تفضل هنا : للسؤال عن عيادات .. مستشفيات .. مراكز طبية

[mr_mgmg]

والله يالغالي في كل الاحوال نقص الوزن يسبب ترهلات
وانا نقصت وزني بالرياضه والرجيم العنيف<<<وركز يعني مو اي رجيم
كنت في اليوم اهرول 4 كيلو 2 بالعصر و2 على الساعه 10 او 11 بالليل
لاكن للحين ما حصلت اجابه معقوله محد يعرف دكتور متخصص وبشكل عام فنان في هذا المجال

 

 

[mr_mgmg]

طيب دام مافي ردود ليه المشرفين يمنعون اضافة مواضيع؟
شي يرفع الضغط

 

 

[السفاح الملثم]

اقتباس: المشاركة الأصلية كتبت بواسطة اهم شي     شباب تخبرولي مستوصف في الرياض حق تقويم اسنان رخيص وشغلهم زين؟ وياليت اسعارهم للتقويم اسنان الي فوق وتحت مثل الي بصوره حالتي الماديه معي دفعه اولى 1000ريال وتقصيد كل شهر 200ريال ضنكم احصل؟

اقتباس: المشاركة الأصلية كتبت بواسطة الممييز     انا رحت لطبيب وقالي تحتاج تقويم وجراحة في الفك العلوي تقويم سنة ثم جراحة ثم سنة تقويم أو تسعة شهور مشكلتي العضه لكم عليها ياليت افضل الأطباء بالرياض واسعارهم رخيصة واللي يعرف يسنعنا بحكومي ماراح ننساه بتعبه

فيه مستوصف يسوي تقويم للاسنان بـ 2990 بحي النخيل طريق الامام .. تشوف الاشاره اللي يصير الرياض جاليري يمينك انت روح يسار ويجي المحل على يمينك اسمه اضواء الطب العالمي

وفيه واحد بحي الشفا اسمه بيت العلاج بـ 2990 .. شارع الستين جنب بنك ساب

وفيه واحد مخرج 14 حي الريان بجوار مستشفى االتأمنيات وكمان سعره 2990


للامانه ماجربتهم ... بس الاهل جربو عاجي ولازال حتى الان كويس وسعرهم حلو ,,


اما بالنسبه لي فجربت مستوصف مساعد الزلال لي سنه ونصف تقريبا ... وسعره 7000
بس بصراحه شغلهم مراااااا حلو ,,,,


والله يوفقكم ,,,,,

 

 

[ksa love1]

مرحبا كيفكم يااحسن اعضاء

الموهم ياجماعه انا قدرالله علي وركبت تقويم اسنان من 5 سنوات او 6 حسبي الله عليه الي ركبه لي والله يوم فكيت التقويم ان اسناني اشين من قبل لو اني ماركبت تقويم كان احسسن بس يله شسوي
عاد الحين ابي اركب تقويم مره ثانيه ومابي نفس الغلطه تتكرر علي
ابي افضل مستوصف او مستشفى يركب تقويم بالريااااااااااااااض
وياحبذا لو يكون بغرب الرياض
طبعا مب لازم اهم شييي يكون مستوصف زين لو بشمال لو بشرق اهم شي احصل ع نتيجه مرضيه
فالي يعرف يفيدني مع ذكر اسم الدكتور او الدكتوره بس ابييي مجربيين مابي احد يقول سمعت وسمعت لان التجربه خير برهان ابي احد سوا تقويم وشاف نتيجه كويسه واسنانه ضبطت
يله احتريكم

 

 

[TALSHEHRI]

شباب استفساري مهم ولا لقيت الا الآن حل له


ابي مركز متخصص بالحجامه او مستوصف يسوي حجامه


لا تنسونا يا شباب

 

 

[ksa love1]

تكفون ردوووووووووووووووووووووووووووووولي خبررررر بالله عن احسن مستوصف لتقويم الاسنان بالرياض وياحبذا لو غرب الرياض ابي تحرررررررررررررررربه مابي سمعت وسمعت

 

 

[ksa love1]

من جرب تقويم الاسنان عند سعد الخرسه ؟؟

 

 

[ksa love1]

والله محد رد علي > الحزن كاسيني ياخي ليه لما الواحد يحط موضوع مستقل ينقلونه ؟؟؟

الموهم تكفون ياجماعه ابي رد

 

 

[اسطورة الالعاب]

السلام عليكم ورحمة الله وبركاته
اخواني بغيت الله لايهينكم افضل مستوصف اسنان وتكون يدين الدكتور خفيفه مع الاسنان
وشكرا

 

 

[DARK SKY]

سلام عليكم

شباب محد يعرف مكان كويس بالبحرين حق ازالة الشعر بالليزر او الي يسمونه ومض ضوئي او IPL ؟

يقولون هنا مرة غالي و بالبحرين ارخص

 

 

[ksa love1]

مافي احد ييرد ليه مايخلونا نكتب مواضيع بالعام ؟؟

 

 

[wolf-9]

