*** الحلاقين وكذبة تجهيز العريس
banner
تاريخ النشر: 2009-12-04 , 07:18 صباحاً
General-Engineer’s Avatar
General-Engineer

متميز

المشاركات:9010
التسجيل:May 2007
General-Engineer
السلام عليكم ورحمة الله تعالى وبركاته

الموضوع محدَث مرة أخرى"اجوبة الإستفسارات في آخر الموضوع"

ملاحظة:الكلمة المحجوبة "***" هي كلمة نـصــب,ما قدرت اعدلها

حصري للبوااااابة الرجاء ذكر المصدر عند النقل

كيف حالكم جميعا

الموضوع عن انه كيف تختار لنفسك افضل المنتجات وتترك منتجات الحلاق الرديئة والرخيصة واللي بتدفع مقابلها الكثير وهي ما تسوى,جيب لنفسك أفضل المنتجات بأقل الأسعار!!,والموضوع مو بس مخصص للعرسان زي ما فهم البعض :)

موضوع في بالي من زمان لكن الحمدلله لقيت الوقت المناسب

"""خلاصة الموضوع:كيف توفَر فلوسك وفي نفس الوقت تحصل على ارقى وافضل الخدمات"""

الموضوع مهم خصوصا للمقبلين على الزواج

والموضوع طويل جدا وتعبت وانا اكتب فيه اتمنى ما يكون مخالف وقريت القوانين اكثر من مرة لكن صدقوني يستااهل اقرو
واذا كان مخالف الرجاء اعطائي مهلة بسيطة بس انسخ الموضوع لملف وورد وارفعه للأعضاء الكرام

اخواني الموضوع بالكامل من تجاربي الشخصية

بسم الله نبدأ

نـصـب الحلاقين :angry2:

الحلاق,شخص كل واحد مننا مخصص له ميزانية,وللأشخاص اللي شعور ذقنهم تطلع بكثافة مثلي للأسف لازم يزورو الحلاق مرة في الأسبوع طبعا عشان ما يسير شكله خريَج سجون خخخخخخخخخخ

بالنسبة لي انا احب العب في نفسي كثير وما ابخل على نفسي ابدا واصرف على المستحضرات الشخصية والكريمات وما شابه للأسف مرات بشكل غبي خخخخ,واحب دائما اني اكون بأجمل صورة لا ننسى انه الله جميل يحب الجمال, لعل وعسى نلقى عروسة خخخخخخخخخخخخخ

المهم ندخل في صوب الموضوع

نجي للخدمات اللي يقدمها الحلاق واللي البعض مثلي يسويها دائما والبعض يسويها في اوقات المناسبات والبعض الآخر فقط من عيد لعيد"بإستثناء الحلاقة طبعا":

1/حمام الزيت
2/تنضيف البشرة+الفتلة
3/فرد الشعر
4/الحمام المغربي ومن اهم الأشياء اللي راح اتكلم فيها خصوصا للمقبلين على الزواج

اول شي حمام الزيت:
اسعاره عند اغلب الحلاقين 50 ريال

وطريقة عمله انه يدهن حمام الزيت على الشعر بعدين يجيب الحلاق جهاز بخار للشعر زي هذا
Image

ويحطه على شعرك ربع ساعة تقريبا بعدين يغسله

اوكي يا شباب,حمام الزيت اللي يحطه في شعرك افضل نوع في السوق من تجربتي الشخصية اسمه"بوناويل" العلبة الكبيرة تكفيك سنة وسعرها 35 ريال بس!!
هذي صورة العلبة تلقوها في اي هايبر ماركت"على فكرة حمام الزيت يغذَي الشعر ومفيد للشعر وانصح فيه مرة شهريا"
Image
ولحد يقرب من حمام زيت فاشكول لأنه يسبب تساقط الشعر

طيب راح تقولو وجهاز البخار نجيبه من فين؟
جهاز البخار من الممكن الاستغناء عنه بكل بساطة بـ منشفة تغسلوها في ماء حار وتلفوه على راسكم وخلاص !!
وانا قلت اجيب سعر الجهاز للي يحب يعرف’سعر جهاز بخار الشعر+بخار الوجه مع بعض بـ 450 ريال ,يعني 9 جلسات حمام زيت عند الحلاق بقيمة جهاز البخار, ليش الحلاقين النـصابيـن يسووه بـ 50 ماني عارف!!!

نجي للسرقة الثانية,

تنضيف البشرة,سعره عند اغلب الحلاقين من 50 الى 100 ريال

عبارة عن كريم سنفرة يدهن على الوجه ويشغل معاه جهاز البخار لمدة عشرة دقايق بعدين يغسله ويحطلك قناع ويتركك الين يجف وتغسله وخلاص!!

