البوابة الرقمية ADSLGATE

البوابة الرقمية ADSLGATE (https://www.adslgate.com/dsl/index.php)
-   الوظائف والسير الذاتية (https://www.adslgate.com/dsl/forumdisplay.php?f=102)
-   -   راتبي قليل بالنسبة للجامعي (https://www.adslgate.com/dsl/showthread.php?t=2592273)

ابو نايف1429 31-07-2020 08:01 AM

راتبي قليل بالنسبة للجامعي
 
السلام عليكم ورحمة الله وبركاته

انا تخرجت بداية 2020 وبخلال شهرين حصلت وظيفة بنفس التخصص والمجال
لكن الراتب بصراحة قليل جداً مقارنة باللي توظفوا بالبكالوريوس (الراتب 5200)
هل يفضل اني ادور عرض او انتظر اني اكمل سنة عشان تعتبر خبرة؟
هل بتكون سلبية في السيرة اني طلعت خلال 6 شهور؟
مع العلم ان مافيه مميزات سنوية او علاوات او بدلات ولا فيه وعود بالتحسين

سعود بن ثامر 31-07-2020 08:36 AM

رد: راتبي قليل بالنسبة للجامعي
 
وعليكم السلام ورحمة الله وبركاته

لا تطلع أهم شيء من وظيفتك لين تضمن غيرها ، وتوك جديد طبيعي التدرج بالراتب.

بالتوفيق.

Unfriendly 31-07-2020 09:12 AM

رد: راتبي قليل بالنسبة للجامعي
 
وعليكم السلام ورحمة الله
للأسف الرواتب جداً متدنيه وفيها ظلم للجامعيين
ولكن " قليل دائم خير من كثير منقطع "
لاتتركها إلا اذا ضمنت الأفضل

*نسيم الصباح* 31-07-2020 09:12 AM

رد: راتبي قليل بالنسبة للجامعي
 
إذا بنفس مدينتك ومرتاح كمل فيها حتى تجمع خبرة بسيرتك الذاتية لأن اغلب الوظائف الجيدة يطلبون خبرةمن سنة الى سنتين عالأقل . وإبحث عن وظيفة أخرى أثناء عملك .

tantricYASSER 31-07-2020 09:43 AM

رد: راتبي قليل بالنسبة للجامعي
 
خذ النصيحة ، لا تفكر تطلع الا اذا في وظيفة ثانية افضل منها وجاك الموافقة عليها بشكل نهائيا وانت على راس العمل. والله يوفقك

الشيخ مدحت 31-07-2020 11:04 AM

رد: راتبي قليل بالنسبة للجامعي
 
اقتباس:

المشاركة الأصلية كتبت بواسطة ابو نايف1429 (المشاركة 1082965018)
السلام عليكم ورحمة الله وبركاته

انا تخرجت بداية 2020 وبخلال شهرين حصلت وظيفة بنفس التخصص والمجال
لكن الراتب بصراحة قليل جداً مقارنة باللي توظفوا بالبكالوريوس (الراتب 5200)
هل يفضل اني ادور عرض او انتظر اني اكمل سنة عشان تعتبر خبرة؟
هل بتكون سلبية في السيرة اني طلعت خلال 6 شهور؟
مع العلم ان مافيه مميزات سنوية او علاوات او بدلات ولا فيه وعود بالتحسين

اخوي القطاع الخاص عندنا للأسف ظالم لكثير من الخريجين بمختلف التخصصات والرواتب العالية ما تعطى لإبن البلد بل تعطى لمختلف الجاليات سواء اكانو بنفس الوظيفة او وظيفة اشرافية، لابد من الكثير من الاصلاحات لهذا القطاع و اعادة النظر بالأجور و المميزات و اعطاء الاولوية بالتوظيف لأبن البلد.
انا اكلمك بحرقة وحاس فيك و بكثير من الخريجين مثلك:(

kaka_1 31-07-2020 01:03 PM

رد: راتبي قليل بالنسبة للجامعي
 
القطاع الخاص عندنا ظالم بشكل كبير ومحد جالس يردعه ولكن دام انك توظفت وانت تشوف ان المشكلة الوحيده فقط الراتب الافضل انك تستمر وبنفس الوقت انك تدور على وظيفة ولو جاك راتب اعلا على طول رح حتى لو ماتكمل سنة.

