دليلك في التصميم والطباعة والفرز الإحترافي .: التصاميم الإحترافية

[بحرق]

السلام عليكم ورحمه الله وبركاته

كيفكم شباب

هذه موضوع عن اي استفسار عن مشاكل الطباعة والفرز بالمطابع

مثلا اغلبكم بيصمم بالفوتوشوب للمواقع وبنرات و رسومات للجهاز

لكن وقت ما يودي تصميمه للمطبعة يلقى الالوان مختلفه وفيه عيوب بالفرز ومشاكل لا يعلمها إلا الله

الموضوع للنقاش والسؤال وليس لطرح مواضيع .. لكن بقول بعض القواعد المهمة العامة

تحديد المقاس .. يلزم قبل التصميم تحديد المقاس التصميم و تحديد الدقة وهوامش القص
بحيث لا يكون نص قريب من حافة القص لانه ممكن تتحرك مكينه القص شويه وتقطع على الكلام الموجود في طرف الورقة .. اقل تقدير 1 سم هوامش من كل جهه

نوعية الالوان ... يلزم تختار من برنامج فوتوشوب على نوعية الوان cmyk اربعه لون .. وعند تسليم السيدي للمطبعة تحفظ الملف على هيئة tif والليرات مغلقة ويكون نوع الالاون cmyk للتأكيد لأن لو عطيت المطبعة نوعيه الوان RGB راح تواجههم مشاكل في الفرز

اختيار الالوان
يلزم عدم استخدام لون فاتح جدا لان الالوان الباهته لا تظهر عند الفرز كاستخدام الارضيات السماوي او الرمادي الفاتح وعند مشاهدة الصورة مطبوعة بالمطبعه تلقى الارضية بيضاء تماما .. اقل تقدير لأختيار احد الالوان فوق 15% ولأكثر ... اقل من 10% من قوة اللون في الطيف اللوني CMYK لا يظهر شي ابدا ابدا .. لا ينزل في الافلام الفرز

البرنامج المناسب للتصميم
عند تصميم برشور أو مجله يلزم تكون دقه التصميم 300 DPI ويكون عادة بالفوتوشوب ..
لكن اذا كانت في نصوص صغيرة وكثيرة مثل بعض المفكرات الصغيرة في الجيب أو مجله من الافضل استخدم النصوص ببرنامج ادوبي لستليتر في النصوص لوضوح النصوص على برنامج الالستليتر حيث ان الفوتوشوب يظهر تكسير أو بكسلات النصوص الصغيرة وهو غير مناسب ابدا في كتابه النصوص الصغيرة مثل المفكرات الصغيرة و الكروت البزنس أو اي عمل يكون في نصوص صغيرة بكثرة .. طبعا تكون ارضية التصميم بالفوتوشوب وتحمل الارضية على الاليتليتر بكل تأكيد

الفرز من برنامج الاستليتر اولا
إذا كانت فيه فونتات مستخدمه تحول إلى كيرف أو اوت لايت ..بالضغط على مفتاح CTRL +O
وحفظ الملف بأسم اخر لعل وعسى تريد تعدل النص في مرة ثانيه أو تعمل اي تعديل على التصميم
وثانيا تأكد من تحميل الارضيات من قائمة LINK في قائمة WINDOWS يلزم يكون اللينك مدمج ولا يكون رابط لينك لموقع الارضية بجهازك

لتصميم المجلات الكبيرة والكتب الكبيرة
افضل تصميم للتريب برنامج إن ديزاين من ادوبي لاكن مشاكله في الفرز كثيرة لحد الآن وقليل من المطابع تدعم هذا البرنامج لكن في طرق أمنه للطباعة به بدون خوف نشرحها لاحقا لو لقينا تفاعل معاكم

قوالب القص .. ( داي كت )مثلا ما تلقى ببعض السوبرماركت اورقات مقصوصة بطريقة عجيبة كيف تتفاهم مع المطبعة تقله تقصة زي كذا .. ما ينفع

هذه يسمى قالب قص يكون ملف اخر بالسيدي إلى رايح للمطبعة تحط فيه شكل القصة المكان المقصوص يكون خط كامل والمكان غلى فيه طي يكون في خط متطقع ويكون عادة بالفوتوشوب

