ماهي طرق توصيل الكومبيوتر بشاشة الـ LCD ؟

[Risky]

السلام عليكم ورحمة الله وبركاتة










الهدف الاساسي تقريباً من عزمي على شراء شاشة LCD
هو اني اشبك عليها اللابتوب واستمتع بصفاوه عاليه وحجم كبير

طبعاً سمعت ان اصفى وافضل الوصلات هي الـ HDMI



لكن لو الابتوب حقي مافيه HDMI

1/ هل فيه اي مجال اني اركب فيه الوصله او شي زي كذا ؟
لاني شفت كروت شاشة خارجية يكون فيها هالمنفذ بس ما اعرف اذا تتركب ع الابتوب
لان حرام اشتري جهاز جديد وجهازي ماله سنه


2/ واذا ما اقدر وش افضل طريقه لعرض الافلام من الابتوب الى شاشه الـ LCD ؟
وصله الـ S-Video ام منفذ الشاشة الخارجية VGA؟ < لانها الوصلات الوحيدة بجهازي


وهل فعلاً صفاوة الـ VGA مو كويسة والا بنفس جودة الـ HDMI ؟؟







ولكن مني جزيل الشكر

 

 

[أبو فهيم]

حياك الله أخوي risky ....
كيف حالك وأحوالك ؟ علومك ؟ عساك بخير !
مبروووك أخوي مقدما ...
وبالنسبة لشاشات LCD هي أفضل أنواع الشاشات وممتازة في الأداء وصدقني ماراح تندم !
أعتقد يمديك تشتري كرت شاشة جديد فيه HDMI وتركبه ! ليش لا ؟؟
طيب أخوي : جهازك فيه فتحة DVI ? إذا فيه تقدر توصل بكيبل DVI to HDMI موجود في السوق !
لأن الفرق كبير جدا بين VGA و HDMI فرق السماء عن الأرض !

 

 

[Risky]

اقتباس: المشاركة الأصلية كتبت بواسطة أبو فهيم     حياك الله أخوي risky .... كيف حالك وأحوالك ؟ علومك ؟ عساك بخير ! مبروووك أخوي مقدما ... وبالنسبة لشاشات LCD هي أفضل أنواع الشاشات وممتازة في الأداء وصدقني ماراح تندم ! أعتقد يمديك تشتري كرت شاشة جديد فيه HDMI وتركبه ! ليش لا ؟؟ طيب أخوي : جهازك فيه فتحة DVI ? إذا فيه تقدر توصل بكيبل DVI to HDMI موجود في السوق ! لأن الفرق كبير جدا بين VGA و HDMI فرق السماء عن الأرض !

فرق السماء عن الارض



هل هذي هي وصلة الـ DVI ؟




لا طبعاً مو موجوده بجهازي لانه لابتوب
مافيه وصلات كثيره اصلاً

وكرت الشاشة سمعت انا انه صعب يتبدل بالابتوب عشان كذا سألت

يعني على كذا ما استفدت شي من الـ LCD


لسا ما اشتريت شاشة على فكره لان الموديلات اللي ابيها مخلصه من السوق> حظي

 

 

[الشاااامل]

اقتباس: المشاركة الأصلية كتبت بواسطة Risky     فرق السماء عن الارض هل هذي هي وصلة الـ DVI ؟ لا طبعاً مو موجوده بجهازي لانه لابتوب مافيه وصلات كثيره اصلاً وكرت الشاشة سمعت انا انه صعب يتبدل بالابتوب عشان كذا سألت يعني على كذا ما استفدت شي من الـ LCD لسا ما اشتريت شاشة على فكره لان الموديلات اللي ابيها مخلصه من السوق> حظي

وسع صدرك ياخوي
لافرق السما عن الارض ولا شي بعض الاخوان يبالغون الله يهديهم
انقز واشتر وصله vga بخمسطعشر ريال
ووصلة صوت بعشره ريال
وصدقني صفاوة في الصورة ممتازة جدا
افضل من شاشة اللاب توب نفسها
وجرب وانت الحكم كلها عشرين او خمس وعشرين ريال
وبصراحه هذا احسن شي معجبني في lcd

