استفسارات المرور : مخالفات ... ساهـــــر ونقاشاته واخر اخباره . ( الجزء الرابع)

[مجموعة آنسآن]

السلام عليكم ورحمة الله وبركاته

هذا الموضوع خاص بإستفسارات المرور وساهر ومايدخل في نطاقهما

----------------------------------------------------------------------------------------------------------------

الإستفسارات المكررة :

كيف أحدث بياناتي لساهر أو المرور بصفة عامة ؟ أو يقول حاولت أحدث بالكمبيوتر بس ما عندي الرقم اللي في الاستمارة ؟

بالطريقة التالية : رقم الهوية ثم علامة النجمة (*) ثم سنة انتهاء ( الرخصة) أو (استمارة) السيارة بالتاريخ الهجري بدونفراغات بينها .

مثال :1431* 1234567890

إرسال الرسالة إلى :

شركة الاتصالات 888993

شركة موبايلي 623333

شركة زين 709422

أبي أطلع تصريح وش المطلوب ؟

التصريح يتطلب منك :

1)صور شخصية
2)ورقة تعريف من المدرسة

3)إثباتك + صورة منه

4) إجراء فحص طبي

5)إكمال النموذج المطلوب

6)دفع رسوم المدرسة 435 تقريباً

7)بعد الدراسة لمدة 5 أيام من السبت إلى الأربعاء فيمدرسة تعليم القيادة تدفع رسوم إصدار التصريح 100 ريال

وش الفرق بين دوريات الشرطة والمرور ولو إني مسرع من عند دورية شرطه هل له دخل يعني يقدر يعطيني مخالفه أو يمسكني ؟

عزيزي في فرق يجب إنك تعرفه إنت وجميع الأعضاء أنظر للتقسيم التالي :

1)المرور 993 : شعارها الموجود على السيارة بلون أخضر ويتدخل في بعض الحوادث وتنظيم الطرق والعمل على ضبط المخالفات والحد من السرعة وباقي المخالفات

2)الدوريات الأمنية 999 : شعاره الموجود على السيارة بلون أزرق وهو يقوم بعمل جميعتخصصات وزارة الداخلية من مخالفات ومضاربات ( هوشات ) أو مباحث أو سكر أو إزعاج أوتنظيم للسير أو السرعة ( أمن عام )

3) الشعارالبني وهو عدة أقسام :

الأول : الشرطة وهي اللي تتدخل في بعض الهوشات أوالمتسولين ذات شعار بني وموجودة عن مخفر

الثاني : المهام والواجبات الخاصة : يتدخل في عمليات الشغب والهوشات القوية ذات شعار بني أيضاً

الثالث : الأدلة الجنائية : تختص بأخذالبصمات في حالة القتل

الرابع : الدوريات الراجلة : وهي تتواجد في الأسواق مثل أسواق الذهب للحماية

الخامس : الأمن الوقائي : ويقوم عمل المرور وإعطاء مخالفات مرورية وسرعة فهو امن عام في الدوريات الأمنية وهي ذات شعار بني

السادس : أمن السفارات
---------------------

طبعا الدوريات ذات الشعار البني تفرق بينهم تلاقي مكتوب في الخلف نوع التخصص أدلة جنائية أو راجلة أو وقائي في الرفرف الخلفي

وأهل جدة ممكن يلاحظون الأمن الوقائي على الكورنيش يحرر بعض المخالفات

انا عمري 15 سنه واسق السيارة ..طبعا من غير تصريح بس أسوق حول البيت لو ابغا اطلع شئ قانوني في هذا العمر كيف؟؟ ولو انمسكت مثلا وأنا بدون رخصة وش ممكن يحصل لي؟؟

في هذا العمـر مافي شئ قانوني

إلا إذا لاسمح الله الوالد متوفي وماعندك أخوان وعندك الوالدة وأخوات لازم تخرج تروح المرور تشرح الوضع

وراح يعطونك حالةاستثنائية غير كذا لا يقبل أي شئ لهذا العمـر

لو انمسكت ومعك إثبات يعطيك مخالفة

اخوي حبيت أسألك عن لوحات السيارة الطويلة ..ودي استبدل اللوحات القصيرة (العادية) باللوحات الطويلة .. وش الإجراءات وكم الرسوم ..؟لوحاتي واستمارتي جديده ..

