عمري 23 بشتري ارض
banner
2019-03-14 , 12:03 صباحاً
Fig-22xAA’s Avatar
Fig-22xAA

مبدع

المشاركات:4723
التسجيل:Dec 2010
Fig-22xAA
السلام عليكم

عمري 23 تخرجت من الجامعه ومتوظف
مثل اي شخص كنت افكر اشتري سياره كشخه بس غيرت توجهي الفتره الماضيه
وقلت لازم اكون مختلف واهيئ نفسي للمستقبل من بدري قبل ما امر بضغوطات الكل مر فيها
اول شي قلت بسويه السياره مالي فيها معي سياره موديل 2013 وماشتكت معي ابد وماودي العب بفلوسي كافي ان نصه يروح عالاكل والسفر
الشي الثاني قررت اشتري ارض وانا من اهل الرياض
والمخططات الجديده بالرياض كلها بإتجاه الشمال "طريق الملك سلمان وفوق"
الشي اللي منب عارفه اللي هو الاسعار والاهم من الاسعار كيف اعرف المخطط والحي الزين
للمعلومه الهدف من شراء الارض هو بناء بيت بعد فتره من الزمن بإذن الله إذا تيسرت الامور
وبالنسبه لقيمة الارض اتوقع بما ان ماعندي التزامات افضل شي اطلع قرض شخصي واشتريها وانساها , والرأي رأيكم

اعتذر على الإطاله
Enlarged Image
2019-03-14 , 12:03 صباحاً
2019-03-14 , 09:14 مساءً
iKuwait’s Avatar
iKuwait

مبدع

المشاركات:2411
التسجيل:Jan 2011
iKuwait
وليش تدفع فوايد على القرض وانت مو محتاج الارض حاليا؟

راتبك عالي وانت صغير حط الفلوس في وديعه بالبنك وكل شهر حول نص راتبك

اربع سنوات باذن الله ومجموع الايداعات 350 الف زائد ارباح البنك


حرام تطلع قرض 200 و يطلع عليك ب260 الزياده انت اولى فيها

زائد حسب علمي في قوانين المملكه ان ماتقدر تاخذ قرض الاسكان اذا عندك عقار

ف خل فلوسك في البنك يستثمرها لك وتودع كل شهر نص راتبك
وسافر مره بالسنه

واذا جيت تتزوج خذ قرض الاسكان فلوسك فالبنك تكمل لك وتشتري ارض وتبنيها
2019-03-14 , 09:14 مساءً
2019-03-14 , 09:22 مساءً
ispeedHero’s Avatar
ispeedHero

نشيط

المشاركات:564
التسجيل:Mar 2016
ispeedHero
نصيحه اخ يحبك لاتحط قيمه راتبك

ترى العين حق
2019-03-14 , 09:22 مساءً
2019-03-14 , 09:26 مساءً
دكتور جامعي’s Avatar
دكتور جامعي

مبدع

المشاركات:3938
التسجيل:Mar 2012
دكتور جامعي
ما شاء الله
تفكير سليم 100%

الحل :
تجميع مبلغ لمدة 3 سنوات ، بواقع 8 آلاف ريال لكل شهر
الحصيلة : قرابة 300 ألف ريال
200 ألف : اشتر أرض في مكان ( جديد ، وطور التأهيل ) ، ومن
ثم اسخرج قرض ، وابدأ بالبناء دور واحد ، مع تأسيس دور
ثاني مستقبلاً ...
100 ألف : ابحث عن سيارة جديدة ، بهذا السعر ، أو أقل ...

موفق بإذن الله
2019-03-14 , 09:26 مساءً
2019-03-15 , 12:12 مساءً
wingwolf’s Avatar
wingwolf

بارز

المشاركات:2084
التسجيل:Jan 2012
wingwolf
جميل أشوف أشخاص ما بتتبع ثقافة المجتمع السائد بدون تفكير، خاصة لشخص بعمرك أنت على الطريق إنك تكون ناجح إذا بدأت ببناء ثروتك بهالعمر.

شراء سيارة جديدة (أقصد وكالة) هو من أسوء الاستثمارات اللي ممكن تسويها، لأنه بكل البساطة السيارة ليست استثمار من الأساس. قيمة السيارة تنزل 10-20% من قيمتها بمجرد ما تخرج لبرا المعرض. وتستمر قيمتها بالانخفاض حتى 40-60% خلال أول 4 سنوات. هذا في حال شريتها كاش، لو أخدتها أقساط فالخسارة مضاعفة بالإضافة إنه يمكن لا قدر الله تخسر دخلك قبل ما تكمل الدفعات.

