جامعة البترول او جامعة الملك سعود؟
banner
2021-07-05 , 10:41 مساءً
D7oome1997’s Avatar
D7oome1997

عضو جديد

المشاركات:21
التسجيل:Feb 2014
D7oome1997
السلام عليكم

انا سجلت بلبترول و الحين قعد اسوي القبول الموحد بسعود علمي

انا ودي بتخصص علوم كمبيوتر وبعدها امن سيبراني
و اكثر شي محيرني هو سعود او البترول

انا اهلي مطبلين لي البترول وهذا الشي خلاني ودي اروحه لها بس فيه ناس قعد يقولون لي سعود بنفس قوة البترول و افضل علشان اقعد بلرياض فا مو بعيد عن اهلي و للامانه هذا الموضوع مو فارق معي لان الشرقيه مهي بعيدة

انا ودي بلبترول بس الحين متردد وش اسوي, هل هم فعلا نفس القوة و ثبات و
ظيفي او افضل لي اقعد بلرياض ؟

شكرا
Enlarged Image
2021-07-05 , 10:41 مساءً
2021-07-05 , 11:59 مساءً
مهند الاحمري’s Avatar
مهند الاحمري

مشارك

المشاركات:448
التسجيل:Jan 2015
مهند الاحمري
D7oome1997 كتب:
السلام عليكم

انا سجلت بلبترول و الحين قعد اسوي القبول الموحد بسعود علمي

انا ودي بتخصص علوم كمبيوتر وبعدها امن سيبراني
و اكثر شي محيرني هو سعود او البترول

انا اهلي مطبلين لي البترول وهذا الشي خلاني ودي اروحه لها بس فيه ناس قعد يقولون لي سعود بنفس قوة البترول و افضل علشان اقعد بلرياض فا مو بعيد عن اهلي و للامانه هذا الموضوع مو فارق معي لان الشرقيه مهي بعيدة

انا ودي بلبترول بس الحين متردد وش اسوي, هل هم فعلا نفس القوة و ثبات و
ظيفي او افضل لي اقعد بلرياض ؟

شكرا

وعليكم السلام
توكل على الله ورح للبترول
الشركات تتعاقد معك في السنه الثانيه اذا معدلك فوق ال4/3
تضمن في ارامكوا او سابك ان شاء الله
تتوظف بشكل مباشر
رواتب محترمه من اول سنه تقدر تتزوج وتسكن في بيت محترم وتطلع سياره

سعود غير مضمونه بعد التخرج انت وشطارتك وعلاقاتك
عندهم سنويا يفتح التقديم على الامنيه
ايضا غير مضمون قبولك

لا تغتر بأنك بتلقى بسهوله وظيفة
الوظائف بصعوبه تتوفر
اعداد العاطلين في ازدياد
2021-07-05 , 11:59 مساءً
2021-07-06 , 12:04 صباحاً
mjhool77’s Avatar
mjhool77

مبدع

المشاركات:4629
التسجيل:Apr 2012
mjhool77
أخذت مادة علوم كمبيوتر في البترول (مب تخصصي لكن مادة من القسم) وما أعرف عن سعود لكن توقعي أن المستوى نفسه أو متقارب لأن ماشفت في هذا القسم (علوم الكمبيوتر) في البترول شيء خيالي, المادة كانت ممتازة لكن أقصد مافيه شيء خارج عن العادة فهمت علي؟

لو قلت لي مثلاً تخصصات الهندسة هنا يفرق الوضع بحكم أن البترول من الأفضل بالهندسة (هندسة البترول مثلاً من أفضل 10 جامعات بالعالم)

قد يكون كلامي خاطئ بحكم عدم معرفتي بقوة التخصص علوم الحاسب في سعود, إن شاء الله يفيدونك طلاب سعود

بخصوص الوظائف كل الجامعتين مما سمعت قوية وخصوصاً لو كانت الدراسة بسعود انقليزي مثل البترول لأن هذا يساعدك بالوظائف, حتى البترول فيها طلاب كثير ينتظرون وقت طويل حتى يلقون وظيفة (شوف منتدى البترول) مب على رأسنا ريشة :d
2021-07-06 , 12:04 صباحاً
2021-07-06 , 12:36 صباحاً
mjhool77’s Avatar
mjhool77