اقتباس: المشاركة الأصلية كتبت بواسطة TALSHEHRI     شباب استفساري مهم ولا لقيت الا الآن حل له ابي مركز متخصص بالحجامه او مستوصف يسوي حجامه لا تنسونا يا شباب

اللي اعرفة واتعامل معه
هو مركز الحجامة الحديث في مكة جوار بنك سامبا ماغيره اللي في شارع الستين

 

 

[Any Thing]

اللي يسالون عن تقويم اسنان بالرياض
فيه مجمع الطب الشمولي مخرج خمسه دكتور فراس
بـ11 الف تقسيط
الدكتور فراس ممتاز وصدره وسيع يسمع لك ويشرح لك كل شي بالتفصيل الممل
تقولون افضل شي بجاوب عليكم وبقول كل شخص جرب مركز واحد بالتقويم
التقويم موب شي نسويه دايم عشان نقول تجاربنا بكذا مركز ونقول هذا افضل او ذاك


اللي يسالون عن طبيب اسنان كويس .. اللي يبي خلع فيه دكتور بالسويدي يده جدا جدا خفيفه
الدكتور اسمه عبدالرحمن في الجواهر اللي عند نفق السويدي

 

 

[علاووووي]

اقتباس: المشاركة الأصلية كتبت بواسطة TALSHEHRI     شباب استفساري مهم ولا لقيت الا الآن حل له ابي مركز متخصص بالحجامه او مستوصف يسوي حجامه لا تنسونا يا شباب

مثل ماقالك الرجال في واحد في الستين عند بنك سامبا متخصص في الحجامه . واحد من الشباب جربه ويمدحه لي .. والله اعلم ..

 

 

[علاووووي]

شباب حبيت اسأل انا عندي انحناء في العمود الفقري انحناء بسيط وابغى اعرف هل اروح نادي رياضي هم يضبطوني ولا في مركز علاج طبيعي ؟؟

وحبذا في مكه لا هنتم ..

 

 

[خـافي الشوق]

ياشباب مجمع الفيحا يسوي تقويم زينه بـ 900 ريال

تنصحون فيه ؟

 

 

[Long]

ما ادري اذا سؤالي يدخل ضمن العيادات والمراكز الطبية ولا لا، الاحظ في المستشفيات الخاصة انه البعض يجي بتأمين طبي، نفسي اعرف كم الاسعار وافضل الشركات ؟

شكرا

 

 

[علاووووي]

اقتباس: المشاركة الأصلية كتبت بواسطة Long     ما ادري اذا سؤالي يدخل ضمن العيادات والمراكز الطبية ولا لا، الاحظ في المستشفيات الخاصة انه البعض يجي بتأمين طبي، نفسي اعرف كم الاسعار وافضل الشركات ؟ شكرا

شوف عندك شركة بوبا وعندك التعاونيه للتامين هذي اللي اعرفها انت شوف موقعهم ابحث عنه في جوجل وشوف المميزات وقارن بينها وبين بعض .. بس انا اللي اعرفه ان السعودي ما يقدر يأمن الا بشروط معقده شوي الا اذا كنت شغال في شركه كبيره مثل ارامكو وسابك فالشركه تديك تأمين طبي ..

تحياتي ..

 

 

[fasoooly]

تكفووون ضروري جدااا
افضل دكتور متخصص بالاعصاب بجده لان الحاله كل مالها بزياده

يكون ماسك كاسه تطيح منه يكتب بقلم فجاءه يطيح يكون واقف فجاءه يطيح ومايقدر يتحكم بنفسه

ارجو الرد باسرع وقت

فيه ناس نصحوني بالدكتور نبيل سبانو بابراج البدريه يقولون حق عظام اعصاب

 

 

[challinger]

السلام عليكم و رحمة الله و بركاته

قدر الله على عمي و ابتلاه بمرض السرطان عفانا الله و إياكم من شر هالمرض الي ما يعرف الرحمة و الحمدلله على كل حال .. تيسرت الأمور و فتحنا له ملف في مستشفى الملك فيصل التخصصي وديت أوراقه الثلاثاء الماضي و اليوم تم إخباري بقبوله من قبل اللجنة و بكرة إن شاء الله بستلم كرت الموعد و الحقيقة مالي خبرة بهالمستشفى ودي الي له تجربة معهم يعلمنا عن الخدمة الي يوفرونها للمريض و كيف تعاملهم بشكل عام و هل الكوادر الطبية في المستشفى محل ثقة و هل مواعيده تتأخر و اذا عندكم مقترحات عن مستشفيات معروفة في هالمجال في خارج المملكة أثرونا بمقترحاتكم .

طبعا للإستزادة العلمية راح أذكر معلومات عن السرطان الي أصاب عمي

النوع : Liposarcoma

و هو من أندر أنواع السرطان يصيب الخلايا الشحمية و بدايته تكون على شكل كيس دهني و اذا أهمل لمدة طويلة يتحول إلى هالنوع من السرطان .

الطريقة الوحيدة لمحاربته بالإشعاع و الغريب أنه يملك حصانة قوية ضد العلاج الكيميائي .

بإنتظار أرائكم