أسرع طريقة للغنى هو استخدام دخلك الأساسي (راتبك) الغير مستقطع (بمعنى انه ما عندك أقساط سيارة، دفعات بطاقة اتمانية، اقساط جوال ...) حتى تبني مدخر لك ومبلغ لتستثمره.

العقار هو أحد الاستثمارات الاساسية اللي ممكن ينظر لها الشخص، باعتبار انه (على المدى البعيد) بيرتفع سعر الأرض والبيوت بشكل أكيد.

إذا بتشوف إنه عندك الإرادة تدخر من راتبك، فشخصيا بشوف الأفضل إنك تدخر المبلغ المطلوب لشراء الأرض.َ
أما إذا بتشوف إنك بتحتاج أحد فوق راسك يتأكد إنك عم تدخر كل شهر بدون تقصير، فما أشوف فيه مانع إنك تاخد قرض خاصة إذا درست الموضوع بشكل جيد ولقيت إنه على مدة القرض، الأرض حيرتفع سعرها بشكل موازي للفوائد المدفوعة للبنك.

بمعنى، إذا أخدت قرض 300 ألف على مدى 3 سنين، ومجموع الاقساط المدفوعة للبنك مثلًا 370 ألف، إذا كانت الأرض تسوى بعد 3 سنين 350 ألف، فانت فعليًا ما خسرت مبلغ كبير. بالإضافة إنك بتقدر تتصرف بالأرض لو لا قدر الله ما كملت في عملك وبترد للبنك المبلغ المتبقي.
2019-03-15 , 12:12 مساءً
2019-03-15 , 01:15 مساءً
Onionite’s Avatar
Onionite

مبدع

المشاركات:3858
التسجيل:Jul 2007
Onionite
توك شباب ادخر راتبك لكم سنة و اشتر ارض كاش بدون فوائد و قروض
2019-03-15 , 01:15 مساءً
2019-03-15 , 04:11 مساءً
aass4’s Avatar
aass4

نشيط

المشاركات:713
التسجيل:Aug 2015
aass4
لا تبدأ حياتك بقروض
دامك منت محتاج للأرض حاليا فحاول انك تدخر من راتب واذا اكتمل معك المبلغ اشتر الارض وممكن بدال ما تجمع فلوسك في حسابك البنكي انك تستثمرها اما في الاسهم او الودائع والارباح اللي تحصل عليها تعيد استثمار ها الى ان تصل للمبلغ اللي انت تبي توصل له
2019-03-15 , 04:11 مساءً
2019-03-15 , 04:23 مساءً
Fig-22xAA’s Avatar
Fig-22xAA

مبدع

المشاركات:4723
التسجيل:Dec 2010
Fig-22xAA
شكرا لردودكم جميعاً ونصايحكم :11:

يبدولي فعلا اني راح اهدأ بالموضوع شوي وانسى فكرة القرض
واستغل الفتره اللي ادخر فيها اني ادرس الموضوع اكثر واتابع الأسعار والمشاريع والمخططات الجديده
بحيث بعد كم سنه اكون ملم وفاهم ومايحتاج استشير احد ممكن يستغلني خصوصاً ان مجال العقار النصب والاستغلال فيه عالي للأسف

شكرا لكم مره ثانيه :11:
2019-03-15 , 04:23 مساءً
2019-03-15 , 04:58 مساءً
المجد التليد’s Avatar
المجد التليد

مشارك

المشاركات:295
التسجيل:Jun 2014
المجد التليد
انا اشد على يديك لعدة اسباب

الاول هو وضعك لهدف مالي مستقبلي وهو في هذه الحالة البيت

ثانيا بناءا عليها ستبدأ في النظر لاستهلاكك سواءا سيارات او كماليات اخرى بمنظور اكثر عقلانية واكثر تحقيقا لهدفك الاساسي

ثالثا امتلاك منزل مُلك سيتيح لك التفرغ من موضوع دفع الايجار الخ

لكي تدخر او تبدأ استثمار جزء من راتبك او اي دخل لك في تنمية امورك المالية

وشراء اراضي بالوقت الحالي او عقار هو تفكير دهاة الاستثمار

لأنهم دائما مايقتنصون فرصة الشراء حال تشاؤم الناس او حال الركود

وماتشتريه الان من ارض لا شك ان سعره مستقبلا كل مازادت السنين سيتضاعف

وامتلاك ارض سيسهل عليك كثيرا بناء البيت واختيارك للاراضي على طريق الملك سلمان اختيار ذكي والمنطقة واسعه تستطيع البحث حتى تجد ارض مناسبة وعندك من مخطط الرحاب في بداية الملك سلمان عند كوبري العمارية