مبدع

المشاركات:4629
التسجيل:Apr 2012
mjhool77
مهند الاحمري كتب:
وعليكم السلام
توكل على الله ورح للبترول
الشركات تتعاقد معك في السنه الثانيه اذا معدلك فوق ال4/3
تضمن في ارامكوا او سابك ان شاء الله
تتوظف بشكل مباشر
رواتب محترمه من اول سنه تقدر تتزوج وتسكن في بيت محترم وتطلع سياره

سعود غير مضمونه بعد التخرج انت وشطارتك وعلاقاتك
عندهم سنويا يفتح التقديم على الامنيه
ايضا غير مضمون قبولك

لا تغتر بأنك بتلقى بسهوله وظيفة
الوظائف بصعوبه تتوفر
اعداد العاطلين في ازدياد


اسمح لي أرد على بعض النقاط

-صحيح ارامكو وسابك لها علاقة وثيقة مع هذي الجامعة ولكن برامجها مب مقتصر عليهم, التقديم مفتوح لبرامج المتابعة الجامعية لكل الجامعات والمعدل والتخصص المطلوب هو الي يفرق وقد تفرق الجامعة الله أعلم, لأن هذا شيء ماتعلن عنه الشركات

-ثانياً, كونك طالب بالبترول مب معناته ضامن الوظيفة, الأرزاق بيد الله ومافيه جامعة تدخلها وتضمن الوظيفة, سجل بالجامعة الي تقدم لك تعليم ممتاز وتكون مرتاح فيها سواء البترول أو سعود أو غيرها (لاتحسب أني أسب البترول لا بالعكس هالجامعة لها مكان بالقلب لكن أحاول أكون منصف والله أعلم والله يوفقك)
2021-07-06 , 12:36 صباحاً
2021-07-06 , 12:36 صباحاً
majeds’s Avatar
majeds

مشارك

المشاركات:542
التسجيل:Feb 2007
majeds
مثل ما قال الأخ الي قبل.

إذا كان على المخرجات، فجامعة البترول أفضل بكثير والمقياس هو سوق العمل.

يوم المهنة في جامعة البترول تأتي كبرى الشركات لإستقطاب الطلبة المجتهدين قبل تخرجهم وإعطاءهم راتب شهري حتى التخرج.

الجامعة تحتاج فقط إلتزام بالحضور ومذاكرة يومية وإنسى موضوع المذاكرة فقط قبل الإختبار.

الطالب له حقوق وعليه التزامات وأي ظلم يستطيع الطالب التظلم وأخذ حقه، فالمحاضر لا يملك مطلق الصلاحيات.

الجامعة تحتاج مجهود بدني بحكم أن أغلب الكليات في منطقة واحدة على جبل والمواقف على الأطراف. في السابق كانت المواقف للطلبة تحت الشمس ولا أعلم الآن هل وضعوا مظلات.

لكن إذا كان على التصنيف العالمي، فجامعة الملك سعود والملك عبدالعزيز أعلى من البترول. ليس لأفضلية الجامعتين لكن وحسب مجلة Science الجامعتين إستخدموا أساليب ملتوية لرفع ترتيبهم ما يهدد سمعة الجامعات السعودية.
2021-07-06 , 12:36 صباحاً
2021-07-06 , 12:28 مساءً
م محمد1’s Avatar
م محمد1

مشارك

المشاركات:367
التسجيل:May 2020
م محمد1
عليكم السلام

الاختيار يعتمد على الهدف

اذا انت ناوي على ارامكو سابك شركات الجبيل فبلا شك البترول افضل

و هذا لا يعني اذا صرت خريج سعود مستحيل تنقبل فهذي الشركات لكن احتمال اضعف

نجي للجهات الاخرى مثل الوزارات و الهيئات و stc و شركات الرياض ما اعتقد يعملون فارق بين

الجامعات
2021-07-06 , 12:28 مساءً
2021-07-06 , 02:30 مساءً
ummory’s Avatar
ummory

نشيط

المشاركات:641
التسجيل:Oct 2012
ummory
مأكل شارب نايم موفر بنزين ملابس نظيفة في زمن الغلاء.