اي مطبوعة تروح للمطبعة لازم ترفق ورقة مطبوعة من طابعتك عشان المطبعة يقدر يوزن اللون اكثر شي للون المشابهه للنموذج إلى معطية اياه لانه بكل تأكيد لو ما عطيته بروفا راح يخطي وتلقى الالوان مو نفسها يا قويه يا فاتحه يا غامقه والله واعلم ضروري جدا جدا جدا بروفة مطبوعة للوزن في المطبعة .
وبكل تاكيد لازم يكون في اختلاف بسيط بين المطبعة والطابعة بس يكون بالحد المعقول


اي استفسار انا حاضر الموضوع لكم ومنكم نستفيد

 

 

[al7ubb]

موضوع مفيد جدا جدا

بس لو كان مرفق معه بعض الصور من البرامج حتى يسهل فهمها بكل وضوح

______


فيه معلومة بسيطة حبيت اوضحها بهالصورة



في الوان الطباعة .. للحصول على احد الالوان الاربعة صافي .. اجعل نسبته 100% وباقي النسب 0%

واذا خليتها كلها 0% راح يظهر لك اللون الابيض

اما اذا خليتها كلها 100% فسيظهر لك اللون الاسود الداكن




أما الوان النشر على شبكة الانترنت فاذا اردت اللون صافي .. اجعل رقمه 255
وباقي اللونين 0

واذا خليتها كلها صفر بيظهر لك اللون الاسود الداكن

اما اذا كلها 255 فسيظهر لك اللون الابيض


ودمتم على خير

 

 

[الهشام]

ماشاء الله

والله ابداع أخوي بحرق

انا من شفتك في مذهل وانا أقول الرجال ماشاء الله عليه مبدع

الا انت تشتغل في مجال الدعاية والاعلان ولا ايش؟

ويسلمو الحب على الاضافة اللي ماكنت اعرفها

 

 

[طلال التميمي]

موضوع متميز وانا استفدت منه كثير..


جزاكم الله كل خير..وبارك الله فيكم

 

 

[الأستاذ فواز]

موضوع مميز
أسجل إعجابي

تم حفظة في المفضلة
لنا عودة

تحيتي

 

 

[سراب الشوق]

وعليكم السلام ورحمة الله وبركاته


يعطيك العافيه اخوي / بحرق ..


تم وضع خمس نجوم للموضوع ..

وايضا تم تثبيته .. واتمنى ان يكون موضوع من اغنى المواضيع في مجاله ..


اخوك /
سراب الشوق

 

 

[بحرق]

منتظر تفاعلكم

الموضوع باقي .. وبحط معلومات وإلى يبغى يشوف يشوف ولا ما وده بس يعطينا نص وجه ..

على العموم بكمل موضوعي ونحتسب الأجر عند الله ونفيد الاعضاء

هذه بعض معلومات الطباعة المتقدمه شوي

اللون الخامس .. >> بيرجكم شوي

واللون السادس والسابع والثامن .. اوف ما شاء الله

لا ما أمزح حقيقي هذه في تقدر تحط الوان على كيفك وتسمى الوان خاصة .. كيف هذه وفكرتها وفائدتها

ما قد شفت مجلة لشركات السيارات مثلا .. تلقى لون فضي كذا كأنه رشة بويه .. أو لامع بشكل غريب كذا ما تحس إنه لون تحس إنه كأنه رشة بويه .. ( طبعا لا تصيرو عقولكم مقفله وتفكروها بويه لا بس عشان الشرح فقط وتعرف تفرق ) عادة ما يكون لون فضي أو لون الذهبي .. لاكن ليس التذهيب لا مو هذا قصدي
إلى شاف مجلات سيارات حقت Bmw ولا حقت تويوتا اخر بروشورات لهم مستخدميت الوان اضافيه اللون الفضي وايضا بروشور الاودي للسيارات .. وفيه الوان كثيرة للون الخامس او سادس مو شرط فضي أو ذهبي ممكن يكون كحلي أو اسود .. أو عودي .. بس عاده الناس ما تستخدم الفضي لجماله .. وروعته
وهذا ما يسمى بالفوتوشوب ( سبيشل كلر ) أي لون خاص وله قناه لونيه مستقله في برنامج الفوتشوب في مكان الالوان .. إذا ودك تعرف الالوان ببرنامج فوتوشوب اضغط على Ctrl + 1 و Ctrl + 2 و Ctrl + 3 و Ctrl + 4 عشان ممكن تستوعب الفكرة هذه لازم يكون اربع لون عشان تفهم يعني Cmyk عشان تفهم اربعه لون مو يكون Rgb لألون الشاشة .. وتقدر تضيف الوان اضافية وسبشل كلر في القنوات الالوان في الفوتشوب زي ما تحب ولا يطلع لك اللون على الشاشة .. السبب ..

