البوابة الرقمية ADSLGATE

البوابة الرقمية ADSLGATE (https://www.adslgate.com/dsl/index.php)
-   المنزل الذكي Smart Home Automation (https://www.adslgate.com/dsl/forumdisplay.php?f=360)
-   -   استفسار عن مكنسه كارشر. (https://www.adslgate.com/dsl/showthread.php?t=2561650)

kingspeis 28-11-2019 07:23 PM

استفسار عن مكنسه كارشر.
 
السلام عليكم ورحمه الله وبركاته.


حاب اشتري مكنسه. وشفت مكنسه اسمها كارشر

مكنسه متخصصه للبخار

ومكنسه متخصصه للغبار


هل قي احد جرب هذي المكنسه. وهل تنصحوني فيها.

kingspeis 29-11-2019 03:19 PM

رد: استفسار عن مكنسه كارشر.
 
...........

Bitx 29-11-2019 03:41 PM

رد: استفسار عن مكنسه كارشر.
 
ماعرفها
لكن بقولك شي

تلف تلف تلف وترجع لام برميل
غيرها لاتدور
هيتاشي

kingspeis 01-12-2019 12:21 AM

رد: استفسار عن مكنسه كارشر.
 
ربي يوفقك

ابو سآلم 01-12-2019 02:10 AM

رد: استفسار عن مكنسه كارشر.
 
انا اشتريت ممسحة بالبخار من ساكو واستخدمناها مرة مرتين وبعدها منطوله بالمستودع

لكن اكثر مكنسة استفدنا منها ونستخدمها يومي هي مكنسة دايسون اللي بدون برميل وبدون سلك (بالشحن) خفيفة وعملية جدا بس سعرها غالي ، اسم الموديل اللي عندي v8 والان نزل v10

memo_xp 09-12-2019 12:35 PM

رد: استفسار عن مكنسه كارشر.
 
اقتباس:

المشاركة الأصلية كتبت بواسطة ابو سآلم (المشاركة 1082653082)
انا اشتريت ممسحة بالبخار من ساكو واستخدمناها مرة مرتين وبعدها منطوله بالمستودع

لكن اكثر مكنسة استفدنا منها ونستخدمها يومي هي مكنسة دايسون اللي بدون برميل وبدون سلك (بالشحن) خفيفة وعملية جدا بس سعرها غالي ، اسم الموديل اللي عندي v8 والان نزل v10

دام جبت طاريها كيف المكنسة هل هي عملية لدرجة استغني عن ام برميل لان زي ما تفضلت سعرها غالي والواحد وده يحط فلوسه في شي لك وللزمن وللمعلوميه ترر الموديل وصل v11 وشكرا لك وللجميع .

abosaed 21-12-2019 09:59 AM

رد: استفسار عن مكنسه كارشر.
 
عندي نوع ام برميل اخذتها وقت تخفيضات وحاب اقول لك انها سيئة وخاصة راس المكسة ما يتحرك بسهولة على الفرش وما يركز الشفط كمان وكيلها سيء انكسرت عصى المكنسة من اول اسبوع استخدام وتواصلت معهم وعلى طول قالوا هذا سوء استخدام وبعدين طلبت القطعه طلع سعرها بي 190 ريال تقريباً ارخص من امازون بعد شحنها المهم طلبوني احول الفلوس ولطعو فيني اسبوعين وبعدين طلبت فلوس وردوها بسرعه ولا لي خلق اشتكي خاصة ان المكنسة رخيصة لكن حتى الان عندي لها اكثر من سنه ووضعها جيد وطبيعي والعصى ملفوف علي شطرطون والحياة جميلة لاني بصراح انتظرها تخرب و اشتري دايسون ولا بيسيل.

المكنسة مليان مزايا على غيرها من أم برميل وبالسعر اللي اخذتها مو خسارة وفيها اشياء حلوة مثل كيس النفيات اللي تركبها وتستخدما ولما تمتلي ترميها لكن الوكيل مو موفرها.

بأختصار عيوبها كالتالي عصى المكنسة انكسرت معي من اول اسبوع استخدام بسبب ثقل الراس عند مروره على المفروشات وغير سلسل زي المكانس الاخرى كأنه غير مخصص للفرش.

تركيز شفط الهواء في رأس المكنس ضعيف كأنه مشتت لما تشيل رأس المكنسة يكون الشفط اقوى بينما برأس المكنسة لا يشفط كل الاوساخ. العيب الاخير الوكيل غير متعاون

ابو سآلم 22-12-2019 12:21 AM

رد: استفسار عن مكنسه كارشر.
 
اقتباس:

المشاركة الأصلية كتبت بواسطة memo_xp (المشاركة 1082664434)
دام جبت طاريها كيف المكنسة هل هي عملية لدرجة استغني عن ام برميل لان زي ما تفضلت سعرها غالي والواحد وده يحط فلوسه في شي لك وللزمن وللمعلوميه ترر الموديل وصل v11 وشكرا لك وللجميع .


اللي عندي موديل v8

الموديلات اللي بعدها v9 v10 v11
لا يوجد اضافة جوهرية
برأيي ان الشركة في موديل v8 وصلوا افضل مستوى فالموديلات اللي بعده م القوا شي اضافي

بخصوص رأيي في المكنسة
افضل مكنسة ممكن تستخدمها خفيفة جدا بدون برميل بدون سلك و عملية جدا جدا

النـداوي 23-12-2019 09:31 PM

رد: استفسار عن مكنسه كارشر.
 
اقتباس:

المشاركة الأصلية كتبت بواسطة kingspeis (المشاركة 1082649664)
السلام عليكم ورحمه الله وبركاته.


حاب اشتري مكنسه. وشفت مكنسه اسمها كارشر

مكنسه متخصصه للبخار

ومكنسه متخصصه للغبار


هل قي احد جرب هذي المكنسه. وهل تنصحوني فيها.



انا جربت مكنسة الغبار الاصدار الاخير

https://www.amazon.de/gp/product/B00...?ie=UTF8&psc=1


نظامها تكنس الجاف والرطب حتى لو تبي تكنس لك ماء

ومن المميزات

موفرة للطاقة تستهلك 1300 واط فيما يعادل قوة شفط 2600 واط
وجود فلتر لتصفية الهواء
اكياس اذا حاب تركبها وتستعملها الاكياس وترميها بعد ان تمتلى
لن تحس بالغبار اثناء استعمالها مثل بعض المكانس الاخرى

وشكرا


الساعة الآن 07:32 AM.

Powered by vBulletin® Version 3.8.11, Copyright ©2000 - 2020, Jelsoft Enterprises Ltd.
البوابة الرقمية ADSLGATE © 2019