شباب ابي افضل معهد لغة انجليزي في الرياض||~

[آهوآك لبى هوآك]

مساكم الله بالخير جميع

ابي استفسر منكم

ابي افضل معهد لغه انجليزيه في الرياض

اتمنى تفيدوني

 

 

[b l o o d]

المعهد البريطاني ,, بحي الملز

 

 

[Neo3]

لا تفكر بالمعهد بالبريطاني سواء الي كان بالشمال او بالملز
كلهم فاشليييييييييين لدرجة ماتتخيل
يلعبون على الناس مدرسين بريطانين ومادري ايش ومافيه الا مصاريه
دايم بتحصل خال عند الباب حاطين له وشم ولابس فنيلة بريطانيا يعني اني بريطاني ولو تبيني احلف انهم جايبينه من افريقا وحاطينه عند الباب يعني شوفوا عندنا بريطانيين يدرسون

اذا تبي مكان كويس روح عند الي بحي السفارات
وعلى فكرة
اذا مستواك بالانجليزي كويس يعني باليفل اربعة مثلا
انصحك تتدرس برا هنا خذ الاساسيات بس

 

 

[Worries]

برلتز

رغم انك ما تحتاج معهد لو انك تحب اللغة تقدر تتعلمها من الانترنت بقواعدها و ممارستها و الكتابة ايضاً بشكل مجاني!!

بالنسبة لي تعلمت من النت و مارست اللغة على النت و الحين مستواي مقبول لمتوسط على النت

او انك مثل ما يقولون اقصرها و اطلع برا خذلك دورة و مارس اللغة

Thank you.

 

 

[ana__lk]

احسن معهد بالرياض اللي هو انك تاخذ اوراقك وتقدم بعثه ولا تطلع على حسابك لغه
ولا المعاهد هذي هدفها الربح فقط والشخص الوحيد اللي بيستفيد منها اللي هو عنده انجلش من الاساس بس داخل يطورها

 

 

[Light of Live]

نصيحه ..


أنحش عن دآيركت انجلش .. انا درست عندهم .. والله فااااااااشليييييين ..

نصيحة لوجه الله ..

 

 

[فشقــــــه]

اقتباس: المشاركة الأصلية كتبت بواسطة Neo3     لا تفكر بالمعهد بالبريطاني سواء الي كان بالشمال او بالملز كلهم فاشليييييييييين لدرجة ماتتخيل يلعبون على الناس مدرسين بريطانين ومادري ايش ومافيه الا مصاريه دايم بتحصل خال عند الباب حاطين له وشم ولابس فنيلة بريطانيا يعني اني بريطاني ولو تبيني احلف انهم جايبينه من افريقا وحاطينه عند الباب يعني شوفوا عندنا بريطانيين يدرسون اذا تبي مكان كويس روح عند الي بحي السفارات وعلى فكرة اذا مستواك بالانجليزي كويس يعني باليفل اربعة مثلا انصحك تتدرس برا هنا خذ الاساسيات بس

اخوي انت تتكلم عم المعهد البريطاني في السفارات
اخوي انت مجرب المعهد

لان سمعة المعهد كما سمعت اكثر من رائعه

بكم سجلت ؟

و كم المده ؟

وغيره ...

 

 

[Moah]

عن نفسي احاول التعلم عن طريق الانترنت
لان المعاهد هنا فاشلة جداً

 

 

[المـ ح ــترف]

فيه المعهد والله اني نسيت اسمه
اللي على مخرج 9 بجنب مكدونالدز على ما اعتقد

اسمع واحد مره مدحه لي عن تجربته وانا والله مدري عنه

شوفه

 

 

[mrdsnr]

انصحك في معهد وول ستريت في شارع الملك عبد العزيز يمدحونه انا ما جربته

اقتباس: المشاركة الأصلية كتبت بواسطة b l o o d     المعهد البريطاني ,, بحي الملز

لاتقرب عليه فشله

 

 

[. . A p p l e . .]

المعهد البريطاني بحي السفارات ممتاز

وعندك معهد برلتز ممتاز للي يبي يتعلم مهارة المحادثة

لأن تركيزهم هو تعليم اللغه من خلال المحادثه

 

 

[saloomy al manger]

انا انصحك بELS عن تجربة

في له فرعين

مخرج 6 و التخصصي

كلهم مدرسين اجانب

 

 

[آهوآك لبى هوآك]

يعطيكم الف عافيه على المرور لكن ياشباب

انا لسا في الثانوي واللغه عندي لكم عليها

يعني ابي معهد يعلمني شوي في اللغه اتمنى الافاده

 

 

[--No--]

اخوي انا جربت معهد ELS لمده شهر



المعهد ماعليه حلو والله



وبالتوفيق

 

 

[حسووووني]

مشكلة بيرلتز يبغاك تجي اي وقت تدرس يعطونك يوزر وتجي تحفظ كلمات بعدين تحجز لحصة المحادثة>> فيه بعض الشباب يسجل ويطفش من النظام ويسحب
نفس النظام LSI على طريق الملك عبدالله بعد الممشى

السعودي البريطاني رهيب مررره مدرسين اغلبهم اردنيين متمكنين درست عندهم 7 اشهر تحسنت لغتي

عندك معهد في مخرج 14 فوق هايبر بنده معهد صغير ورهيب مدرسين تقريباً ثلاثة أو اربعه اسمه الركن الراقي
اذا رحت لهم قولهم جايكم من طرف عبدالمحسن وإن شاء الله ما يقصروا معك

 

 

[khalid1142]

اقتباس: المشاركة الأصلية كتبت بواسطة Moah     عن نفسي احاول التعلم عن طريق الانترنت لان المعاهد هنا فاشلة جداً

1+

 

 

[العاشق المغرم]

انا سجلت بمعهد ELS الي بالتخصصي

وببدا اليوم السبت في الدراسه ان شاء الله

ودرست فيه قبل 5 سنوات اول ما فتح وكان ممتاز جدا جدا

وان شاء الله افيدك خلال الايام القادمه اذا كان ممتاز زي اول ولا قل مستواه

تحياتي لك عزيزي

 

 

[حروف الهجاء]

انا يوم كنت في الجامعة كنت لازم اتعلم انجليزي عشان الوظيفة وجربت اكثر من معهد وانصحك وبشدة بــ "المجلس الثقافي البريطاني" اللي بحي السفارات وبالمناسبة هو معهد ياخذ رسوم منك لكن غير هادف للربح يعني رسوم تكاليف فقط للمدرسين اللي كلهم بريطانيين.

 

 

[عزوووووزي]

اكاديمية الفيصل العالمية ..

درست عندهم 5 شهور . .

من اروع المعاهد .. طلاب اي ال اس يجون ويقولون مايقارن بالفيصل !

انصحك فيه بشدة . .

 

 

[ولد ارسنال]

اقتباس: المشاركة الأصلية كتبت بواسطة حروف الهجاء     انا يوم كنت في الجامعة كنت لازم اتعلم انجليزي عشان الوظيفة وجربت اكثر من معهد وانصحك وبشدة بــ "المجلس الثقافي البريطاني" اللي بحي السفارات وبالمناسبة هو معهد ياخذ رسوم منك لكن غير هادف للربح يعني رسوم تكاليف فقط للمدرسين اللي كلهم بريطانيين.

فعلا كلامك صحيح 100%