق نظاره لكن لازال فيه اشكال
وهنا فصلت ثنتين للاحتياط


ومره بس كذا لبست الثنتي مع بعض انصدمت الرؤيه واضحه
هنا اقتنعت اني صح


وقلت لاهلي قالولي اكيد كل ما لبستي عدسات زياده يوضح النظر اكثر زي الدربيل


مع العلم ان هذا القول خاطئ



انا عندي قصر نظر اذا لبست نظاره مقاسي يصير زي النظر العادي
لكن اذا لبست دربيل على قولت اهلي نظاره اكبر من مقاسي راح اشوف زي الي عنده طول نظر
هذا علميا


اكتشفت هذا قبل سنه

بدري مره ادري


وقتها قررت اسوي تصحيح نظر مع اني احب شكلي بنظاره لكن سالفه المقاس بهذلتني


وقبل اربع شهور بديت رحلت البحث عن دكتور
بعد حوسه لقيت د.عثمان العمر في الحكماء


وحجزت عنده موعد يوم الاحد بتاريخ 2018/12/23


وتجهزت اني اسويها في نفس اليوم في الشروط
يكون لك اسبوع عن الكحل واسبوعين عن العدسات
وشريت نظاره شمسية





وجاء يوم الموعد رحت ودفعت 300 عشان ادخل على الدكتور
ودخلوني على غرفه وقاسوا نظري بزي هذي





و البيت الملون مدري وش له


المهم بعدها دخلت على الدكتور عثمان
وكشف على نظري بستخدام جهاز اول مره استخدمه
نفس الي فوق بس اناظر من خلال جهاز



قريب لكذا




اذا ما قلت الحرف صح يزيد المقاس حقيقي انصدمت بعد ما صرت اشوف E بشكل واضح


بعد ما كشفت صار نظري 4 وشوي
سالت الدكتور اذا اقدر اسوي العمليه اليوم


قال اذا تصلحلك فيه مجال نسويها لك اليوم


رحت للاستقبال دفعت 500 عشان كشف سمك القرنية


كشفت والحمد لله صار سمك قرنيتي يسمحلي
قالي بيسوي PRK ليزر السطحي



انتقلت لدور ثاني ورحت ادفع قيمت العمليه7500
بمجموع 8300


بعدها انتقلت لغرفة الاستعداد للعمليه الخاصه بالنساء



فيها قطرت لي الممرضه ثم مسحت عيوني وماحولها بماده ما
ملاحظه هنا فكيت النقاب وبقيت بطرحه
ولبست كمامه وقبوع حق العمليات وشي زي الي يلبسونه حقين الاسنان فوق عبايتي


بختصار كان مريح

مع العلم اني كنت متخوفه من هذي النقطه لاني ما ابي اكشف


عرفة العمليات مقابله لغرفة الاستعداد ملاحظه المرافق ينتظر في غرفة الاستعداد


المهم رحت لجهت العمليات ودخلت وكان فيه غرفة انتظار وكان فيها وحده قبلي ما مر الا 15 دقيقة تقريبا دخلت


كان فيه زي السرير انسدحت ولحفتني الممرضه كان فيه الدكتور ومساعد والممرضه

الدكتور ثبت راسي

ثم استخدم شي زي اللزاق على الجفن السفلي والعلوي وباعد بينهم بقطه

بس بقوبكم شي مافيه اي شبه من هذي



ولا ازعجني ابدا
للامانه زي هذي الصور كان يرعبني
بس الحمد لله


المهم قالي ناظري النقطه الحمرا
وبعد ما يقارب 30ثانيه حط عليها شي ثم انتقلنا للعين الثانيه وكانت نفس الشي
صحيح شميت ريحت حرق بس مثل ما قالوا الناس كانت خفيفه


بعدها رجعت لغرفة الاستعداد للعمليه (وكانت اختي تنتظرني) وما كان فيه الم يذكر
لكن النور كا يضايقني



جتني دكتوره وشرحت لي تعليمات ما بعد العمليه وعطتني ورقه فيها القطرات وشرحتها لي او بالاصح شرحتها لاختي
وعطتني نظاره شمسيه طيب والنظاره الي شاريتها


موعدي الساعة 5 وطلعت 7 ونص



في التعليق الجاي بتكلم عن ما بعد العمليه




 

 





التعديل الأخير تم بواسطة Zdxl ; 09-03-2019 الساعة 08:31 PM.
Zdxl غير متصل  
أشكر صاحب الموضوع رد مع اقتباس

قديم 09-03-2019, 05:32 PM #2
kozato
مشارك
 
الصورة الرمزية kozato
 


kozato @Twitter kozato @Youtube
افتراضي رد: تصحيح النظر (تجربتي)





