استفسار عن سرعة التحميل في سرعة 512

[][v][]

بسم الله الرحمن الرحيم

السلام عليكم ورحمة الله وبركاته

ياشباب انا قدر الله علي وركبت Adsl
السرعه 512
والشركة المزوده للخدمه سعودي نت والاشتراك 512

ولما جيت احمل تصل سرعة التحميل مابين 26 الى 31
هل هذي السرعه مضبوطه والا تحتاج لضبط
وكيف اضبطها وماهي الاسباب اللي تخلي السرعه بهذا الشكل
هل المشكله من تمديد الاسلاك او العيب من الاتصالات او من مزود الخدمة

ارجو انكم تفيدوني وجزاكم الله خير

تحياتي

 

 

[lumina-ss]

السلام عليكم

يبدو لي ان سرعة الخط من الاتصالات 256 تاكد من سرعة الخط من المودم

 

 

[أصيلها]

اقتباس: المشاركة الأصلية كتبت بواسطة ][v][     بسم الله الرحمن الرحيم السلام عليكم ورحمة الله وبركاته ياشباب انا قدر الله علي وركبت Adsl السرعه 512 والشركة المزوده للخدمه سعودي نت والاشتراك 512 ولما جيت احمل تصل سرعة التحميل مابين 26 الى 31 هل هذي السرعه مضبوطه والا تحتاج لضبط وكيف اضبطها وماهي الاسباب اللي تخلي السرعه بهذا الشكل هل المشكله من تمديد الاسلاك او العيب من الاتصالات او من مزود الخدمة ارجو انكم تفيدوني وجزاكم الله خير تحياتي

أخي .. كلم 907 و أخبرهم أن يرفعوا لك السرعة لـ512
لأنه المفترض كون سرعتك ما بين 50 و 64 !
مع العلم أن المشترك في بداية اشتراكه تكون سرعته الموضوعة من قبل
الاتصالات هي 128 و عندما يرغب في الزيادة يطلب ذلك من 907
و تأكد كذلك من الأسلاك

 

 

[][v][]

اشكركم اخواني على الرد
وانا كلمت الاتصالات بس اليوم يقولون عندهم صيانه
ويقولون كلمنا بكره عالعموم اشوف بكره واعلمكم وش بيقولون لي

وهذي صورة قياس السرعه

 

 

[الهادئ]

مثل ماقالوا لك الاخوان استفسر من الأتصالات

والله شئ يقهر سرعة 256 او 512 او 128 كلها متشابهة

شركة التخلف الاتصالات زرف فلوس على قل خدمة

العالم الحين 2 ميغا شهرياً 400 ريال واحنا 512 بـ 520 ريال ؟؟؟ وسرعة زفت

اه يالقهر

 

 

[nights rain]

سرعة الدوان لود= سرعة الاتصال ÷ 8
يعني لو سرعة الاتصال الي انت مشترك فيه 512KB/s
فسرعة الدون لود المفروض تكون
512/8=64


لو 256Kb
256/8=32

 

 

[][v][]

السلام عليكم ياخوان واسعد الله صباحكم
اول شي احب اشكر لكم تفاعلكم معي وردودكم
واقول لكم اني
كلمت 907 اليوم وقالو لي ان الطلب الين الحين ماتقفل
وقالو لي مو مبين عندهم في الجهاز انه شغال
ويقولون الحين يشتغل عندك بالمجان لان الطلب ماتقفل
وانا شغال على النت لي 4 ايام الحين


تحياتي

 

 

[المهــند]

طبيعي جداً .. الشركة متخلفة جداً

طبعاً م اراح تقدر تزيد سرعة الخط من الاتصالات إلا بعد تقفيل الطلب

 

 

[][v][]

السلام عليكم

يااخوان ممكن تحلون مشكلتي
انا كلمت الاتصالات وقفلو الطلب ويقولون السرعه اللي انا طالبها 512 ولا عندهم مشكله
وكلمت شركة سعودي نت وبرضه نفس الشي يقولون بنسوي ريست لليوزر وطف المودم
عشر دقايق وبرضه بقت المشكله
وهذي الصوره وش الحل ياشباب هل هو من الاسلاك مع العلم اني ساكن في شقه
ولا سويت اي توصيلات جديده هل المشكله من الاسلاك واذا هي من الاسلاك كيف
اضبطها وشاكر لكم اهتمامكم تحياتي

 

 

[lumina-ss]

السلام عليكم

حاول تنزل برنامج من موقع download.com او مايكروسوفت وشف كم السرعة اذا مااصبحت 50 او 45 فهذا يعني سرعة 512 لم تفعل فعليا اي انها في نظام 907 نفعله لكن البورت من مركز تشغيل الشبكة ( الدينوك DNOC ) لم تفعل عموما افتح بلاغ لدى مركز 904 وراح تنحل مشكلتك بس قبل كل شي تأكد ان الامر اقفل ورصد من قبل 907 علشان تقدر تفتح بلاغ لدى مركز الاعطال 904