PS3 4 Sale 31-07-2020 01:06 PM

رد: راتبي قليل بالنسبة للجامعي
 
عليكم السلام ورحمة الله وبركاته ..

راتب قليل وفيه ظلم ..

اذا ما كان يكفي استقيل بيجيبون غيرك لأن فيه الاف الجامعيين يتمنون الراتب هذا ..

هالبينو 31-07-2020 02:55 PM

رد: راتبي قليل بالنسبة للجامعي
 
من رايي احمد ربك انك لقيت وظيفة اول ما اتخرجت

اصبر ودور غيرها

Do4Doo 31-07-2020 05:59 PM

رد: راتبي قليل بالنسبة للجامعي
 
خلك فيها وبنفس الوقت ابحث عن غيرها

لا تتركها لين توقع عقد الوظيفة الجديدة

abogrhen 31-07-2020 09:57 PM

رد: راتبي قليل بالنسبة للجامعي
 
اقتباس:

المشاركة الأصلية كتبت بواسطة ابو نايف1429 (المشاركة 1082965018)
السلام عليكم ورحمة الله وبركاته

انا تخرجت بداية 2020 وبخلال شهرين حصلت وظيفة بنفس التخصص والمجال
لكن الراتب بصراحة قليل جداً مقارنة باللي توظفوا بالبكالوريوس (الراتب 5200)
هل يفضل اني ادور عرض او انتظر اني اكمل سنة عشان تعتبر خبرة؟
هل بتكون سلبية في السيرة اني طلعت خلال 6 شهور؟
مع العلم ان مافيه مميزات سنوية او علاوات او بدلات ولا فيه وعود بالتحسين

شف الحل تدور وضيفة ثانية وما تذكر لهم انك موظف ولاتذكر الخبرة ذي نهائي

لانه فترة قصيرة جدا وراح تكون نقطة سلبية عليك



لو كملت فوق سنة عندهم هنا تذكر الخبرة ذي وتستفيد منها بسيرتك الذاتية

Eyad 7 01-08-2020 07:04 AM

رد: راتبي قليل بالنسبة للجامعي
 
راتب قليل لكنها على الأقل وظيفة بنفس مسمى تخصصك، يعني راح تستفيد منها في سيرتك الذاتية. لو هي في نفس مدينتك خذها، ودور وظيفة غيرها، لأن بيكون عندك راتب يمشي وخبرة وأنت قاعد تدور وظيفة غيرها.

بالنسبة للخروج بعد 6 أشهر، لا ما راح تشكل أي ضرر لو ذكرت سبب الخروج. يعني لنفرض حصلت وظيفة وأنت على رأس العمل ورحت لمقابلة وسألوك عن سبب الخروج، فتقدر تقول أن الراتب كان قليل. النقطة هذي ممكن تكون مضرة لو تكررت بشكل كبير بدون أي سبب، لكن أنت عندك سبب مقنع.

أيضا ترا تقدر تدور وظيفة ثانية وأنت على رأس العمل، وبعدها تقدر تفاوض الجهة على زيادة راتبك.

باختصار: توك متخرج وحصلت وظيفة جيدة، امسكها بالوقت الحالي ودور وظيفة غيرها لأن وضع السوق سيء جدا. فيه دكاترة أسنان توظفوا برواتب أقل من راتبك (مع أنهم درسوا 7 سنوات)، لذلك أصبر حتى يتغير الوضع.

