Nespresso C120 للفخامة عنوان (L)

[RMAF]

السلام وعليكم

اليوم جيتكم بمكينة جديدة

هالمكينة تحفه صاغها ربي من أحلى التحف
شكلها حلو ووزنها خفيف وحجمها صغير وأداءها جبااااااااااااااااااااااااااااااااااااار

[IMG]http://i55.************/1z6w4f7.jpg[/IMG]


Nespersso C120 مكينة تعمل بنظام الكبسولات وملحق معها أبريق تبخير الحليب متوفره بأربع ألوان الأحمر والأسود والفضي والبيج
وممكن تصلح كوبتشينو أو لاتيه أو أسبريسو أو كاراميل مكياتو أو أسبريسو مكياتو

أساس أي مشروب
1. قهوة .... 2. حليب برغوة وبدون

إذا توفر الأساس عندك بجوده عاليه ممكن تعمل كوفي مثل ماهو موجود في أي مقهى

مثال:
الكابتشينو: حليب برغوة + أسبريسو
اللاتيه: حليب بدون رغوه + أسبريسو

ولو نظيف للأساس منكهات بنطلع 123466878 مشروب مختلف

مثال:
لو نظيف للكابتشينو نكهة كاراميل وعلى الوجهة صوص كاراميل صار عندنا كابتشينو كاراميل

والمكينة هذي تعطيك الأساس (أسبريسو + حليب برغوة وبدون) بجودة +A

المكينة تعمل بنظام الكبسولات فقط وفيه 16 نوع منها وكل نوع بلون مختلف

[IMG]http://i56.************/2qkttw0.jpg[/IMG]


وهذي كبسولاتي

[IMG]http://i56.************/24orjaa.jpg[/IMG]

وهنا حجم الكبسولة مقارنه بكوب اسبريسو صغير

[IMG]http://i52.************/ic5p1i.jpg[/IMG]

المكينة فيها تعطيك القهوة بثلاثة احجام 25 مل و40 مل و110 مل
وفيها ميزة جداً جميلة وهي مراعاتهم لاحجام الاكواب
لأن بعد الكوب عن المكان اللي تنزل منه القهوة يأثر في جودتها ويكسر الكريما فيها
فهم تفادياً لهذي المشكلةأضافوا رف قابل للثني للكوب الصغير

[IMG]http://i56.************/91gu40.jpg[/IMG]


وهنا بعد ثني الرف واضافة كوب كبير

[IMG]http://i56.************/10sg9io.jpg[/IMG]


نروح للجانب الثاني من المكينة وهو أبريق الحليب

[IMG]http://i56.************/ftiql0.jpg[/IMG]

من الداخل

[IMG]http://i54.************/2zs64gx.jpg[/IMG]

ويجي مع الأبريق شفرتين
ناعمة (اللي على اليمين) وهي مخصصه للحليب بدون رغوه
خشنة (على اليسار) مخصصه للحليب برغوة

[IMG]http://i52.************/sza0p2.jpg[/IMG]

الأبريق من الداخل بعد تركيب الشفرة

[IMG]http://i55.************/117shs3.jpg[/IMG]


الإيجابيات لاتحصى وفيه سلبية لابد من ذكرها

الحليب مايجي ساخن
إذا طلعت الحليب من الثلاجة طبيعي بيكون بارد وصبيته في الأبريق بعد تبخير الحليب بيكون مايل للسخونة مو ساخن
وللتغلب على هالسلبيه سخن الحليب في المايكرويف لمدة 30 ثانية أو لحد مايكون فاتر مو ساخن
ولو شربته مع القهوة وبدون أي منكهات بيصير ساخن
لو أضفت لقهوتك منكهات بتصير باردة ولازم تسخنها دقيقة في المايكرويف علشان تصير ساخنة

مع العلم أن التسخين في المايكرويف مايأثر أو يغير طعم القهوة نهائياً
ورغم السلبية هذي وقت إعداد قهوة مثالية مايتجاوز دقيقتين فقط مع أستخدام المايكرويف
دقيقة ونص للمايكرويف ونص دقيقة للمكينة


الموضوع بيصير محدث ومابين فترة والثانية بأضيف مشروب وكيفيه تصليحه

 

 

[RMAF]

كــارامــيــل كــابــتــشــيــنــو

نحتاج 4 مكونات
1. كبسولة قهوة من أي نوع
2. حليب
3. نكهة كاراميل
4. صوص كراميل

[IMG]http://i53.************/5aon6e.jpg[/IMG]


أخترت Arpeggio لأني أحسه يتناغم مع الكاراميل مضبوط

وهنا الاسبريسو ينزل بمهل

[IMG]http://i51.************/15mmfya.jpg[/IMG]


خلص الأسبريسو ولاحظوا كميّة الكريما في الأسبريسو

[IMG]http://i55.************/bdo877.jpg[/IMG]


المفروض أول شيء نحطه في الكوب هو النكهة لكني ما أستخدمتها أول شيء علشان تشوفون جودة الاسبريسو
هالحين نضيف 2 غطاء من نكهة الكاراميل

[IMG]http://i54.************/2hrmybm.jpg[/IMG]

تلاقونه في الدانواب بـ 15 ريال

هالحين ناخذ أبريق الحليب من القاعدة ونصبه في الكوب
ثم نحط عليه صوص كاراميل

[IMG]http://i54.************/33ufm3d.jpg[/IMG]

تلاقونه في الدانوب بـ 32 ريال


النتيجة النهائية

[IMG]http://i52.************/25jfg20.jpg[/IMG]



مثل ماقلتلكم قبل الموضوع بيصير محدث ومابين فترة والثانية بأضيف مشروب وكيفيه تصليحه

 

 

[ddr1]

مبرووك عليك اختي

ما شاء الله تبارك الله

شكلك فاتحة كوفي شوب منزلي مثلي انا عندي جميع انواع القهوه + جهازين + نكهات القهوة افضل شي عندي اسبرسو

الجهاز جميل لكن عيبه ان نظامه بكبسولات

والكبسولات ما تباع عندنا

الشي الثاني كم راح يكلفك سعر الكبسولة الوحده

 

 

[bx9b]

ما شاء الله تجربة جميلة ..

