الطريقة الصحيحة لقياس سرعة النت
بيض الله وجهك يا أستاذ فواز !
ذبحونا بالمواضيع كل شوي واحد يقول ماهي واصلتني كاملة .. ويطلع يقصد موقع speedtest وكلنا متعودين من زمان أنه إذاspeedtest أعطاك نتيجة ناقص منها 2 او 3 ميقا من سرعة إتصالك معناها تحمد ربك .
الناس بدأت تفهم الموضوع غلط بخصوص بطيء الإنترنت الحاصل هالأيام , وتقدم بلاغات تلحس مخ موظفين STC يقول ماهي واصلتني كاملة والموظف يشيك على خطه يلاقي السرعة واصلة كاملة بدون ما حتى ما يكون في 1 كيلو بايت ناقص!
في لبس كبير عند البعض بين السرعة الواصلة للكبينة واللي الكل يتمنى توصله كاملة
وبين سرعة التحميل اللي تتأثر من السيرفر .. والحل التحميل المبااااااشر من سيرفر مفتووووح مثل ما وضح أستاذنا فواز
يا إخوان speedtest يتأثر بشكل كبير وقت القياس بعدة عوامل , الوايرلس يأثر , إذا كان أحد يحمل أثناء القياس برضوا يتأثر .
إذا كان في مشاكل عامة في الإنترنت في السعودية .. يتأثر القياس .. يعني لا تأخذ نتيجة speedtest على أن السرعة لم تصلك كاملة من الكبينة!!! غلط!!
جزاك الله خير .
* ملاحظة أحيانا بعض روابط اليوتيوب يكون فيها بطيء بسبب كثرة سيرفرات اليوتيوب ..
الرجاء تجربة أكثر من مقطع .
