|
الايجار منتهي بالتمليك
السلام عليكم
كيفكم عساكم بخير عدي استفسار بخصوص الايجار المنتهي بالتمليك انا موظف في شركه خاصه وكنت انوي اطلع قرض شخصي واشتري سياره كاش , لكن قرات في موقع الشركه هالكلام وابغى احد يشرحه لي لاهنتوا اقتباس:
بانتظاركم :2: |
رد: الايجار منتهي بالتمليك
ذي سلمك الله اذكر كنت في البنك عشان عندي شغله قاعد اسولف مع واحد اخبره يقول الموتر اللي معه الشركة تتكفل دفع الاقساط مع الدفعه الاخيره ذا عشان بدل المواصلات اتوقع نفس النظام مع الشركة اللي عندك
|
رد: الايجار منتهي بالتمليك
اسأل الموارد البشرية اذا كانوا فاهمين , لكن هذا البند ممتاز جدا , شوف زملائك في حد منهم اشترى بنفس الطريقة او كيف ..
|
رد: الايجار منتهي بالتمليك
اقتباس:
يعطيك العافيه .. والله شي حححلو |
رد: الايجار منتهي بالتمليك
اقتباس:
المشكله باقي ماخلصت الاجراءات الاخيره .. يعطيك العافيه بانتظار ردودكم |
رد: الايجار منتهي بالتمليك
وعليكم السلام
الي فهمته ان الشركة تملك مثلا زي معرض سيارات وتعطيك سيارة من عندها وهي تتحمل فوايد الاقساط بس يكون الموتر بسم البنك وتعاملك مع البنك هو يشتريها لك منهم وتتحول من اسم المعرض الى البنك وانت مفوض وبدون فوائد لكن غالبا ان كان كلامي صح قد يكون هناك مبلغ تامين الشامل انت تتحمله اما اخر كم كلمه مكتوبة انه ايضا راح يشملك بدل نقل بغض النضر سوى طلعت سياره او لا عن طريق شركتك لن فيه بعض شركات وموضفين الدولة ان وفرولك سياره ينشال عنك بدل نقل فهم حبو يوضحون ذا لك انه ببدل نقل مستمر معك سوى طلعت او ماطلعت الموتر |
رد: الايجار منتهي بالتمليك
اقتباس:
والله شي جمييل يعطيك العافيه على الافادة الجميلة |
رد: الايجار منتهي بالتمليك
لا انصح بالنظام التأجير المنتهي بالتمليك ابداً ماعندك حريه بالسياره ماتقدر تبيعها لو انحديت لاسمح الله ويجبرونك على دفع تأمين شامل خمس سنين فوق الفائده لو تطلع قصد شهري وتشتريها كاش اوفر لك بكثييير واضمن لك انا اتكلم من تجربه متورط مع نظام التأجير للعلم لو حصل حادث لاسمح الله وراحت تالف التأمين مايعوضك يعوض البنك لانه يملكها وفي حال تأحرت بقسطين او اكثر تسحب السياره منك
^^ هذا رايي الشخصي في نظام التأجير المنتهي بالتمليك مجرد تلاعب |
رد: الايجار منتهي بالتمليك
اقتباس:
هذا اللي كان بيصير بس اذاشركتك تدفع التمويل وتعطيك بدل مثل ماقالوا الشباب فاشوفه شي ححلو شكرا لك :69: |
رد: الايجار منتهي بالتمليك
اقتباس:
|
رد: الايجار منتهي بالتمليك
اقتباس:
ولو شريت موتر كاش بمبلغ 70 الف وثاني شهر سويت حادث وانت غلطان 100 % كان الله بعونك لن غالبا موترك بيكلف مابين 5000 الى تشليح وطارت السبعين الف او يجيك واحد مبتليك يصدمك ويروح سجن مايقدر يدفع تكاليف اصلاحك ايجار منتهي بالتمليك ع الرغم له عيوب لكن له عيوب يجب ان لا نغفل عنها ا |
رد: الايجار منتهي بالتمليك
اقتباس:
