ارتحت نفسيا بعد حذفي للسناب

[مقلع بدون هبوط]

nseem ngd

ايضا الغلط هنا ليس في تطبيق السناب نفسه . بل في تعاطي صاحبكم مع مايشاهده في التطبيق .

صدقت لكن البعض يفكر الناس عايشين مثل ما يشوف في السناب الاهو .

 

 

[Parallel]

Raeed86

اتوقع انه مالك حق انك تتكلم علي

ولا لك حق تحكم على شي ما صار قدام عينك

لا ليه الحق احكم بذات اذا كلام فارغ
جيب واحد منهم خله يصقع الحوثي عين ويريحنا منهم
طلعوا عيوننا

الحمدلله على سلامتك وانك طلعت من الحادث سالم
ومعوض خير

 

 

[المهـــند]

سايكلوبس

السلام عليكم ورحمة الله وبركاته....اعرف الموضوع غريب شوي لكن في السابق كان ما يمر يوم الا واستعمل السناب واغلب مناسباتي واحداث حياتي لازم اصورها وكل شوي اشوف من تفرج على الفيديوهات وكم مشاهدة جاتني لكن قبل تقريبا ٦ اشهر حذفت السناب بالغلط وسبحان الله حاجة في نفسي خلتني امتنع عن تحميله مرة أخرى والله احس كأن ثقل الرغبة بابهار الاخرين انزاح من كاهلي وصرت اروح واسافر وانبسط واتعشى ولاافكر ابدا باخبار احد عن ذلك ولا اهتم ابدا بما يحصل للاخرين ....السناب من وجهة نظري هو اسوء التطبيقات الاجتماعية بشكله الحالي رغم انه له فوائد كثيرة لكن بالنسبة لي له اضرار كارثية على الشخص والله اعرف اشخاص همهم الاول والاخير هو تصوير السناب لدرجة تنسيهم الاستمتاع باللحظة نفسها هذا ...هذا والله اعلم واتشرف بمداخلاتكم على موضوع السناب والتطبيقات الاجتماعية بشكل عام

انا ساحب على كل السوشال ميديا ومرتاح والحمدلله، ماعندي الا حسابي بتويتر وهو حساب تقني بحت

انا اشوف ان الانسان يعيش واقعه افضل له مليون مره من يعيش بواقع افتراضي منفصل عن العالم الحقيقي، السوشال ميديا اشوفه مرض

 

 

[مقلع بدون هبوط]

Parallel

لا ليه الحق احكم بذات اذا كلام فارغ
جيب واحد منهم خله يصقع الحوثي عين ويريحنا منهم
طلعوا عيوننا

الحمدلله على سلامتك وانك طلعت من الحادث سالم
ومعوض خير

العين حق ماهي كلام فارغ

ماودي اقول الله يسخر لك من يصكك بعين في شي معين علشان تعرف حقيقتها

ناس تجيهم في سياراتهم وناس في صحتهم

وهناك من اعرفه اشترى بيت ولم يستطيع ان يدخله
وهناك من اعرفه خلص عمار بيته واول ناس زاروه طلعو منه وهو عالمستشفى وطلع مصاب سرطان
وقبل ثلاث سنوات كنا في طلعه بريه واحد الزملاء رحمه الله جبر ونشيط وخدوم وهو جاي من بعيد احدهم تكلم عنه بالمدح ولاخلص كلمته الا الرجال طايح وشلناه على مستشفى الملك سلمان ومن سلمان عالتخصصي وثاني يوم نصلي عليه في ام الحمام .
حتى الطبيب يقول انتشار سريع للمرض ماعمره مر علي

انا عندي سكر وجميع الفحوصات في المستشفيات توكد سلامتي وسويت في دله فحص وظائف كلفني ١٢ الف ريال واكدو سلامة البنكرياس ووظائفه وسلامة كل شي .
مع العلم اني اتعب منه واقيس السكر دايم مرتفع

الوسوسه الزايده ماتصلح لكن لايعني انكارها الله يحفظك

 

 

[embratoor]

تصدقوا ما عمري نزلت سنابه ويمكن ادخله مره بالاسبوع
من زمان مو مقتنع ليش اصور خصوصياتي وانزلها ومو مهتم اتفرج على الناس

 

 

[Raeed86]

Parallel

لا ليه الحق احكم بذات اذا كلام فارغ
جيب واحد منهم خله يصقع الحوثي عين ويريحنا منهم
طلعوا عيوننا

بالنسبة لموضوع الحوثي العين لا تصيب الشيء الا بالنظر اليه

و العين ليست كلام فارغ و لو كانت كلام فارغ لما حذر منها النبي صلى الله عليه و سلم

و أتمنى ان لا تصب بمكروه بسبب العين لأن أحد زملائي المقربين الله يرحمه و يغفر له توفي بسبب العين.