السبب الفكرة تروح للمطبعة وتوخذ لك الكود حقت اللون لا السبشل كلر له كم شركة محتكرة هالالوان المعروفة والمشهورة .. شركة بانتوم .. ( ما احب اكتب اسم الشركات بالانجليزي ) لكن هذه المتعارف عليها لازم توخذ لك زي الورق كذا فيه الالوان خاصة وتوخذ الكود حقت اللون وتحطة بالفوتوشوب عشان لو راح المطبعة يطلع نفس اللون الخاص ..

من فوائد هذا اللون ايضا .. مثل بعض الماركات المعروفة لازم تخافظ على نمرة لونها يعني مشكلة المطابع لو طبعت في طابعة في جدة وطابعة في الهند لازم يختلف اللون ولو نبره ولو حتى طبعت نفس المطبوعة بنفس المطبعة بوقت ثاني راح يطلع اللون يفرق شويه .. فأصحاب الماركات المعروفة ولهم لون معروف كمثلا شركة انتل أو اومو باللون الازرق المعروف أو غيرهم يستخدمون الالوان الخاصة ولا يكون لها لمعة لا شكل مميز لكن لضمان ظهور اللون بنفس الدرجة بالضبط ..

طبعا على العموم اللون الخامس أو سادس ( ممكن تضيف لونين مميزة مثلا فضي و كحلي بنفس المطبوعة ) يكلف مبالغ خياليه وغاليه وقليل من يعملها لأي شي .. ومو أي مطبعة تسوي هالالوان .. يعتبر شي متقدم هذا ..

ندخل بموضوع ثاني
البصمة ( التذهيب ) ما قد شفت لك مطبوعة محفور فيها تذهيب مثل إلى يحفرون فيها حقون المكتبات ..
هذه تسمى بالصمة .. طريقتها تسوي ملف اخر فوتوشوب وتخلي فيه التذهيب لونه اسود فقط .. يعني ملف كذا فاضي فقط فيه الشي المذهب مثلا كتابه اسم الكتاب ويكون لونه اسود وتحطة بالسيدي وخلاص بس كذا وتفهم المطبعة تقله فيه بصمة لونها ذهبي ولا فضي .. ما في شي تميزة بالفوتوشوب وهو يفهم من حاله المطبعة لازم تشرح له وش تبغى فضي ولا ذهبي ..

اللميع .. أو ما يعرف ( سبوت يوفي ) أو مع التعريب لها ( ورنيش محدد )
لما تشوف مجلات السيارات برضوا ( دائما مجلات السيارات يكشخون في تصميمها ) تلقى منطقة البويات لميعة زيادة أو بعض مناطق الاجزاء فيها لمعة اضافية ..
هذه ( سبت يوفي ) وطريقته سهلة برضو لكل ملف تخلي المناطق اللميعة سوداء تماما بملف منفصل و ترفقه بنفس السيدي وتقل المطبعة ايضا فيه سبوت يوفي وهو يعرفون شغلهم ..
هذه درس اليوم .. بصراحة مرة نايمية ادري الموضوع نظري ما فيه صور وفي اشياء غامضة وغير مفهومة لكن لو شي ودكم يزيد شرحه راح ارفق صور له ..للتوضيح

لسا باقي دروس ..