بالتوفيق يارب وعقبالنا

تتهنين
الحمد لله على السلامة

 

 

التوقيع


لا ذنب لي إلا القصيدة
انسان جيد، أسعى ليوم هادئ

لا إله إلا الله محمد رسول الله
سبحان الله وبحمده سبحان الله العظيم



اهم تذكرة حصلت عليها في حياتي

kozato غير متصل  
Yes No
رد مع اقتباس

قديم 09-03-2019, 08:32 PM كاتب الموضوع #3
Zdxl
مشارك
 
الصورة الرمزية Zdxl
 


افتراضي رد: تصحيح النظر (تجربتي)





مشاهدة المشاركة الأصلية
kozato
بالتوفيق يارب وعقبالنا

تتهنين
الحمد لله على السلامة

امين

الله يسلمك

 

 




Zdxl غير متصل  
0 - 1 Yes No
رد مع اقتباس

قديم 09-03-2019, 08:39 PM #4
rayan_sb
بارز
 
الصورة الرمزية rayan_sb
 


افتراضي رد: تصحيح النظر (تجربتي)





الدكتور العمر ما شاء الله متمكن في مجاله. الحمد لله عالسلامة و مبروك التخلص من مشكلة النظر.

 

 




rayan_sb متصل الآن  
1 Yes No
رد مع اقتباس

قديم 09-03-2019, 11:14 PM #6
sending love
بارز
 
الصورة الرمزية sending love
 


sending love @Flickr sending love @Facebook sending love @Twitter sending love @Youtube
افتراضي رد: تصحيح النظر (تجربتي)





الحمدلله على السلامة
سعر العملية غالي جدا جدا جدا
في مستشفيات تسويه ب 5000 ريال
وفيه خارج السعودية ب ٢٥٠٠ ريال شاملة تذاكر السفر و الاقامة

 

 

التوقيع
مهندس قيد الانشاء...
█║▌│█│║▌║║│█║║▌║
██████████
★ ★ ★
██████████
]قالـ تَع ــالـى : ( وَلَقَدْ يَسَّرْنَا الْقُرْآنَ لِلذِّكْرِ فَهَلْ مِن مُّدَّكِرٍ )



sending love غير متصل  
1 - 18 Yes No
رد مع اقتباس

قديم 10-03-2019, 02:20 AM كاتب الموضوع #7
Zdxl
مشارك
 
الصورة الرمزية Zdxl
 


افتراضي رد: تصحيح النظر (تجربتي)





مشاهدة المشاركة الأصلية
دنياااا الوله
الحمد لله على السلامة


الله يسلمك




مشاهدة المشاركة الأصلية
rayan_sb
الدكتور العمر ما شاء الله متمكن في مجاله. الحمد لله عالسلامة و مبروك التخلص من مشكلة النظر.



اني بحثت والجميع يثني عليه
الله يسلمك
الله يبارك فيك




مشاهدة المشاركة الأصلية
sending love
الحمدلله على السلامة
سعر العملية غالي جدا جدا جدا
في مستشفيات تسويه ب 5000 ريال
وفيه خارج السعودية ب ٢٥٠٠ ريال شاملة تذاكر السفر و الاقامة



الله يسلم
بالعكس 7500 مب غالي خاصه انه من اشهر دكاترة الرياض
ليش اسويها برا وعيال الديره خبر ما شاء الله عليهم

غير اني اسويها هنا بين اهلي ومكان ثقه من ناحية التعقيم
ولا ننسى سهولة المراجعات حتى اني اراجع من سويت العمليه مجانا غير 8300 ما دفعت زياده

لا دخوليه ولا كشف






بنسبه لتكملة الموضوع عندي مشكله مع الماسح الضؤي عشان اوريكم كم ورقه
اذا ما تعدلت كملت الموضوع بدونها

 

 




Zdxl غير متصل  
Yes No
رد مع اقتباس

قديم 10-03-2019, 02:25 AM #8
faisal256faisal
نشيط
 
الصورة الرمزية faisal256faisal
 


faisal256faisal @Youtube
افتراضي رد: تصحيح النظر (تجربتي)





مشاهدة المشاركة الأصلية
sending love
الحمدلله على السلامة
سعر العملية غالي جدا جدا جدا
في مستشفيات تسويه ب 5000 ريال
وفيه خارج السعودية ب ٢٥٠٠ ريال شاملة تذاكر السفر و الاقامة

شيء اكيد الاردن الهند وغيره ارخص بس انت تدفع عشان راحتك النفسيه
غير كذا السفر بعد العمليه متعب + مين بيهتم فيك + الامان والجهل بالبلد

 

 




faisal256faisal غير متصل  
2 - 1 Yes No
رد مع اقتباس

قديم 10-03-2019, 02:44 AM #9
بداية نهاية
نشيط
 
الصورة الرمزية بداية نهاية
 


افتراضي رد: تصحيح النظر (تجربتي)