فأتمنى أن تكف عن مضايقة الآخرين و توفر أفكارك وقناعتك الشخصية لنفسك

 

 

[واضح النية]

code finder

مريح راسي من زمان
ما اقتنعت بالبرنامج ابدً و لا ركبته
لا يوجد عندي حساب في سناب او انستقرام اصلا
ما لي مصلحة اشوف الناس ايش اكلوا او فين راحوا

متابعة حياة المشاهير مامنها غير ضياع الوقت والمقارنات

 

 

[iSR5]

شخصياً .. ما اهتم للتواصل الاجتماعي كله ..
اخر حساب لي في التواصل الاجتماعي كان الفيسبوك وحذفته من سنة 2006 او 2007 على ما اعتقد ..
ولا فكرت اعمل حساب في اي برنامج تواصل اجتماعي من ذاك الوقت ..

البرنامج الوحيد اللي باقي معي هو الواتس اب ولو بيدي حذفته بعد !
لكن مجبر اخاك لابطل .. بسبب ان الناس اللي حولي كلهم يستخدمونه بشكل رئيسي ..
حتى في العمل والشركات كلها تستخدمه بشكل دايم ..

الإدمان على التواصل الاجتماعي مش مرض وانما فراغ ..
النبي صلى الله عليه وسلم يقول في حديثه (نعمتان مغبون فيهما كثير من الناس. الصحة، والفراغ) .

فالصحة والفراغ هم العامل الرئيسي في الإدمان على التواصل الإجتماعي او أي عادة سواء كانت سيئه او حميدة ..

لو كان كل شخص يملئ فراغه بشي يفيده .. ماكان شفت هالبرامج لها شهره بالاصل !
ولا كان شفت هالافكار السلبيه اللي قاعد نشوفها تنتشر بين الناس ..

لان الناس منشغله في غيرها .. ونست انفسها ..

لكن ماقول الا عسى الله يصلح الحال ..

 

 

[alies]

كل واحد له ادمان انا ماعمري اهتميت للسناب او تويتر او انستجرام خصوصا السناب المشاهير الي فيه ناس تافهين همهم المشاهدات عشان الفلوس يعني يغتني على ظهرك وانت تدمر حياتك ولاعمري تابعت احد منهم واصحابي واهلي بس يصورو في اكل فا وجوده زي عدمه عندي لكن مشكلتي ادمان الالعاب واليوتوب انا شاري كتب عشان اقراها من سنتين لمن قررت اغير شوي من حياتي واسوي شي مفيد تخيلو ولافتحتها بسبب هالشي ان بسرعه يجيني الملل واروح للالعاب واليوتوب

 

 

[Spring Hope]

في الوقت الحالي استخدم واتس اب وتليجرام وافكر بحذفهم ( يازين المنتديات ) سابقا سناب وتويتر سناب تم حذفه بسبب ميزة الاكسبلور كان جدا سيئة مع ذاك التحديث المشوءم اما تويتر من بعد2013 صار دمار وكل سنة يصير أسوا بذات مع كثرة الحسابات المسيسة الي تحمل اجندة مثلا الصين وحدها عندها60 الف في الشبكات الاجتماعية وامريكا عندها 100الف حساب في الشبكات الاجتماعية غير ان تويتر يتواطئ يحظر مالايعجبها لكن يعجب غيرها ويترك مالا يعجب الغير. نهايته قريبة.
تبليجرام مع ميزة التايم لاين الي ممكن تجي وممكن لا افضل بديل لتويتر لانه صاحب القناة والمجموعة هو المتحكم الاول عن ماذا يعرض في للمجموعة او القناة. وبس. (:

 

 

[Maxvpp]

تابع اللي يفيدك واللي عنده محتوى جيد وانتهى الموضوع ,


المشكلة مو بالتطبيق بل بإختياراتك لمن تتابع , التويتر هو نفسه سناب هو نفسه انستقرام هو نفسه يوتيوب


جميعهم فيه المحتوى السيء والجيد وانت اللي تحدد من تشوف

 

 

[kloza]

شي غريب

زمان اللي ينزل خصوصياته عابوه

الحين اللي ما ينزل خصوصياته عابوه وقالو فيه ان وان ...!!!

