بوابة الإنترنت الرقمية ADSLGATE










منتجات Amazon/ebay من اقتراح الأعضاء عنوان IP الخاص بك قياس سرعة الإتصال Advertise with us استعادة كلمة المرور
العودة   البوابة الرقمية ADSLGATE > الحراج والتجارة الإلكترونية > قسم التجارة الإلكترونية
التسجيل التنبيهات لوحة التحكم مشاركات اليوم قوانين المنتدى الاتصال بنا مشاركات اليوم اجعل كافة الأقسام مقروءة




إضافة رد
 
برنامج البوابة الرقمية للأندرويد برنامج البوابة الرقمية للآيفون والآيباد أدوات الموضوع
قديم 04-06-2011, 02:33 AM #1
Daipone
عضو
 
الصورة الرمزية Daipone
 


Daipone @Flickr Daipone @Facebook Daipone @Youtube

روابط سريعة إيباي  روابط سريعة أمازون

Funny2 تقرير مفصل : تجربة شراء مضخم صوت Subwoofer للسيارة , Amplifire , Amp Cables , صور





السلام عليكم ورحمة الله وبركاته,,,

كيف الحال يا شباب هواة التجارة الالكترونية ارحب بكم , اليوم راح يكون تقرير طويل وقصة وفلسفة طويلة >>> عاد لا تشوفوه وهو يتفلسف..
اسمحوا لي التقرير بكون طويل ومصور انشاء الله ما تملون عشان تعيشوا جو القصة >>> خلووه يعبر عن نفسه..

يلا بسم الله الرحمن الرحيم..


(قصة اخونا مجنون سماعات)

انا من هواة النظام الصوتي الصراحة وبعد ما عطاني الوالد الله يحفظه الكابريس والحمدالله في حالة الممتازة بديت التعديل في النظام الصوتي , بديت بتغيير السماعات وتركيب 2 اوفرة في الشنطة..

طبعا صارت مشاكل مع سب ووفر السوني الي بالشنطة احترقوا كلهم (احتراق الـ voice coil وهو سلك اسطواني يتمركز بالسب ووفر ) >>> ريحة عسل محروق واذا شميته تكره اليوم الي ركبت فيه سيستم..
والسبب الفلبيني لم يحسن اختيار الامبليفاير رفعت شكوى وصلت الى جدة وطولت شهر عوضوني بالووفرتين بس والامبليفاير ما عوضوني المدير مسافر ومو راضي خساير زيادة قالوا لي بنعدل لك الوزنية بنخليها عادية لعبوا بالوزنية والحين السماعات تكسر بالخاطر كل ما ارفع الصوت تطلع ريحة (كانه تهديد والله العظيم حالة) المهم خلنا ننسى الماضي ونبدا بداية جديدة..

(بداية التفكير في سب ووفر احترافي)

من المعروف جميع مضخمات الصوت في السعودية على حسب علمي (subwoofer) احجامهم 12" او اقل وكله باونيير كينوود سوني جي في سي وخذ لك لو تركب ايش تلاقي خويك مركب مثلك وين التميز ,, بعد رحلتي الى الامارات حصلت ووفرات وماركات مو عندنا احجام 15" وحين تواجدي بحثت عن محلات متخصصة في بيع مستلزمات الصوت ولم اجد ما اطمح اليه وهو مقاس 18"...
المهم قلت مادام عندي تجارب شراء مع ارامكس!! ليه ما اطلب لي نظام صوتي متكامل من الخارج مع العلم اسعار الاجهزة الصوتية في الخارج رخيصة..
بس اكيد مابستعمل ارامكس في الشحن هههههههههه صاحي عشان يلبعون باالاوزان لعب وتجيني السماعة محروقة >>> بدون إهانة لمستخدمي ارامكس,,
لازم شركة بروفيشنال تمسك المهمة , المهم تم الاشتراك في شركة MyUs كأول خطوة..

