رسوم التحويل بين البنوك (فدنا ونفيدك)

[ماجد بن عبدالله محمد]

السلام عليكم

انا صراحه اواجه مشكله في تحويل الفلوس لاحد

يعني مثلا لو كان مبلغ التحويل 100

مادري هل احط 10 ريال او 20 واتورط اقعد ادقدق على البنك واسال

فـ اللي يخبر كم رسوم التحويل من والى البنوك يحطها هنا للافادة

 

 

[THE_KIND]

ما اعرفه حسب تعاملي في مع بنك سامبا أنها 25 ريال لكل عملية ..

و اذكر سابقاً كانت 15 ريال ..

المصيبة أن الأسعار خرافية مقارنة مع التحويل الخارجي !

 

 

[valmer]

البنك بيخصمها من نفسه ما يحتاج تحط شيء

اذا بتحول مثلا 150 ريال حط 150 ريال بس والبنك بيسحب من حسابك 150 + رسوم التحويل

الرسوم على حسب نوع حسابك اذا راتبك اقل من 10 الاف مثلا بياخذون منك 20 ريال وبعض البنوك 15 ريال , اذا راتبك اكثر من 10 الاف بياخذون منك 10 ريال واذا انت من الهوامير تحول بدون رسوم

اللي فوق بس مثال عشان توصل لك الفكرة

 

 

[ماجد بن عبدالله محمد]

طيب انا ماعندي راتب

يعني يبيلي احط مبلغ الخصم

 

 

[Super DSL]

الراجحي 20 ريال
الاهلي 15
اللي اعرفه والبنك يخصم من الحساب مش من المبلغ المحول

 

 

[عشق جنه]

انا اشوف ارخص بنك في التحويل هو الهولندي
انا يخصم مني فقط 5 ريال
بينما بنك سامبا 25 ريال ..

وانت ما عليك الا تحط المبلغ الي تبي يحوله وهم بيسحبون من حسابك قيمة التحوله
وعلشان تكون في الصوره بتجيك صفحه فيها كل البيانات من سعر التحويل والعموله واذا انت موافق
اضغط موافق ..


بالتوفيق

 

 

[ماجد بن عبدالله محمد]

^^

يعني يا سوبر

احول مثلا 100 ريال ويكون مافيه غيرها بالحساب

واول ما اودع مبلع معين يلهفونها صح ؟؟

 

 

[Super DSL]

لا
اذا مافيه المبلغ يغطي بالحساب ما تقدر تحول

يعني بتحول 100 مثلا والباقي 10 ريال ما تقدر تحول

لازم يكون بالحساب قيمة العمولة

 

 

[kenken]

الي اعرفه انه العمولة ثابتة اذا كان المبلغ كبير او صغير نفس الشيء

والعمولة هي 15~25 ريال عادة

 

 

[ماجد بن عبدالله محمد]

طيب ابي اسالكم من الانماء الى الاهلي او الراجحي

بكم العمولة ؟؟

 

 

[MaLaTh]

البنك الفرنسي ياخذ 25

 

 

[bobo]

تختلف من بنك لآخر

 

 

[لحظات]

شوف أخوي أنت تحط المبلغ و يطلع لك تحت الرسوم

 

 

[ماجد999]

رسوم البنك العربي 10 ريال

محول 500 قبل كم يوم

 

 

[احب اتعلم]

من تجربتي


عندما احول من بنك الاستثمار الى الراجحي 15 ريال
واذكر عدة مرات كان يأخذ 30 ريال


وكنت استغرب من هذا التغاير
حتى نبهني احد الزملاء بقوله
انه اذا حولت اثناء دوام البنك يأخذ 30 ريال واذا حولت بعد انتهاء البنك ياخذ 15 ريال

ومن يومها احاول ان احول خارج اوقات الدوام

 

 

[احب اتعلم]

بنك الاستثمار
عندما احول وقت دوام البنوك ياخذ 30 ريال

وعندما احول خارج وقت دوام البنك ياخذ 15 ريال

 

 

[torki007]

اول نقطة في رسوم التحويل بين البنوك هو نوع العميل ففي حالة كان العميل عميل (تميز - ذهبي - أي إسم يطلقه البنك على أصحاب الحسابات المرتفعة)

يكون هناك خصم يصل إلى 100 %من رسوم التحويل أي تكون مجانية مثل الراجحي لعملاء التميز سامبا للعملاء في الخدمة الماسية بنك الرياض للمصرفية الخاصة
الحسابات المتوسطة القيمة مثل الخدمة الذهبية في بنك الرياض تحصل على خصم 50% من رسوم التحويل رسوم الحوالات الدخالية تكون 7.5 ريال (الرسوم الأساسية 15 ريال للحسابات العادية)

أما أصحاب الحسابات العادية امثالي وأغلب الناس النقطة الأولى إذا حولت وقت الدوام من 9 إلى 3 بعض البنوك تأخذ 20-25 وفي حالة حولت بعد إغلاق نظام قبول التحويلات اليومية بعدالساعة 3 راح ينزل المبلغ إلى 15 ريال في بعض البنوك (بحجة ان المبلغ راح يصل اليوم التالي) ملاحظة بعض البنوك لا تخفض مبلغ الحوالاة حتى لو كانت ستصل في اليوم التالي لكن من تجربتي سامبا تنزل القيمة إلى 15 ريال

 

 

[lordofksa]

حولت كم مرة عن طريق الرياض بـ15 ريال
وفيه خيارين:
تخصم العمولة من المبلغ المحول
او تخصم العمولة من الحساب الجاري(يعني المبلغ المراد تحويله يصل للمستفيد كامل)

ومشترك في خدمة التعليمات المستديمة:
بـ10 شهرياً احول لحساب معين لمدة عام كامل مبرمجة مسبقاً

 

 

[PTSco]

الانماء 7 ريال

الاهلي مجانا احول عاد لا تقول لي ليش