انتبهوا من بطاقة قسط الإئتمانية للراجحي

[pc_man]

بسم الله الرحمن الرحيم

اليوم اتصلت على الراجحي الهاتف المصرفي ورد علي الجهاز بأني مرشح لبطاقة قسط

استفسرت عنها قالوا تدفعرسوم اصدار 295 ريال ولك مبلغ 4000 ريال تشتري بها ما شئت ونأخذها كل 15 من الشهر 200 ريال حتى نسدد المبلغ المشترى.

للعلم العصيمي حرمها والشبيلي أجازها

لكن المشكلة التي أرى أن فيها لف ودوران وهي أن إذا اشتريت ب 4000 ريال فمتى ستسددها؟

4000/ 200 = 20 شهر

يعني ستظطر إلى دفع رسوم تجديد قبل ان تكمل أقساط المبلغ المسحوب.

كم يكون المبلغ المسحوب منك مقابل انك قسطت 4000 ريال؟

295+260(رسوم تجديد) = 555 ريال لتقسط 4000 ريال

حبيت أوضح هذا لكم أخواني بعد أن شدني العرض وكدت أن أصدر البطاقة لولا أني مع القائل بحرمتها وهذا الأمر زادني تأكيدا على ذلك.

والله أعلم

 

 

[N F N F]

طيب مو لازم تسددها على 20 شهر

زود القسط وراح تقل المدة

 

 

[Abdulah]

الشيخ محمد العصيمي ماذكر اي شي بموقعه عن البطاقة
فيه فتوى قديمة عن فيزا الراجحي وله تحفظ على رسوم السحب النقدي
والان الراجحي خفضوا رسوم السحب النقدي
http://www.halal2.com/ftawaDetail.asp?id=16813

بالنسبة للبطاقة فكرتها ممتازة للي بيشتري مثلا لابتوب ويقسط
مبلغ 150 او 200 ريال شهري والفائدة هي رسوم البطاقة ورسوم التجديد فقط
يعني اقل من فائدة المحلات اللي تقسط اجهزة اللابتوب..

ولو فيه بطاقة شرعية 100% واتفق عليها المشايخ كان اغلبنا اخذها.

وياليت اخوي لو تعطيني رابط فتوي العصيمي عن بطاقة قسط

 

 

[pc_man]

اقتباس: المشاركة الأصلية كتبت بواسطة N F N F     طيب مو لازم تسددها على 20 شهر زود القسط وراح تقل المدة

للأسف مو على كيفي وكيفك أقصى حد 200 ريال

اقتباس: المشاركة الأصلية كتبت بواسطة Abdulah     الشيخ محمد العصيمي ماذكر اي شي بموقعه عن البطاقة فيه فتوى قديمة عن فيزا الراجحي وله تحفظ على رسوم السحب النقدي والان الراجحي خفضوا رسوم السحب النقدي http://www.halal2.com/ftawaDetail.asp?id=16813 بالنسبة للبطاقة فكرتها ممتازة للي بيشتري مثلا لابتوب ويقسط مبلغ 150 او 200 ريال شهري والفائدة هي رسوم البطاقة ورسوم التجديد فقط يعني اقل من فائدة المحلات اللي تقسط اجهزة اللابتوب.. ولو فيه بطاقة شرعية 100% واتفق عليها المشايخ كان اغلبنا اخذها. وياليت اخوي لو تعطيني رابط فتوي العصيمي عن بطاقة قسط

البطاقة فكرتها رائعة ولكن رسومها مبالغ فيها وتحديد القسط ب 200 ريال يوضح التلاعب واستغلال العميل يعني شريت لابتوب ب 4000 الاف وتبغى تسددها في سنه ما يسمح لك.

هذا الرابط الفتوى حتى يطمئن قلبك

اقتباس: حكم بطاقة قسّط من مصرف الراجحي المفتي:محمد بن سعود العصيمي 7/6/2008 السؤال: ماحكم بطاقة قسط الائتمانية من بنك الراجحي الإجابة: الحمد لله والصلاة والسلام على رسول الله وعلى آله وصحبه ومن والاه، فقد اطلعت على تعريف ببطاقة قسط من مصرف الراجحي، وحيث إن البطاقة تأخذ رسما هو أكثر من التكلفة الفعلية بكثير، فلا أرى جوازها. وألفت نظر القارئ الكريم إلى النظر إلى فتوى بطاقة الراجحي الائتمانية المعتادة هنا. والله أعلم.

http://www.halal2.com/ftawaDetail.asp?id=25331

 

 

[Abdulah]

الله يريد بنا خير

والله الشيخ العصيمي اتابع موقعه احيانا ومانتبهت لفتواه بخصوص بطاقة قسط..

المشكلة هي بالرسوم حتى فيزا الراجحي الفضية العصيمي له
رأي فيها والبطاقة الوحيدة اللي ينصح فيها هي بطاقة بنك البلاد..
والمشكلة ان البلاد مافيه فرع عندنا وثانيا مرتبطين بقرض مع الراجحي
يعني مانقدر نفتّك منهم الى كم سنة جاية...