(البحث عن Subwoofer )


مثل ما ذكرت لكم كانت ثقافتي لا باس بها في هذا المجال واستغرق البحث شهرين تقريبا,,, مواقع وموثوقيتها , انواع السب ووفر , اكتشفت انه في شركات كثيرة ولفت نظري انه في شركات كثير ماصارت لها 10 سنوات ولها خبرة في مجال الووفرات وهكذا تصنيفهم على قسمين :

1- شركات لها خبرة طويلة بالاجهزة الصوتية عندها سماعات واجهزة صوتية وتبيعها ولها وكلاء عن طريق الانترنت ومواقع تمسك وكالتها وتبيعها.
مثل : Kicker , SoundStream , ReAudio , JL Audio , JBL , MTX , RockFord Fosgate والى اخره..

2- شركات لها 10 سنوات تقريبا في هذا المجال تفصل لك السماعة السب ووفر وهذا يكون بالطلب يعني تدخل موقع الشركة وتختار النوع السماعة اللهم التعديل يكون على لون , 2 اوم ولا 4 اوم , مقاومة للحرارة , للاستعمال اليومي او للتحديات وميزات اخرى..
معلومات : الصنع يكون نص يدوي ونص مصنع مثلا المصنع ينتج المغناطيس حقت السماعة وتوصل لليدوي للتجميع والتركيب وطبعا مدة التصنيع يقارب اسبوع الى اسبوعين على حسب نوع السب ووفر..
مثل : Ascendant , Fi audio , T3 , DC Audio والى اخره..

الخلاصة : رسلت رسائل عن طريق الايميل لشركات كثيرة اكثرهم ما رد الا تعال اتصل فيهم عشان يخدموك افضل وتطلب السلعة , بعضهم ردوا قالوا وقفنا الانتاج على هذا الموديل والمصنع اذا رسل قطع راح نفصلك وياها , عاد انا قلت اشتري من الشركات الكبيرة على الاقل مابلاقي عيوب وشغلهم احترافي اكثر من اليدوي , مع انه اليدوي مو سهل على فكرة يجيبون لك ووفرات عالية الجودة ومن قوة الصوت تكسر لك الزجاج السيارة في 3 ثواني..

(اختيار Subwoofer وملحقاته..)

بعد بحث طويل طاحت عيني على قمر 14 وأفضل شئ من موقع امازون لاني ما ابغى اجازف اشتري من مواقع ثانية المهم هذي معلومات البضاعة والصور.


الشركة : ReAudio
الموديل : XXX 18">>> يعتبر اقوى واغلى واكبر نوع عند هذي الشركة.
السعر : $799.99 = 3000 ريال سعودي حصلته في مواقع اخرى بسعر 4700 ريال!! اتوقع امازون صفقة رابحة..

Peak : 4000 watt


RMS : 2000 watt


حجم السماعة (قطر الدائرة) : 18 انش تقريبا 46 سم


وزن السماعة : 50 كيلو تقريبا

الموقع : Amazon
البائع : AudioSavings
رابط السلعة : http://www.amazon.com/gp/product/B00334NOAI


طيب يا رجال حضرتك عبالك في امبليفاير (Amplifier) في السعودية بيعطيك 2000 واط على ch1 ؟؟؟
المهم قلت دام هذا وحش بالحجم هذا خلني اخذ امبليفاير مرة وحدة , واقعد لك اسال في المختصين الي في موقع AudioSavings
بعد بحث مدته اسبوع حصلت ومن عزيزنا Amazon الامبليفاير الي باخذه على هذي السماعة واليكم معلومات السلعة مع الصور..

الشركة : HiFonics
الموديل : Brutus BXI2610D
السعر : $499.99 = 1875 ريال سعودي .
مواصفات القوة :

1x 850 W @ 4 Ohms, 1 x 1700 W @ 2 Ohms, 1 x 2600 W @ 1 Ohm

معلومات اخرى : معاه تحكم ريموت ديجيتال بقوة الووفرة تحكم منعزل + مميزات ولا اقوى منها حماية عند الانقطاع الكهربي المفاجئ مضاد للحرارة الشديدة , باختصار يحمي السماعة من احتراق الـ Voice coil والحامي رب العالمين..
الموقع : Amazon
البائع : sigmaenterprises
رابط السلعة : http://www.amazon.com/gp/product/B001R7S9EY