القرض الشخصي الي بتشري فيه زيد فوقه وامن شامل سنتين ولا ثلاث وريح راسك حسستني من كلامك ان التاجير يأمن لك شامل ببلاش يجبرك على تأمين شامل خمس سنين |
رد: الايجار منتهي بالتمليك
يامحفوظ السلامة البنوك مافيها الا هالطرق بس:
1-تمويل السيارة Finance البنك يشتري السيارة لك عن طريق الوكالة ... ... وينقل السيارة باسمك ... كأنك ماخذ قرض بالضبط... وتدفع قيمة القرض عن طريق الأقساط الشهرية البنك يحصل قيمة الأصل (السيارة) + الفوائد/المرابحة ربح التمويل Finance ((الفوائد)) في حالتك كلها على الشركة اللي انت متوظف فيها مثلا : قيمة السيارة كاش 100 ألف قيمة القرض تكلف 110 ألف ... ال10 ألاف تدفعها الشركة بس في حالتك ... تأمين السيارة بيكون عليك ... بالعربي كأنك مطلع السيارة أقساط بس بسعر الكاش !! https://i.imgur.com/dDvD3D0.png النوع الثاني : 2-تأجير السيارات المنتهي بخيار التملك Lease >> وهذا النوع تسويه الشركات و البنوك أيضا السيارة تكون باسم البنك وتعملك تفويض وتعتبر السيارة Collateral كأنها مرهونة للبنك... وماتنتقل السيارة باسمك الا بعد ماتسدد جميع المبالغ لهم. لو شهر مادفعت سحبوها منك !! ولو حصل حادث واحسبوها تالف Total Loss ... يتعوض البنك ... فلوسك اللي تدفعها كلها راحت هباء ان شاء الله ماباقيلها الا قسط واحد وتتملكها !! ريال واحد مايجيك ... بحكم انه السيارة ملك لهم ... والبنك/الشركة معطية تفويض لك باستخدامها فقط !! ... هذا غير انه عقد باطل (لانه عقد بعقدين تاجير ومنتهي بالتملك) قيمة السيارة كاش 100 ألف بتكلفك 120-125 ألف تدفعها على اقساط وأعلى مدة خمس سنوات (تكلفة التمويل (الفوائد/المرابحة) + قيمة تأمين شامل الزامي عل السيارة لنفس مدة القرض) |
رد: الايجار منتهي بالتمليك
اقتباس:
الله يعطيك العافيه .. شرح وافي الله يسعدك :69: |
رد: الايجار منتهي بالتمليك
إذا السيارة مو بسمك أهرب قدر الاستطاعة
مالك أي حق تصرف بالسيارة لو عندك سفره خارجيه لازم أذنهم لو حادث بسيط لازم تراجعهم وشف المرمطة معاهم كرأي شخصي عن طريق البنك قرض وتشري كاش أفضل بكثير سيارتك ملكك تتصرف فيها على كيفك |
رد: الايجار منتهي بالتمليك
اقتباس:
عندنا في الشركة نفس النظام لكن لتملك البيوت لكن شروطهم 10 سنوات خدمة وتقييم عالي جداً في السنتين الأخيرة |
رد: الايجار منتهي بالتمليك
اقتباس:
بخصوص تاجير منتهي بالتمليك يجي معه تامين شامل وتقسط فوايده الموتر + فوايد القرض + قيمة قسط التامين وازيدك تامين شامل عن طريق البنوك يعطونهم بسعر ارخص بكثير للبنوك من انك تروح تامن فردي لحالك لن معروف دايم شركات تامين سوى صحي او ع سيارات يعطون الشركات والبنوك وغيرها خصم اكبر بكثير زي ماتقول تامين بالجمله ب اختصار مثلا انت تبي تشتري سياره وحدة من الوكالة هل هو نفس لما تروح تشتري 100 سياره من الوكالة ؟ اكيد لا بيعطونك بسعر الجملة مو نفس لما تشتري وحدة اتمنى وصلت الفكرة وعموما هي اخلاف اراء انا افضل اكيد ان الواحد يشتر يموتر كاش بس بشرط يكون عنده القدرة يأمن شامل كل سنه اول ب اول اذا مايقدر يطلع تاجير منتهي بالتمليك افضل من انك تطلع موتر كاش وتامن ضد الغير بكره بتبلش بموترك لو صارلك شي |