والله يجزاك كل خير اخوي pc_man على التوضيح

 

 

[maxwell]

اخوي بطاقة قسط ارحم من غيرها

فيه بطاقة تاخذ بالشهر رسوم 75 الى 150 هذي كيف راح تكون فايدتها بالسنة رسوم

وبعدين من قال انها محدده بــ 200 ريال بس
المبغ اللي يوخذ 5 % من اجمالي الدين أو 100 ريال وبدون فايده

والرسم السنوي ثابت ( وهذا المهم )

مو بعض البنوك اللي داخلين في مسأله التورق وقلب الدين والخربطة هذي

والحد الأتماني على حسب الشخص مو ثابته 4000 او غيرها
( يعني على حسب ميزانية العميل محددين الحد الأعلى للبطاقة )



والحين مثلا الحين بطاقات المسبقة الدفع
يعني رسم سنوي ما يقل عن 100 ريال وهي فاضية (هذي وش بنقول عنها اذا تطرقنا للرسم السنوي )

هذا والله اعلم


وبعدين انا مستغرب حاجة
الحين بنك البلاد ليه مو موضح بموقعه عن البطاقات تبعه ؟؟؟

 

 

[valmer]

اقتباس: المشاركة الأصلية كتبت بواسطة pc_man     للأسف مو على كيفي وكيفك أقصى حد 200 ريال البطاقة فكرتها رائعة ولكن رسومها مبالغ فيها وتحديد القسط ب 200 ريال يوضح التلاعب واستغلال العميل يعني شريت لابتوب ب 4000 الاف وتبغى تسددها في سنه ما يسمح لك.

من اللي قال لك هذا الكلام؟

البطاقة صار لها سنة عندي تقريبا ومثلها مثل أي بطاقة ائتمانية ثانية الفرق الوحيد انهم يخصمون منك قيمة استخدامك لها على شكل اقساط شهرية

المبلغ اللي يخصمونه شهريا يكون ثابت لكن انت تقدر بكل بساطة تدخل على حسابك وتسوي دفع مقدم وتدفع المبلغ اللي تبغاه عشان تسدد المستحقات على البطاقة مثلها مثل اي بطاقة ثانية

 

 

[tviyres]

**عجبي من بعض الناس** يا أخي العزيز أنا عندي البطاقة اخذتها في 11/2008م من الأوائل الي خذوها واذا بغيت مثلا اشتري من النت رحت لحسابي في الراجحي ودخلت على الفيزا ثم على الدفع المقدم و احدد المبلغ الي ابي كأنك تشحنها وبالمارية تجلس لها 24 ساعة ثم تلقى المبلغ فيها مهوب صحيح انه 200 ريال((اللهم اغفر لقومي فإنهم لايعلمون))

 

 

[yousof]

اللي اعرفه ان البطاقة فيها 3000ريال مو 40000

وتقدر تدفع مقدم المبلغ اللى تبغاه

 

 

[pc_man]

اقتباس: المشاركة الأصلية كتبت بواسطة maxwell     اخوي بطاقة قسط ارحم من غيرها فيه بطاقة تاخذ بالشهر رسوم 75 الى 150 هذي كيف راح تكون فايدتها بالسنة رسوم وبعدين من قال انها محدده بــ 200 ريال بس المبغ اللي يوخذ 5 % من اجمالي الدين أو 100 ريال وبدون فايده والرسم السنوي ثابت ( وهذا المهم ) مو بعض البنوك اللي داخلين في مسأله التورق وقلب الدين والخربطة هذي والحد الأتماني على حسب الشخص مو ثابته 4000 او غيرها ( يعني على حسب ميزانية العميل محددين الحد الأعلى للبطاقة ) والحين مثلا الحين بطاقات المسبقة الدفع يعني رسم سنوي ما يقل عن 100 ريال وهي فاضية (هذي وش بنقول عنها اذا تطرقنا للرسم السنوي ) هذا والله اعلم وبعدين انا مستغرب حاجة الحين بنك البلاد ليه مو موضح بموقعه عن البطاقات تبعه ؟؟؟

كلامك صحيح

لكن نعتب على بعض البنوك في استغلال حاجة المواطن

اقتباس: المشاركة الأصلية كتبت بواسطة valmer     من اللي قال لك هذا الكلام؟ البطاقة صار لها سنة عندي تقريبا ومثلها مثل أي بطاقة ائتمانية ثانية الفرق الوحيد انهم يخصمون منك قيمة استخدامك لها على شكل اقساط شهرية المبلغ اللي يخصمونه شهريا يكون ثابت لكن انت تقدر بكل بساطة تدخل على حسابك وتسوي دفع مقدم وتدفع المبلغ اللي تبغاه عشان تسدد المستحقات على البطاقة مثلها مثل اي بطاقة ثانية

أولا أشكر لك مداخلتك المفيدة فلا ينبأك مثل خبير

اللي قالي الله يسلمك موظف البنك وموقعهم الرسمي أما بقية الإستنتاجات فمن أخوك الفقير لله

وبما أنك تملك البطاقة أفهم من كلامك أن المبلغ يمكن تسديده قبل موعد تجديد البطاقة وهذا ما كنت أخشاه

اقتباس: المشاركة الأصلية كتبت بواسطة yousof     اللي اعرفه ان البطاقة فيها 3000ريال مو 40000 وتقدر تدفع مقدم المبلغ اللى تبغاه

يبدو انها تختلف من عميل لآخر