طيب لو تنزل بنفسك للسوق,وتشتري افضل كريم سنفرة,وافضل قناع,وراح يكفوك اقل شي 3 شهور اذا كنت تزور الحلاق كل اسبوع ,والتكلفة اقل من 100 ريال بكثير!!

عني انا,اشتريت كريم سنفرة من شركة نتروجينا,وانصحكم بالشركة هذي يا شباب لأنها فرنسية ومنتجاتها آخذة براءة اختراع,سعره 35 ريال,واشتريت قناع من افضل الأقنعة في السوق,من محل اسمه lush,سعره 45 ريال.يكفيك 10 استخدامات,وشوفو قد ايش وفَرت!!

طيب بتقولو وبخار الوجه من فين نجيبو؟
بخار الوجه وضيفته فقط يفتح المسامات,وتقدر تستغني عنه بأنك تغسل وجهك بماء دافي بإستمرار لمدة دقيقة وتحط بعدها كريم السنفرة وخلاص!!

وعلى فكرة,منتجات الحلاقين من اردأ واسوأ وأرخص الأنواع!! صدق او لا تصدق!!

ثالث نصـبـة:فرد الشعر
يا شباب نصيحة فرد الشعر يسبب الصلع وهو ضار جدا جدا جدا وما انصح احد فيه ابدا لكن برضو للي معنَد ويبغى يسويه راح اتكلم عنه

اغلب الحلاقين يسووه بـ 50-100 ريال

عبارة عن كريم فرد يخلط مع انبوبة فيها سيروم برضو يساعد على الفرد وريحته معفننننة ويحطه على شعرك ويتركه لمدة ساعة وبعدين يغسله وخلاص

روح لصيدلية النهدي او اي صيدلية واشتري افضل كريم فرد وماركة بـ25 ريال وخلي اخوك او اختك يسويه لك في البيت وخلاص!!!!

رابع نـصـبة واكبر نـصـبة على وجه الكون
كذبة تجهيز العريس والحمام المغربي

طبعا تجهيز العريس اسعاره عند اغلب الحلاقين 250 ريال وفوق,وعند حلاقين الـ vip بـ 1000 ريال وفوق,وطبعا العريس الفرحان راح يقول مرة في العمر ندفع 1000 ريال ايش ورانا؟؟"وهذا تفكير الأغلبية للآن"
تجهيز العريس عبارة عن جميع الخدمات عند الحلاق+الحمام المغربي,طبعا المنتجات اللي يستخدمها مختلفة عن المنتجات اللي يستخدمها الحلاق مع الـزبـائن العاديين

اول شي,القناع المستخدم:
اغلب اقنعة تجهيز العرسان عند الحلاقين ماركة اسبانية اسمها كاسمارا,ماركة ممتازة جدا وقناع ممتاز جدا جدا عن تجربة ولكن
سألت الحلاق كم سعره؟قالي راس ماله 100 ريال وطبعا لازم مكسب,نسويه لك بـ 125
طبعا اذا في بنات يقرو الموضوع راح يعرفو الماسك هذا لأنه اغلب الكوفيرات تستعمله وعلى فكرة الكوافيرات تسويه بـ 250 ريال!! عند البنات احتياال اكتر مننا على فكرة,المهم

انا استغربت فعلا,125 ريال على قناع!!! ينحط في وجهك ربع ساعة وتغسله!!! اكيد الموضوع فيه إنَ

سألت عن وكيل الماركة هذي وعرفت انه الوكيلة شركة اسمها نزيه
رحت للفرع اللي عندنا في المدينة المنورة"ومكانه في طريق الملك عبدالعزيز مقابل شركة هوندا"وفعلا شفت الأقنعة معروضة

سألته بكم؟؟؟؟ وياريتني ما سألت!!!!
قلي سعره بـ 25 ريال,وعليه عرض اذا اشتريت 10 حبات تاخذ 2 مجانا

طبعا انا انصدمت انصدمت لأبعد درجة واول شي جا فبالي الحلاق ال***** والله اني جلست اسب فيه استغفر الله,طبعا اشتريت منه الاقنعة والحلاق اللي كنت اتعامل معاه تركتو للأبد ولا عاد شافني من وقتها

نجي للشي الثاني والمهم,الحمام المغربي,وما ادراك ما الحمام المغربي!!!!!!
عبارة عن انك يا عريس يا قمر تدخل لغرفة خاصة عند الحلاق بملابسك الداخلية وتنسدح ويشغل البخار على جسمك بالكامل الين تتفتح المسامات ويدهن على الصابون المغربي ويتركه فترة بعدين يجيب ليفة مغربية ويفركك فيها كأنه جايب سطل وبيغسل سيارة وبعدين يشطفك وطبعا انت عريس عايش الدور ما بتسوي شي بس جالس ودافع 1000 ريال ومبسوط

بعد ما يشطفك يجيب صابونة لونها ابيض اسمها الطاووس ويشطف جسمك فيها ويسويلك تنضيف بشرة وخلاص!!

