أحتاج علاج الأبهر (الغولنج) في الشرقية

[sage]

أعرف فيه ناس يطقون الظهر لعلاج الغولنج , بالله أعطوني رقمهم على الخاص أو دلوني.

مؤلم جدا

أخذت relaxone و ريحني بس مؤقت

أنا في الخبر

 

 

[فركوش]

الله يشفيك ياخوي

ماأنصح نهائياً بطق الابهر مهما كانت الاسباب لأنه اذا تم طقه ستتعود عليه ولن تجد الشخص المتمرس فيه الا نادراً
وممكن ان يؤدي الى الام شديده في الظهر

 

 

[الينبعاوي]

انا مثلك واعاني منه بشكل لايطاق!!!

بكرة اجرب حجامة واشوف

 

 

[tuto]

حجامة الظهر ممتازة له ..

 

 

[مثل الحلم]

اذا كان تبي احد يحجم لك في الخبر


اعرف واحد وارسلك رقمه بالخاص


هو وزوجته يحجمون وشغله نظيف وادواته جديدة

 

 

[XRAY MAN]

والله إني أعاني من نفس المشكلة أسئل الله أن يشفيني منها لي أربعة سنوات على هذه الحاله

أحس فيه شيء مثل المسمار تحت لوح الكتف الأيمن أحسه يطلع من صدري

معاناه أسئل الله أن يجعلها تخفيف من الذنب

هل من حل يا إخوان

 

 

[باب الحاره]

اخوي مثل الحلم ممكن ترسلي رقم الحجام الي في الخبر على الخاص... وماهي جنسيته ؟؟

 

 

[عاشق ترابها]

أخوي الكثير يعاني من الأبهر أشد المعاناة لكن لم أعرف أحد تشافى منه بالعلاجات الشعبية ولا الكيميائية!!!

 

 

[TaGaSh]

نفس المعاناه يجي ويروح واخواني يعرفون يطقونه بس مافي فائده

جرب دهن ظهرك بزيت زيتون دافي ولاتطلع للهوى ولما تتروش ابعد عن المكيف

وفيه كمان قربه تنباع في الصيدليه تحط فيها مويه دافيه وتحطها تحت ظهرك

والله يشفيك

 

 

[السوده]

اخي الكريم اعرف اطقه
وانا بعطيك الطريقه وهي
تحديد موقع الابهر بلضبط
باصابع اليد وبعد ذلك يتم وضع كعب القدم على الابهر وراس القدم للاعلى بتجاه اليمين او اليسار ومن ثم يتم تتدويرالقدم بزاويه 45درجه بحيث يكون راس القدم بتجاه الراس طبعا والكعب ذاخط على الابهر حتى ليضيع مكان التحديد طبعا مع لف القدم يكون فيه ضغط زياده وتحس مع الدوران ان الجلد يلف مع الكعب وبعد تدوير القدم تيم ضغط الكعب زياده ومن ثم دفع الكعب دفعه واحده وبسرعه للامام بنفس الذغط وبذلك تسمع صوت الطقه (الطريقه مجربه بس فيه الم نسبيا وبعدها يروح الابهر)

 

 

[! alzaeem]

اعتقد ان طق الابهر غلطه كبيره
عضلات كيف انت توديها يمين ويسار ؟؟
انا اعاني من الأبهر من 5 سنوات
مابقيت مستشفى حكومي واهلي الا ورحت له لكن مافي فائده
ما اقدر اتنفس نهائيا كاتم على نفسي اذا تنفست احس اني ادخل سكين في ظهري واطلعه من صدري
معاناه الله يكفينا الشر
طبعا الابهر عندي سببه اصابة كرة قدم

 

 

[sage]

اقتباس: المشاركة الأصلية كتبت بواسطة مثل الحلم     اذا كان تبي احد يحجم لك في الخبر اعرف واحد وارسلك رقمه بالخاص هو وزوجته يحجمون وشغله نظيف وادواته جديدة

الله يعافيك ممكن تعطيني معلوماتهم على الخاص؟

أنا من زمان أبغى أسوي حجامة بس مالقيت. يقولي الوالد الحجامة مشكلتها أنك لازم تسويها بعدين كل سنة لأن الجسم يتعود عليها, بس ما أدري صحيح أو لا.

أنا رحت مركز ضي للمساج في الخبر شارع الجوالات و فيه واحد أندنوسي سوالي مساج قوي و مؤلم مع كاسات شفط بس ما يعرف حركة ضرب الأبهر. يقولي شوف بعد يومين إذا فيه تحسن.

و relaxone جابلي الغثيان.

أنا حاليا يجيلي الألم إذا أخذت نفس عميق أو لفيت جهة معينة.

