09-09-2007
banner
2019-01-01 , 02:27 مساءً
A r T i S t’s Avatar
A r T i S t

مبدع

المشاركات:2389
التسجيل:Sep 2007
A r T i S t
السلام عليكم ورحمة الله وبركاته ,


مساء الخير للناس المداومه مثلي وللناس الرايقه اللي جالسه بالبيت لاشغل ولا مشغله , اتمنى جمعيا انت تكونون بخير وسعاده .


طبعا حبيت اتكلم بالعاميه والابتعاد كل البعد عن الفصحى لاني بجيب العيد فيها ومحد فاهم شي , الاغلبيه مستغرب من الموضوع وعنوانه وانا زيكم مالقيت اي عنوان يناسب محتوى الموضوع هذا فحبيت انه يكون بتاريخ تسجيلي بهذا المنتدى .


بالبدايه احب اقولكم اني كنت ناسي كلمة المرور في هذا المنتدى ! وماقدرت اطلعه الا بشق الانفس وحاولت اتذكر كلمات مرور جميع الاميلات عندي اللي كنت مسجل بها هنا في الموقع ولقيتها حمدلله .


منتدى البوابه الرقميه من اهم المواقع اللي كنت ازورها واتردد عليها من من 12 سنه تقريبا - حتى وانا ناسي كلمة المرور ادخل كـ مشاهد اتفرج على بعض الاقسام اللي تهمني اول زي البلاستيشن < صار له 4 سنين مالعبه وجوالات البلاك بيري وبرامج الماسنجر !


انا انصدمت للامانه ان لقيت لي مواضيع ايام بداية مرحلة الجامعه وكنت اسأل المنتدى هنا عن بعض الاشياء اللي تصعب علي ههههههه < لازم نستفيد ! وبعد لقيت موضوع اني ببيع جوال كيرف بلاك بيري بن مميز ههههههههه وشقد كنا سبك :"( ! ولقيت ردود لي مادري وش تبي والمضحك اني لقيت لي موضوع عن بحث جامعي هههه مع العلم اني ناسي كل شي الان ! ومن وقت كتابة الموضوع انا تخرجت وتوظفت سنه وسافرت ماجستير ورجعت وغيرت وظيفتي الى حكوميه والايام تمشي ومع ذلك مانحس بمتعه رغم التطور لازلنا نحن للايام اللي قبل والله :) .
بعد ماقريت المواضيع وردودي جلست مبتسم ساعه على كرسي الدوام وكأن اللي صار والايام و 12 سنه اللي مضت كانت امس.


خلاصة كتابتي هالموضوع ولا شي ~ بس حبيت اسولف واتكلم شوي عن تجربة دخولي هذا الموقع كسبت اصدقاء وتعرفت عليهم شخصيا خارج المنتدى ولازالت صداقتنا قايمه وكل يوم نسولف عن ايام المنتدى ! وكسبت اعداء ايضا < يعنني يبي يسولف غصب ! ..




كل سنه وانتم طيبين ويشرفني اني لازلت متواجد في هذا الموقع من 2007 الى 2019 واحب اشكر ابو ثابت واتمنى له دوام الصحه والعافيه


وموفقين جمعياً


تحياتي
Enlarged Image
2019-01-01 , 02:27 مساءً
2019-01-02 , 08:17 مساءً
الوافي77’s Avatar
الوافي77

متميز

المشاركات:6075
التسجيل:Mar 2009
الوافي77
A r T i S t كتب:
السلام عليكم ورحمة الله وبركاته ,

الاغلبيه مستغرب من الموضوع وعنوانه وانا زيكم مالقيت اي عنوان يناسب محتوى الموضوع هذا فحبيت انه يكون بتاريخ تسجيلي بهذا المنتدى .
وموفقين جمعياً
تحياتي



عليكم السلام ورحمة الله وبركاته


(( بتاريخ تسجيلي بهذا المنتدى [COLOR=Black]))[/COLOR] انا قلت يوم عرض منتجات شركه أبل آبل :19:

هلا بيك عزيزي












2019-01-02 , 08:17 مساءً
2019-01-02 , 11:41 مساءً
IDaNTEe v’s Avatar
IDaNTEe v

فعال

المشاركات:1768
التسجيل:Sep 2008
IDaNTEe v
24-09-2008

حياك الله صديقي ،، محدثك من ايام العصر الذهبي للمنتدى
رغم ذهاب موضة المنتديات الا ان هالمنتدى الوحيد اللي باقي صامل بكل قوته بشكل عجيب!! مستحيل يمر يوم كامل بدون ما ادخله !! اتوقع كثير مثلي مسحور بجمال المنتدى :)