طيب يا عريس يا مسكين,جرَبت تروح للصيدلية وتشوف الصابون المغربي كم سعره؟؟؟
الصابون المغربي افضل نوع عن تجربة اللي تسويه شركة وادي النحل فقط"يسمَى الصابون البلدي برضو"
سعره مع الليفة 25 ريال بس!!!!!
هذي صورته
Image
وهذي صورة الليفة المغربية اللي تجي مع الصابون
Image
صابونة الطاووس سعرها اقل من 10 ريال!!
وخلاص هذي اغراض الحمام المغربي!!
طبعا الحريم يستخدمو للحمام المغربي خرابيط وحاجات زيادة والسبب واضح لأنهم حريم خخخخ,يكفيك اللي قلتلك عليه

طيب يا عريس ايش تسوي بالأغراض اللي اشتريتها؟؟

اول شي نبدأ من حمامك,قفل كل المنافذ وجيب كرسي وشغل الماء على الحار وعبي البانيو كامل بموية حارة وقفل باب الحمام,وحتى المنفذ اللي تحت الباب غطيه بمنشفة ضروووري جميع المنافذ تقفلها عشان البخار ينتشر في الحمام وما يخرج,طبعا الموية حارة ما تقدر تجلس فيها,عبال ما تدفى الموية شوية يكون جسمك اتشبَع من البخار,وادخل للبانيو اجلس على كيفك

لما ينحرق جسمك من الحرارة اخرج من البانيو وادهن جسمك بالصابون المغربي واتركه على جسمك اقل شي 10 دقايق,بعدين بالليفة اللي جات مع الصابونة افرك جسمك فيها من فوقك لتحتك"الليفة المغربية ملمسها زي ورق الصنفرة لكن على خفيف خخخخ",المهم لما تفرك جسمك بالليفة خلاص ارجع للبانيو واشطف جسمك بصابونة الطاووس وخلاص!!

شوف يا حبيبي يا عريس قد ايش وفَرت؟؟!!!

بكذا انتهينا من الموضوع الفعلي

نجي لبعض المنتجات اللي انصحكم فيها من تجاربي الشخصية

يا شباب اللي مقتدر وما يبخل على نفسه انصحكم بمحل اسمه lush,ماركة انجليزية ممتااازة لجميع مستحضرات الجسم,كريمات الحلاقة,صوابين الجسم,كريمات الجسم,املاح الاستحمام ,كنديشنر للشعر,مزيلات عرق"لكن للأمانة مزيلات العرق اللي عندهم ما شفت منها فايدة وانصحكم بـ كلارو كريم تلقوه في الصيدليات سعره 20 ريال للأنبوبة يجي بـ 3 روائح انصحكم بالعود"
هذي صورة كلارو كريم
اليمين بريحة السواريه والنص كلاسيك بدون ريحة واليسار بالعود
Image
لكن ما انصح فيه للحريم لأنه يسوَد منطقة الإبطين,لكن معانا ما تفرق ههههه


مافي منه غير 3 فروع في السعودية
في المدينة المنورة في الراشد مول وفي جدة في الروشان مول وفي الرياض في الفيصلية


المحل يجنن بشكل محد يتوقعه وميزته كل منتجاتهم صناعة يدوية وطبيعية لكن عيبه الوحيد غااالي لكن تستاهل

صور لمنتجاتهم
Image

Image

Image

هذا شامبو بملح البحر
Image

اول صف,من اليمين
قطعة تذوب في البانية,قطعة مساج للجسم
ثاني صف,املاح تذوب في البانيو,زبدة للجسم
ثالث صف,صابون جلي يجنن,تحطه في الفريزر قبل ما تستخدمه ولما تستخدمه تحس كأنها قطعة ثلجة,املاح للبانيو

Image

وهذا القناع اللي عندي اللي ذكرته في الموضوع قيمته 45 ريال

Image

بريحة النعناع يجننن لكن عيب اقنعتهم ومنتجاتهم بشكل عام انه صلاحيتها تنتهي بسرعة لأن زي ما قلتلكم مافيها كيماويات وطبيعية بالكامل

واحلى شي عندهم الصوابين,انصحكم فيها ما شفت صوابين في الدنيا مثل صوابين المحل هذا,شوفو كيف تفتح النفس
Image

سعر الصابونة على حسب الوزن لأنه يقطعها قدامك :17:
اسعار الصوابين تقريبا 25 ريال الى 35 ريال على حسب الوزن وانصحكم بصابونة العسل وهي الأكثر مبيعا عنده,و25 ريال مو مرة غالي لكن مقارنة بالصوابين اللي في السوبرماركت طبعا جدا غالي لكن اعيد واكرر لا تبخل على نفسك :icon23:

بالنسبة لكريمات الحلاقة,اغلب الحلاقين يستخدو جل او رغوة,وانا ما تناسبني,وعند المحل هذا لقيت "كريم"حلاقة,كريم يدهن على الذقن وتحلق فيه!!الحلاق اللي شافه انصدم,مرررة ممتاز مع ان سعره غالي لكن يجلس معاك فترة طويلة,العلبة الصغيرة بـ 45 والكبيرة بـ 80
***
شطحة: مدام جبنا سيرة المستحضرات مرة وحدة,معجون اسنان انصحكم فيه ممتاااااااز.سنسوداين ايزو اكتيف ,هذي صورته,عبارة عن جيل يتحول لرغوة في فمك
Image
***
بالنسبة لشامبو ممتاز انا انصح بشامبو الفيتامينات من محل اسمه ارمال G N C سعره 40 ريال ممتااااااااااااااز خصوصا للي يعاني من القشرة او التساقط"اختار المناسب لشعرك
هذي صورة النوع المخصص لتساقط الشعر
Image
وهذي صورة النوع اللي مخصص للقشرة اضن
Image

***
بالنسبة للبشرة الدهنية علاجها يا شباب بإستخدام غسول يومي من نتروجينا سعره اقل من 35 ريال ممتااااااز جدا,وانصح كذلك انك تجيب علبة بخاخ فاضية زي اللي الحلاقين يحطو فيها موية وتحط فيها موية ورد وتخليها في الثلاجة وكل ما مريت من الثلاجة بخ على وجهك منها ,واذا ما خفَت الدهون جيب ليمونة وافركها على وجهك يوميا وراح تدعيلي
وفي صوابين نتروجينا ممتازة لكن ريحتها معفنننة سعرها 15 ريال هذي صورتها
Image
***
بخصوص الحماية من اشعة الشمس ,في كريمات للوقاية من اشعة الشمس موجودة عند الصيدليات وعند لاش لكن عند لاش غالية,انصح بمنتج نيتروجينا لأشعة الشمس,سواء استخدمته او استخدمت غيره طريقة انك تدهنه على وجهك ويدينك قبل ما تتعرض للشمس بربع ساعة واذا تعرقت كثير او غسلت وجهك ادهنه مرة ثانية,نيتروجينا سعره 50 ريال في منه نوعين عند الصيدلية اسأل الصيدلاني عن الفرق
وهذي صورته
Image
***
إضافة من العضو The K-man مشكورا

The K-Man كتب:
موضوووووووووووووووووووووووع متعووووووب عليه من جد... يعطيك ألف عافية.

عندي إضافة و من تجربة شخصية ...
Image

عليكم بهذا الصابون... صابون البابايا، تللقونه في الصادليات. أنا تمر علي أيام في الصيف أشتغل في الشمس في المصانع بالجبيل الصناعية، و الله وجهي قلب أسود من الشمس، أخذت هذي الصابونة من صدلية الخنيني ( بالجبيل :new7:) من نصيحة أحد زملائي و الله أسبوع واحد و الفرق أي واحد يقدر يلاحظه ، وجهي فتح لونه في أسبوع. حتى السواد اللي تحت العينين راح مني. و ترى الصابونة تشيل الحبوب، لكن الحمد لله ما فيني حبوب.:new6:

ترى في أنواع لصابون البابايا، لا تاخذون إلا اللي بالصورة، أنا جربت النوع اللي داخله قطع فاكهة البابايا و ما نفع معي. إدعوا لي:new7:


***
ملاحظة:ما انصح احد يشتري من بودي شوب لأن جميع منتجاتهم سارت روائح بس بدون اي مفعول وغالية ع الفاضي وسبب اختياري لشركة "لاش"والله مو دعاية لكن لأني جربت شركات كثير لكن زي "لاش"مالقيت
***
موقف لي من احتياال الحلاقين,وراني الحلاق مرة كريمات للشعر وكريمان سنفرة سعرها 35 ريال طبعا شفت صناعتها من دولة عربية وشفت جودة الكريمات سيئة قلت ما تستاهل 35,طبعا لما رحت لمحل "نزيه" لقيت نفس الكريم بـ 8 ريال!! وعليها عرض اشتري عدد معين وتاخذ مدري كم وحدة مجانا!! انصدمت!!
***
واللي ما عنده قدرة على لاش,انصح بجميع منتجات نيتروجينا وخصوصا غسول الوجه وكريم السنفرة,جمييعها ممتازة واسعارها اقل من 35 ريال تلقوها في بندة وغيره ومرات تسير عليها عروض وتنزل اسعارها الى 20 ريال بس!!يا بلاااااااش
هذي صور غسولات نيتروجينا
Image
Image
Image