تخصص لا يلزمك على الهجولة والبعد عن أهلك وخيارك متاح في مدينتك اللي تحسد عليها, وهى ترند الوظائف قابع في السماء بالرياض.

حستفيد في الغربة والبترول الجلد والصبر واحتمال تتعقد لو ماقدرت تسيطر على نفسك.

لكن موضوع برستيج خريج البترول أنتهى وولى, أفضلية التوظيف للبترول إفتراض غير صحيح.

عندك لغة إنقليزية جيدة ! فاهم تخصصك ! أشتغلت على شخصيتك ومهاراتك ! فإنت مؤهل بعد توفيق الله.
2021-07-06 , 02:30 مساءً
2021-07-07 , 06:40 مساءً
دايخ في عالم كريزي’s Avatar
دايخ في عالم كريزي

متميز

المشاركات:6842
التسجيل:Jul 2009
دايخ في عالم كريزي
الميزة اللي محد يذكرها ان البترول ماعندهم مفاضلة بعد السنة التحضيرية
لو نجحت بالسنة التحضيرية تقدر تدخل التخصص اللي تبي مهما كان معدلك
مافيه خرابيط نسبة موزونة ومفاضلة وتخصيص

بالنسبة للي يقول الجامعات مثل بعض والمعدل هو اللي يفرق فقط احب اقوله سوق العمل يناظر فيك ويضحك.
كل جامعة لها سمعتها واللي متخرج من هارفرد مهو مثل اللي متخرج من جامعة سنسناتي
في كل دولة في العالم فيه جامعات لها سمعتها القوية في مجال معين.

البترول تخصصاتها الهندسية ترتيبها من افضل 100 كليات هندسة على العالم للاسف مافيه جامعة سعودية كلياتها الهندسية وصلت للترتيب هذا ماعدى كاوست


لو تبي هندسة اقولك مباشرة روح البترول بدون مقارنة سابك وارامكو وجينرال الكتريك تعطي بعثات هناك واليوم الوظيفي الشركات هناك كثيرة جدا وهو من اشهر المعارض الوظيفية بين الشركات


ولكن لانك تبي علوم كمبيوتر فاصراحة لا اعلم ولكن بشكل عام سمعة البترول اقوى من اي جامعة ثانية في السعودية عند الشركات
2021-07-07 , 06:40 مساءً
2021-07-07 , 09:59 مساءً
Fig-22xAA’s Avatar
Fig-22xAA

مبدع

المشاركات:4723
التسجيل:Dec 2010
Fig-22xAA
بإختصار اذا تبي هندسه وتطمح لأرامكو وسابك ومستعد تشد حيلك وتتخرج بمعدل ممتاز روح البترول ولا تناقش احد
خصوصا ان ارامكو وسابك اساسا دايم تفضليهم بالمهندسين لأهل المنطقه الشرقيه وخريجيها
سعود قويه جداً وانا من خريجيها وتوظفت في شركه كبيره واغلب اللي تخرجوا معي من الحاسب والإداره نفس حالتي خصوصا اللي لغتهم زينه
2021-07-07 , 09:59 مساءً
2021-07-08 , 09:41 صباحاً
LeHso’s Avatar
LeHso

نشيط

المشاركات:1050
التسجيل:Sep 2016
LeHso
دايخ في عالم كريزي كتب:
الميزة اللي محد يذكرها ان البترول ماعندهم مفاضلة بعد السنة التحضيرية
لو نجحت بالسنة التحضيرية تقدر تدخل التخصص اللي تبي مهما كان معدلك
مافيه خرابيط نسبة موزونة ومفاضلة وتخصيص