السالفة مو خالصة يا رجال , باقي الكيبل الي يوصل بين البطارية الى الامبليفاير ومنه الى الووفرة, طبعا موجود عندنا الكيابل الي يسموها Amplifier Wiring kit الي بالسوق مشي حالك اما الووفرات الاحترافية يبغى لها كيابل من نوع احترافي اخر..
المهم اقوى شركة حصلتها اسمها Monster شركة معروفة في صناعة كيابل HDMI للتلفاز والبلايستشين..
من مميزات هذا الكيبل راح يرسلك كامل الباور من البطارية الي تحتاجه وراح تسمع صوت الباس افضل بشكل عميق ونظيف هو الوسيط الي يشغلك الامبليفاير وانت تحتاج الى 1700 واط على الاقل بشكل مستمر وحجم الكيبل مخيف وثقيل ...
المهم ما حصلته في الامازون اضطريت اشتريه من موقع ثاني وهو نفس الي باع لي السماعة في الامازون موقع AudioSavings

البعض بيسالني ليش ما شريت السماعة والكيبل من نفس الموقع بدل من الامازون؟
الجواب الامازون اثق فيهم ثقة عمياء اما المواقع الثانية مو مرة مع انها فيها شهادة ضمان وخدمات للعميل وكل شئ بحقه مع ذلك بجرب بشتري حاجة معقولة للتجربة..


الشركة : Monster
السلعة : Monster Cables 400 Series1500 watts 1/0 Gauge Amplifier
السعر : $124.95 = 468.5 ريال سعودي
رابط السلعة : http://www.audiosavings.com/products/Complete-Car-Amplifier-Installation-kit/MONSTER-CABLE-MPC-P400-BAP1500-1-0-GAUGE-AMP-WIRE-KIT/MPC+P400+BAP1500.aspx
وبعد ما دفعت لهم , قالي انتظر نرد عليك انتظرت يوم سحبوا المبلغ وكل شئ بعدين احصل رسالة مكتوب في حسابي في موقعهم (نرجو الاتصال لتاكيد الهوية) ايه ويش عليك شافوا المشتري سعودي اعتبروه سبام ويلا تعال سوي تاكيد هوية حسبوني لا وسحبوا المبلغ , المهم اتصلت عليهم ما حد رد تركت رسالة بالمجيب الالي اني شريت من عندهم وارجو اكمال العملية , بعدها رسلت لهم بالبريد اني اتصلت ولا احد رد وارجو انكم تكملوا لي العملية وتشحنوا لي البضاعة..>>> عرفتوا السبب ليش ما اشتريت منهم السماعة واخذتها منهم لانه الامازون مشى لي الطلبية زي الحلاوة وهذول قالوا لي تفعيل مدري تاكيد هوية..

المهم قالوا تم تاكيد الهوية وسوف يتم شحن الكيابل الى عنوانك ^^ وهذا التراكنج حق الـ 3 اغراض الي شريتهم كالتالي :

تراكنج الى السب ووفر

تراكنج الى الامبليفاير


تراكنج الى المونستر كيبل



التراكنج البضاعة من myus الى الدمام :


اسعار البضاعات مع الشحن الداخلي :

السماعة السب ووفر : قيمتها $799.99 + الشحن مجاني = 3000 ريال
جهاز الامبليفاير : قيمتها $499.99 + الشحن $24.31 >> عبالي مستعجل بس ما استفدت شئ = 1966 ريال
المونستر كيبل : قيمتها $124.95 + الشحن مجاني = 469 ريال

المجموع الكلي بدون شحنها للسعودية : 5435 ريال

حساب الاوزان مع الشحن ومقارنته مع ارامكس :
طبعا بدون ضرائب لانه الصندوق في فلوريدا لو ارامكس اخذوا 80 دولار ضريبة على السماعة لانه صناديق بريدهم في نيويورك!!!
طيب نجي الى شركة MyUs وطبعا ماطبت في بالي سالفة الجمارك وانها تاخذ فلوس لاني كنت في ارامكس واشحن اشياء خفيفة
المهم اتبعت نصائح اخواني الكرام (GIFT + PERSONAL USE + DECLEARE VALUE )
بالنسبة للشحن بحسبها بشكل تقريبي لاني شاحن العاب وبعض الاشياء حق اخواني واجهزة حق الوالد.
نحسب الاوزان السماعة 117 + الامبليفاير 18 + الكيابل 16 = 151 باوند تقريبا يعني 69 كيلوجرام تقريبا..
تكلفة شحن الاغراض كاملة : 1800 ريال طبعا في فلوس بسيطة حقت الستيكرات والاكياس الهوائية ما يحتاج ذكره..

