أكثر من عشر سنوات ولازالت مشاكل الانترنت قائمة في المملكة
banner
2019-07-31 , 02:21 مساءً
المهـــند’s Avatar
المهـــند

مبدع

المشاركات:3600
التسجيل:Nov 2006
المهـــند
اذكر دخلت البوابة الرقمية في عز الـ DSL لما كنت انتظر التركيب، وانتظرت التركيب فترة طويلة وكنت اعاني فترة التركيب واذكر كنا نكتب مواضيع ساخرة على وضعنا اثناء انتظار التركيب.

وبعد ١٣ سنة انتقل لمبنى جديدة واطلب الياف وارجع لنفس المشكلة مع الانتظار. المبنى الي انا فيه جديد في حي مغطى بالياف من موبايلي لكن يحتاج كبينة جديدة، وموبايلي يماطلون فيني من شهر. والمشكلة الاعظم ان المبنى حقي على ٤ شوارع يعني ما يمديهم حتى يمدون لي من جيراني.

معاناة المواطن مع شركات الاتصالات بهالبلد ما تنتهي ابد مع تقادم الزمن، مستمرة وراح ننقلها للاجيال المقبلة، كلمت جيراني في المبنى وافادني انهم مقدمين على كبينة الياف من ست شهور وإلى الان لم يتم التركيب والموضوع شكله مطول مره.

جربت كويك نت وطلع سيئ، ما ينفع للتحميل والالعاب، والحين انا اقضي معظم وقتي في بيت اهلي عشان عندهم انترنت، وش هالوضع السيئ الي ما يحتمل بصراحة.

قدمت شكوى لهيئة الاتصالات وكالعادة وقفوا مع المشغل وقالوا احنا ما نقدر نجبره.

ياخي ماني مصدق ان تركيب الموية والكهرب الي هو اضعاف صعوبة الالياف ماياخذ فترة طويلة، بينما تمديد سلك فايبر ياخذ كل هالمدة، معقولة كل هالسنوات ومافيه تطور بالتركيب، معقولة الدول الثانية بتفعل الجيل الخامس واحنا الى الحين ما بعد حتى ركبنا الياف بصرية.

مزعج الموضوع جدا
Enlarged Image
2019-07-31 , 02:21 مساءً