تأمين Bupa ,لأصحاب التأمين الطبي ...؟

[اسير بلا قيود]

السلام عليكم ..

مساء الخير يا حلوين

كيفكم ان شاء الله بخير ..؟

حبايبي .. انا عندي مشكلة باللثة .. فيها انتفاخ زايد شوي .. تعرفون ركبت تقويم واللثة ماكانت تمام .. فصار فيها التهاب ..

عاد هذا غير عندي بعض الاسنان يبيلها تزيين شوي ..

فكلمت اخوي الله يعافيه عشان يسجلني مع شركتة بالتأمين ..

عاد وصلتني بطاقة التأمين امس ..

وهذي صورتها ..


مكتوب انها الشبكة رقم 7 , ولون البطاقة فضي ومن تحت زي الخط ذهبي ..

اللي انا اعرفة وشفته من الموقع .. ان الرقم 7 هو افضل فئة ..

بس بصراحة ولا تضحكون علي .. ما ادري وش اسوي .. يعني ودي اروح المستشفى بس ما اعرف كيف راح استخدمها ..

لأن احولت عيوني شوي من البحث .. ناس يقولون اللثة مثلاً تدخل من ضمن الاسنان .. والاسنان مو كلها مشموله على التأمين , وناس يقولون لأ .. يعني بالله وش نظام التأمين هذا ...؟

من خبرت الدنيا وما خلا اهلي يفلسون الا روحاتي للمستشفى <<برب مستشفى :D

لا جد شلون اعرف وش اللي لي وش اللي علي ؟ يعني مثلا بالبطاقة مكتوب ستاندرد روم مثلاً .. لو يحطوني بعزبة هنود ما قدرت اقول لا

المهم اللي عنده نفس تأميني , او اي تأمين يعطينا من خبراته ..


لكم

 

 

[نقاء الروح]

أسير حبيب قلبي ألف سلامه عليك

بالنسبة لبطاقتك ماتدفع ولا هلله وتروح تتعالج في المستشفيات اللي مكتوبه في الكتيب حق شبكة 7

بالنسبة للثه تابعه للاسنان

وعندك ورقة مثل هذي جات مع البطاقه وفيها تحمل الاسنان



وأي خدمة .. عيوني لك حبيبي

 

 

[سام جدا]

عزيزي وهل بوبا لديها تأمين للافراد والا بس الشركات ؟؟

 

 

[YUOSEF ggg]

اقتباس: المشاركة الأصلية كتبت بواسطة سام جدا     عزيزي وهل بوبا لديها تأمين للافراد والا بس الشركات ؟؟

فيه

بس حق الافراد اغلى من حق الشركات

لو تخش مع تأمين ضمن اي شركة بيطلع عليك ارخص

 

 

[M A N]

مع البطاقه تجيك ورقه مكتوب اللي يشمل وكم يشمل

وفي كتيب يفيدك في المستشفيات اللي تقبل البطاقه

وفي المستشفى بس ابرز البطاقه وقول ابغى كشف عند دكتور الاسنان وعادي بيقطعولك الكشف

 

 

[اسير بلا قيود]

اقتباس: المشاركة الأصلية كتبت بواسطة نقاء الروح     أسير حبيب قلبي ألف سلامه عليك بالنسبة لبطاقتك ماتدفع ولا هلله وتروح تتعالج في المستشفيات اللي مكتوبه في الكتيب حق شبكة 7 بالنسبة للثه تابعه للاسنان وعندك ورقة مثل هذي جات مع البطاقه وفيها تحمل الاسنان وأي خدمة .. عيوني لك حبيبي

هلا والله وسهلا بحبيب القلب ..

الله يسلمك ويعافيك والله .. وبعيد الشر عنك

اما عن الورقة .. قريتها نفس ورقتك بالضبظ .. بس الفرق اني كاتبين قدام الاسنان 5000


والله يعطيك العافيه .. ما تقصر والله يا بعدهم

شاكر لك مرورك الرائع .