التكلفة الاجمالية مع الشحن : 1800 + 5435 = 7235 ريال
-------------------------------------------------
(وصول البضاعة الموقرة واستلامها من مكتب DHL )
الحمدالله الجمارك ما اخذوا الا بس : 266 ريال فقط مع العلم سعر البضاعة الوهمية المسجلة في الفاتورة 2999 ريال وفواصل..

(حالة البضاعة من سلامتها )

السماعة : جت بالكرتونة الاصلية كبيرة جدا ثقيلة لازم 2 يشيلوها حالتها : فيها ضربات قاسية على الجوانب وشكلهم فتحوا الكرتون بس ما يدرون ويش في داخل لان السماعة داخل قالب خشبي اسطواني سميك ولازم تفك 5 مسامير وسالفة , والسماعة من داخل حالتها ممتازة 100%

الكيابل :حطوها في علبة كبيرة داخلها علب صغار لاغراض اخواني الي من امازون وجت بالكرتون الاصلي وحالتها سليمة.. 100%

الامبليفاير : O_0 صدمة اليمة الصراحة الامبليفاير في علبته الاصلية وحاطين عليه ستيكر قابل للكسر يعني مو داخل كرتون واكياس هوائية مثل ما طلبت من myus يعني تخيلت الامبليفاير طالع من ولاية الى ولاية والى بريطانيا والى البحرين وهو في هذي الحالة , والجمارك الله يتولاهم مدخلين موس وفاتحين العلبة بعنف اثار الموس على الامبليفاير من فوق يعني يعتبر خدش سطحي وليس عميق المعدن ستيل وفي كسر بسيط جدا عند قاعدة الامبليفاير البلاستيك ثبته بي سوبر قلو والحمدالله جات سليمة..

الحمدالله اغلب الخوف راح البضاعة سليمة وكاملة والكامل الله عز وجل , الجمارك معقولة واتوقع موظف الجمارك فاطر كبدة ومزاجه رايق..
وهذي صور البضاعة بعد الاستلام :








لاحظوا الكرتون على الزواية كيف حتى الفلينة ما سلمت من التخريب الحمدالله الووفرة في صندوق خشبي



تصدقون ما دريت انه الامبليفاير طويل الا لمن وصل مين قدك






استكر للسيارة من شركة ReAudio يبون اسوي لهم دعاية



الكتالوج حق السماعة ويشرح لك كم حجم الصندوق المناسب و و..


قعدت نص ساعة وانا افك بالبراغي


ويطلع لك قمر الليل


ماشاء الله تبارك الله







هذا الي يكسر بالخاطر رحبوا فيه




الحواف ذكرني بدونات كرسبي كريم



مقارنة حجمها مع لابتوبي



في الختام :

هذا الموقع التعامل معاه ممتاز وجميع الاجهزة الصوتية مخفضة والشحن مجاني على كل البضائع وفي خبراء تقدر تسالهم عن السماعات وايش يقدر يقترح لك كيابل ولا امبليفاير محل متكامل تجربتي معاه ممتازة لحد الان..
http://www.audiosavings.com/

تقدر تشتري نظام صوتي من الخارج وثاني شئ تتميز فيه تصفح الموقع الي فوق وشوف الانواع عالم واسعارها معقولة..
وهذا سعر معقول خاصة انه هالانظمة الصوتية غير متوفرة في السوق + اسعار الامبليفاير في امريكا رخيصة جدا مقارنة بالسعودية وجودتها عالية واشجع اي واحد يبغى يركب نظام صوتي احترافي لا يبخل على نفسه ترى الانواع كثيرة والاسعار جيدة الصراحة..
---------------------------------------------------

(بعد التركيب والتجربة )