صار فيه مفاضلة ، الهندسية الميكانيكية والكهربائية والكيميائية (اعتقد فيه تخصصات غيرها كمان بس الحاسب لا) صار لازم يكون معدلك 2.5 في التحضيري عشان تدخلها ، ولو اقل من كذا تدرس اول ترم بالفرشمان وتجيب معدل 2.5 وبعدها تحول
2021-07-08 , 09:41 صباحاً
2021-07-08 , 04:11 مساءً
دايخ في عالم كريزي’s Avatar
دايخ في عالم كريزي

متميز

المشاركات:6842
التسجيل:Jul 2009
دايخ في عالم كريزي
LeHso كتب:
صار فيه مفاضلة ، الهندسية الميكانيكية والكهربائية والكيميائية (اعتقد فيه تخصصات غيرها كمان بس الحاسب لا) صار لازم يكون معدلك 2.5 في التحضيري عشان تدخلها ، ولو اقل من كذا تدرس اول ترم بالفرشمان وتجيب معدل 2.5 وبعدها تحول


المفاضلة تختلف
المفاضلة انه يحددون عدد الطلاب اللي يبغون في التخصص وبناء عليه لو طلاب دفعتك كثير معدلهم عالي ماراح تدخل.

لاحظ اي جامعة ثانية كل سنة عندهم معدل مطلوب لكل تخصص مره عالي مره نازل

البترول هذا مجرد شرط تجيبه تدخل مافيه مفاضله
2021-07-08 , 04:11 مساءً
2021-07-08 , 05:33 مساءً
Azooz937’s Avatar
Azooz937

مبدع

المشاركات:3543
التسجيل:Nov 2015
Azooz937
الأقرب والاريح لك
2021-07-08 , 05:33 مساءً
2021-07-09 , 11:14 صباحاً
حياتي ابل’s Avatar
حياتي ابل

مشارك

المشاركات:368
التسجيل:Aug 2011
حياتي ابل
كطالب خريج حاليا من جامعة البترول اقولك الجامعة قاعده تتحول بشكل كبير لشي عظيم وتخصصات ومسارات ممتازه جدا لكننننن مشكلة البترول الوحيده نظام الافرج

بحيث ان النظام هذا بياثر عليك بدرجاتك كثير، فاذا ما بتتخرج من الجامعة بمعدل عالي انا انصحك تدخل سعود بحيث تتخرج بمعدل عالي من جامعة جيده احسن من معدل عادي من جامعة ممتازه وهذا اللي لاحظته في وقت تخرجي ان بعض الطلاب معدلاتهم عاديه جدا فالبترول ما حصلوا وظايف ولو ان معرفتهم بتخصصهم افضل بكثير من اشخاص ثانين فجامعات ثانيه معدلاتهم عاليه. حاليا المعدل هو مفتاح دخولك المقابلة بعدها يعتمد على مستوى فهمك للتخصص لكن حط هذي النقطه فبالك.
2021-07-09 , 11:14 صباحاً
2021-07-09 , 12:42 مساءً
عالم موبايلي2’s Avatar
عالم موبايلي2

مبدع

المشاركات:4065
التسجيل:Sep 2008
عالم موبايلي2
لو انا مكانك بروح سعود

عند اهلي

خصوصا انها 5 سنوات او 4

بيتخللها مرمطه وسكن وحوسه ونظام الافرج في البترول بعد
2021-07-09 , 12:42 مساءً
2021-07-09 , 08:12 مساءً
اسيغ الروح’s Avatar
اسيغ الروح

فعال

المشاركات:1399
التسجيل:May 2008
اسيغ الروح
كنت بنفس الحيرة هذه عام 2014
لكن بين جامعة البترول وجامعة الملك عبدالعزيز
اخترت جامعة الملك عبدالعزيز وما ندمت الحمدلله
درست عند اهلي وتخصص هندسي ومعدل عالي الحمدلله
وما واجهت اي مشاكل في التوظيف.
لو انت رحت لجامعة الملك سعود ودخلت تخصص قوي، وجبت معدل عالي وتطوعت والسيفي حقك ممتاز وكان عندك مهارات شخصية ممتازة ، امورك باذن الله طيبة.
استخير واستشير
واسأل الله لك التوفيق
2021-07-09 , 08:12 مساءً
2021-07-10 , 09:47 مساءً
AL--AWAKS’s Avatar
AL--AWAKS