الحمدلله على السلامة ، وان شاء الله ارتحتي من ازعاج النظارات الطبية < قريباً بسوي العملية بإذن الله

 

 




بداية نهاية غير متصل  
1 Yes No
رد مع اقتباس

قديم 10-03-2019, 05:11 AM كاتب الموضوع #10
Zdxl
مشارك
 
الصورة الرمزية Zdxl
 


افتراضي رد: تصحيح النظر (تجربتي)





مشاهدة المشاركة الأصلية
بداية نهاية
الحمدلله على السلامة ، وان شاء الله ارتحتي من ازعاج النظارات الطبية < قريباً بسوي العملية بإذن الله


الله يسلمك

الحمدلله الحقيقه ما كنت متضايقه من النظاره

بالعكس كنت حابتها لكن مشكله المقاس


بالتوفيق والله يسهل عليك

 

 




Zdxl غير متصل  
Yes No
رد مع اقتباس

قديم 10-03-2019, 05:11 AM #11
كلرز
مبدع
 
الصورة الرمزية كلرز
 


افتراضي رد: تصحيح النظر (تجربتي)





معلومة لازم تعرفينه شوفك يرجع بعد10سنوات ضعيف كحدى اقصى المستشفيات عندنا السعودية حده من3 الى6 سنوات بينما اللي في مصر و الاردن تجلس 10سنوات او اكثر .

 

 




كلرز غير متصل  
0 - 36 Yes No
رد مع اقتباس

قديم 10-03-2019, 05:14 AM كاتب الموضوع #12
Zdxl
مشارك
 
الصورة الرمزية Zdxl
 


افتراضي رد: تصحيح النظر (تجربتي)





مشاهدة المشاركة الأصلية
كلرز
معلومة لازم تعرفينه شوفك يرجع بعد10سنوات ضعيف كحدى اقصى المستشفيات عندنا السعودية حده من3 الى6 سنوات بينما اللي في مصر و الاردن تجلس 10سنوات او اكثر .




هذا الليزك ويقعد الى 12 سنه ناس اعرفها مسويته في السعوديه والي كمل 10 والي 12 والى الله


مب واحد ولا اثنين الموضوع كله على الاهتمام اذا تقطر وكذا ان شاء الله تطول خاصه ان جونا جاف وغبره




اما الي انا سويته ليزر والحمد لله ما يرجع نظري زي قبل ما اسوي العمليه


لكن اذا مكتوب ان نظري بينقص نص بينقص سواء سويتها او لا

 

 





التعديل الأخير تم بواسطة Zdxl ; 10-03-2019 الساعة 05:16 AM.
Zdxl غير متصل  
3 Yes No
رد مع اقتباس

قديم 10-03-2019, 09:09 AM #13
سعود بن ثامر
سبحان الله ..
 
الصورة الرمزية سعود بن ثامر
 


افتراضي رد: تصحيح النظر (تجربتي)





وعليكم السلام ورحمة الله وبركاتة

الحمدلله على السلامة , الله يجزاك ألف خير على مشاركة تجربتك حتى يستفيد من اللي يبغى يسويها.

بالتوفيق

 

 

التوقيع
استغفر الله .. الله اكبر .. لا اله الا الله .. |





سعود بن ثامر غير متصل  
رد مع اقتباس

قديم 10-03-2019, 09:44 AM #14
D.5BL
مشارك
 
الصورة الرمزية D.5BL
 


افتراضي رد: تصحيح النظر (تجربتي)





وعليكم السلام

ماشاءالله تبارك الله زين ماسويتي والحمدلله ع سلامتك

انا سويت عملية الليزك عند الدكتور خالد الجبير في العيادات عيادات الحرس الخارجية من 15سنة

بحوالي 4000 ريال مع العلاجات ، ووالله ندمت إني ماسويتها من زمان راحة نفسية

يارب لك الحمد على نعمة العلاجات ، بارك الله جهود الدكتور خالد الجبير ونفع به المسلمين.

 

 

التوقيع
ﺭﺑّﻲ ﺃﻧْﺖَ ﺍﻟﻤٌﻴﺴِﺮ ﻭﺃﻧْﺖَ ﺍﻟﻤُﺴﻬِﻞ .. ﺳَﻬّﻞ ﺃﻣْﺮِﻱ .. ﻭَﺣَﻘﻖْ ﻣَﻄْﻠَﺒﻲ .. ﻭَﺳَﺨِﺮﻟِﻲ ﻣَﺎ ﻫُﻮَ ﺧَﻴﺮ ﻟِﻲ !!