وصورة كريم سنفرة نتروجينا
Image
***
للحبوب السودا
+1
Image
***
بالنسبة للأخ اللي يسأل عن كيف يعرف نوع بشرته
اسهل طريقة,تجيب منديل وتحطه على وجهك وتضغط وتتركه شوية,اذا ما لقيت دهون يعني بشرتك جافة,اذا لقيت دهون يعني دهنية,اذا لقيت دهون بس جهة الخشم والجبهة يعني مختلطة
***
بالنسبة للي يسأل عن افضل زيت للشعر,ترا الغش في زيوت الشعر كثيييييييييير وصعب تلقى الأصلي,لكن الأفضل حاليا انك تاخذ اي زيوت من شركة عبدالصمد القرشي,تجي في علبة قزاز ضغَاط
Image
***
عبدالصمد القرشي عندهم المسك الأبيض علبة صغيرة اضن ربع تولة ناسي المقاس بـ 50 ريال ممتاز لتعطير الجسم خصوصا لو تدهنه مع لوشنك المفضَل,لما تعرق راح تطلع ريحة مسك :)
***
اللي يحب الروقااااان والإستكناااااااااااان,اشترو املاح من lush اسمها"BATH BOMBS"سعرها يبدأ من 25 الى 33 ريال للحبة,تعبي البانيو وتحطها وهي راح تذوب وتلوَن الموية وتعطَر الحمام بالكامل وانت بس طب فيها ورووووووووووق ,واللي يقول 30 ريال كثير على استخدام واحد,انت خليها تذوب نص ذوبان وشيلها واستخدمها مرة ثانية بعدين او ثالثة

وهذي صورها
Image

Image



Image
***
اللي تطلع له حبوب في وجهه يتركها تروح من حالها ولا يفقعها لأنه راح يبقى اثرها بعدين
***
اللي يبغى طريقة لتنعيم الشعر طبيعيا انصحه بالزويت المذكورة في الموضوع وانصحه بحمام الزيت اسبوعيا,طبعا لما تقول للحلاق انك راح تسويه كل اسبوع راح يراعيك ومثلا حلاقي نزَل سعره من 50 الى 25 ريال :)
***
الأخ اللي يسأل عن كيف يخلي شعره curly hair او لتجعيد الشعر او ملفلف بالعامية

بعد ما تستحم,لا تنشف شعرك المبلول بالكامل,بس حرك عليه المنشفه واهم شي يبقى فيه موية,بعدين جيب hair conditioner كندشنر للشعر تلقاه عند لاش 4 انواع احسن نوع اسمه "ريتريد",وتحط فيه يدك وتدهنه في يدك بعدين تفركه في شعرك بكل مكان وتحاول تلفلف شعرك بأصابعك وتلعب بشعرك من كل مكان الى ان يسير زي ما تبغى وخلاص,اذا ما تقدر تروح لـ لاش تقدر تستخدم بديل الزيت بانتين بعد الاستحمام او اي كندشنر ثاني,اذا بتستخدم بانتين بديل الزيت حط معاه شوية موية وادهنه في شعرك لكن لا تكثر لأنك لو كثرت راح تنطفي لمعته خخخخخخخ,واتركه الى ان يجف والنتيجة شعر مجعد راااائع زي كذا
Image

Image
***
بالنسبة للي شعره دهني,غيَر نوع الشامبو ولا تستعمل شامبوهات ابو 2 في 1 ولا تغسل شعرك كل يوم واختار شامبو مناسب لنوع شعرك وحاول تخفف مقدار الزيت في اكلك ولا تحط اي زيوت في شعرك :)
***
شباب لحد يحلق الذقن عكس ابدا,تكثَف الشعر وبيطلع بسرررعة,احلقها عادي وبعدين نعَمها بالبودرة ومكينة التنعيم,راح تواجهك حبوب في البداية لكن اختار كريم بعد الحلاقة بدووون اي عطور او ريحة هو الأفضل من الكريمات المعطرة,مررررة ثااااااانية كريم بعد الحلاقة مهم واهم شي يكون ساااااااادة,في واحد ممتاز لكن غالي بـ 100 ريال ما يسوى,الا يبغاه يراسلني على الخاص
***
ما انصح بحلاقة الذقن اكثر من مرة اسبوعيا بالموس لأنها تسبب ترهَل الجلد وتشوهه خصوصا على المدى البعيد
***
حمام زيت بوناويل ممتااااااااااز لتسريح الشعر,موجود في الصيدلية والماركت سعره بـ 15 للعلبة الصغيرة وبـ 35 للكبيرة,استخدامه:بعد ما تنتهي من غسيل شعرك,جففه شوي لكن مو بشكل كامل لأنه لازم يكون فيه بلل,وادهن بوناويل في يدك وبعدين حطه في شعرك وسوي التسريحة اللي تبغاها واخرج,ولكن ضروري لما ترجع للبيت تغسله :).
***
الاخ اللي يستفسر عن ماهي افضل طريقة لإزالة الشعر اللي عند العينين + الخدود,الجواب من تجربتي هي الفتلة لأنها افضل طريقة لكنها مؤلمة ويبغالها احد يتعود عليها
***
الحل للحبوب بإذن الله "للأمانة الطريقة افادني بها احد الأشخاص وليست من عندي"هو انك تجيب قطعه قطنه وتغمسها بخل تفاح طبيعي مركز غير مخفف
وتحطها على الحبوب او الحبه فقط لا غير وبعدين راح تشوفو النتيجه وان الحبه اختفت من وجهك وسار وجهك صااافي ان شاءالله
***
بإختصار:اشترو اغراضكم وسووها بنفسكم او خذوها معاكم للحلاق ويسويها لك مجانا او بسعر رمزي جدا ووفَرو :)

