الرائحة في(المسجد-العمل-مراجعة-المستشفيات-الخ) ماهو الحل تعبنا
banner
2018-10-05 , 03:34 مساءً
الله معاي’s Avatar
الله معاي

مبدع

المشاركات:3178
التسجيل:Dec 2010
الله معاي
السلام عليكم ورحمة الله وبركاته

اسعد الله اوقاتكم بكل خير يارب

اخواني في الفترة الاخيره وخاصة فصل الصيف هذا طول حبتين

لاحظت امور صعب الواحد يتاقلم معها مهما كان هل هي مشكلة فيني انا فقط او الجميع يعاني منها ولكن ساتحدث بما اواجهه

في المسجد اتحاشا اني اجي جنب عامل ليس غرور او كبرياء ولكن لما يخرج منه من روائح ثوم رائحة جسد ارجل الخ وواتفاجا الا اللي امامي او بجاني نفس الوضع

المهم مالنا في الطويله برضه بالعمل تجي الصباح لعملك بكل نشاط تقول ماشاء الله شكلي جاي اول واحد ادخل المكتب احصل واحد من الزملاء جاي ومقفل الباب وريحة المكتب كلها ثوم تعجعج

تقوله وش هالريحه يقول ايه من اليوم اشمها مدي وش السالفه ولا يبتسم

ولما تصلي تحصله هو اللي ماكل الثوم والوضع طبيعي بشكل يومي او اسبوعي

بعض الزملاء مادري خشومهم مسدوده او ايش ماني عارف الوضع طبعي عندهم

وبرضه العماله لدينا في العمل يجيك ريحة عرق وريحة ثوم

وبكل امانه كنت واقف عند بيت احد الاشخاص لي معرفه فيه وربي منعم عليه

وكانت سيارتي واقفه جب غرفة العامل وريحة الطبخ نشبت في سيارتي يومين

المهم قلطت عند الرجال شوي ويجي العامل يجيب القهوه والشاهي وطلع

ريحته فاقعه قلت ياخي ورا ماتكلمه يتنظف

قال اقسم بالله اني اشتري له من الشامبو والصابون على حسابي الخاص وفهمته وعلمته الف مره ولكن اعتقد انه يقصد هالشي وبشكل مستفز

وكم مره اتفاهم معه اقوله تراك مخيس وسخ تروش مويه وعندك وحمام اعزكم الله وعندك وشامبو اشتريه لك وصابون وعندك

يقزل هذا طبع فيهم وزي الادمان على الخياس

فتحت هالموضوع للنقاش فيه وش الحل المناسب بكل صراحه

واتمنى من وزارة العمل والخدمة المدنيه ان تضع في تقييم الاداء الوظيفي نقاط على النظافه والرائحه

تبي تاكل ثوم خذ اجازة ثوم يوم بالشهر واكل ليل نهار واشبكها مع ويكند وفكنا من شرك
Enlarged Image
2018-10-05 , 03:34 مساءً
2018-10-05 , 05:59 مساءً
RyBack’s Avatar
RyBack

مبدع

المشاركات:3393
التسجيل:Jun 2012
RyBack
احس انك مكبر الموضوع شوي مو معقولة كل الي حولك ياكلون ثوم ومعرقين
2018-10-05 , 05:59 مساءً
2018-10-05 , 06:51 مساءً
الله معاي’s Avatar
الله معاي

مبدع

المشاركات:3178
التسجيل:Dec 2010
الله معاي
RyBack كتب:
احس انك مكبر الموضوع شوي مو معقولة كل الي حولك ياكلون ثوم ومعرقين


اتكلم بشكل عام الله يجزاك خير ماقلت لك الجميع اقولك البعض يمكن اخطيت في تعبيري ولكن للتوضيح البعض والغالب لدي زميل انا مادري كيف اهله متحملينه

اما العماله فحدث ولا حرج 99% منهم مقرف جدا

لعلمك فيه محلات تبيع لك الشامبو مايتعدى خمسة ريال والصابون ثنتين بريال
2018-10-05 , 06:51 مساءً
2018-10-05 , 06:57 مساءً
ابو عـزيز’s Avatar
ابو عـزيز

                       

المشاركات:10366
التسجيل:Nov 2007
ابو عـزيز
امش وكمامتك معك ماتقدر تسوي شي.