وتحية خاصة جدا لاخونا "رسالة تلقائية"
Image
2019-01-02 , 11:41 مساءً
2019-01-03 , 12:08 صباحاً
Onionite’s Avatar
Onionite

مبدع

المشاركات:3858
التسجيل:Jul 2007
Onionite
شيبنا يا ولد :d
2019-01-03 , 12:08 صباحاً
2019-01-03 , 12:10 صباحاً
II ZiZo II’s Avatar
II ZiZo II

مبدع

المشاركات:4477
التسجيل:Sep 2009
II ZiZo II
21-09-2009
وعليكم السلام ورحمة الله وبركاتة
حياك الله بين اخوانك , ياهلا ومسهلا
تقريباً نفس حالــتك , جميع المنتديات في نظري .. أصــبحت من الماضــي وانتهى عصرها , الا أن منتدى البوابة الرقــمية الوحيد الي لايمكن استغنى عنه كل ماتريده موجود ولكن أكثر مايجعل هذا المنتدى مميز , هو اعضاء المنتدى
أذكر مره من المرات حصلت لي مشاكل مع احد الجامعات , واتخذت قرار كان يعتبر جريء من اي طالب وهو ( الفصــل من الجامـــعة ) واذكر ذيك الايام كان لايوجد احد بالنسبة لي يستحق ان تشاوره في امور كهذه وكتبت مشكلتي هنا .. ولله الحمد بعد مشاورة الاعضاء خرجت من جامعة ودخلت جامعة اخرى وبتخصص اريده شخصياً
وكان هذا بعد تحفيز وتشجيع من الاخوه الكرام في هذا المـــنتدى
والان انا خــريج لم يبقى الا القليل :17:
وهذا شيء بسيـط فقط حبيت اذكـــره
_____________
من لايشكر الناس لايشكره الله
.
شكراً لجميع الاعضاء , الادارين
وفقكم الله اينما كنتم
:11:
2019-01-03 , 12:10 صباحاً
2019-01-03 , 03:39 صباحاً
حبيب الامس 11’s Avatar
حبيب الامس 11

بارز

المشاركات:1975
التسجيل:Oct 2008
حبيب الامس 11
يارجال من كثر ما احنا قديمين انا سجلت بالمنتدى عشان البلاي ستيشن والعابه ،، والحين لي سنوات مالعبت فيه ولا امتلكه ،، حتى اسمي بالمنتدى على اسم اغنية قديمه كنت مدمن عليها وقتها والحين الفنان بكبره معد اسمع له ،، والرقم كان للاعب فاشل لكن وقتها كان مشهور والحين اعتزل ,, تتغير اهتمامات الشخص بشكل جذري مع مرور السنوات،،


الاجمل ان المنتدى يحفظ لك ردودك ومواضيعك وراح تشوف كيف كان تفكيرك وقتها ،، فالواحد يكتب شي يشهد له ولا يكتب شي يشهد عليه .
2019-01-03 , 03:39 صباحاً
2019-01-03 , 07:55 صباحاً
A r T i S t’s Avatar
A r T i S t

مبدع

المشاركات:2389
التسجيل:Sep 2007
A r T i S t
الوافي77 كتب:



عليكم السلام ورحمة الله وبركاته


(( بتاريخ تسجيلي بهذا المنتدى [COLOR=black]))[/COLOR] انا قلت يوم عرض منتجات شركه أبل آبل :19:

هلا بيك عزيزي











تذب انت الحين :19: ؟ وبعدين مايمشي عندنا نظام ابل حنا نظام حريّات وتخب هههههههههه


منور واسعدني مرورك وهلا بيك ايضا
2019-01-03 , 07:55 صباحاً
2019-01-03 , 07:58 صباحاً
A r T i S t’s Avatar
A r T i S t

مبدع

المشاركات:2389
التسجيل:Sep 2007
A r T i S t
وسيم الحربي كتب:
24-09-2008

حياك الله صديقي ،، محدثك من ايام العصر الذهبي للمنتدى
رغم ذهاب موضة المنتديات الا ان هالمنتدى الوحيد اللي باقي صامل بكل قوته بشكل عجيب!! مستحيل يمر يوم كامل بدون ما ادخله !! اتوقع كثير مثلي مسحور بجمال المنتدى :)

وتحية خاصة جدا لاخونا "رسالة تلقائية"
Image


الله يبقيك ويخليك يا صديقي ايضا :) .