واي استفسار آخر حاضرين
وجمعة مباركة للجميع دعواتكم لي في هذا اليوم المبارك بتيسير الزواج :)

ويا شباب كل واحد وميزانيته ولحد يتكلَف بشكل فوق الطبيعي ولحد يبخل على نفسه بشكل اكثر من الطبيعي
قال تعالى في سورة الإسراء: { [FONT=Arabic Transparent][FONT=Arabic Transparent][B]ولا تجعل يدك مغلولة إلى عنقك ولا تبسطها كل البسط فتقعد ملوما محسورا [/FONT][/B][/FONT][FONT=Arabic Transparent]} [/FONT]

إن اصبت فمن الله وإن أخطأت فمني ومن الشيطان
الموضوع تعبت فيه جدا جدا اذا عجبك اخي لا تنسى شكرا :)

الأخ BUOMR رفع الموضوع للرد 155 للتحميل مشكوورا جزاه الله كل خير

BUOMR كتب:
الموضوع الى الرد 155 للتحميل..

[U]http://www.mediafire.com/?tk4gtbyeogm[/U]

جاري المتابعة وجزاك الله خير..



اخوكم ريان
"قريبا ان شاءالله,موضوع متكامل عن الحلول لمشكلة عدم نمو شعر الذقن والتجربة الشخصية :),حلمك تسوي سكسوكة؟حلمك راح يتحقق بإذن الله"
مع رورو مش حتئدر تغمَض عينيك:icon23::d
"سبحانكم اللهم وبحمدك أشهد ان لا اله الا انت استغفرك واتوب إليك"
Enlarged Image
تاريخ النشر: 2009-12-04 , 07:18 صباحاً
تاريخ النشر: 2009-12-04 , 07:27 صباحاً
Sn4ke’s Avatar
Sn4ke

عضو نادر

المشاركات:20760
التسجيل:Apr 2006
Sn4ke
يعطيك العافيه

صراحة في اشياء كثير تغيرت عن الماضي !

اولها اللي اعرفه ان اللي تتزين بشكل كبير و تحط مكياج هي العروس بالليلة العرس طبعا
لكن الحال تغير صار العريس هو من يهتم بشكل مذهل بالمكياج و خرابيط مالها داعي
حتى ان بعضهم لما تسلم عليه تحس صار عليك شي من الكريمات اللي حاطهم !

ياخي تحليق و لا باس مع كريم مرطب وصلى الله وبارك وش له هالحوسه كلها

حتى الحلاقين لقوا لهم ناس ماتفهم يعني تخيل قال تجهيز عريس ب250 وانت طالع !
على وشوا ؟؟
تاريخ النشر: 2009-12-04 , 07:27 صباحاً
تاريخ النشر: 2009-12-04 , 07:33 صباحاً
عبدالله العبدالله’s Avatar
عبدالله العبدالله

نشيط

المشاركات:1032
التسجيل:Sep 2008
عبدالله العبدالله
ما انت بسيط و الله
تاريخ النشر: 2009-12-04 , 07:33 صباحاً
تاريخ النشر: 2009-12-04 , 07:35 صباحاً
General-Engineer’s Avatar
General-Engineer

متميز

المشاركات:9010
التسجيل:May 2007
General-Engineer
شباب الموضوع اتحدَث سوو ريفريش
تاريخ النشر: 2009-12-04 , 07:35 صباحاً
تاريخ النشر: 2009-12-04 , 07:38 صباحاً
القادم من الخلف’s Avatar
القادم من الخلف

فعال

المشاركات:1373
التسجيل:Oct 2007
القادم من الخلف
موضوع رائع و متعوب عليه صراحة
و اتفق معك مع lush محل رائع و بضاعته ممتازة
تاريخ النشر: 2009-12-04 , 07:38 صباحاً
تاريخ النشر: 2009-12-04 , 07:40 صباحاً
Sn4ke’s Avatar
Sn4ke

عضو نادر

المشاركات:20760
التسجيل:Apr 2006
Sn4ke
Image

اما الصابون اللي عندهم شكله حلو ودك تاكله :new3:
تاريخ النشر: 2009-12-04 , 07:40 صباحاً
تاريخ النشر: 2009-12-04 , 07:42 صباحاً
Black Sniper’s Avatar
Black Sniper