وانا اشوف الثوم مهظوم عند العرق والعرق هو المصيبة ولكن مالك الا اللطمة او كمامه

بعض الناس مايعترف بوجود المزيل رغم انه منعم الله عليه ويقدر يشتري مزيل مع كل شور ، صح ممكن مره مرتين تطلع فيك ريحه بالغلط نسيت ماحطيت او شي لكن بشكل مستمر مصيبة ذي.
2018-10-05 , 06:57 مساءً
2018-10-05 , 07:57 مساءً
الله معاي’s Avatar
الله معاي

مبدع

المشاركات:3178
التسجيل:Dec 2010
الله معاي
ابو عـزيز كتب:
امش وكمامتك معك ماتقدر تسوي شي.

وانا اشوف الثوم مهظوم عند العرق والعرق هو المصيبة ولكن مالك الا اللطمة او كمامه

بعض الناس مايعترف بوجود المزيل رغم انه منعم الله عليه ويقدر يشتري مزيل مع كل شور ، صح ممكن مره مرتين تطلع فيك ريحه بالغلط نسيت ماحطيت او شي لكن بشكل مستمر مصيبة ذي.


قبل مايقارب السنه كنت اكلم احد زملائي وقلت له فلان ترا فيه شي اسمه مزيل عرق بعشرة ريال خذه لانه كم مره تكررت منه
قالي باقي شوي واصير حرمه على كذا
قلت من جد ترا اكلمك مامزح معك قال الرجال اذا ماطلعت ريحة عرقته ترا ماهو رجال
سكت عقب كلمته وقلت صبر جميل والله المستعان
2018-10-05 , 07:57 مساءً
2018-10-05 , 08:02 مساءً
ابو عـزيز’s Avatar
ابو عـزيز

                       

المشاركات:10366
التسجيل:Nov 2007
ابو عـزيز
الله معاي كتب:
قبل مايقارب السنه كنت اكلم احد زملائي وقلت له فلان ترا فيه شي اسمه مزيل عرق بعشرة ريال خذه لانه كم مره تكررت منه
قالي باقي شوي واصير حرمه على كذا
قلت من جد ترا اكلمك مامزح معك قال الرجال اذا ماطلعت ريحة عرقته ترا ماهو رجال
سكت عقب كلمته وقلت صبر جميل والله المستعان


الله يقطع المرجله دامه كذا عندك :d !!!

يعني تمشي كنك تيس مصن عشان تصير رجال ! هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه وييييين يبي ذا !

العرق مصيبة وتقطع علاقات والسبب العرق ! والله مايضر بعد الشور افرك اباطك بصابونه وحط مزيل.

قد تناقشت انا وواحد من الشباب مايحط مزيل ابد واحياناً يسأل فيه ريحه ! قلت له ياخي حط مزيل رخيص ولا يخلي ريحتك تطلع عذره عندي حساسيه ! قلت حتى الي عندهم حساسيه فيه اشياء مخصصه لهم سكت ولا كني تكلمت عليه.
2018-10-05 , 08:02 مساءً
2018-10-05 , 08:18 مساءً
cr 7’s Avatar
cr 7

**

المشاركات:1123
التسجيل:Jul 2009
cr 7
معقول؟ المسجد-العمل-مراجعة المستشفيات كلها ريحتها خايسة؟

يمكن خشمك حساس او الريحة منك ههههههه امزح P:

اصعب مشكلة الريحة كيف تقول للشخص ريحتك معفنه احرااااج

موضوع ثري شكرا للاشراف ع قبوله

#ثري
2018-10-05 , 08:18 مساءً
2018-10-05 , 08:30 مساءً
sodoku’s Avatar
sodoku

فعال

المشاركات:1377
التسجيل:Sep 2013
sodoku
ذكرني بواحد من العيال المح له و اقوله ي ولد ترا فيه اختراع اسمه ديودرنت او مزيل عرق انواع واشكال و رخيص وغالي..
قالي مزيل العرق يسبب سرطان..
قلت والله ريحتك الي بتجيب لنا السرطان :d
من عقبها زعل علي مدري ليه:35:

فيه ناس نظامها شاور وامش لايحط لوشن او مزيل...
والمصيبه الاعظم انه مايقدر يشم نفسه بمعنى انه تعود يحس انه مافيه شي:angry2:


بالصيف لازم الشور يوميا خصوصا بعد انك تصحى من النوم وبعد ماتجي من الدوام..
2018-10-05 , 08:30 مساءً
2018-10-05 , 08:42 مساءً
justeturki’s Avatar
justeturki

نشيط

المشاركات:696
التسجيل:Nov 2015
justeturki
قص خشمك
2018-10-05 , 08:42 مساءً
2018-10-05 , 09:01 مساءً
ابو شجيع’s Avatar
ابو شجيع

متميز

المشاركات:6644
التسجيل:Aug 2005
ابو شجيع
الله يكون بعونك
ولله الحمد في مكتبنا موظف مايهمه احد ويقولها على بلاطه في وجه أي واحد , لان بيكون نصف يومه ب في العمل,
مكتبنا اكثره موظفين هنود وبكستان وعرب , واي واحد يكون فيه ريحة عرق يتم طرده من المكتب ,والله ماكذب عليك كان فيه موظف اجنبي من اول ماتخش المكتب تعرف انه موجود من ريحته ) من الرغم انه مايطلع ميدان مثل باقي الموظفين ,وتم طرده اكثر من مره حتى صار يتروش يوميا مثله مثل غيره .
2018-10-05 , 09:01 مساءً
2018-10-05 , 09:07 مساءً
epbasd’s Avatar
epbasd

مبدع

المشاركات:4156
التسجيل:Nov 2014
epbasd
ااه وش اسوي وش اقول

الله يستر علينا

انا واحد متعبني بالعمل من اكله الهندي الي يصرع
والثاني ريحته جمعت اخس شي انو يتروش ويرجع على حوايجه المتعرقة

بعضهم روايح الفخد المقرفة صارت انبعاث منه

الابط والفم ااااه





المسجد كلام ثاني لازم بخور ولا تتضايق


الحل ان عطر الجيب بجيبك وكل شوي تبخ منه
2018-10-05 , 09:07 مساءً
2018-10-05 , 10:55 مساءً
كولا زيرو’s Avatar
كولا زيرو

مبدع

المشاركات:4130
التسجيل:Jul 2013
كولا زيرو
اواجه هالمشكله بشكل شبه يومي مع العمال الاجانب خصوصاً روائح الطبخ تلصق فيهم بشكل مو طبيعي والمكان اللي يمرون عليه تلصق فيه الريحه :25:


sodoku كتب:
ذكرني بواحد من العيال المح له و اقوله ي ولد ترا فيه اختراع اسمه ديودرنت او مزيل عرق انواع واشكال و رخيص وغالي..
قالي مزيل العرق يسبب سرطان..
قلت والله ريحتك الي بتجيب لنا السرطان :d
من عقبها زعل علي مدري ليه:35:

فيه ناس نظامها شاور وامش لايحط لوشن او مزيل...
والمصيبه الاعظم انه مايقدر يشم نفسه بمعنى انه تعود يحس انه مافيه شي:angry2:


بالصيف لازم الشور يوميا خصوصا بعد انك تصحى من النوم وبعد ماتجي من الدوام..



بعد كلامك له ما تعرف ليش زعل !!