من جد اتفق معك ان موضة المنتديات ولتّ منذُ مبطي .. ميزة البوابة الرقمية انه منتدى يجمع لك جميع الاشياء اللي تبيها سوا اخبار معلومات برامج . . انا من الناس اللي سجلت دخولي فيه عشان مشكلة كان في اشتراكي مع شركة ICC كان التصفح بطيئ والسرعه عاليه حول 512 كيلوبايت < من عنده هالسرعه في 2007 !


وطبعا اهتمامي كان للالعاب وخصوص البلاستيشن وطحنا بموضه البلاك بيري هههه اللي الحين يضحكون على اللي يستخدمه ..


الحمدلله الواحد يكبر وتتغير افكاره ولا نلوم الجيل الجديد ب افكارهم .


اسعدتني
2019-01-03 , 07:58 صباحاً
2019-01-03 , 07:59 صباحاً
A r T i S t’s Avatar
A r T i S t

مبدع

المشاركات:2389
التسجيل:Sep 2007
A r T i S t
rayan_sb كتب:
شيبنا يا ولد :d




:d تكلم عن نفسك انا توني صغير السن طيشاني ..
2019-01-03 , 07:59 صباحاً
2019-01-03 , 07:59 صباحاً
خـليـل’s Avatar
خـليـل

أبو عبدالله

المشاركات:14232
التسجيل:Dec 2006
خـليـل
المهتم بالتقنية و الذي شهد ذروة المنتدى يستحيل عليه الابتعاد عنه.
حياك الله يا عزيزي
2019-01-03 , 07:59 صباحاً
2019-01-03 , 08:02 صباحاً
A r T i S t’s Avatar
A r T i S t

مبدع

المشاركات:2389
التسجيل:Sep 2007
A r T i S t
II ZiZo II كتب:
21-09-2009
وعليكم السلام ورحمة الله وبركاتة
حياك الله بين اخوانك , ياهلا ومسهلا
تقريباً نفس حالــتك , جميع المنتديات في نظري .. أصــبحت من الماضــي وانتهى عصرها , الا أن منتدى البوابة الرقــمية الوحيد الي لايمكن استغنى عنه كل ماتريده موجود ولكن أكثر مايجعل هذا المنتدى مميز , هو اعضاء المنتدى
أذكر مره من المرات حصلت لي مشاكل مع احد الجامعات , واتخذت قرار كان يعتبر جريء من اي طالب وهو ( الفصــل من الجامـــعة ) واذكر ذيك الايام كان لايوجد احد بالنسبة لي يستحق ان تشاوره في امور كهذه وكتبت مشكلتي هنا .. ولله الحمد بعد مشاورة الاعضاء خرجت من جامعة ودخلت جامعة اخرى وبتخصص اريده شخصياً
وكان هذا بعد تحفيز وتشجيع من الاخوه الكرام في هذا المـــنتدى
والان انا خــريج لم يبقى الا القليل :17:
وهذا شيء بسيـط فقط حبيت اذكـــره
_____________
من لايشكر الناس لايشكره الله
.
شكراً لجميع الاعضاء , الادارين
وفقكم الله اينما كنتم
:11:



اسعدني مرورك وتعليقك . . واتمنى لك مزيد من التوفيق والنجاح ..


من جد جميعنا لو ننسأل عن سبب التسجيل بهالمنتدى ذيك الايام بتلقى ان السبب عدة استفسارات وحصلنا حلولها هنا ومشينا عليها .. وجميع الاعضاء القدامى لهم الشكر والامتنان ..


انا لقيت لي موضوع سابق عن " مليت من الدراسه مشورتكم اكمل او اسحب " ههههههه طبعا اللي يشوفني ذاك الوقت والحين يقول مب نفس الشخص المحبط اللي كان بيترك الدراسه وهو توه في اول سنه جامعيه له . . تخيل اكملنا الجامعه وسافرنا لغه و سنتين ماجستير وتخرجنا وكن الافكار هذيك كانت حلم ههههههه . . الحمدلله على كل شي صار وبيصير ..