اقتباس: المشاركة الأصلية كتبت بواسطة سام جدا     عزيزي وهل بوبا لديها تأمين للافراد والا بس الشركات ؟؟

اعتقد لا .. اما تكون عائلة كاملة .. او تكون ضمن شركة .. والاخ يوسف اخبر

اقتباس: المشاركة الأصلية كتبت بواسطة YUOSEF ggg     فيه بس حق الافراد اغلى من حق الشركات لو تخش مع تأمين ضمن اي شركة بيطلع عليك ارخص

كفيت ووفيت اخوي يوسف ..

اقتباس: المشاركة الأصلية كتبت بواسطة M A N     مع البطاقه تجيك ورقه مكتوب اللي يشمل وكم يشمل وفي كتيب يفيدك في المستشفيات اللي تقبل البطاقه وفي المستشفى بس ابرز البطاقه وقول ابغى كشف عند دكتور الاسنان وعادي بيقطعولك الكشف

قريتها والله اكثر من مرة .. بصراحة ماهي واضحة مره ..!

سبحان الله قبل لا تجيني البطاقة .. كنت اقول خلها تجيني واروح طوالي ..

الحين جتني وبديت اوقف شوي

الله يخليك على مرورك .. يعطيك العافية

 

 

[FireF@x]

لما تروح الاستقبال تقوله اي عياده تبي بعدين تعطيه البطاقه تقوله معاي تأمين راح ياخد البطاقه يصورها مدري شنو يسوي ههه وبيرجعها لك .

 

 

[خالد بن سعود]

اخي اسير كم كلفك التامين عن طريق اخوك

 

 

[اسير بلا قيود]

خالد .. راجع الرد بالخاص وانا اخوك ..

 

 

[kenaaz]

طيب يا اخوان مين ممكن يفيدني
ايش نظام البطاقة هذه ؟؟ ومين يقدر يطلعها ؟؟
وهل اقدر انا اطلعها بطاقة تأمين طبي زي دي ؟

 

 

[سام جدا]

انا سألت

لاني رحت لتأمين اتحاد الخليجية اليوم وكان تامين لي 1099 ولزوجتي 2087 بس لان فيه حمل قالوا لازم تجيب تقرير عن الحمل ونزيد عليك السعر شويات

 

 

[FireF@x]

اقتباس: المشاركة الأصلية كتبت بواسطة kenaaz     طيب يا اخوان مين ممكن يفيدني ايش نظام البطاقة هذه ؟؟ ومين يقدر يطلعها ؟؟ وهل اقدر انا اطلعها بطاقة تأمين طبي زي دي ؟

اغلب الي عندهم تأمين يكون مجاني عن طريق الوظيفه المرتبط بها توفر له تأمين , وتقدر انت تسوي لك تأمين تشوف الشركه الي تعجبك وتسوي فيها تأمين وكل شركة يختلف السعر .

التأمين فائدته يكون خصم عليك لما تتروح تتعالج في المستشفيات والخصم يعتمد على الباقه بعضها فقط تدفع 10% من المبلغ وهكذا .. الخ

اغلب الي يستفيدون من التأمين المتزوجين وعندهم اطفال لان الاطفال دائماً مايحتاجون الى المستشفى .

 

 

[Afro]

عندي نفسها بالتمام .. وطبعاً تشمل الأسنان
تروح قسم إستقبال الشركات وهم يشوفو طلباتك .. هع

 

 

[F]

السلام عليكم
مبروك البطاقه يا بعدي .. الحين لا قدر الله صارلك شي و أضطريت تروح المستشفى
ماتدفع الا 25 ريال و أقل ....


ماعندي علم صراحة و لا ودي أفتي .. و الشباب أدلو بدلوهم

و ما تشوف شر ان شاء الله يالغالي

 

 

[اسير بلا قيود]

اقتباس: المشاركة الأصلية كتبت بواسطة FireF@x     لما تروح الاستقبال تقوله اي عياده تبي بعدين تعطيه البطاقه تقوله معاي تأمين راح ياخد البطاقه يصورها مدري شنو يسوي ههه وبيرجعها لك .

اقول جعل اللي بالاستقبال يصير حبيب .. ويسنع اموري ..