حتى تدخل الى حدود المطار كلها مخططات واراضي دور وشاهد واسأل وفكر بالارض بعد سنوات كيف ستكون المنطقة

ولا تلتفت لأي تثبيط من ناحية بناء الفلّة

هي ابسط مما تتصور وتكاليفها ستكون ربع تكاليف الفلل الجاهزة

اهم شيء التمويل الي بتحصل عليه احرص اشد الحرص يكون تمويل موافق للشريعة ولاتبني حياتك على حرام وربا

وموفق
2019-03-15 , 04:58 مساءً
2019-03-15 , 05:11 مساءً
iAbdulmalik’s Avatar
iAbdulmalik

مشارك

المشاركات:251
التسجيل:Aug 2014
iAbdulmalik
وعليكم السلام

مرحباً

أحييك على تفكيرك الرائع في البدايه

لكن ما اوافقك ابداً حاليا

سوق العقار متضخم ولازال بنزول

انتظر حتى الأسعار تصل لمستواها الطبيعي، ثم فكر " بشراء أرض " .

أنا اشوف انك تبدا تجمع، او تشوف لك استثمار جيد .. مع اني ماتوقع تلقى استثمار جيد بهالظروف الحاليه.

تحياتي لك .
2019-03-15 , 05:11 مساءً
2019-03-15 , 08:29 مساءً
WLA3H’s Avatar
WLA3H

مشارك

المشاركات:464
التسجيل:Sep 2012
WLA3H
ماشاءالله عدل شغلك

ماحبيت اطلع من هنا بدون ما اكتب شي

ماعندي خلفية عن الاراضي بس عجبني انك تفكر لبعيد

موفق
2019-03-15 , 08:29 مساءً
2019-03-16 , 11:13 مساءً
مفكر اسلامي’s Avatar
مفكر اسلامي

نشيط

المشاركات:879
التسجيل:Mar 2014
مفكر اسلامي
ما انصحك تطلع قرض انحش ويرزقك الله


استقطع مبلغ معين من راتبك وانساه وبعد سنة او سنتين راح تتضح لك رؤية جديدة وممكن تكون ترغب بالزواج او اشياء ثانية لكن من هنا لذاك الوقت انتبه تلعب بالقروش وتقول ماعندي التزامات , الالتزامات راح تجيك مهما كنت لكن خلك مستعد , ولا تنسى الصدقة وقبلها زكاة المال اذا بلغ النصاب وحال عليه الحول بالتوفيق
2019-03-16 , 11:13 مساءً
2019-03-17 , 02:43 صباحاً
AbuHaifa’s Avatar
AbuHaifa

مشارك

المشاركات:154
التسجيل:Feb 2018
AbuHaifa
iKuwait كتب:
وليش تدفع فوايد على القرض وانت مو محتاج الارض حاليا؟

راتبك عالي وانت صغير حط الفلوس في وديعه بالبنك وكل شهر حول نص راتبك

اربع سنوات باذن الله ومجموع الايداعات 350 الف زائد ارباح البنك


حرام تطلع قرض 200 و يطلع عليك ب260 الزياده انت اولى فيها

زائد حسب علمي في قوانين المملكه ان ماتقدر تاخذ قرض الاسكان اذا عندك عقار

ف خل فلوسك في البنك يستثمرها لك وتودع كل شهر نص راتبك
وسافر مره بالسنه

واذا جيت تتزوج خذ قرض الاسكان فلوسك فالبنك تكمل لك وتشتري ارض وتبنيها





ايش فكرة الوديعة هذي اللي تقولها؟ و هل هي موجودة في كل بنك؟ و كم الربح؟


و يعطيك العافية
2019-03-17 , 02:43 صباحاً
2019-03-17 , 08:59 صباحاً
hassanworkshop’s Avatar
hassanworkshop

نشيط

المشاركات:767
التسجيل:Feb 2017
hassanworkshop
بالنسبة للموضوع دامك عزوبي ادخر كل فلوسك ولا تصرف منها شئ وفكرة شراء ارض ممتازة بما ان الاراضي اسعارها في نزول ولا عليك من احد يمكن خلال ادخارك خلال الثلاث سنوات تنزل الاسعار لشئ مناسب للموجود عندك