 

 

[makhloof]

قريت الموضوع

ردك الثاني لسى ما قريته

اذا تبى وجوه تفضل

 

 

[hasanhz]

موضوع جميل وتشكر عليه
ومزيداًمن الإبداع

 

 

[سلطان السلطان]

يعطيك العافية اخي بحرق على الشرح الجميل
وكان لي متابعه له في منتدي اخرى لكن انتظر منك المتابعه في الموضوع


تحياتي لك

 

 

[مهندس زمانه]

موضوع رائع ومفيد جداً ..
لكن ليتك يا أخ "بحرق" تتطرق لأسعار الطباعة العادية ، وهل تختلف الأسعار حسب كثرة الألوان ؟
وهل السعر يعتمد على المقاس ؟ وهنا سؤال أيضاً : هل تتعامل المطابع مع أعداد قليلة ( 10 نسخ مثلاً ) ، ولا لازم عدد معين ؟ يعني لو عندي تصميم وأريد أن أطبعه في لوحة واحدة وأضعها في المنزل مثلاً ، أين أجد من يقوم بذلك؟
أيضاً بسألك عن الكروت الشخصية ، كيف نظام المطابع فيها ؟
بالعربي أين أجد المطابع في الرياض ؟ عذراً على الإطالة لكن الموضوع يشغلني جداً والحمد لله أن وجدت أخ لي يطرحه عن دراية وقرب بالموضوع ..
وتقبل تحياتي ...

 

 

[النادمــ]

موضـــــــــــــــــــوع
رائــــــــــــــــع اخويـــــــــ
بحرقـ
الله يعطيــــــــك العــــــــــافيه

 

 

[بحرق]

بالنسبه للمطابع اقل كميه 500 نسخة .. وبعضهم يرفضو يقلك 1000 نسخة
السبب ( تكاليف قبل الطباعة من قوالب و مسودات وتجهيز طباعة يكلف المطبعة كثير قبل الطباعة يعني تجهيز طباعة فقط قد يكون الفين ريال مثلا والورق والحبر ما يكلفهم شي .. يعني لو بيطبع لك وحدة بتكلفك مثلا 3000 الاف ريال على سبيل المثال ومثلا لو بتطبع 1000 نسخة تكلفك 3500 ريال ومو مبالغه هذه الكلام لانه المطبعة كل ما زادت الكمية كل ما قل السعر بشكل خيالي جدا .. عند طباعة مثلا ميه الف نسخة تطلع سعر النسخة مبلغ لا يذكر بالهلل

سعر الطباعة يعتمد على المقاس والكمية ام الالوان ما له علاقه .. وايضا نوع الورق والسلوفان لميع مطفي ورنيش محدد وما شابه من موصفات الطباعة

بالنسبه للكروت الشخصية نفس الموضوع للمطبوعات العادية نفس التكاليف ونفس كل شي وبالنسبه للمطابع بالرياض ارخص من المطابع بجدة بكثير .. بسبب عندنا في جدة حركة السوق الاقتصادي متحرك اكثر من الرياض .. لعل وعسى يكون سبب مدري ليش في الرياض ارخص من جدة .. والفرق مو بسيط بصراحة ... بعض اهل جدة يطبعو بالرياض ويشحنو المطبوعات لجدة . إذا كانت كمية تستاهل ...

وافضل المطابع الحديثة بألآت حديثة بصراحة ابهرتني ادواتهم في القص والطباعة والدقه عندهم جميع الخدمات الطباعة بصراحة من ( مكائن طباعة بأحجام كبيرة + طباعة الكترونيه وليس بالطريقة الفرز التقليديه + ديفراق + سبشل كلر وانواع فاخرة جدا من السبشل كلر + داي كت + بتر وغراء + قوالب + الخ ) نادر ما تحصل مطبعة بجدة عندها جميع ادوات الطباعة فمثلا من يطبع استيكر لازق لا يطبع لك كيس يقلك ما عند الادوات القوالب .. أو من لا يطبع لك مجلة مو بنظام الدبوس .. الدبوس اغلب المطابع تتعامل مع الدبوس ولا بتر وغراء وكعب هذه مو اي مطبعة تسويها لان لها الآلت الخاصه