اللي قال ضرب الأبهر يسبب آلام في الظهر ترى صحيح كلامه بس أضن هذا يحصل بسبب قلة الخبرة و ليس بشكل عام. بس ترى ضرب الأبهر أضن هو عبارة عن فك العقدة اللتي حصلت بسبب تشنج أو شد في أحد عضلات الظهر و فك هذه العقدة هو الحل السريع و المنطقي للمشكلة. أي حل ثاني يعتبر غير مباشر. أنا سمعت عن ناس كثير تأذوا في المستشفيات أسابيع و شهور بس يعطونهم مسكنات و يوم لقوا و احد يطق لهم الأبهر على طول تشافى و ترك المستشفى. المفروض يطقون الأبهر من أول. \-:

هذا التشنج يحصل غالبا بعد النوم الخاطئ أو التعرض لبرد مفاجئ بعد الإستحمام.

alzaeem! أبغاك تشوف فلم حق Jet Li أسمه Fist of Legend عشان أول مضاربة فيها إستعمال كثير لفن صيني أسمه Chin-na و هذا الفن يختص بالتأثير على العضلات و تحريكها من مكانها لأيقاف المهاجم بدون إصابة مستديمة و يمكن علاجها فيما بعد بإرجاعها مكانها كما سترى في الفلم.

اخوي السوده شكرا على الطريقة بس ما أبي إلا واحد خبرة يسويلي إياها.

 

 

[ad-1111]

يا اخوان علاجه بسيط جدا

هو مو عضله ولا عرق

هو عصبه ( الاعصاب )


طريقه التخلص منه بأذن الله نهائياً .. يعني كل مايجيك سوي الحركه لين يروح بأذن الله


خليك واقف امام جدار الغرفه مثلاً بحيث يكون وجهك امام الجدار مباشره وضم رجولك

وحط يدينك على الجدار واضغط على الجدار وارجع

يعني مثل البشم بس على الواقف

بشرط رجولك تكون مضمومه وثابته واللي يتحرك بس يدينك مع الصدر دخول وخروج



وبأذن الله تنسى شي اسمه ابهر


مجرب مليون %


لاتنسوني من دعائكم

 

 

[sage]

اقتباس: المشاركة الأصلية كتبت بواسطة ad-1111     يا اخوان علاجه بسيط جدا هو مو عضله ولا عرق هو عصبه ( الاعصاب ) طريقه التخلص منه بأذن الله نهائياً .. يعني كل مايجيك سوي الحركه لين يروح بأذن الله خليك واقف امام جدار الغرفه مثلاً بحيث يكون وجهك امام الجدار مباشره وضم رجولك وحط يدينك على الجدار واضغط على الجدار وارجع يعني مثل البشم بس على الواقف بشرط رجولك تكون مضمومه وثابته واللي يتحرك بس يدينك مع الصدر دخول وخروج وبأذن الله تنسى شي اسمه ابهر مجرب مليون % لاتنسوني من دعائكم

ما هو البشم؟

كم المسافة بيني و الجدار؟ هل هي على إمتداد الذراع؟

شكرا

 

 

[ad-1111]

البشم

يعني انك تمتد على الارض على بطنك وتضع يديك على الارض وترفع يديكوصدرك للاعلى وتنزل بشرط ما يلامس صدرك الارض

المسافه وانت واقف بوجهك على الجدار قريبه ممكن 20 سم


امتداد الذراع .. ماني فاهم

شوف ياغالي كأنك تبي تدف الجدار للخلف .. ضم رجولك من اسفل متلاصقه في بعض وصدرك وراسك قريب من الجدار بشرط عدم الملامسه

وحط راحت يديك بالطول على الجدار .. وادفع للخلف وعند الرجوع للامام لف راحت اليد بالعرض وافتح ذراعيك

 

 

[BraDly]

أنا أعرف أطقه بطريقة غير الطريقة الي الخطيرة التي يلزم وضع الكعب على الابهر

باليد فقط

ثانياً .. مرة لقيت باكساتاني لوتشوفه ماشاء الله .. تقول هذا من حقين كمال الاجسام

اسولف معه عن العضلات وجا طاري الاوجاع .. وطرينا الابهر .. وقالي : إيه اعرفه

قلت : هل هناك طريقة للتتخلص منه ؟

قالي : طريقة كل الباكستانين يعرفونها لأنه دائماً يجيهم من كثر الشيل والحط

الطريقة هي أنك تسوي بشم من 100 إلى 150 مرة ويروح

في الحقيقة لم أجرب طريقته لأن صعبة أسوي بشم 100 مرة -_-

لكن الي نفسه طويل في البشم .. يسويها وبـ طيب إن شاء الله

 

 

[sage]

اقتباس: المشاركة الأصلية كتبت بواسطة ad-1111     البشم يعني انك تمتد على الارض على بطنك وتضع يديك على الارض وترفع يديكوصدرك للاعلى وتنزل بشرط ما يلامس صدرك الارض المسافه وانت واقف بوجهك على الجدار قريبه ممكن 20 سم امتداد الذراع .. ماني فاهم شوف ياغالي كأنك تبي تدف الجدار للخلف .. ضم رجولك من اسفل متلاصقه في بعض وصدرك وراسك قريب من الجدار بشرط عدم الملامسه وحط راحت يديك بالطول على الجدار .. وادفع للخلف وعند الرجوع للامام لف راحت اليد بالعرض وافتح ذراعيك

دورت و لقيت هذه الصورة هل هي البشم؟

 

 

[ad-1111]

ايه نعم

سوي مثلها لاكن بالخطوات اللي فوق