رد: الايجار منتهي بالتمليك
اقتباس:
اللي يحسب للايجار المنتهي بالتمليك هو قسط التأمين فقط يطلع اقل لكن ترا الخصم مو ذاك الفرق ... لو تفكر فيها ... بدال لاتدفع الخمس الاف تأمين شامل البنك كم بيدفع يعني مثلا ؟؟ 2,500 - 3,000 لهم ... ؟؟ بينما اضراره وعيوبه كثيرة ... !! - راحت تالف ... سلملي عل فلوسك ... التامين بيعوض البنك .. ريال ماتستلمه - السفريات ماتقدر تسافر ولازم تفويض ولازم موافقة واحتمال مايعطونك - قسط او قسطين او ثلاثة مادفعت ، جوك لبيتك وسحبوا السيارة بسطحة او شغلوها واخذوها ... عندهم بالحجز وقانونيا مسموح لهم لانها ملك لهم !! ورح راجعهم وسدد وانتظر ايام عل ماتطلعها - وادفع غرامة تأخير عن السداد - اذا السيارة فيها اشياء ثمينة سلملي عليها لاسحبوها ... وارد انها تروح عليك https://mobile.twasul.info/11890/ وهذا غير انك ملزم تدفع قسط التامين الشامل حق مدة التاجير ولنفرض انها خمس سنوات هي المدة ... وتكلف على نفسك مبالغ انته مش مطالب فيها مقارنة باذا طلعت قرض او شريتها كاش اغلب الافراد لاشروا سياراتهم أمنوها شامل لمدة سنتين او ثلاثة وحولوها لضد الغير بعدها ... لانه قيمة السيارة نزلت ... وشافوا انها ماتسوى تتامن شامل .. !! ماتقدر تبيع السيارة لانها ملك البنك في حالة التأجير عكس التمويل .... وبالتالي انت الزمت نفسك انه تقعد خمس سنوات عشان تقدر تتملكها !! ولو غيرت رايك و رجعتها في مدة التأجير بعد 4 سنوات ... لاي سبب كاكمال دراسة في الخارج او الرغبة في امتلاك سيارة آخرى ... القسط بيتوقف لكن انته بتخسر كل المبالغ اللي دفعتها ... والسيارة بترجع للبنك .. جاتك مشكلة مالية (خسرت وظيفتك مثلا او محتاج لظروف لاقدر الله) ... وتبي تتخلص من الاقساط ... ماعندك الا تنازل ... ولازم يوافق البنك ولازم تحصل واحد يقبل فيها ... واحيانا تدفع للي ياخذها !! عاد شوف مين يقبل بالتنازل ... خصوصا انه مبلغ القسط عالي والمبلغ الاجمالي عالي (لانه محسوب قيمة التامين واياه) فيكون التامين ضدك في هالحالة مو ميزة لك !! آلاف الاعلانات اللي تنزل بموقع حراج عل التنازل ... متورطين بالسيارات اللي ماخذينها.. وفي حالة تنازلت : تكون في هالحالة خسرت كل المبالغ اللي دفعتها لا انته اللي ملكت السيارة ... ولا انته استفدت من الاقساط اللي سددتها وحتى مبلغ الدفعة الاولى ولا انته اللي مستفيد من تنازلها ... غالبا وهذا غير انك بتواجه صعوبات في الوصول الى واحد يقبل بالسيارة وبحالتها وباقساطها اما في حالة انك مطلع عن طريق التمويل والسيارة باسمك ، بيع السيارة واستلم فلوسها وانتهينا تبي وجع راس >> تاجير منتهي بخيار التملك اللي ماخذه من دون دفعة اولى و مابيعرف يسوق يصلحله هالنوع .. لاتحولت تالف من اول سنة مو خاسر شي ،ماخذ سيارة وكالة وعلى آخر موديل ومودافع الا مبلغ تاجير ... والبنك بيحصل فلوسه من التامين بس مو عن قيمة السيارة كاملة لعلمك بس ... لانهم يخصمون من قيمتها الاستهلاك... لكن اذا اخذت عن طريق البنك عن طريق التمويل / القرض ... السيارة باسمك البنك مايقدر يتصرف ابدا بسيارتك واذا ماتبي تدفع... تقدر تحول راتبك لبنك اخر وتتجنب الدفع له .. والبنك اذا ماحصل فلوسه راس ماله يقدم لسمة ... و يطالبك فيه لكن ماياخذ سيارتك ويسحبها عليك ولايحق له ... ولايتصرف باموالك وممتلكاتك لازم قضاء ... عشان يقدر ياخذ حقه البنك، غيرها مايقدر ، بس لو قاضاك البنك ، بتدفع اتعاب المحامي كلها من جيبك... وازيدك لو توفيت لاقدر الله ... القرض يسقط والسيارة من حق الورثة بالكامل ، الا اذا البنك اللي مطلع منه التمويل هو بنك الراجحي !! ... وفيه تامين مع البنك في القروض والتمويل في حالات الوفاة يدفع قيمة القرض ... اما التأجير في حالة الوفاة بتنرد السيارة لهم ... هذا غير انه التاجير المنتهي بخيار التملك عقد باطل (دينيا) اما في حالة القروض او التمويل يكون متوافق للشريعة الاسلامية في المرابحة نفسي الاقي ميزة للتاجير غير قيمة قسط التامين الشامل موقادر احصل !! |
رد: الايجار منتهي بالتمليك
والله ياخوان كلامكم يخوف
المشكله عندي في الشركه ماتقدر تاخذ قرض الا بعد سنه كامله الله يكتب اللي فيه الخير |
رد: الايجار منتهي بالتمليك
اقتباس:
اعتذر منك لني ماقريت ردك كامل لطول التعليق ولكن شوف لما تطلع موتر بسم البنك ارخص من شركات الاقساط هذا اولا الامر الاخر انك تقول لو راحت تشليح طارت فلوسك طيب حتى لو شريتها كاش طارت فلوسك لكن مثلا لو طلعت موتر ايجار منتهي بالتمليك وبعد سنه راح تشليح ماتعتبر خساره كبيره على فرض ان القسط الشهري ب 1200 ريال مدة سنه يعني 14000 الف ريال افضل من انها تروح تشليح وانت دافع عليها 60 او 70 الف وازيدك لما تطلع موتر بسم البنك الي راتبك عليه ينخصم اصلن اوتوماتيك زي القرض الشخصي انا عن نفسي طلعت موتر بسم البنك قيمته 67 الف فوايد البنك + تامين الشامل طلعت علي ب 24 الف ريال اشوفه مناسب جدآ وازيدك اصلن بعد 5 سنوات لو خلصت قسطها ببيعها واطلع موتر اخر واحطه بدفعه اولى لن اصلن 5 سنوات صار الموتر مستهلك جدآ وبيكلف مبلغ وقدره قيمة قطع غيار وشغل يد لذلك تطلع موتر جديد وتريح راسك خصوصا اذا انت حق خطوط وماتحب الورش والنـصب والقروشه وبالاخير انا سويت تصريح اخذو علي مبلغ رمزي واعطوني ع طول تصريح دول الخليج وترى الشغله موب معقده في نص ساعه وانت خالص وتقدر تحط المدة الي انت تبيها حتى لو انها سنه اهم شي ماعليك مخالفات ومايكون عليك متاخرات وانا عن نفسي اكيد ماعلي متاخرات لن اصلن هم يخصمونه اوتوماتيك بسم البنك مطلعها موب بسم شركات اقساط |
| الساعة الآن 07:23 PM. |
Powered by vBulletin® Version 3.8.11, Copyright ©2000 - 2023, Jelsoft Enterprises Ltd.
البوابة الرقمية ADSLGATE © 2021