انا عندي ما تنزل عن 55 اذاكان الموقع مو مزحوم

ادخل على صفحه المودم وقلنا كم سرعة الخط

 

 

[][v][]

الله يجزاك خير بردك السريع وان شاء الله انا ابجرب واشوف
مع اني جربت وحملت كذا برنامج بس نفس المشكله
عالعموم مشكور وراح اجرب وارد لك خبر

تحياتي

 

 

[بابنجي]

سبحان كأنه انت انا وانا أنت

نفس المشكلة ياعزيزي بالضبط

ياليت تعطيني فكرة إذا أستطعت الحل

بالنسبة لي أعتقد المشكلة من سعودي نت لكنهم مو راضين يعترفوا

 

 

[][v][]

السلام عليكم

يااخوان قدمت طلب على 904 وجاء الفني وكلمني وقابلته
وشيك على السرعه من البوكسيه وطلعت 557
وقال لي السرعه مافيها شي قلت طيب وشفي التحميل
مهوب سريع قال يمكن لازم تمد له سلك خاص
ولا ادري وش رايكم هل المشكله من التسليك والا من المزود
وبعدين دخلت على شبكة الاتصال وشفت هذي السرعه
وش رايكم هل هي سرعة الاتصال والا لا

انتظر ردودكم

شاكرين

 

 

[lumina-ss]

السلام عليكم

اتوقع لك حلين وهو حاول جرب اشتراك شركة ثانية او انك ترجع السرعة الى 256 عن طريق الموقع ثم ترفعها من بكرة اي بعد 24 ساعة وتاكد انك غيرت رقم السرعة من اسم المستخدم

ملاحظة: انت اشتركت 512 على طول ولا 256 وحولتها الى 512

 

 

[][v][]

لا اشتركت 512 على طول

 

 

[lumina-ss]

السلام عليكم

الرجاء الاطلاع على الرسائل الخاصة

 

 

[A D S L 5 1 2]

اخوي اتصال الدي اس ال حساس جدا واي جرح بالسلك الواصل للمودم يؤثر على سرعة الاتصال .

لذا من الافضل ان توصل سلك جديد ويكون السلك الاسود .

 

 

[مثابر]

السلام عليكم جميعا

نفس المشكلة ظهرت معي

اشتراكي مع جيل وكنت اتعامل مع سرعة 128 والان جددت اشتراكي على 512

والسرعة لا تتجاز 244 علماً بانني قد فعلت سرعة 512 عن طريقة 907 وتابعت حتى تم التفعيل

وراجعت مع جيل وغيرت المزود الى اول نت بدون نتيجة وعملت اكثر من بلاغ مع 904 وتكون الافادة دائما

السرعة 512 من قبل 904 ووجهوني لمخاطبة 907 واعادة ترقية السرعة وكله كلام فاضي بدون نتيجة

في النهاية 907 و 904 وجيل كلهم يؤكدون ان السرعة 512 من قبلهم

حتى الدينوك كلمتهم مباشرة وعملو اختبار للسرعة وكانت الافادة 512 وفي النهاية

لم تحل مشكلتي حتى الان ، وقالو يمكن العيب فيك والحين راح ابدأ بعمل تحاليل كاملة لي !!

معلومات قد تساهم في تحديد المشكلة وحلها :
المزود : جيل
السرعة : 512
جهاز راوتر : يو اس روبتكس max-g( مهم جدا للمطابقة مع بقية الاخوة الذين ظهرت لديهم المشكلة )

ملاحظة : استنفذت جميع الحلو ما عدا ، تغيير الراوتر او تجربته على خط آخر سرعته 512

تحياتي للجميع

 

 

[مثابر]

هناك نقطة اخرى لم اذكرها وهي

الاب استريم 160 والدوان استريم 288 وهذا ما يظهر لي من خلال اعدادات الراوتر

والظاهر ان السرعة محدودة الى 256 ولكن السؤال

هل من الممكن ان تكون المشكلة في الراوتر ويحتاج الى اعداد او انه لا يدعم هذه السرعة علما بانه يدعم Adsl2 و +adsl2 او ان السرعة فعلا ما زالت 256 لدى الاتصالات ( بالرغم من الاتصالات والشكاوي التي استغرقت اكثر من اسبوعين ) ؟؟؟؟

نتمنى المشاركة لحل المشكلة

 

 

[ALSAFA7]

والله غريبة

انا 512 وشغال على جهازين

انا لما احمل تجي 35 لان الجهاز الثاني شغال ولو مهو شغال التحميل ما يتول تحت ال50 ولو كان مزحوم الموقع يوصل التحميل 40

ومرات يبدأ من 100