والشكر زي ماتفضلت للجميع وشكرا لك لتعقيبك الجميل
2019-01-03 , 08:02 صباحاً
2019-01-03 , 08:05 صباحاً
A r T i S t’s Avatar
A r T i S t

مبدع

المشاركات:2389
التسجيل:Sep 2007
A r T i S t
حبيب الامس 11 كتب:
يارجال من كثر ما احنا قديمين انا سجلت بالمنتدى عشان البلاي ستيشن والعابه ،، والحين لي سنوات مالعبت فيه ولا امتلكه ،، حتى اسمي بالمنتدى على اسم اغنية قديمه كنت مدمن عليها وقتها والحين الفنان بكبره معد اسمع له ،، والرقم كان للاعب فاشل لكن وقتها كان مشهور والحين اعتزل ,, تتغير اهتمامات الشخص بشكل جذري مع مرور السنوات،،


الاجمل ان المنتدى يحفظ لك ردودك ومواضيعك وراح تشوف كيف كان تفكيرك وقتها ،، فالواحد يكتب شي يشهد له ولا يكتب شي يشهد عليه .




ههههه نفس حالتي تقريبا جمعينا سجلنا عشان يا ماسنجر بلس مايشتغل او عشان البلاستيشن !


يرجال لا تروح بعيد حتى النك حقي ارتيست = فنان مدري رسام كان اسمي ايام ماكنت اشتغل على برامج الفلاش والفوتشوب واصمم عليها تواقيع للمنتديات وبنرات واموري ماشيه . .


تخيل الحين فتحت الفوتشوب جتني غلقه وسكرته ! ماعرفت فيه شي : ( !


احسنت الواحد يكبر ويتغير تفكيره والله المستعان


اسعدتني
2019-01-03 , 08:05 صباحاً
2019-01-03 , 08:07 صباحاً
A r T i S t’s Avatar
A r T i S t

مبدع

المشاركات:2389
التسجيل:Sep 2007
A r T i S t
THE_KIND كتب:
المهتم بالتقنية و الذي شهد ذروة المنتدى يستحيل عليه الابتعاد عنه.
حياك الله يا عزيزي


حي الله الشيبان حقين 2006 وكاس العالم . .


صادق يا صديقي . . ايام تسجيلنا كانت بداية ثورة التقنية في السعودية من وصول خدمة الدي اي اس والاشتراكات ومقاهي الانترنت والشاتات . . وبداية عصر جوالات الكاميرا اشياء جميلة حدثت في ايامنا يارجل . .


الله يبقيك واسعدني مرورك
2019-01-03 , 08:07 صباحاً
2019-01-03 , 12:12 مساءً
omar1412’s Avatar
omar1412

نشيط

المشاركات:992
التسجيل:Feb 2012
omar1412
المنتدى مامات زي معظم المنتديات العربية لانه مميز ومفيد وايضا الادارة شادة حيلها ومركزين

على عدم الخروج عن الهدف الاساسي من المنتدى كمثال مافيه قسم ترفيهي للسواليف والضحك

والخرابيط العاده تنوع الاقسام يزيد عدد الاعضاء بشكل مؤقت فقط بعدين يخربون

الهدف الاساسي من المنتدى اللي هو تقني اغلب رواد البوابة الرقمية تلقاهم متشابهين

بشكل كبير عندهم هوس في التقنية سواء الجوالات او الالعاب الالكترونية او قطع

الكمبيوتر والهاردوير او المرئيات والصوتيات او الشبكات والبيع والشراء طبعا.
2019-01-03 , 12:12 مساءً
2019-01-03 , 12:17 مساءً
A r T i S t’s Avatar
A r T i S t

مبدع

المشاركات:2389
التسجيل:Sep 2007
A r T i S t
omar1412 كتب:
المنتدى مامات زي معظم المنتديات العربية لانه مميز ومفيد وايضا الادارة شادة حيلها ومركزين

على عدم الخروج عن الهدف الاساسي من المنتدى كمثال مافيه قسم ترفيهي للسواليف والضحك

والخرابيط العاده تنوع الاقسام يزيد عدد الاعضاء بشكل مؤقت فقط بعدين يخربون

الهدف الاساسي من المنتدى اللي هو تقني اغلب رواد البوابة الرقمية تلقاهم متشابهين

بشكل كبير عندهم هوس في التقنية سواء الجوالات او الالعاب الالكترونية او قطع

الكمبيوتر والهاردوير او المرئيات والصوتيات او الشبكات والبيع والشراء طبعا.