على العموم ابهرتني جودة طباعة مطابع يا هلا بالرياض .. ( با عبدالله ) طباعة نظيفه وجودة عاليه واسعار ايضا رخصيه لو كان فتح عندنا كان تعاملت معاه .. خاصه ان صاحب المطبعة انسان معروف

وايضا من اكبر مطابع جدة ( مطابع السروات ) و ( مطابع دار العلم ) لكن قد يعيبهم مشكلة التعامل مع خدمة العملاء .. ومواعيدهم واسعارهم المبالغ فيها

 

 

[isamil.dsl]

موضـــــــــــــــــــوع
رائــــــــــــــــع

لو تحط امثله مصورة كان 100%

 

 

[abuthabit]

up

 

 

[بحرق]

طريقة رسم القالب

ما يعرف بالـ ( داي كت )

مثلا عمل تصميم يكون طباعته على شكل مختلف ..

أي يعني ليس مربع .. مثلا وجود انحنائات في التصميم

فمثال لهذه العمليه ( فولدر )

التصميم يعطى لير يسمى ( لير القطع )

وفكرة هذه اللير بالنسبه للطبعة

الخط المتصل ( هو خط السكين ) الطقع

والخط المنقط ( هو خط الطي أو التكسير ) اي عمل ثنيه

صورة توضيحية



لرسم قطع على شكل الفولدر

يسلم للمطبعة العمل على شكل ... لايرين

لير القطع الخط المتصل والمقطع

ولير التصميم

هذه هو العمل النهائي



المناطق اللامعه

المناطق اللامعة ..
أوما يعرب بالمطابع ( سبوت يوفي ) وترجتمه بالعربي ( ونيش محدد )

المطبوعات .. بعد عمليه الطباعة .. لها بعض عمليات جماليه

فمنهم من يضع فوق الطباعة ( طبقة سلوفان ) ويوجد نوعين ( مطفي و لميع ) يعطي للتصميم جمال .. وايضا طبقة حمايه للتصميم فمثلا المجلات تضح سلفان لميع لحمايتها .. هي بأختصار طبقة بلاستيكية خفيفه جدا امام الورق

لكن من باب الطباعة الفاخرة .. والاستعراض بالمطبوعات ..
فوق هذه الطباعة السلوفات المطفي فقط .. يضعو فوقها طبعة اخرى تمسى (سبوت يوفي ) ورنيش محدد ..

فمثلا مطبوعات مجلات السيارات .. على مكان البوية تلقى لمعه بالورق .. هذه تكاليف اضافيه وليست قليله .. .. تصل في الغالب لطباعة الورقة الواحدة لإضافه السلفان والسبوت يوفي إلى ريال واحد لكل ورقة .. اضافه على سعر الطباعة والورق والحبر .. وتعتبر تكلفة عاليه جدا .. وتختلف وتتفاوت من حجم المطبوعة وكمية المطبوعات وفي الغالب تكون بين نص ريال إلى ريال ..

يعني نفترض هذه مثل هذه المطبوعة على سبيل المثال فولدر بعد الطي 22 في 32 سم + جيب + طباعة لونين + ورق 350 جرام + سلفان مطفي

تكاليف طباعتها 8500 ريال لكمية 5000 الاف نسخة بواقع لكل نسخة 1.9 ريال وتسعين هلله

اما طباعتها بالسبت يوفي .. تكاليفها ترتفع تصل إلى 12 الف ريال تقريبا .. بسبب الورنش المحدد ..

يسلم الورنيش المحدد للمطبعة ايضا على شكل لير اضافي فوق التصميم طبعا اتكلم أنا على صيغة TIF لحفظ الملفات

بهذا الشكل يسلم


تهدير الورق

لنفس الفولدر طفشتكم فيه

المطابعة تجي نوعيات من مكائن المطابع



تجي مطبعة طباعة مقاس 50 في 70 سم وهي الغالب في المملكة
وتجي مطابع اكبر مقاس 100 ف 70 سم وهي موجودة لكن اسعارها مرتفعه ونادر تحصلها بالمطابع