صوت الووفرة قوية جدا الفرق بين 12" او 15" او 18" الباس يكون عميق كل ما كبر حجم السماعة ومن هذي التجربة حجم 18 ما يصلح الا على جمس او اي سيارة دفع رباعي كبيرة , الصوت من قوته يهز السيارة بالكامل ما اتوقع اقدر اسوق في الشارع العام بعد ما تنزل من السيارة تحس في طنين في اذنك راح تكون لي مشاكل في المستقبل البعيد XD , غير ذلك كل ما صارت الووفرة قوية تطلع اصوات في السيارة مزعجة في الشنطة او داخل بين الحديد وهذا الحل حقه تحط عازل صوتي يكون مثل الاسفنج السميك ويكتم لك الارتجاجات وتسمع صوت الباس نقي جدا , طبعا ركبت بطارية اضافية في الشنطة والفني عطاني ربع قوة الووفرة فقط , والسبب راح تطفي كهربة السيارة بشكل كامل والسبب مو من الامبليفاير من نفس الووفرة قوتها 2000 واط فعلي طلب مني دينمو كهرباء للسيارة Alternator ..
الكابريس جا عليها دينمو قوته 70 امبير و يبغى دينمو فوق 150 امبير عشان يعطيني الباور كامل حق الووفرة وما تكون في مشاكل في الكهرباء حصلت لي دينمو 140 امبير سعره 420 ريال ولسه قاعد ادور على واحد اكثر قوة , مع العلم حاليا مع كل دقة في الووفرة تضعف الانوار السيارة والاصطابات كاملة , الصراحة انا ماخذ اغلى واقوى ووفرة بالنسبة لشركة Re Audio مع اني ما احتاج هذا الباور كله بس بشكل اخر مارح اطلب لي ووفرة ثانية في المستقبل.
كل ما تبغى تقوي سستم وتاخذ ووفرة قوية او اكثر من وحدة بتاخذ لك امبليفاير اقوى + بطاريات اضافية + تغيير دينمو + ارتجاجات في السيارة وما ترتاح من الصوت + بتركب لك عوازل عشان تمنع الضجيج + بتركب لك سبيكرات زيادة هذا اذا صوت الووفرات اقوى من السماعات.
عالم وسالفة طويلة....

الووفرة جميلة جدا لمن تشوفها ترج قدامك بتلاحظ لمن تسمع اغاني اقل النوتات تشوف الووفرة تتحرك تحس انها مخفية في الووفرات العادية بس هذي الووفرة تحلي لك جو الاغاني احسن وتفجر راسك في نفس الوقت طبعا عندي ريموت خاص اتحكم في قوة الووفرة على راحتي..

ناسف على التقصير ما وريتكم صورة الكيابل من كثر ما شدتني الووفرة
راح اعود لكم فيما بعد بالصور بعد التركيب انشاء الله

في النهاية حبيت اشكركم على حسن المتابعة وطبعا المجال مفتوح للاسئلة والاستفسارات ...

والسلام عليكم

ملاحظة تم التركيب السماعة والصور في صفحة 3 ارجو الاطلاع

 

 


Daipone غير متصل  
أشكر صاحب الموضوع
رد مع اقتباس

قديم 04-06-2011, 02:39 AM #2
الحياة لكمة
عضو فعال
 
الصورة الرمزية الحياة لكمة
 


الحياة لكمة @Twitter
افتراضي رد: تقرير مفصل : تجربة شراء مضخم صوت Subwoofer للسيارة , Amplifire , Amp Cables , صور





تقرير اكثر من رائع

ويتوب الله عليك من الاغاني

 

 



التعديل الأخير تم بواسطة الحياة لكمة ; 04-06-2011 الساعة 02:44 AM.
الحياة لكمة غير متصل  
7 - 2
رد مع اقتباس

قديم 04-06-2011, 02:43 AM #3
Proo_Khaled
وسيط
 
الصورة الرمزية Proo_Khaled
 


Proo_Khaled @Twitter
افتراضي رد: تقرير مفصل : تجربة شراء مضخم صوت Subwoofer للسيارة , Amplifire , Amp Cables , صور





موضوع رائع وتجربة موفقة يالغالي

تتهنى فيها ان شاء الله

 