البـراء

المشاركات:10502
التسجيل:Jul 2009
AL--AWAKS
سعود ولا تتردد
2021-07-10 , 09:47 مساءً
2021-07-13 , 08:20 مساءً
فهمتها’s Avatar
فهمتها

مبدع

المشاركات:4902
التسجيل:Jul 2013
فهمتها
سعود جامعه قويه لكن هندسيا ماعتقد تصف جنب البترول اتكلم عن التوظيف داخل السعوديه وحتى التصنيف العالم اتوقع البترول الاقوى بالسعوديه من ناحيه هندسيه
لكن مايعني سعود سيئة بالعكس جامعه ممتازه ومن الافضل بالسعوديه وعلى كلام ولي العهد واضح بيكون فيه اهتمام كبير فيها
ادرس الموضوع بنفسك
البترول جامعه اقوى في كثير من الاحيان وسمعتها قويه لكن بتضحي بأنك بتغترب
المسافه مو بعيده مره لكن مع ضغوط الدراسه ممكن تحتاج اهلك واخوياك جنبك
لاتنسى البترول اهتمام الشركات الكبيره زي ارامكو وسابك لها ، يهني اولويه التوظيف داخل هالشركات لها ، لو عادي تغترب وتكون علاقات بالشرقيه وتعيش بالشرقيه اشوف البترول
لكن لو انا شخصيا بختار سعود
2021-07-13 , 08:20 مساءً
2021-07-13 , 08:26 مساءً
فهمتها’s Avatar
فهمتها

مبدع

المشاركات:4902
التسجيل:Jul 2013
فهمتها
mhjool كتب:
اسمح لي أرد على بعض النقاط

-صحيح ارامكو وسابك لها علاقة وثيقة مع هذي الجامعة ولكن برامجها مب مقتصر عليهم, التقديم مفتوح لبرامج المتابعة الجامعية لكل الجامعات والمعدل والتخصص المطلوب هو الي يفرق وقد تفرق الجامعة الله أعلم, لأن هذا شيء ماتعلن عنه الشركات

-ثانياً, كونك طالب بالبترول مب معناته ضامن الوظيفة, الأرزاق بيد الله ومافيه جامعة تدخلها وتضمن الوظيفة, سجل بالجامعة الي تقدم لك تعليم ممتاز وتكون مرتاح فيها سواء البترول أو سعود أو غيرها (لاتحسب أني أسب البترول لا بالعكس هالجامعة لها مكان بالقلب لكن أحاول أكون منصف والله أعلم والله يوفقك)



من ناحيه ارامكو وسابك تحديدا
سابك احيانا ترسل ايميل للبترول ترسله للطلاب عشان يسجلون في برنامج المتابعه الجامعيه
وانا بقروب تلقرام للمتابعه الجامعيه ب ارامكو موجود فيه مئات او الاف الطلاب
اغلب الي ينقبلون طلاب بترول
صحيح الكل يقدر يسجل لكن هالشركتين بالذات يفضلون طلاب البترول
بالنهايه ارامكو على حد علمي مستثمره بالبترول ف دايم يفضلون طلابها
2021-07-13 , 08:26 مساءً
2021-07-13 , 08:47 مساءً
هالبينو’s Avatar
هالبينو

متميز

المشاركات:7353
التسجيل:Nov 2009
هالبينو
البترول بدون مقارنة...

ومدام انت تملي لها روح وخلك من اخوياك.

اليوم سعود يقولو انها بقوة البترول او اقوى بكرا ام القرى وجامعة الطائف وغيرها من الجامعات الناشئة..

مع احترامي لخريجيها بس في جامعات تم نفخها بشكل غير طبيعي كله بفضل المشاريع الوهمية والابحاث والتصانيف المشتراه من برا.

واذا على الارقام جامعة الملك عبدالعزيز الافضل بس كله مجرد رقم وبعيد عن الواقع.
2021-07-13 , 08:47 مساءً