لاحد يضحك عليك يقولك لا تزوجت تدخر ترا الوضع قبل الزواج ماهو مثل بعده ، قبله اربعه بالكثير تكفيك اما بعده لا يقل عن 8 الاف و انت طالع الا اذا احسنت الاختيار و اخذت وحده قنوعه



المهم احسب حساباتك زين ولو تفكر باستثمار وتدرسه بشكل مفصل شي ممتاز
2019-03-17 , 08:59 صباحاً
2019-03-17 , 10:06 صباحاً
5rafe’s Avatar
5rafe

مشارك

المشاركات:446
التسجيل:Mar 2011
5rafe
1- ادخر
2- خذلك قرض واستثمر ومنها بدال ماتدخر وتواجهك احيانا النفس وامورها وغيرها سفريات وهالامور القرض يجبرك ياخذ من راتبك عكس الادخار على مزاجك
3- استثمر فيها دامك صغير واستغل العمر قبل الزواج ومسؤولياته
4- استثمر ثم استثمر في محلات او شاليهات او غيرها لاتخليها عندك وتفكر في البيت الاستثمار افضل لك اذا توفقت باذن الله في مشروع على مزاجك وحابه انت وبتعوضه في كم سنه وتبني منه
2019-03-17 , 10:06 صباحاً
2019-03-17 , 02:34 مساءً
khaled9001’s Avatar
khaled9001

مشارك

المشاركات:47
التسجيل:Nov 2017
khaled9001
مدري ليش رحمتك خخخخخخخ
طيب ماسالت نفسك بالاول كم سعر المتر
حتى تقدر تشتري ارض لازم اقل شي تجمع ٢٠ سنه حتى توفر قيمه الارض
و١٠ سنوات ثانيه قيمه البناء
محدثتك طلع الشيب في راسه وكل سنه ازكي غصب
حتى قيمه الارض ماقدرت فيها الله يعينك لانك من الجيل الجديد
2019-03-17 , 02:34 مساءً
2019-03-17 , 04:07 مساءً
Super DSL’s Avatar
Super DSL

Cisco Versity

المشاركات:12024
التسجيل:Jan 2006
Super DSL
جميل تفكيرك
انا ما اعرف كم راتبك وكم تقدر تجمع خلال مدة معينة
وكم المدة اللي بتجمع فيها وتتزوج

شوف بقولك نصيحة انا جربتها والنتيجة اني بعمر 32 ملكت بيت ومتزوج
لا تاخذ قرض عشان شي استهلاكي سيارة او زواج

اذا نويت تشتري عقار لازم ما تاخذ قرض عقاري يرهقك
اذا بتشري ارض لازم تعرف متى بتبنيها لانها تختلف القيمة من مكان لمكان

وحظا موفقا
2019-03-17 , 04:07 مساءً
2019-03-17 , 07:32 مساءً
turki-22’s Avatar
turki-22

مبدع

المشاركات:3798
التسجيل:Nov 2011
turki-22
Super DSL كتب:
جميل تفكيرك
انا ما اعرف كم راتبك وكم تقدر تجمع خلال مدة معينة
وكم المدة اللي بتجمع فيها وتتزوج

شوف بقولك نصيحة انا جربتها والنتيجة اني بعمر 32 ملكت بيت ومتزوج
لا تاخذ قرض عشان شي استهلاكي سيارة او زواج

اذا نويت تشتري عقار لازم ما تاخذ قرض عقاري يرهقك
اذا بتشري ارض لازم تعرف متى بتبنيها لانها تختلف القيمة من مكان لمكان

وحظا موفقا

طيب كيف ملكت بيت بعمر ال 32 ؟
2019-03-17 , 07:32 مساءً
2019-03-17 , 07:33 مساءً
turki-22’s Avatar
turki-22

مبدع

المشاركات:3798
التسجيل:Nov 2011
turki-22
ياصاحبي السوق متضخم والاسعار غير معقولة وفيه توجه قوي يحل مشكلة السكن فنصحيه شف لك استثمار او وديعه مثل ماقال الاخ ب اول رد
2019-03-17 , 07:33 مساءً
2019-03-19 , 12:27 مساءً
Super DSL’s Avatar
Super DSL

Cisco Versity

المشاركات:12024
التسجيل:Jan 2006
Super DSL
turki-22 كتب:
طيب كيف ملكت بيت بعمر ال 32 ؟


من اول ما توظفت
كان معي سيارة
كنت ادخر كل راتبي تقريبا ما عدا شي بسيط
واخذت قرض شخصي ومبلغ سلفة واشتريت البيت
2019-03-19 , 12:27 مساءً