في عمري كله ما اتذكر استخدمت الا علبتين مزيل والثنتين انتهت مدة صلاحيتهم قبل لا استخدمهم بالكامل والوضع طبيعي مجرد سباحه عاديه بالماي والصابون والشامبو


المشكله لما الشخص يهمل نفسه ويهمل نظافة جسمه ف بعض المناطق تصير فيها بكتيريا والعرق تصير فيه ريحه ، لكن العرق نفسه مافيه ريحه قويه بس تطلع الريحه بسبب عدم التهويه وتخمر الملابس
2018-10-05 , 10:55 مساءً
2018-10-05 , 11:31 مساءً
.:سكوفيلد:.’s Avatar
.:سكوفيلد:.

نشيط

المشاركات:830
التسجيل:May 2009
.:سكوفيلد:.
justeturki كتب:
قص خشمك


ههههههههههههههههههه ذكرتني بافتح الصندوق وخذ مقص قص خشمك, خذ ورده شمها, كيف تشم ماعندك خشم :d






بالنسبه لك ياراعي الموضوع خلك قوي واعطيه اياها بوجهه, الرسول عليه الصلاه والسلام نبهنا عن الروائح ونهى عن الحضور للمسجد بعد اكل الثوم والبصل
https://islamqa.info/ar/224633


اتذكر قريب لي يسولف عن موظف هندي معاه في المكتب, دائما يجيب اكل ريحته فاقعه وهو مصن بعد, يا انه بهدله على ذا الريحه واجبره ياكل برا المكتب وجاب عود وبخور,, الزبده انه حشر الموظف اللي معاه في زاويه عشان يلاقي لنفسه حل

خلك قوي عين ولا تجامل لان هالشيء يضايق كل الناس ماهو انت لحالك

واذا كنت تستحي منه كلم اللي فوقكم :d
2018-10-05 , 11:31 مساءً
2018-10-05 , 11:41 مساءً
Mr dri7m’s Avatar
Mr dri7m

مشارك

المشاركات:119
التسجيل:Jul 2015
Mr dri7m
والمشكلة الاشد لما يكون دوامك مقابلة جمهور وتقابل ناس انواع واشكال في ناس ماشاء الله تبارك الله رتابه ونظافه وبعضهم تحس انه طالع من قبر والريحة لو يشمها الطير الطاير انصرع
وذكرتني بمسجد حينا في باب قريب لي على طول ادخل من عنده وصادف كم مره اصلي جمب عائلة كلهم عندهم ريحة موحدة خايسة وتخلين طول الصلاة افكر كيف اتنفس دون ما اشم الريحة الخايسة استغفر الله ههههههههههههههههههههه
وبديت ادخل من عند الباب البعيد اضمن لي

وموضوعك ذا ما راح يفيد توعية او نصيحة لان النظيف النظيف والخايس خايس
2018-10-05 , 11:41 مساءً
2018-10-05 , 11:53 مساءً
محب للزعيم’s Avatar
محب للزعيم

مبدع

المشاركات:4411
التسجيل:Dec 2007
محب للزعيم
الله معاي كتب:
قبل مايقارب السنه كنت اكلم احد زملائي وقلت له فلان ترا فيه شي اسمه مزيل عرق بعشرة ريال خذه لانه كم مره تكررت منه
قالي باقي شوي واصير حرمه على كذا
قلت من جد ترا اكلمك مامزح معك قال الرجال اذا ماطلعت ريحة عرقته ترا ماهو رجال
سكت عقب كلمته وقلت صبر جميل والله المستعان


هههههههه هذا مريض الله يستر عليه ياخي تبي الصدق والله انا استحي اقول لا احد ريحتك خايسه ولا ريحت اثمك ولا ملابسك وسخه مااقوله شي ابد مالي الا اصبر عليه واتحاشاه حتى في الصلاه لا شفت هندي جمبي رحت مكان ثاني قبل لا اكبر :25:
2018-10-05 , 11:53 مساءً
2018-10-06 , 12:01 صباحاً
believerguy’s Avatar
believerguy

متميز

المشاركات:5899
التسجيل:Dec 2009
believerguy
تتحسس منهم ، اقعد ببيتك

لو اشغلك مكان العمال كان ريحتك تفوح نفسهم

الاعمال الشاقه زي البناء و العمل عل المشاريع و في الورش و بعز الحر اكيد بتشم الريحه . وبعدين العرق شي طبيعي والله خلق الانسان وجعل جسمه يفرز العرق .