بالتوفيق

ابو نايف1429 01-08-2020 08:55 AM

رد: راتبي قليل بالنسبة للجامعي
 
الله يعطيكم العافية على افادتكم
شكرا لكم جميعاً وكل عام وانتم بخير

FireBox 01-08-2020 10:51 AM

رد: راتبي قليل بالنسبة للجامعي
 
يا عزيزي .. انت وقعت في مغالطه تتكرر كثير عندنا !!

انت الي تصنع راتبك موب الشركه ...

الراتب ما يجيي الا من الخبره ...

لا تفكر بالراتب الحين .. فكر كيف تطور نفسك و تتفوق على زملاء العمل و بعدها و في اقل من 5 سنوات

راح تضاعف راتبك اضعاف اضعاف اضعاف ما تتصور ...

و بالتوفيق ...

sssfifa14 01-08-2020 05:35 PM

رد: راتبي قليل بالنسبة للجامعي
 
انا جامعي ومتخرج قبل 3 سنين تقريبا
والحمدلله معدلي ممتاز
وثقافتي عاليه ولدي خبره كانت 3 سنوات ونصف
بعد التخرج قدمت على فوق 200 شركه
وللاسف ماجاني رد نهائي الا من شركه واحده واعطوني راتب 1500 ورفضت لانه قليل والجهد كبير
بعدها بواسطه تقدمت لشركه واعطوني 4500 مع ان المرتب بالنسبه للشغل يساوي 20%
المفترض اقل شيء 10الاف للجهد الذي ابذله وقتها _تنظيف _ ترتيب_بيع_اداره_قبول مشتريات الى اخره
يعني كانها فوق 5 وظائف
وللحين صامل فيها لانه مافي بديل للاسف وجتني علاوه الحمدلله 1500 ريال بسبب الجهد الذي بذلته
ودي اتركها اليوم قبل بكرا بس مافي بديل مع اني معي بكالوريوس !!
البديل للاسف فقط عسكريه
فنصيحتي لك اصبر واحتسب وباذن الله مع السنوات بتتحسن الامور

AHKH 01-08-2020 07:04 PM

رد: راتبي قليل بالنسبة للجامعي
 
اقتباس:

المشاركة الأصلية كتبت بواسطة ابو نايف1429 (المشاركة 1082965018)
السلام عليكم ورحمة الله وبركاته

انا تخرجت بداية 2020 وبخلال شهرين حصلت وظيفة بنفس التخصص والمجال
لكن الراتب بصراحة قليل جداً مقارنة باللي توظفوا بالبكالوريوس (الراتب 5200)
هل يفضل اني ادور عرض او انتظر اني اكمل سنة عشان تعتبر خبرة؟
هل بتكون سلبية في السيرة اني طلعت خلال 6 شهور؟
مع العلم ان مافيه مميزات سنوية او علاوات او بدلات ولا فيه وعود بالتحسين

الراتب ضعيف حتى لدبلوم والوضع محزن أن يستخف بشهادة و علم المتقدمين

لكن حسب التخصص ٬ إذا تقدر تكسب خبرة بنفسك و تحصل على شهادات و في نفس الوقت تقدم على شركات أقوى يكون أفضل

لكن إذا ما تقدر تحصل خبرة بدون العمل في شركة فيفضل أيضا أن يكون مجال عمل الشركة موافق لتخصصك أو مجال إهتمامك على الأقل

و ما فرقت حتى لو طلعت بعد نهاية الفترة التجريبية تقدر إذا سألوك أنك تبحث عن استقرار و تقدير لمهاراتك

الشركة اللي خايفة توظفك علشان بتطلع ما تثق فيك من البداية و ضياع للوقت في كل الأحوال

صلاح9 01-08-2020 09:15 PM

رد: راتبي قليل بالنسبة للجامعي
 
ابدأ معاهم وشوف غيرهم... ما راح يضرك التنقل بين وظيفتين بأول حياتك المهنيه خاصة اول او ثاني سنه

هالبينو 01-08-2020 11:12 PM

رد: راتبي قليل بالنسبة للجامعي
 
اقتباس:

المشاركة الأصلية كتبت بواسطة FireBox (المشاركة 1082966202)
يا عزيزي .. انت وقعت في مغالطه تتكرر كثير عندنا !!