وعليكم السلام
تعطيهم اللوحات القديمة وتنتظر مابين 10 أيام إلى 20

الرسومتقريبا 100 ريال للوحتين الأمامية والخلفية

هل يمكنني تسديد مخالفة لوحدها فقط دون المخالفات الأخرى ؟

نعم , عن طريق إدخال رقم المخالفة في الصرافة < على كلام احد الأشخاص في المنتدى جربها .

وش التظليل المسموح ؟ وكم قيمة المخالفة ؟

150 ريال حد أدنى و300 ريال حد أعلى في حالة العسكري سجل تظليل
في حالة العسكري سجل تعديل غير نظامي راح تكون 300 حد أدنى و500 حد أعلى

الدرجة المسموح فيها أنا يرى العسكري بمن داخل المركبة بوضوح تااام باستثناء القزاز الأمامي
والأمامي الجانبي فهو ممنوع بجميع درجاته.

كيف بإمكاني معرفة المخالفات عن طريق النت؟؟مخالفات ساهر + مخالفات عادية (سرعة - قطع اشارة - ربط حزام..الخ )

موقع مرور الرياض أو موقع وزارة الداخلية السعودية أو الرقم 989 ( مجاني )

******

شرح السرعات وقيمة المخالفات للسرعة ساهر أو مخالفة عادية

1)
إذا زادت بقدر من 1 كيلو إلى 20 كيلو هذي بـ 300ريال

وحدها الأعلى 500 ريال
مثال :

يعني لو الخط 100 وأنت مشيت 120 راحيجيك 300 وإذا 121 وما فوق راح تكون 500 ريال
2)

وإذا زدت من 21 فما فوق هذي500ريال والحد الأعلى 900 ريال

مثل 121 وفوق ...

كم غرامة تأخير تجديد الاستمارة ؟

عن كل سنة 100 ريال

كم مخالفة الحزام ؟

150 ريال

روابط الاجـزاء السابقه للي حاب يستفيد

الجزء الأول

الجزء الثاني

الجزء الثالث

أقدم إعتذاري لكل شخص زعلان مني بعمل إشرافي أو غيره ويراسلني خاص ويبشر باللي يبيه وآتمنى ماحد يشيل في خاطره أو قلبه

بالتوفيق للجميع وعلى بركة الله

[IMG]http://up.************/Dec10/IAF92376.jpg[/IMG]

ملاحظة : أنا لم أعد مسؤول عن الموضوع فهو الآن موضوع مخصص للاستفسارات الخاصة بالمرور مثله مثل أي موضوع مخصص للاستفسارات

 

 

[ahmad7-7]

يعطيك الف عافية ياعقيد


~

اخوي حنا عندنا سيارة " موديل 93 " والاستمارة ضايعة " ماهي الاجراءات الكاملة " لاخراج استمارة جديدة ؟

 

 

[Super-S]

ماعندي سؤال بس ألف مبروك افتتاح الموضوع

 

 

[amr_mostafa]

عود احمد .

استفسار : الآن في حال انه تم تحرير مخالفة عدم حمل رخصه وانا في الطريق الى البيت واجهتني

دورية اخرى هل سيتم تحرير مخالفه اخرى ؟

 

 

[مجموعة آنسآن]

اقتباس: المشاركة الأصلية كتبت بواسطة ahmad7-7     يعطيك الف عافية ياعقيد ~ اخوي حنا عندنا سيارة " موديل 93 " والاستمارة ضايعة " ماهي الاجراءات الكاملة " لاخراج استمارة جديدة ؟

الله يعافيك

حبيبي تحط إعـلان في الجريده بالفقدان ( بس أنا أقترح إنك تروح لهم يمكن يمشونك بدون إعلان ) إذا مامشوك تسوي إعلان وترجع تمرهم بالبطاقة وتدفع رسوم الإستمارة ( لا أعلم كم هي بالظبط ) وتتيسر أمورك إن شآء الله

اقتباس: المشاركة الأصلية كتبت بواسطة Super-S     ماعندي سؤال بس ألف مبروك افتتاح الموضوع

الله يبارك فيك

شكراً لك

 

 

[مجموعة آنسآن]

اقتباس: المشاركة الأصلية كتبت بواسطة amr_mostafa     عود احمد . استفسار : الآن في حال انه تم تحرير مخالفة عدم حمل رخصه وانا في الطريق الى البيت واجهتني دورية اخرى هل سيتم تحرير مخالفه اخرى ؟