صحيح . .


وهذا هو الشي الكويس بهالبوابه . . ولازالت محافظه على هذي السمعه ماشاء الله . .


تسجيلي بهالمنتدى كان لهدف والاهداف تتغير ولكن المنتدى ثابت . . بـ الاعضاء الكويسين هنا . . حتى ان ضاق صدري ادخل اخبار الاتصالات واشوف الملاقط بين الشعب على اسعار النت الخرافيه اللي عندنا وانبسط !!!


تحياتي لك
2019-01-03 , 12:17 مساءً
2019-01-03 , 12:19 مساءً
ابو عـزيز’s Avatar
ابو عـزيز

                       

المشاركات:10366
التسجيل:Nov 2007
ابو عـزيز
انا مسجل ايام الدايل اب ولكن والله ما اذكر ليش كنت مسجل ولكني مغرم بهالمنتدى ومستحيل يجي ثلاث ساعات وما ادخل واشيك عليه صار عاده اني اشيك عليه فعلياً لاشعوري اكتشف اني بالموقع :d !

الزبده اني استفدت اشياء كثيييييير خصوصاً بالتقنية ولو مادخلت هالموقع كان مييييح :d.

الحمد لله على هالموقع الي فتح عقولنا :11:
2019-01-03 , 12:19 مساءً
2019-01-03 , 12:30 مساءً
A r T i S t’s Avatar
A r T i S t

مبدع

المشاركات:2389
التسجيل:Sep 2007
A r T i S t
ابو عـزيز كتب:
انا مسجل ايام الدايل اب ولكن والله ما اذكر ليش كنت مسجل ولكني مغرم بهالمنتدى ومستحيل يجي ثلاث ساعات وما ادخل واشيك عليه صار عاده اني اشيك عليه فعلياً لاشعوري اكتشف اني بالموقع :d !

الزبده اني استفدت اشياء كثيييييير خصوصاً بالتقنية ولو مادخلت هالموقع كان مييييح :d.

الحمد لله على هالموقع الي فتح عقولنا :11:



جاري الاتصال بالملقم . . من حقين سفارا :d ..


صدقت الكل مغرم بهالمنتدى من زمان بطايق زاجل والكباين وبطايق نسما واول نت حقت الدي اس ال . .


من يصدق 128 كيلو بايت ب 250 شهريا :d . . كن الاسعار الغاليه اول باديه ترجع هالوقت في ظل رخص اسعار الانترنت بكل دول العالم حتى بالخليج الا عندنا مدري ليش ! نت مفتوح مع استخدام عادل ب 450 :d:d ليه ! يوتيوب لحاله يخلص الـ 6 قيقا ب ساعه . .


< ماتلاحظ اني شطحت شوي
2019-01-03 , 12:30 مساءً
2019-01-03 , 01:19 مساءً
ابو عـزيز’s Avatar
ابو عـزيز

                       

المشاركات:10366
التسجيل:Nov 2007
ابو عـزيز
A r T i S t كتب:
جاري الاتصال بالملقم . . من حقين سفارا :d ..


صدقت الكل مغرم بهالمنتدى من زمان بطايق زاجل والكباين وبطايق نسما واول نت حقت الدي اس ال . .


من يصدق 128 كيلو بايت ب 250 شهريا :d . . كن الاسعار الغاليه اول باديه ترجع هالوقت في ظل رخص اسعار الانترنت بكل دول العالم حتى بالخليج الا عندنا مدري ليش ! نت مفتوح مع استخدام عادل ب 450 :d:d ليه ! يوتيوب لحاله يخلص الـ 6 قيقا ب ساعه . .


< ماتلاحظ اني شطحت شوي


ياخي اذا ماخبط مخي اذكر لحقت على البطاقات بعدين الاتصالات خلتنا نتصل دايل اب بدون بطاقات عاد يوم جا الدي اس ال ٦٤ همن ١٢٨ اما وقتها الي عنده ٥١٢ ذا مجنون والنت عنده طيران :(.

ياخي احسد الي مخه يأرشف زين ، قسم بالله ايام زمان اغلبه اذا مب كله ناسيه والله مغبون ودي اتذكر ايام زمان بس ماش مييييح حتى اذا جلست مع قرايبي وقعدو يسولفون عن ايام زمان وانا احاول اتذكر الي نسولف به بس ماش والله ولا كني عايش ذيك الفتره :( شعور جداً سيء...