لكن كم وزن الجهاز الله يعافيك وكم كلفك .؟

 

 

[عصير برتقال]

شفتها في فنادق دبليو

لكن كم يكلفك الكبسولة الواحد و من فين ؟

 

 

[THE KENG]

طيب اختي بكم ومن وين شريتيها

 

 

[source]

مررررره روعه !! صراحه AMAZING

 

 

[العمدة]

ماشالله .. شكلها مرتب وانيق. بس كم سعر الجهاز وكيف نطلبه. هل من امازون ام من موقهم nespresso

 

 

[RMAF]

المكينة موجودة في الرياض وقيمتها 1800 ريال
المحل موجود في سنتريا

أما الكبسولات موجودة عند الوكيل بجدة
وهذا رقمهم 26613531

الكبسولة الوحدة بـ 2.5 ريال

أنا ما أطلب منهم لأن عندهم مشكلة في توفير الكبسولات
مثلاً Ristretto مو متوفر عندهم من 5 شهور
ونوعيه Ristretto تصلح للناس اللي يحبون اسبريسو مكياتو مثلي
فصرت أطلب من برا وتكلفني الكبسولة 1.5$ مع شحنها

 

 

[عصير برتقال]

وش رايكم بهذا و فري شبينق تو سويديا ارابيا

http://cgi.ebay.com/Coffeeduck-ESPRE...item3f08b64ee5

 

 

[RMAF]

888

يركب على كل موديلات نيسبريسو الإ هالموديل

البائع يقول
DOES NOT FIT IN CITIZ MASHINES !!

ومكينتي من عائلة Citiz

 

 

[ddr1]

هل هي افضل من المكينة السابقة
http://www.amazon.com/DeLonghi-ESAM3...p_ob_k_title_0

 

 

[RMAF]

888

عندي هالمكينة وسبق سويت عنها تقرير
بصراحه كلهم عيالي وكلهم أحبهم لكن مثل ماتعرف الولد الجديد غير

النيسبريسو تعطيك خيارات نوعا ما أفضل من ديلونغي لتنوع القهوة المتوفره عندك
بعكس ديلونغي اللي لو تبي تنوع في أنواع القهوة يبي لك ميزانيه محترمة

الحليب مافيه فرق بينهم لكن نيسبريسو يعطي رغوة أكثر في الكابتشينو

 

 

[ررعد]

طيب لو فرضاً اشتريت الماكينه وعلى كلامك انو مافيه احلى منه .. نجي في زبدة الموضوع . وين احصل الكبسولات من الخارج . يعني هل فيه موقع معين ومخصص يوفر لي الكبسولات بدل اني اشتري من جده وبعض الكبسولات غير متوفره ومدري ايش ..

 

 

[RMAF]

888

الكبسولات متوفرة بكثره في أمازون وفي أيباي
هذا الموديل في 2010 أنباع منه 14 مليون مكينة داخل أمريكا

وبتلاقي غير كبسولات الشركة الأساسية
فيه كبسولات منزلتها نستلة داخل أمريكا أسمها Nescafe Dolce Gusto

 

 

[POWER HORSE]

<<<<<<<< مدمن قهوة وشاهي وأفكر بشراء مكينة من فترة وشكلها حليوة

برب كوفي تايم

شكراً

في انتظار جديدك

 

 

[ddr1]

اقتباس: المشاركة الأصلية كتبت بواسطة RMAF     888 عندي هالمكينة وسبق سويت عنها تقرير بصراحه كلهم عيالي وكلهم أحبهم لكن مثل ماتعرف الولد الجديد غير النيسبريسو تعطيك خيارات نوعا ما أفضل من ديلونغي لتنوع القهوة المتوفره عندك بعكس ديلونغي اللي لو تبي تنوع في أنواع القهوة يبي لك ميزانيه محترمة الحليب مافيه فرق بينهم لكن نيسبريسو يعطي رغوة أكثر في الكابتشينو

هههههههههههههه
وربي دمك خفيف
حلوه الولد الجديد غير

يعطيك خيرها ويكفيك شرها

 

 

[حسّاس]

طيب ياغالي
تعرف مكان بيع الماكينة وملحقاتها من الكبسولات في جده
؟

وشكرا على التقرير

انا من محبي الكابتشينو الثقيل 4 Shots
ممكن هالمكينة تعملها
؟

 

 

[aSir aSsHoq]

*_* ي لبى آلقهوهـ !!


آخ من آلقولون و لآ كـآإن مآ فرقنـــآ .. آهئ آهئ

 

 

[شعفول]

بسم الله ماشاء الله تبارك الله ،،،

من اروع التقارير ،،، والذها ...

بالعافية عليك ،،،

هيك تقارير تفتح النفس ( كوفي ، كراميل ، ميكاتو )