عرض مشاركة واحدة
قديم 14-09-2021, 10:04 PM #1
Warcraft III
مبدع
 
الصورة الرمزية Warcraft III
 



Warcraft III @Youtube
افتراضي تجربة جهاز TP-Link Deco M4





السلام عليكم

كنت طارح موضوع قبل فتره كنت محتار بين جهازين وهم:

Huawei Q2 Pro و TP-Link Deco M4

وبالنهاية اخترت TP-Link

وهذي صورة للجهاز





بعد التجربة هذي مميزاتيه وعيوبه

مميزاته:

1- اعداد الجهاز سهل جدا فوق ما تتصورو ... تحملو برنامج عالجوال ومن خلال البرنامج تمشون على الخطوات سهل جدا جدا

2- تغطيته ممتازة

3- الاعدادات في البرنامج جدا سهله وغير معقدة

4- تقدرو تطفو الاضاءة او تخلوها تطفي في اوقات محدده انتو تحددوها من خلال البرنامج

5- فيه خاصية Fast Roaming وهي تخليكم تشبكو على النقطة الاقرب منكم بدون حتى ماتحسو انكم انتقلتو من جهاز لآخر وتقدرو تطفوها لو حابين

6- فيه خاصية Beamforming وهي خاصية توجه الوايفاي للجهاز بدقه وقوة اكثر

7- يحتوي على Upnp - Qos - Sip Alg - وحاجات اخرى

8- تقدرو تستخدموه كراوتر او كأكسس بوينت

9- من خلال البرنامج اللي عالجوال تقدرو تفصلو النت على اي جهاز وتشوفو الاستخدام لكل جهاز

10- من خلال البرنامج توجد خاصية تنبيهات لكل جهاز شبك عالجهاز او اذا هناك تحديث للجهاز وحاجات اخرى

11- تقدرو تسمو كل قطعة بإسم وتختارو اللوكيشن لكل قطعة مثلا في المجلس او في غرفة النوم او في الاستراحة تسمو بكيفكم اي شي تبونه

12- سعر الجهاز 3 قطع جدا مناسب مقارنة بالاجهزة المنافسة... سعره 640 ريال للثلاث القطع

13- تقدرو تشبكو عليه حتى 100 جهاز

14- يغطي مساحة 4,000 Square Feet اي مايعادل 371 Square Meters

نجي حق عيوبه:

1- ماتقدرو تفصلو بين الموجه 2.4 و 5 ... الجهاز يدمج الموجتين مع بعض بمسمى واحد وهو يتحكم يشبك على اي موجه يختارها

2- ماتقدرو تختارو الـ Channel حقت الشبكة يعني في ناس يبون يختارو 1 وناس 6 وناس 11 وناس 7 وناس ايا كان الـ Channel اللي تبونه ماتقدرو تختارو هو يختار على كيفه

3- ممكن هذا مايكون عيب عند البعض ولكن حجم الجهاز كبير ... الطول تقريبا 20 سم لكن بغض النظر عن حجمه... الجهاز شكله انيق وحلو

4- يوجد به فقط مدخلين للايثرنت كيبل

5- القطعة الاولى تشبكونها عالراوتر كالعادة ولكن هنا يجي العيب ان القطعة الثالثة ماتقدرو تشبكوها على القطعة 2 .... القطعة 2 و 3 لازم ينشبكو على القطعة رقم واحد

يعني ماتقدرو مثلا تخلو القطعة 1 في الدور الارضي والقطعة الثانية في الدور الاول ... هنا لو بغيتو القطعة الثالثة في الدور الثاني مايصير لأنها بعيده جدا عن القطعة رقم 1

يعني لازم القطعة رقم واحد تكون في الدور الاول... والقطعة 2 فوق او تحت والقطعة الثالثة ايضا فوق او تحت اما الطابق الارضي او الثاني

توجد اجهزة ميش تقدرو انكم تشبكو القطعة الثالثة على الثانية وليس على القطعة الاولى

======================================

نجي لتغطية الجهاز وسرعته

شوفو تجربة من موقع مسوي اختبار على الجهاز مع اجهزة افضل من TP-Link ولكنه يتفوق على بعضهم مع انهم اجهزة ثلاثية وهو جهاز ثنائي

شوفو الاجهزة اللي يتحداها وتفوق على بعضها مع انهم اغلى سعرا وافضل ولكنه تغلب على بعضهم



نجي للتجربة

الدوائر باللون الاحمر هنا مكان كل قطعة والدوائر باللون الازرق هي الاماكن اللي جرب فيها سرعة ومدى الشبكة لكل جهاز











لأي إستفسار عن الجهاز انا حاضر

 

 

التوقيع
شرفوني على قناتي عاليوتيوب

https://www.youtube.com/channel/UC6b...mcnAjHZ_Er48NQ


التعديل الأخير تم بواسطة Warcraft III ; 19-09-2021 الساعة 12:39 PM.
Warcraft III غير متصل  
أشكر صاحب الموضوع رد مع اقتباس
3 عضواً يشكرون Warcraft III للفائدة التي وجدوها في هذا الموضوع