 


Proo_Khaled غير متصل  
رد مع اقتباس

قديم 04-06-2011, 02:52 AM #4
ابيض وازرق
عضو متميز
 
الصورة الرمزية ابيض وازرق
 


ابيض وازرق @Facebook ابيض وازرق @Twitter
افتراضي رد: تقرير مفصل : تجربة شراء مضخم صوت Subwoofer للسيارة , Amplifire , Amp Cables , صور





يعطيك العافيه على الشرح,,

بس سؤال ؟

كل الاشياء هذي عشان ايش؟

يعني ازعاج؟

او مثلاً ايش؟

اتمنى ماتتضايق من كلامي,,

سلام

 

 


ابيض وازرق متصل الآن  
7 - 3
رد مع اقتباس

قديم 04-06-2011, 02:57 AM #5
رايح ملح
وسيط
 
الصورة الرمزية رايح ملح
 


رايح ملح @Twitter
افتراضي رد: تقرير مفصل : تجربة شراء مضخم صوت Subwoofer للسيارة , Amplifire , Amp Cables , صور





هههههههههههههه عليك بالعافيه انت شنو طالب 68 كيلو >> اكثر شي طلبته 3 كيلو خخخخ

بس قوة السماعه عظيمه تشغلها وانت تمشي بالسيارة @@ .. ناوي على اذنك ؟ @@

احس هذي السماعه مكانها المناسب بالشنطه .. يعني لصارت مناسبه تشغلها وانت ( برا السياره @@ ) <<-- من النوع اللي اذانه حساسه فيفكر كل الناس مثله


ومشكور على التقرير

 

 


رايح ملح متصل الآن  
رد مع اقتباس

قديم 04-06-2011, 03:10 AM #6
psp9917
عضو نادر
 
الصورة الرمزية psp9917
 


psp9917 @Youtube
افتراضي رد: تقرير مفصل : تجربة شراء مضخم صوت Subwoofer للسيارة , Amplifire , Amp Cables , صور





تقرير رآئع .
وتجربة جميلة .

 

 

التوقيع
My Gaming PC
CPU : intel i7 950 OC 4.0Ghz
CPU Cooler : Corsair H70
MOB : ASUS Rampage III Formula
Ram : Corsair Dominator GT 6GB
GPU : EVGA GTX 570 SC ×2 = SLI
HDD : WD Black SATA III 1TB × 2 RAID 0 / WD 1TB Green / Hitachi Deskstar 2TB × 2
PSU : Corsair HX 850 watt
Case : CoolerMaster HAF-X
Monitor : Samsung PX2370
Mouse : Cyborg R.A.T. 7
Keyboard : Logitech G510

psp9917 غير متصل  
1
رد مع اقتباس

قديم 04-06-2011, 03:30 AM #7
BUGSHAN
عضو فعال
 
الصورة الرمزية BUGSHAN
 


BUGSHAN @Flickr BUGSHAN @Facebook BUGSHAN @Twitter
افتراضي رد: تقرير مفصل : تجربة شراء مضخم صوت Subwoofer للسيارة , Amplifire , Amp Cables , صور





موضوع رائع وتجربه موفقة

تتهنى فيها ان شاء الله

 

 


BUGSHAN غير متصل  
رد مع اقتباس

قديم 04-06-2011, 03:45 AM #8
booy_
عضو
 
الصورة الرمزية booy_
 


افتراضي رد: تقرير مفصل : تجربة شراء مضخم صوت Subwoofer للسيارة , Amplifire , Amp Cables , صور





اختيار موقف الى الاوفر حيث يعتبر الاوفر SQL ازعاج وصافي في نفس الوقت

بالنسبة الى الامبلي فاير عندي واحد مثله (لاكن يلي عندي المديل القديم 2608d)
لو اخذت لك RockFord Fosgate 2500.1 احسن لك لان الهايفونكس يعذب بالوزان

يبيلك تعدل بكربة السيارة

البطارية يلي ركبتها شو نوعها ؟ وكم امبير ؟ وكيف كان اداء السستم قبل وبعد تركيب البطارية


