مواعيد الدوام بالبنك الأهلي

[waterlilies]

السلام عليكم ..

ضروري الله يعافيكم ابي اعرف هل البنك الأهلي يفتح يوم الجمعه ودي اودع مبلغ ؟
او حابه اودع بالصراف مبلغ ياريت تعلموني كيف الطريقه ؟

 

 

[بقايا جرووووح]

بالنسبة لمواعيد الدوام
من 8 - 4 السبت - الاربعاء
اما بالنسبة للايداع والله ما عندي خلفية

 

 

[waterlilies]

يعطيك العافيه ... يعني اليوم ما في أمل يداومون ؟ ... ياليت اللي يعرف طريقة الايداع بالصراف يعلمني لاني اول مره بودع !

 

 

[راكان779]

السلام عليكم

تحية طيبة اخواني


شوفي يا أختي الصراف اللي بتودعين فيه المبلغ تأكدي انو يقبل الايداع

الخطوات :

1- ادخلي البطاقة واكتبي الرقم السري
2- تطلع قائمة الخيارات اختاري ايداع
3- يجيك (ايداع نقدي - ايداع شيك) اختاري نقدي
4- يفتح الغطاء الخاص بالايداع دخلي المبلغ واضغطي من الشاشة على استمرار
5- انتظري شوي يحسب المبلغ ويطلعه في الشاشة إذا نفس المبلغ اضغطي موافق
×× وصلى الله وبارك××

ملاحظة : احيانا مايقبل بعض الفلوس (المقطع - المطبوقة) اذا الفلوس مطبقة يرجعها لك

كان ودي اصور لك الخطوات لكن صرافات الاهلي بعيدة عني مرره

تحية طيبة

 

 

[waterlilies]

^^^
الله يعطيك العافيه ما قصرت .. الصراف كأنه قدامي كل الخطوات شرحتها بطريقه واضحه ..
سؤال .. هذي الخطوات تمش ع البطاقه العاديه "بطاقة الصراف" و بطاقة الماستر كارد ولا لأ ؟

مشكور مره ثانيه

 

 

[راكان779]

اقتباس: المشاركة الأصلية كتبت بواسطة waterlilies     ^^^ الله يعطيك العافيه ما قصرت .. الصراف كأنه قدامي كل الخطوات شرحتها بطريقه واضحه .. مشكور مره ثانيه

العفو ماسوينا الا الواجب

على فكرة انا ذكرت الطريقة لأني امس استلمت بطاقتي وسويتلهم ايداع

تحية للجميع

 

 

[fyd]

أهلين ,
الإيداع مو لازم من المكتب وعلى فكرة بتنتظرين كثير لما يجي دورك واظن تعبين ورقة ...الخ
ليه كل هذا وتقدرين من الصراف في دقيقة @!

طبعا مو اي صراف ,, فيه صراف خاص بالايداع ولا تقدرين تسحبين منه ,
أي فرع للبنك الاهلي موجود فيه صراف للايداع ومكتوب عليه لا يقبل عمليات السحب
وصراف للسحب ,,

طبعا الخطوات مثل للي قالها اخوي فوق ,,
مع التذكير بانه ما يقبل لا ريال ولا خمسة ولا عشرة .
وتأكدي انك حاطة المبلغ في الفتحة كويس لأنه مرات يقولك اعد ترتيبها !

وبس ,

طبعا هالايداع للحساب الجاري وماله دخل بالماستر كارد ,
الماستر كارد عندها طريقة غير تختارينها من الخيارات طويلة ومو حافظها ,

بس الاحسن لو انك رابطة الحساب ببطاقتك تودعين في حسابك بعدين تحولين للماستر كارد
المبلغ للي بتبشترين فيه زيادة شوي ., من الهاتف المصرفي او الاهلي اونلاين ,

 

 

[راكان779]

اقتباس: المشاركة الأصلية كتبت بواسطة fyd     أهلين , الإيداع مو لازم من المكتب وعلى فكرة بتنتظرين كثير لما يجي دورك واظن تعبين ورقة ...الخ ليه كل هذا وتقدرين من الصراف في دقيقة @! طبعا مو اي صراف ,, فيه صراف خاص بالايداع ولا تقدرين تسحبين منه , أي فرع للبنك الاهلي موجود فيه صراف للايداع ومكتوب عليه لا يقبل عمليات السحب وصراف للسحب ,, طبعا الخطوات مثل للي قالها اخوي فوق ,, مع التذكير بانه ما يقبل لا ريال ولا خمسة ولا عشرة . وتأكدي انك حاطة المبلغ في الفتحة كويس لأنه مرات يقولك اعد ترتيبها ! وبس , طبعا هالايداع للحساب الجاري وماله دخل بالماستر كارد , الماستر كارد عندها طريقة غير تختارينها من الخيارات طويلة ومو حافظها , بس الاحسن لو انك رابطة الحساب ببطاقتك تودعين في حسابك بعدين تحولين للماستر كارد المبلغ للي بتبشترين فيه زيادة شوي ., من الهاتف المصرفي او الاهلي اونلاين ,

بالضبط مثل ماقال اخوي fyd والأفضل اربطي ماستر كارد بالحساب عشان تحولين للبطاقة بسهولة

تحية طيبة

 

 

[waterlilies]

^^^^

يعطيكم العافيه جميعا .. قبل شوي رحت و اودعت .. جربت بالماستركارد بس اصلا خيار الايداع ما يطلع .. عموما انا رابطه حسابي بحساب الماستر كارد و اودعت بحسابي و بحوله ان شاء الله .. بس مسألة الايداع هي الجديده بالنسبه لي بس ما كنت اعرف لها

مشكورين