D.5BL غير متصل  
Yes No
رد مع اقتباس

قديم 10-03-2019, 09:48 AM #15
scoolar
مشارك
 
الصورة الرمزية scoolar
 


افتراضي رد: تصحيح النظر (تجربتي)





الحمدلله على السلامة

زمان كنت ميت واسوي عمليات تصحيح النظر وافتك من النظارة لكن كانت غاليه
وولد عمي كان بيسويها وقلت اخاويه اخذ فكرة ولما شفت الدكتور اللي يسوي عملية الليزر
كانت صدمة لي ان الدكتور نفسه يلبس نظارة ههههههههه
ومن بعدها وانا في قناعة انها غير مفيدة ( لي )
وعيال عمي اثنين وخالي كلهم بعد حول 10 سنين تقريبا رجعوا يلبسون النظارة

^_^

 

 

التوقيع

سبحان الله وبحمده ,, سبحان الله العظيم



scoolar غير متصل  
Yes No
رد مع اقتباس

قديم 10-03-2019, 10:40 AM #16
embratoor
مبدع
 
الصورة الرمزية embratoor
 


افتراضي رد: تصحيح النظر (تجربتي)





مشاهدة المشاركة الأصلية
كلرز
معلومة لازم تعرفينه شوفك يرجع بعد10سنوات ضعيف كحدى اقصى المستشفيات عندنا السعودية حده من3 الى6 سنوات بينما اللي في مصر و الاردن تجلس 10سنوات او اكثر .

هههههه سباكه مو طب الشغله
هنا زي برا ما في شي يقعد ١٠ و شي يقعد ٥

 

 

التوقيع
سبحان الله وبحمده ... سبحان الله العظيم

دعواتكم لي بالتوفيق وتسهيل الدراسة
قال رَسُول اللَّهِ صَلَّى اللَّهُ عَلَيهِ وَسَلَّم :
" ما من عبد مسلم يدعو لأخيه بظهر الغيب إلا قال الملَك: ولك بمثل "
ب13 ريال ساهم في بناء بئر في افريقيا
اطبع القران ب 10 ريال فقط .. يوزع على حلقات التحفيظ بالعالم
لأصحاب السرعات العالية وودهم بالأجر وهم نايمين

embratoor غير متصل  
6 - 1 Yes No
رد مع اقتباس

قديم 10-03-2019, 10:55 AM #17
white16red
نشيط
 
الصورة الرمزية white16red
 


افتراضي رد: تصحيح النظر (تجربتي)





ما شاء الله الحمدلله على السلامه

الاهم النظر الان كويس

والحمد لله على نعمة النظر ومن نعم الله التي لا تحصى

 

 


white16red غير متصل  
1 Yes No
رد مع اقتباس

قديم 10-03-2019, 11:37 AM #18
Mr GwaRdioLa
مشارك
 
الصورة الرمزية Mr GwaRdioLa
 


افتراضي رد: تصحيح النظر (تجربتي)





الحمدلله على السلامة

انا مثلك عندي قصر نظر والبس نظارات لي عشر سنوات الآن وصراحة فكرت بالعملية كثير
لكن ما جاء الوقت المهيئ والمناسب اني اسويها
ان شاء الله قريب بسويها وارتاح
عندي سؤال
كم يوم اقعد بالنظارة الشمسية لين ماعاد البسها نهائياً ؟
انا عملي صراحة اغلبه عالكمبيوتر واذا باخذ اجازة حدي اسبوع واحد فما ادري تكفي اني اسويها وترتاح العيون وارجع بعد اسبوع اشتغل عالكمبيوتر
او اني اذا بشتغل على الكمبيوتر البس نظارات عادية مو طبية بس عدساتها عاكسة لضوء الشاشة لحماية العين

 

 

التوقيع
FIFA
The Last of us
GTA

My life



Mr GwaRdioLa غير متصل  
1 Yes No
رد مع اقتباس

قديم 10-03-2019, 01:30 PM #19
mr_alqmor
بارز
 
الصورة الرمزية mr_alqmor
 


افتراضي رد: تصحيح النظر (تجربتي)





الحمد لله علي سلامتك

اختي العزيزه عندي انحراف في النظر وافكر اسوي العمليه
هل كان فيه الم محسوس ؟ ولا ما حسيتي بشي

بالتوفيق

 

 


mr_alqmor غير متصل  
Yes No
رد مع اقتباس

قديم 10-03-2019, 01:39 PM #20
زح زح
بارز
 
الصورة الرمزية زح زح
 


افتراضي رد: تصحيح النظر (تجربتي)





الحمدلله ع السلامه

متابع

 

 




زح زح متصل الآن  
Yes No
رد مع اقتباس

إضافة رد

أدوات الموضوع

الانتقال السريع


الساعة الآن 04:39 PM.