عضو بارز

المشاركات:1328
التسجيل:Nov 2007
Black Sniper
Nice!
تاريخ النشر: 2009-12-04 , 07:42 صباحاً
تاريخ النشر: 2009-12-04 , 07:42 صباحاً
alkaser_sa’s Avatar
alkaser_sa

بارز

المشاركات:1881
التسجيل:Sep 2004
alkaser_sa
موضوع بصراحة متعوب عليه
بس انا بصراحة مالي في الموال الطويل هذا
بس ودي اعرف بالنسبة لتنضيف البشرة
انا دايما اسوي تنضيف بشره لشي واحد بس
انه بشرتي دهنيه وكرهتني عيشتي
في شي عند الحلاق نفس نظام المكنسه يشفط وجهك شفط :d
هذا وش السواه معه ؟ من وين نجيبه ؟
تاريخ النشر: 2009-12-04 , 07:42 صباحاً
تاريخ النشر: 2009-12-04 , 07:44 صباحاً
abdulaziz.m’s Avatar
abdulaziz.m

عضو

المشاركات:127
التسجيل:Nov 2007
abdulaziz.m
بإختصار ، موضوع رائع ،


شكرا لك ، جزاك الله خير
تاريخ النشر: 2009-12-04 , 07:44 صباحاً
تاريخ النشر: 2009-12-04 , 07:45 صباحاً
General-Engineer’s Avatar
General-Engineer

متميز

المشاركات:9010
التسجيل:May 2007
General-Engineer
alkaser_sa كتب:
موضوع بصراحة متعوب عليه
بس انا بصراحة مالي في الموال الطويل هذا
بس ودي اعرف بالنسبة لتنضيف البشرة
انا دايما اسوي تنضيف بشره لشي واحد بس
انه بشرتي دهنيه وكرهتني عيشتي
في شي عند الحلاق نفس نظام المكنسه يشفط وجهك
هذا وش السواه معه ؟ من وين نجيبه ؟


بالنسبة لأن بشرتك دهنية

بسيطة حبيبي

اذا بتروح لـ lush,خذ غسول للبشرة الدهنية او قطعة صابون بالفحم للوجه للبشرة الدهنية ,لما تغسل فيه وجهك راح تشوف كيف الدهون راحت وراح تحس بشرتك سارت جافة وطرية بشكل مو طبيعي,او اي مستحضر في السوق يحتوي على الفحم او الكربون

اما المكنسة اللي تقول عليها ما عرفتها بصراحة

وشكرا على مرورك
تاريخ النشر: 2009-12-04 , 07:45 صباحاً
تاريخ النشر: 2009-12-04 , 07:48 صباحاً
abuans’s Avatar
abuans

متميز

المشاركات:8612
التسجيل:Aug 2007
abuans
اذا بتتكلم عن إحـتـيـــال الحلاقين فحدث ولا حرج ، وهذه قصتي مع احدهم :
انا احلق شعر رأسي عند الحلاق مرة كل شهر المهم الحلاق كان تركي وقال لي عندي شامبو جايبه من تركيا ومفيد لفروة الرأس والقشرة و......و......وسعره بـ80 ريال قلت له خلص شغلك وبعدين نتفاهم عليه ، فرح ،وقال خلاص ، بعد ماخلص قلت له كم حسابك قال ....ريال حاسبته قال والشامبو ورجع يشرح من جديد انا طبعاً مشيت وتركته يشرح لنفسه .
تاريخ النشر: 2009-12-04 , 07:48 صباحاً
تاريخ النشر: 2009-12-04 , 07:54 صباحاً
alkaser_sa’s Avatar
alkaser_sa

بارز

المشاركات:1881
التسجيل:Sep 2004
alkaser_sa
General-Engineer كتب:
بالنسبة لأن بشرتك دهنية

بسيطة حبيبي

اذا بتروح لـ lush,خذ غسول للبشرة الدهنية او قطعة صابون بالفحم للوجه للبشرة الدهنية ,لما تغسل فيه وجهك راح تشوف كيف الدهون راحت وراح تحس بشرتك سارت جافة وطرية بشكل مو طبيعي

اما المكنسة اللي تقول عليها ما عرفتها بصراحة

وشكرا على مرورك


مشكور حبيبي

هي اداة من ضمن العدة حقت تنظيف البشره
تشفط الهوى
يقعد يشفّط فيها وجهك
معقوله ما مرت عليك ؟!
تاريخ النشر: 2009-12-04 , 07:54 صباحاً
تاريخ النشر: 2009-12-04 , 07:58 صباحاً
emad net’s Avatar
emad net