ابي اوفر 18" بس شنطة السيارة صغيره

انا الاوفر يلي عندي dd 9515 يعتبر من اقوى الاوفرات


نقطه مهمه ( انتبة الامبلي فاير يسوي كلبنج clipping لانه راح يحرق الاوفر )

اهم شيء عرفت تشبك الوفر بالامبلي فاير


ياليت تحط صور التركيب

 

 

التوقيع
CPU : Intel Core 2 Quad 8400 2.66 GHz
MoBo : EP43-UD3L
RAM : OCZ 2x2 GB 800 MHz
Hard Disk : WD CAVIAR GREEN 500GB
Video Card : Sapphire ATi 4670 1GB GDDR3
Case : Thermaltake Wing RS 100
PSU : CoolMax 550W
Windows : 7 Ultimate 64 bit and xp 32 bit

booy_ غير متصل  
1
رد مع اقتباس

قديم 04-06-2011, 04:44 AM #9
ابو الزعامة
تم ايقاف العضوية لمخالفة قوانين الموقع
 
الصورة الرمزية ابو الزعامة
 


ابو الزعامة @Facebook
افتراضي مشاركة: تقرير مفصل : تجربة شراء مضخم صوت Subwoofer للسيارة , Amplifire , Amp Cables ,





تجربة مثيرة جداً ...

شكراً لك

 

 


ابو الزعامة غير متصل  
رد مع اقتباس

قديم 04-06-2011, 04:52 AM #10
زيـــــــــــــزو
عضو فعال
 
الصورة الرمزية زيـــــــــــــزو
 


MyUS

زيـــــــــــــزو @Twitter
افتراضي رد: تقرير مفصل : تجربة شراء مضخم صوت Subwoofer للسيارة , Amplifire , Amp Cables , صور






الله يعطيك خيرها ان شاء الله ويكفيك شرها وشر الأغاني
وتذكّر ( ان الله يغفر لامتي الا المجاهرين + واذا بليتم فاستتروا )

 

 


زيـــــــــــــزو غير متصل  
7 - 2
رد مع اقتباس

قديم 04-06-2011, 04:58 AM #11
Counter
Unknown Artist
 
الصورة الرمزية Counter
 


Counter @Twitter
افتراضي رد: تقرير مفصل : تجربة شراء مضخم صوت Subwoofer للسيارة , Amplifire , Amp Cables , صور





تقرير ممتاز وشامل


والله يهنيك فيه والحمدلله اني ماني بالدمام ولا كان ماجاني النوم من الصجه ههههههههههه

 

 

التوقيع

Counter غير متصل  
رد مع اقتباس

قديم 04-06-2011, 05:01 AM #12
بادن بادن
عضو فعال
 
الصورة الرمزية بادن بادن
 


افتراضي رد: تقرير مفصل : تجربة شراء مضخم صوت Subwoofer للسيارة , Amplifire , Amp Cables , صور





قل امين

الله يهديك ويتوب عليك

 

 


بادن بادن غير متصل  
2 - 1
رد مع اقتباس

قديم 04-06-2011, 07:00 AM #13
ToP-MaN 2
عضو نادر
 
الصورة الرمزية ToP-MaN 2
 


ToP-MaN 2 @Facebook ToP-MaN 2 @Twitter
افتراضي رد: تقرير مفصل : تجربة شراء مضخم صوت Subwoofer للسيارة , Amplifire , Amp Cables , صور





تجربة موفقة !

 

 


ToP-MaN 2 غير متصل  
0 - 1
رد مع اقتباس

قديم 04-06-2011, 07:02 AM #14
kar911
عضو فعال
 
الصورة الرمزية kar911
 


افتراضي رد: تقرير مفصل : تجربة شراء مضخم صوت Subwoofer للسيارة , Amplifire , Amp Cables , صور





,,,’’ تجربة موفقة ’’,,,

 

 