ما اقول الا الله يعطيك العافية .. ولا يريك مكروه

اقتباس: المشاركة الأصلية كتبت بواسطة kenaaz     طيب يا اخوان مين ممكن يفيدني ايش نظام البطاقة هذه ؟؟ ومين يقدر يطلعها ؟؟ وهل اقدر انا اطلعها بطاقة تأمين طبي زي دي ؟

ماشاء الله اخوي كفى ووفى .. وما اقدر اقول ولا نصف كلامه .

اقتباس: المشاركة الأصلية كتبت بواسطة سام جدا     انا سألت لاني رحت لتأمين اتحاد الخليجية اليوم وكان تامين لي 1099 ولزوجتي 2087 بس لان فيه حمل قالوا لازم تجيب تقرير عن الحمل ونزيد عليك السعر شويات

انا اشوف اليوم وانا اطربق بالمواضيع بالمنتديات .. اكتشفت ان فيه غلا زايد للنساء .. والسبب ان الولاده تاخذ كثير .. بالاضافة الى ان الولاده من الممكن انها تصير مرتين بالسنه بخلاف غيرها <<حشى قطاوه

اقتباس: المشاركة الأصلية كتبت بواسطة FireF@x     اغلب الي عندهم تأمين يكون مجاني عن طريق الوظيفه المرتبط بها توفر له تأمين , وتقدر انت تسوي لك تأمين تشوف الشركه الي تعجبك وتسوي فيها تأمين وكل شركة يختلف السعر . التأمين فائدته يكون خصم عليك لما تتروح تتعالج في المستشفيات والخصم يعتمد على الباقه بعضها فقط تدفع 10% من المبلغ وهكذا .. الخ اغلب الي يستفيدون من التأمين المتزوجين وعندهم اطفال لان الاطفال دائماً مايحتاجون الى المستشفى .

يا سلام عليك .. اهنيك على معلوماتك ماشاء الله تبارك الله .

اقتباس: المشاركة الأصلية كتبت بواسطة Afro     عندي نفسها بالتمام .. وطبعاً تشمل الأسنان تروح قسم إستقبال الشركات وهم يشوفو طلباتك .. هع

هع شكرا لك على مرورك .. بس الحين اي شي في جسمك غير التجميل يكون داخل على التأمين بغض النظر عن سعره .. السعر اعرف ان فيه حدود ..

اقتباس: المشاركة الأصلية كتبت بواسطة F     السلام عليكم مبروك البطاقه يا بعدي .. الحين لا قدر الله صارلك شي و أضطريت تروح المستشفى ماتدفع الا 25 ريال و أقل .... ماعندي علم صراحة و لا ودي أفتي .. و الشباب أدلو بدلوهم و ما تشوف شر ان شاء الله يالغالي

وعليكم السلام ورحمة الله

الله يبارك بعمرك , والله اذا فكرت فيها .. فهي راحة نفسية تامة .. بس الله لا يحوجنا لها ولا جميع المسلمين ..

يكفيني مرورك يا بعدهم

 

 

[Dunkel]

السلام عليكم ورحمة الله وبركاته

---

بدايةً الصورة لم تظهر لدي وذلك لمنع الروابط من الشركة

على حسب وصفك للبطاقة الفضية مع خط ذهبي والشبكة 7 فبطاقتك قريبة جداً من بطاقتي مع فارق إن بطاقتي
" Single Room " ولكن ومن خلال تجربتي مع اكثر من مراجعة في اكثر من مستشفى مشمول بالتأمين من
شركة بوبا إن الحل المثالي هو زيارة أحد المستشفيات وطلب العلاج على الضمان

عند الطلب تقوم المستشفى بمراسلة شركة بوبا للتأكد من فعالية الضمان مع نوع العلاج المطلوب ، فكم هي
المرات التي اتصلت أو راجعت الكتيب المرفق ووصلت لطلبي من المعلومات وعند وصولي للمستشفى أفاجئ
بأن التأمين لا يشمل العلاج المطلوب ولا حتى الأدوية الموصوفة من الطبيب

---

مع خـــــالص احترامي وتقديري

 

 

[Don Heeto]