انت الي تصنع راتبك موب الشركه ...

الراتب ما يجيي الا من الخبره ...

لا تفكر بالراتب الحين .. فكر كيف تطور نفسك و تتفوق على زملاء العمل و بعدها و في اقل من 5 سنوات

راح تضاعف راتبك اضعاف اضعاف اضعاف ما تتصور ...

و بالتوفيق ...

كلام انشائي مايجيب فايدة خصوصا لموظفي القطاع الخاص (بدون ارامكو وسابك وطقتهم)


انا ليا 3 سنين موظف وجالس اطور نفسي بفلوسي دورات وكذا

في نفس الوقت اشوف شركتي ترسل لبنانيين من حبايبهم وضيعتهم لاوروبا ودبي وامريكا دورات مدفوعة بالكامل في مجال تخصصي

المشكلة فين؟

المشكلة ان هذول اللبنانيين ماعندهم شهادات من الاساس!!!

وطبعا بعد الدورات والمصاريف راتبي مازاد ريال ولا اعطوني البوزشن الي انا موقع عليه

( موقع عقد مهندس وفي السستم الداخلي للشركة مسماي فني اول!!)

تدري ليش انا ساكت؟ لان في سعوديين خبرتهم حتكمل 10 سنين وشهادتهم هندسة زيي و وضعهم نفس وضعي لاترقيات ولا بوزشن ولا دورات

فانا غسلت ايدي من الشركة وجالس ادور غيرها ومخليها بس كمصدر دخل

3DGAM4R 01-08-2020 11:58 PM

رد: راتبي قليل بالنسبة للجامعي
 
يا رجال أذكر الله ودامها في نفس تخصصك أنت المستفيد وراتبك هذا في وقتنا الحالي يعتبر شي كويس مرررة .

الأن الجامعيين حرفيا كلهم شامل التخصصات غير الطب ما راح يحصلون وظايف فوق 5 آلاف ريال ...

خويي متخرج له سنه من الجامعة 5 شهور بلا وظيفة ... وفي النهاية متوظف بـ 3200 ريال مدرس في أحد المدارس الأهليه وفي الأجازة مايجيه ريال واحد ...

أنا توي متخرج ومتقدم على مليون شركة وما أنقبلت إلا في شركة موظف ( كولسنتر ) والصدمه في التدريب 90% من المتقدمين تخصصاتهم قويه

- نظم معلومات
- هندسة معمارية
- قانون
- هندسة حاسب
- إدارة أعمال


الأن التشدد من ناحية توظيف الأجانب صار قليل فـ أغلب الشركات رجعت مثل أول توظف أجانب فالوضع السنين ذي الواحد غصب يرضى بالرواتب المتدنيه ويمشي والشكوة لله

فمن الأخر أستمر وتوكل على الله والرزق من رب العالمين ولا تبخل أبدا من الدعاء لنفسك

3DGAM4R 02-08-2020 12:02 AM

رد: راتبي قليل بالنسبة للجامعي
 
نقطة أخرى بوضحها لك بنسبة للزيادات لا تدروها في الشركات لأن نسبة 99% من الشركات عندنا ما يعرفون شي أسمه علاوة ولا زيادة إلا بواسطة أو حظ !!

العلاوة ما تعرفها إلا في الوظايف الحكومية والحين صار فيها تعقيد أكثر من أول


الساعة الآن 08:51 AM.

Powered by vBulletin® Version 3.8.11, Copyright ©2000 - 2020, Jelsoft Enterprises Ltd.
البوابة الرقمية ADSLGATE © 2019