يتم تحرير مخالفة غير عدم حمل الرخصه يعني يعطيك حزام أو قطع إشارة أو سرعة إنما مخالفة الرخصة يعطيك هي من بعد الساعه 12 في الليل ( بداية يوم جديد ) وليس 24 ساعه من تاريخ المخالفه كم يظن البعض يعني لو اعطاك الساعه 11 في الليل وقفك واحد الساعه 12:30 يقدر يعطيك مخالفة عدم حمل رخصة

آتمنى تكون وضحت الإجابة

 

 

[amr_mostafa]

شكرا لك ,,كفيت ووفيت

 

 

[مجموعة آنسآن]

حياك الله

في الخدمه

 

 

[AL--AWAKS]

عندي استفسار لكن ليس فـ المخالفات ولكن فـ " دله "

ماهي اجراءات استخراج تصريح لقيادة السيارة لمن هم بعمر 18 ..

ياليت اللي عنده معلومات وافية يفيدنا ..

 

 

[فتى المستحيل]

إن شاء الله يستفيدون الأخوان من الموضوع

تحياتي

 

 

[مشغول البآل]

السلام عليكم

هل يحق للمرور السري يطرد واحد ؟ وبدون مايشغل السفتي والبراقات ؟

قبل كم يوم كنت رايح للمطار وماشي باليسار وسرعة اقل من النظامية ومروق وفجأة سيارتين مصفين الطبلون فوق ال ١٨٠ بالرااااحه

حدوني ولفيت على المسار الاوسط وكنت بسوي حادث وشيك بس ربك ستر .. انا هنا فار دمي وطفيت النور ودزيت ورا الكورولا وتجاوزت السرعة النظاميه وصرت اكبس له وخلاني اسقط بعدها هديت ورجعت مسكت الوسط وهديت وفجأة مشى وراي نفس راعي السيارة وطلع مرور سري !!!! ووقفني وعطاني مخالفة تجاوز السرعه القانونيه . وقلت له انا ماسويت هالحركة الا بسبب انك بغيت تسبب لي حادث والمفروض يومك تطرد السيارة الثانية تبين انك سيارة حكومية مو من باقي الشعب !

ما اقول غير حسبي الله ونعم الوكيل بغى يسبب لي حادث وفوقها عطاني مخالفة تجاوز السرعه بمقدار ١٠ كيلو متر

السؤال هنا متى ينزلونها بالنظام لأن اخذت مخالفة تظليل قبل شهرين وللحين مانزلت وخايف تتدبل !

 

 

[مجموعة آنسآن]

اقتباس: المشاركة الأصلية كتبت بواسطة AL--AWAKS     عندي استفسار لكن ليس فـ المخالفات ولكن فـ " دله " ماهي اجراءات استخراج تصريح لقيادة السيارة لمن هم بعمر 18 .. ياليت اللي عنده معلومات وافية يفيدنا ..

أخي 18 رخصه لكن إذا ما أتميت الـ 18 ومحتاج تصريح يوجد في الموضوع المتطلبات كاملة لتصريح القيادة

وفقك الله

 

 

[احساس مجروح]

صدق الغوا الحد الاعلى للمخالفات ؟

 

 

[مجموعة آنسآن]

اقتباس: المشاركة الأصلية كتبت بواسطة مشغول البآل     السلام عليكم هل يحق للمرور السري يطرد واحد ؟ وبدون مايشغل السفتي والبراقات ؟ قبل كم يوم كنت رايح للمطار وماشي باليسار وسرعة اقل من النظامية ومروق وفجأة سيارتين مصفين الطبلون فوق ال ١٨٠ بالرااااحه حدوني ولفيت على المسار الاوسط وكنت بسوي حادث وشيك بس ربك ستر .. انا هنا فار دمي وطفيت النور ودزيت ورا الكورولا وتجاوزت السرعة النظاميه وصرت اكبس له وخلاني اسقط بعدها هديت ورجعت مسكت الوسط وهديت وفجأة مشى وراي نفس راعي السيارة وطلع مرور سري !!!! ووقفني وعطاني مخالفة تجاوز السرعه القانونيه . وقلت له انا ماسويت هالحركة الا بسبب انك بغيت تسبب لي حادث والمفروض يومك تطرد السيارة الثانية تبين انك سيارة حكومية مو من باقي الشعب ! ما اقول غير حسبي الله ونعم الوكيل بغى يسبب لي حادث وفوقها عطاني مخالفة تجاوز السرعه بمقدار ١٠ كيلو متر السؤال هنا متى ينزلونها بالنظام لأن اخذت مخالفة تظليل قبل شهرين وللحين مانزلت وخايف تتدبل !