غلاء النت يارجال اصبر خلال هالسنة ولا الكم سنة الجاية بيصير القيقا ب ١٠٠ وقل ماقاله ، الاسعار عندنا بالسعودية هبال من جميع النواحي < كتي شطحت مثلك.
2019-01-03 , 01:19 مساءً
2019-01-03 , 01:24 مساءً
A r T i S t’s Avatar
A r T i S t

مبدع

المشاركات:2389
التسجيل:Sep 2007
A r T i S t
ابو عـزيز كتب:
ياخي اذا ماخبط مخي اذكر لحقت على البطاقات بعدين الاتصالات خلتنا نتصل دايل اب بدون بطاقات عاد يوم جا الدي اس ال ٦٤ همن ١٢٨ اما وقتها الي عنده ٥١٢ ذا مجنون والنت عنده طيران :(.

ياخي احسد الي مخه يأرشف زين ، قسم بالله ايام زمان اغلبه اذا مب كله ناسيه والله مغبون ودي اتذكر ايام زمان بس ماش مييييح حتى اذا جلست مع قرايبي وقعدو يسولفون عن ايام زمان وانا احاول اتذكر الي نسولف به بس ماش والله ولا كني عايش ذيك الفتره :( شعور جداً سيء...

غلاء النت يارجال اصبر خلال هالسنة ولا الكم سنة الجاية بيصير القيقا ب ١٠٠ وقل ماقاله ، الاسعار عندنا بالسعودية هبال من جميع النواحي < كتي شطحت مثلك.





الدايل اب كان قبل البطاقات نظام 32 كيلو بايت والخط يصير مشغول Image . . واذا رفع احد الخط يفصل قبل الفلاتر Image . . اذكر اجلس على موقع طرب اسمه اغنيه صيغتها RAM او RM اللي محد يعرفها من الجيل الجديد ImageImage وفاتح شات وكل هذي ب 32 كيلو بايت يالله لك الحمد . .


كان كل شي له طعم اول ومتعه الحين تغير كل شي ومافيه سعة صدر والكل صار نفسيه :( . . يرجال من متى نسمع كلمة فلان نفسيته تعبانه اليوم ولا فلان منفس منك وما جاء ImageImageImage يحوول ياوقتً مضى بس لو هو بيدينا ما يروح Image . .
2019-01-03 , 01:24 مساءً
2019-01-03 , 01:45 مساءً
ابو عـزيز’s Avatar
ابو عـزيز

                       

المشاركات:10366
التسجيل:Nov 2007
ابو عـزيز
A r T i S t كتب:
الدايل اب كان قبل البطاقات نظام 32 كيلو بايت والخط يصير مشغول Image . . واذا رفع احد الخط يفصل قبل الفلاتر Image . . اذكر اجلس على موقع طرب اسمه اغنيه صيغتها RAM او RM اللي محد يعرفها من الجيل الجديد ImageImage وفاتح شات وكل هذي ب 32 كيلو بايت يالله لك الحمد . .


كان كل شي له طعم اول ومتعه الحين تغير كل شي ومافيه سعة صدر والكل صار نفسيه :( . . يرجال من متى نسمع كلمة فلان نفسيته تعبانه اليوم ولا فلان منفس منك وما جاء ImageImageImage يحوول ياوقتً مضى بس لو هو بيدينا ما يروح Image . .


لااااء ياخي انت دخلت على ارشيف مخي بمنفاخ ونفضت الغبار نفض :( !

ياقدمك موقع طرب دوت كوم ومشغل Realplayer ياخي حتى صوت البنت الي يركبونه قبل تبدأ الاغنية يخليك تعرف وتستعد لبداية الاغنية :( الموقع كان بطل وكان كل شي جديد ينزل تلقاه به وحجم الملفات صغير مايخليك تشيل هم ، بعدييييين جا موقع ألحان وجت صيغة MP3 وكانت اذا مانسيت تحتاج مشغل ثاني عشان تشغل هالصيغة.

ياخي ودك لو الواحد عنده ساعه ترجع الزمن واذا اشتاق لايام قبل يرجع يعيشه لو يوم واحد بعدين يرجع للوقت الحالي.
2019-01-03 , 01:45 مساءً