بخصوص اماكن العمل المكتبي صحيح المفروض يكون فيها حرص اكبر


بخصوص المستشفيات كبار سن او اللي مسويين عمليات او اللي جالهم امراض ماعندهم استطاعه عل الاهتمام بنظافتهم الشخصيه
2018-10-06 , 12:01 صباحاً
2018-10-06 , 01:11 صباحاً
ULTRAS’s Avatar
ULTRAS

بارز

المشاركات:1587
التسجيل:Jan 2013
ULTRAS
من النظافه مزيل العرق ولا ؟
الرسول وهو قدوتنا امر بالنظافه عامه بمواضع كثيره .
فمين الاهبل الي يناقش في مساله زي هذي .
2018-10-06 , 01:11 صباحاً
2018-10-06 , 07:16 صباحاً
ولد الخليج’s Avatar
ولد الخليج

فعال

المشاركات:1422
التسجيل:Apr 2011
ولد الخليج
صباح الروائح قاعد افطر واقرأ موضوعك...

اولا نحمد الله على النعمه ونعمة الدين الي علمنا النظافه لكن في نفس الوقت يجب ان تراعي ظروف الاخرين او تحاول تتخيل تكون مكانهم...

انت جالس في مكتب تحت مكيف وهم يشتغلون فالشمس بسبب الفقر والوظيفه الميدانيه الي تجبرك على التعرق هذه من ناحيه تعرق ولو حط مزيل عرق ماراح يفيد معه وبالرغم ان مزيل العرق يسكر مسامات الابط وقد يسبب سرطان..

ثانيا موضوع الثوم لالثوم له فوائد عظيمه كمضاد حيوي ويقوي المناعه ويضيف نكهه للطعام فانت ولله الحمد عندك مال وتقدر تشتري كل يوم الاكل الي يعجبك من لحوم ودجاج ومالذ وطاب وان مرضت تقدر تشتري مضاد حيوي وغيره لان الله منعم علينا بالمال والخير اما العمال فالله يكون بعونهم راتبه اقل من 1000 والاكل مايقدر ياكل الا الرخيص او الي تجبره عليه الشركه من اكل فيكون معظم اكلهم دال عقولتهم او عدس مع خبز واللحم يمكن فالشهر ياكل لحم ومش اي لحم انت خابر اللحم الي عندهم ان ماكان لحم فاسد...

انا معك ان في بعض الناس مش الكل عندهم اهمال فالنظافه الله يهداهم ولكن ايش الواحد يقدر يسوي جيب دهن عود وحط منه على خشمك فترة عملك يمكن تخف الريحه وبالتوفيق ياغالي والله يجعل ايامك كلها مسك وروايح طيبه
2018-10-06 , 07:16 صباحاً
2018-10-06 , 08:03 صباحاً
eng_abdulaziz’s Avatar
eng_abdulaziz

متميز

المشاركات:6092
التسجيل:Aug 2008
eng_abdulaziz
انت خشمك حساس بزياده
2018-10-06 , 08:03 صباحاً
2018-10-06 , 08:05 صباحاً
lemolemo’s Avatar
lemolemo

**

المشاركات:1248
التسجيل:Mar 2011
lemolemo
ما اظن ان كلهم اكلو ثوم يعني العمال و المسجد و المكتب كله ثوم
اكييد انت عندك مرض معين


رح المستشفي وقول المشكلة وبيكتب لك علاج
كان الله في عونك وشفاك الله
2018-10-06 , 08:05 صباحاً