مبروك عليك التامين

انا عندي نفس التامين بس الفئة الفضية
وبصراحة خدماتهم جيدة

ولو قلبت البطاقة تلقى رقم مجاني اتصل عليه وراح يفيدوك بكل المميزات اللي لك

واي تساؤل عندك انا في الخدمة

بس سؤال /
كيف اخوك دخلك معاه في التامين ؟

 

 

[a.2mjed.a]

انا عندي تأمين شركة التعاونية
طبعاً الله يخلي لنا الوالد ويحفظه موظف في شركة الاتصلات وله تأمين وللعائلة

بس بصراحة مدري كم اسعارهم اذا الواحد يبغى يشترك معاهم
بس لمن ارووح اكشف في المستشفيات الي انا فاتح فيها ملف
ما يآخذوا اكثر من 15 ريال

 

 

[اسير بلا قيود]

اقتباس: المشاركة الأصلية كتبت بواسطة Dunkel     السلام عليكم ورحمة الله وبركاته --- بدايةً الصورة لم تظهر لدي وذلك لمنع الروابط من الشركة على حسب وصفك للبطاقة الفضية مع خط ذهبي والشبكة 7 فبطاقتك قريبة جداً من بطاقتي مع فارق إن بطاقتي " Single Room " ولكن ومن خلال تجربتي مع اكثر من مراجعة في اكثر من مستشفى مشمول بالتأمين من شركة بوبا إن الحل المثالي هو زيارة أحد المستشفيات وطلب العلاج على الضمان عند الطلب تقوم المستشفى بمراسلة شركة بوبا للتأكد من فعالية الضمان مع نوع العلاج المطلوب ، فكم هي المرات التي اتصلت أو راجعت الكتيب المرفق ووصلت لطلبي من المعلومات وعند وصولي للمستشفى أفاجئ بأن التأمين لا يشمل العلاج المطلوب ولا حتى الأدوية الموصوفة من الطبيب --- مع خـــــالص احترامي وتقديري

الله يعافيك ويخليك .. ما قصرت والله على المعلومات المفيدة ..

اكرر شكري لك .

اقتباس: المشاركة الأصلية كتبت بواسطة Don Heeto     مبروك عليك التامين انا عندي نفس التامين بس الفئة الفضية وبصراحة خدماتهم جيدة ولو قلبت البطاقة تلقى رقم مجاني اتصل عليه وراح يفيدوك بكل المميزات اللي لك واي تساؤل عندك انا في الخدمة بس سؤال / كيف اخوك دخلك معاه في التامين ؟

الله يبارك فيك ويخليك ..

فكرت اتصل على الرقم المجاني .. بس حسيت اني ما ني قادر اخذ واعطي معهم .. قلت اجي هنا عندكم

اما عن اخوي .. بس اخوي عنده شركة دخلني من ظمن المؤمن عليهم .

اقتباس: المشاركة الأصلية كتبت بواسطة a.2mjed.a     انا عندي تأمين شركة التعاونية طبعاً الله يخلي لنا الوالد ويحفظه موظف في شركة الاتصلات وله تأمين وللعائلة بس بصراحة مدري كم اسعارهم اذا الواحد يبغى يشترك معاهم بس لمن ارووح اكشف في المستشفيات الي انا فاتح فيها ملف ما يآخذوا اكثر من 15 ريال

الله يخليه لك يارب . ويطول بعمرهـ ..

ماشاء الله تبارك الله ..

زي اشوف واحد من الربع ضايق صدرهـ طلع من المستشفى وقاعد 5 ايام منوم .. ومسوي عمليات كثيرة .. وبالنهاية ضايقن صدرهـ على 130 دفعها

 

 

[الحسين1991]

بوبا حلو والف سلامات اخي اسير
والله يعينك على الم الاسنان <<<مجرب
التامين جميل جدا جدا جدا كم مرة يفك ازمات
تاميني ميد قلف
class ((A))
لانو الوالد شغال بالخطوط السعودية والكلاس اي احسن كلاس
التامين يشمل كامل العائلة بالاضافة لجدي وجدتي
كحال التذاكر <<محسود على التذكر خخخخخ
بالتوفيق