التوقيع
CPU:intal i5-750 2.66 GHz
motherboard:gigabyte GA-P55A-UD3
RAM:kingston KVR 4GB ( 2x2 ) DDR3 1333 GHz
graphic card:XFX AMD 6850
HDD:WD Blue 500GB 16MB cach
DVD:samsong 22x
power supply: coolmax RM-850w
case:Thermatake M5
Monitor:samsong 23" Samsong P2370HD Full HD
**تجاربي في الشراء من الانترنت
**
<1>
<2>
<3>
<4>


kar911 غير متصل  
رد مع اقتباس

قديم 04-06-2011, 07:20 AM #15
ررعد
عضو
 
الصورة الرمزية ررعد
 


افتراضي رد: تقرير مفصل : تجربة شراء مضخم صوت Subwoofer للسيارة , Amplifire , Amp Cables , صور





الله عليك . مبدع بتقريرك .. واحسك فاهم في هالامور .. مع العلم اني اكرره امازون .. اذا بغيت شي اصلي لازم اشتريه من الموقع الرسمي .. عموماً تجربه ناجحه .. وموفق ان شاء الله

 

 


ررعد غير متصل  
رد مع اقتباس

قديم 04-06-2011, 07:30 AM #16
TOoOmii
عضو
 
الصورة الرمزية TOoOmii
 


MyUS

افتراضي رد: تقرير مفصل : تجربة شراء مضخم صوت Subwoofer للسيارة , Amplifire , Amp Cables , صور





تجربة مميزة , آشكرك ع مشاركتنآ تجربتك

 

 

التوقيع
Dark Side


TOoOmii غير متصل  
رد مع اقتباس

قديم 04-06-2011, 08:24 AM #17
sea166
عضو مبدع
 
الصورة الرمزية sea166
 


MyUS

افتراضي رد: تقرير مفصل : تجربة شراء مضخم صوت Subwoofer للسيارة , Amplifire , Amp Cables , صور





مشاء الله تبارك الرحمن

الانظمة الصوتية متعه ثانية

بس متعتي في المنزل مالي في نظام السيارة

تتهنى فيهم يارب

وتجربة مختلفه وجميلة

احترامي

 

 


sea166 غير متصل  
رد مع اقتباس

قديم 04-06-2011, 11:54 AM #18
محمد901
عضو
 
الصورة الرمزية محمد901
 


محمد901 @Facebook محمد901 @Twitter
افتراضي رد: تقرير مفصل : تجربة شراء مضخم صوت Subwoofer للسيارة , Amplifire , Amp Cables , صور





تجربة موفقة
دمت مبدع دائماً

 

 


محمد901 غير متصل  
رد مع اقتباس

قديم 04-06-2011, 12:12 PM #19
رذآذ الحب
عضو متميز
 
الصورة الرمزية رذآذ الحب
 


رذآذ الحب @Twitter
افتراضي رد: تقرير مفصل : تجربة شراء مضخم صوت Subwoofer للسيارة , Amplifire , Amp Cables , صور





يَ شبآب يمكن الرجل يبي يشغل قرآن في الحآره آخر الليل ويرفع الصوت ..
لاتدخلون في النوآيآ ..


بس يآخوي انت بآيع اذنك مع ذي السماعات,,

ذي السماعات تنفع في حفلات ولا محآورآت .. مو في سيآره ^_^ ..

 

 

التوقيع
MacPro'13 inc
iPhone 5S'16GB

رذآذ الحب غير متصل  
3
رد مع اقتباس

قديم 04-06-2011, 12:59 PM #20
علي الزرقي
عضو
 
الصورة الرمزية علي الزرقي
 


افتراضي رد: تقرير مفصل : تجربة شراء مضخم صوت Subwoofer للسيارة , Amplifire , Amp Cables , صور





تجربة مميزة , آشكرك ع مشاركتنآ تجربتك

 

 

التوقيع
تجربتي في شراء ساعه Casio من موقع amazon والناقل الرسمي aramex

http://bit.ly/oz4Qoe

علي الزرقي غير متصل  
رد مع اقتباس

إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:26 AM.


الموضوعات المنشورة في المنتدى لا تعبر بالضرورة عن رأي الموقع انما تعبر عن رأي كاتبها فقط

البوابة الرقمية - adslgate.com
جميع الحقوق محفوظة لمنتدى البوابة الرقمية - adslgate.com
Our Goal:  Provide the knowledge about Technology/Telecommunication/Broadband/E-Commerce to the societies in the Middle East.