 

 

[فهد زامل]

بالعكس غلطان فيه حسابات بالسناب تنزل اشياء تفتح النفس وخصوصا لي ولك

انت مشكلتك ما لقيتهم

 

 

[مرحوم الوالدين]

مثلك لي شهرين حذفته وارتحت منه

 

 

[kingf]

كيف الغي الحسابات اللي تجيني ترند اصلا ماتابعهم لكن يجوني غصب

 

 

[4DOL]

بخصوص السناب عندي مجموعة كبيره من الاصدقاء، ولكن مسألة اني اشوف كل الستوريز حقتهم صعبة!

صح الناس هذي تهمني ولكن لحظة ليه اشوفلك سنابة تطقطق على عامل فالدوام ولا جالس مع اهلك فكوفي ولا مسافر، اكتشفت انو فعلاً مالها داعي والفايدة منها صفر.

واغلب اللي يصورون ماسك خط بالسيارة ومشغل اغنية يفرفر " ما ادري اذا لسا الوضع كذا مع البنزين "

حالياً السنابات الوحيدة اللي افتحها هي سنابات اهلي اخواني واخواتي وامي فقط، والقروب الوحيد فالواتس اللي ماهو صامت قروبهم، بخصوص البقية ما يهمني الوضع.


وهذا ياخذنا لباب ثاني اللي هو مين نتابع؟

مشكلتنا احنا السعوديين اننا مثقفين بزيادة، ما امزح ولكن كل شخص فينا يقرأ فالسياسة ويعرف عواصم الدول ومدنها ويعرف مشاكلها ويقرأ فالكورة ويتابع اخبارها ولو له تخصص معين يقرأ فيه ويقرأ فالطب والهندسة ويعرف سعر العملات والذهب والنفط والشعر والاغاني والمشاهير والمسوؤلين وكل شيء يطيح فيدو، وكمان حتى الاشياء البايخة لنا منها نصيب.

فتجي لحساب شخص في تويتر تلقاه يتابع مجموعة كبيرة من الحسابات مالهم صلة فبعض!

ليه تتابع هذا الكم الهائل من المعلومات والثقافات والاشياء فالنهاية ثلاث ارباعها ما تهمك!

لو ركزت فقط على الاشياء اللي تهمك من الامور هذي بتحصل انك اذا دخلت تويتر بدل ما تقرأ 100 تغريدة بتقرأ فقط 10 والسناب نفس الكلام بدل ما تتابع 150 شخص ياخذو منك ساعات بتتابع 10 او 5 ووقتهم جداً بسيط بالنسبة لك.

 

 

[مرحوم الوالدين]

انا مستغرب الناس 24 ساعة على التواصل الاجتماعي

 

 

[massjj]

التواصل الإجتماعي صار هادم أجتماعي بس صدقني مو هو السبب

السبب مجتمعنا

مثلا الواتساب ممكن اتواصل فيه مع الأصدقاء ننشر شعر ولا فيديوات هادفه ولا أدعيه ولا مواقف انسانيه الخ الخ بينما نستخدمه نطقطق على ذا ونبهدل ذاك

السناب فيه السناب الأمني - سناب الأمطار وفيه امتع وابدع الأماكن بالسعودية - سناب الشعر - الخ الخ
بينما تشوفنا لازم مشاهير العفن والسب والشتم وغيرانه مني وغيرانه منها واحرقو السناب وسوو

الأنستقرام بالعكس في كثير من الأشياء الحلوه والإبداعيه والجديد في عالم العروض الخ الخ واستفاد منه واحد من اخواني لدرجة وفر الكثييييير من المصاريف لأن عنده عيله ويحتاج الكثير

المشكلة وش نوجه نفسنا له وبنرتاح. عدد ساعاتي على الجوال في اليوم لا تتجاوز ساعه ونص خلال اليوم كله

بس الكل حب يبعد عياله عنه وأهله وشرالهم اجهزه لين الكل ضاع بالطوشه

 

 

[aboahmmedd]

اخذت فترة مسحت كل التطبيقات الممله الغير مفيده سناب انستا فيس وغيرها وخليت تويتر فقط للاخبار

 

 

[عفريت الارض]

كل تطبيق وله سلبياته وايجابياته
مثلا
انت ماناسبك السناب وغيرك مايناسبه الانستقرام كل واحد واستخدامه
انت ماتستغني عن تويتر وواحد ثاني مايعرف شنو تويتر
القصد كل واحد واهتمامه وكل واحد شنو نوع المحتوى اللي يفضله
تحياتي