وعليكم السلام

أخوي إذا ماشغل البراقات وأستخدم المكبر الصوتي لو ما وقفت عادي ماعليك شئ وبعد كذا إذا استعملها وقلك ليه ماتوقف أشرح له السبب إذا رفض خليه يستدعي الظابط وإذا رفض إتصل العمليات 993 يعني لاتسكت عن حقك ترا بعض الأحيان مايسير إلا كذا

أما حالتك اللي تقول عليها مالك إلا مثل ماقلت وإذا احد شطفك خله في حاله وعلى فكره الحركة هذي أنا أسويها بعض الأحيان ما أشغل البراقات إلا إذا لصقت في السيارة وأكون متأكد إني راح اوقفه ولا في مجال للهرب أجنبه

بالنسبة متى تنزل ما حد يقدر يحدد المدة لأنه تختلف بحسب تسليم العسكري للبوك وبحسب سرعة الشباب في الحاسب الآلي واللبس اللي يسير في أغلب الأحيان يحطون الدفتر مع دفاتر أدخلت سابقاً يحسبون إنه تم الإدخال وهذي لها حالتين إما إنك تسلم وماتنزل عليك أبد أو بعد فترة يحدث تشيك للدفتر والتشيك يتم من ادخال أول مخالفة في الدفتر إذا تبين إنها مسجله كان بها ماتبين يسجلونها عليك وتتفاجا فيها بعد فترة

بالنسبة تنزل في الحد الأعلى أو حد أدنى بحسب النظام حق الحاسب وهذا بحسب كلام واحد من الشباب في الحاسب تنزل بالحد الأعلى تلقائياً والله أعـلم .

أي شئ ماوضح معاك أو مافهمته كلمني ونعيده لك بصياغه ثاني وأبشر

أسعدك الله ..

 

 

[مجموعة آنسآن]

اقتباس: المشاركة الأصلية كتبت بواسطة فتى المستحيل     إن شاء الله يستفيدون الأخوان من الموضوع تحياتي

إن شآء الله

شكراً لمرورك ...

اقتباس: المشاركة الأصلية كتبت بواسطة احساس مجروح     صدق الغوا الحد الاعلى للمخالفات ؟

إلى آخر وقت إشاعه لم يصل أي شئ عنها والدفاتر حقت المخالفات مازالت مكتوب عليها عبارة الحد الأعلى يطبق بعد ..... الخ

 

 

[KlNG]

هلا اخوي

املك سيارة استمارتها منتهيه من ( 21 يوم )

لو اروح لتفتيش و اوقف وش المخالفه اللي تجيني ؟؟

____________________________

بالنسبة لنظام ساهر

انا ماشي في خط السرعة المحدده 120

و انا ماشي 127

هل علي مخالفه ؟؟؟

و هل الكلام اللي في الجرايد اللي يسمح لك بتجاوز السرعة القانونية بمقدار 10% فقط صحيح او لا ؟

 

 

[atti]

السلام عليكم

اذا مسكوني الشرطه وما عندي رخصه وش هي الاشياء الي تتخذ؟؟

 

 

[السفاح الملثم]

يعطيك العافيه

طيب واللي صورته ساهر و مافيه لوحات تحديد السرعه بالطريق
وسدد قيمة المخالفه !

هل بأمكانه يسترجعها وكيف ؟؟؟

 

 

[altaboot]

اخوي فيه ملاحضة بخصوص تجاوز سرعة قانونية انت تقول اذا كانت اكثر من 20 كيلو تصير مخالفه بـ 500 وبعد شهر 900 ريال

انت لخبطت

هذي اذا كانت اكثر من 25 كيلو

------------------------
عندي استفسار

اذا كانت لوحة السياره مسروووقة او مفقوده سوى الامامية او الخلفية او كلاهما

كم قيمة المخالفه ؟ وهل يتم حجز السياره او قائد المركبة ؟ ولا فقط الاكتفاء بالمخالفه ؟


ولو مثلا جبت فلبين او شي وسويتها زي لوحة سياره امشي عليها الين تطلع لوحة سياره من المرور هل تخفف عني الغرامه او ششي ؟

وشكرآ مقدمآ

 

 

[realplayer]

السلام عليكم
حصل حادث بين اثنين
ونجم حط 50 50
والاثنين عندهم تامين ضد الغير
هل التامين يغطي ولا لا ؟

وشكرا