بارز

المشاركات:2375
التسجيل:Oct 2007
emad net
موضوع حلو لكن وين فرعه في جدة ؟
تاريخ النشر: 2009-12-04 , 07:58 صباحاً
تاريخ النشر: 2009-12-04 , 07:58 صباحاً
THE KENG’s Avatar
THE KENG

مبدع

المشاركات:2386
التسجيل:Dec 2008
THE KENG
ياشيخ انا وانت نفس الشئ صارو في البيت يشكون اني رجال

اغراضي اكثر من اغراض خواتي خخخخخخخخ

تعال غرفتي طب وتخير كريمات

ولا الروائح تدوخ كل ثانية تشم ريحة

بس مو زيوت لا الحمد لله كريمات وعلى مستوى وانا صراحة

في كل شئ اتعامل مع نزية مجموعة رااائعة

على العموم يعطيك العافية وانت اثرتني بروح اتروش الحين

وخذيت منك معلومات رائعه خصوصا الشركة اللي ما منها الا 3 فروع بالمملكة
.وشكرا..........
تاريخ النشر: 2009-12-04 , 07:58 صباحاً
تاريخ النشر: 2009-12-04 , 07:59 صباحاً
A.z.OO.z’s Avatar
A.z.OO.z

فعال

المشاركات:1723
التسجيل:Oct 2008
A.z.OO.z
طيب كييف تخلي الشعر ملفلف :d

زي يآسر و أحمد عطيف و الشلة ذي


http://sports.makcdn.com/imgs/News/157066/Featu...


+


http://moshwar.com/files/file/yass11.jpg

=

إلي يعرف يعلمني :new8:

أنتظركم :d
تاريخ النشر: 2009-12-04 , 07:59 صباحاً
تاريخ النشر: 2009-12-04 , 08:00 صباحاً
e’s Avatar
e

مبدع

المشاركات:5445
التسجيل:Dec 2005
e
الله يعيطك العافية انا يوم تزوووجت والله حلقت 10 ريال مع غسيل وجه كلها 20


ومريت lush بعد موضووعك ذاااك يوم تنصحنا فيه وشتريت مجموعه اعجبتني للمتزووجين 495

ريال

بتوفيق لك
تاريخ النشر: 2009-12-04 , 08:00 صباحاً
تاريخ النشر: 2009-12-04 , 08:02 صباحاً
alkaser_sa’s Avatar
alkaser_sa

بارز

المشاركات:1881
التسجيل:Sep 2004
alkaser_sa
A.z.OO.z كتب:
طيب كييف تخلي الشعر ملفلف :d

زي يآسر و أحمد عطيف و الشلة ذي


http://sports.makcdn.com/imgs/News/157066/Featu...


+


http://moshwar.com/files/file/yass11.jpg

=

إلي يعرف يعلمني :new8:

أنتظركم :d


تقصد اندومي ؟ :d
Image
تاريخ النشر: 2009-12-04 , 08:02 صباحاً
تاريخ النشر: 2009-12-04 , 08:04 صباحاً
e’s Avatar
e

مبدع

المشاركات:5445
التسجيل:Dec 2005
e
emad net كتب:
موضوع حلو لكن وين فرعه في جدة ؟




مجمع روشان مول بجدة
تاريخ النشر: 2009-12-04 , 08:04 صباحاً
تاريخ النشر: 2009-12-04 , 08:08 صباحاً
القادم من الخلف’s Avatar
القادم من الخلف

فعال

المشاركات:1373
التسجيل:Oct 2007
القادم من الخلف
طيب سؤال
كيف أعرف نوع بشرتي هل هي دهنية أم جافة
اذا فركت وجهي تخرج مادة سوداء ( ما أدري كيف أوصف لك ) مثل آثار العرق لما تفرك جسمك
هذه المادة تتكون كل يومين تقريباً
لا توجد حبوب في بشرتي و لله الحمد
أخذت من عند lush صابون الفحم و هو رائع على أساس بشرتي دهنية
بس ما أدري يمكن تكون بشرتي جافة

أما مكنسة الشفط فسبق و أن شفط وجهي حلاق تركي و انفجع من كمية الدهون
تاريخ النشر: 2009-12-04 , 08:08 صباحاً
تاريخ النشر: 2009-12-04 , 08:09 صباحاً
General-Engineer’s Avatar
General-Engineer

متميز

المشاركات:9010
التسجيل:May 2007
General-Engineer
A.z.OO.z كتب:
طيب كييف تخلي الشعر ملفلف :d

زي يآسر و أحمد عطيف و الشلة ذي


http://sports.makcdn.com/imgs/News/157066/Featu...


+


http://moshwar.com/files/file/yass11.jpg

=

إلي يعرف يعلمني :new8:

أنتظركم :d


راح اضيفها في الموضوع
تاريخ النشر: 2009-12-04 , 08:09 صباحاً

يُعتبر هذا الموضوع قديمًا ولا يقبل المزيد من الردود الجديدة.