بالنسبة لنفس الفولدر مثلا لو طبع على فرخ مقاس 50 في 70 سم .. فبيكون على الشكل الكتالب في مكنه الطباعة



فالملاحظ .. ان في مناطق فاضيه في عمليه الطباعة

هذه ما يسمى بتهدير الورق .. اي بمعنى اخر

المناطق البيضاء الموجوة في التصميم هذه المناطق بكل بساطة انت دافع تكاليفها وورق مهدر .. بكل بساطة ايضا تقل راعي المطبعة الله لا يهينك المناطق الفاضيه ابغى اطبع فيها بزنس كارد مثلا .. أو اي شي .. بكيفي دافع فلوسها .. وبنفس التكلفة طباعة الفولدر

لكن يوجد طريقة اخرى للتوفير هو فصل الجيب .. للتوضيع هذه الصورة توضح




الفرق اننا وضنعا الفولدر بدون الجيب الداخلي

فممكن يكون الجيب الداخلي .. يفرز بورق مستقل وطباعة مستقله

في هذه الطريقة قلنا تكلفة الطباعة للنص >> شوف شغل بو حضرم

فمثلا ..

اذا الورقة تكلف طباعتها 5 ريال .. لطباعة فولدر واحد ..
انا كذا ادفع 5 ريال لطباعة فولدرين لكن بدون جيوب داخليه وتكون الجيوب تطبع بشكل مستقل وتلزق من الداخل ..

طيب نفس الموضوع لكن بمطابع مقاس 100 في 70 سم

الملاحظ

اننا قدرنا نطبع فلودرين .. بورقة واحدة .. وايضا قدرنا نطبع مجموعة لابأس بها لاغلفة كاسيت ..

المفترض في عمليه الطباعة تكلفة الفلودرين .. نفس تكلفة الفولدرين مع الاشرطة الكاسبت .. لان هذه المنطقة البيضاء لمكان الكاسيت انت دافع فلوسها .. >> يلعن ام القحرطة



الشكل هذا يوضح



على العموم كذا قللنا التكلفة بشكل ممتاز .. لكن وين تحصل لك مطبعة عندنا مكنه 100 في 70 وتجيك السرا في الطباعة فيها ..

على العموم بعض المطابع بيأخر مطبوعاتك ..
بسبب يجمع اكبر كمية من ****ائن ويدخل مطبوعاتهم في ورقة واحدة .. اي يحلل الورقة .. ويكسب فيها ربح جيد .. .. فاكيد مريتو بمعاناه تأخير المطابع إلى اجل غير معلوم في عمليه تسليم المطبوعات ...

لماذا ترتفع التكلفة
عمليه الطباعة .. ليست مثل الطباعة بالطابعة المنزلية
بل اول عمليه طباعة تتم عبر مكنه فرز الالوان ...
اي طباعة اربع مسودات ( نقتف ) وفصلها ..
ثم المرحلة الثانيه يتم طباعة المسودات على لوح حديد ( بليت ) وتكلفة هذه العمليه قرابه لكل بليت لا يقل عن 100 ريال تقريبا يعني اول ما يفتحو لك بسم الله 400 ريال بعدين نتفاهم على الورق والحبر . لان هذه ما تكلف شي تقريبا ..

ان شاء استفدتو .. من هالمعلومات ... نتيجة خبرة وممارسة
إن شاء الله اصير ملك الطباعة في جدة ..

أكسر رجلو إلى يسرق موضوعي >> اخخخخ
عادي انقلو بس اذكرو المصدر والكاتب

اخوكم
بحرق

 

 

[yazeed_1999]

ابداع يا بحرق تسلم ع الموضوع

 

 

[S@@D]

ابداع الف شكر لك اخوي

 

 

[abuthabit]

يعطيك الف عافية

 

 

[بحرق]

مشكورين على مروركم للموضوع

حضرت هذا الدرس مدري واضح الشرح ولا يبغالي اشرح كمان

يظهر لي ان ما في مختصين كثير في الطباعة ومهتمين

اذا في اي استفسار منتظرين استفساراتكم ..

لاني بنزل معلومات اكثر .. بس مدري وش انزل وش اخلي ...

اخوكم
بحرق