 

 

[Avguru]

اقتباس: المشاركة الأصلية كتبت بواسطة Risky     السلام عليكم ورحمة الله وبركاتة الهدف الاساسي تقريباً من عزمي على شراء شاشة LCD هو اني اشبك عليها اللابتوب واستمتع بصفاوه عاليه وحجم كبير طبعاً سمعت ان اصفى وافضل الوصلات هي الـ HDMI لكن لو الابتوب حقي مافيه HDMI 1/ هل فيه اي مجال اني اركب فيه الوصله او شي زي كذا ؟ لاني شفت كروت شاشة خارجية يكون فيها هالمنفذ بس ما اعرف اذا تتركب ع الابتوب لان حرام اشتري جهاز جديد وجهازي ماله سنه 2/ واذا ما اقدر وش افضل طريقه لعرض الافلام من الابتوب الى شاشه الـ LCD ؟ وصله الـ S-Video ام منفذ الشاشة الخارجية VGA؟ < لانها الوصلات الوحيدة بجهازي وهل فعلاً صفاوة الـ VGA مو كويسة والا بنفس جودة الـ HDMI ؟؟ ولكن مني جزيل الشكر

مافي مثل الهمدي(على قول واحد من الأعضاء) وال دي في آي.
الأر جي بي زبا له بالنسبه لهم.

الحل هو التالي
بيع الجهاز بسعر حلو
واشتر واحد جديد
ويصير حلال

 

 

[Avguru]

اقتباس: المشاركة الأصلية كتبت بواسطة الشاااامل     وسع صدرك ياخوي لافرق السما عن الارض ولا شي بعض الاخوان يبالغون الله يهديهم انقز واشتر وصله vga بخمسطعشر ريال ووصلة صوت بعشره ريال وصدقني صفاوة في الصورة ممتازة جدا افضل من شاشة اللاب توب نفسها وجرب وانت الحكم كلها عشرين او خمس وعشرين ريال وبصراحه هذا احسن شي معجبني في lcd

الله يهدينا جميع
الفرق كبير جدا بين الديجتال والأنالوج
الهدمي(جازت لي) وال دي في آي ديجيتال
الأر جي بي (انالوج) يعني ماهو رقمي

 

 

[Risky]

اقتباس: المشاركة الأصلية كتبت بواسطة الشاااامل     وسع صدرك ياخوي لافرق السما عن الارض ولا شي بعض الاخوان يبالغون الله يهديهم انقز واشتر وصله vga بخمسطعشر ريال ووصلة صوت بعشره ريال وصدقني صفاوة في الصورة ممتازة جدا افضل من شاشة اللاب توب نفسها وجرب وانت الحكم كلها عشرين او خمس وعشرين ريال وبصراحه هذا احسن شي معجبني في lcd

انا بشتري الوصله هذي اكيد
بس المشكله ابي اعرف الحين قبل اتورط بالشاشه ولا استفيد

فعلاً التقنيه تدخلك بدوامات ماتخلص
شاشة > لابتوب > رسيفر > مدري ايش

اقتباس: المشاركة الأصلية كتبت بواسطة Avguru     مافي مثل الهمدي(على قول واحد من الأعضاء) وال دي في آي. الأر جي بي زبا له بالنسبه لهم. الحل هو التالي بيع الجهاز بسعر حلو واشتر واحد جديد ويصير حلال

والله يا اخوي لو السماء تمطر ذهباً وفضه بعته اليوم قبل بكرا
و يمكن بعد ارميه بالشارع

اقتباس: المشاركة الأصلية كتبت بواسطة Avguru     الله يهدينا جميع الفرق كبير جدا بين الديجتال والأنالوج الهدمي(جازت لي) وال دي في آي ديجيتال الأر جي بي (انالوج) يعني ماهو رقمي

والله يا انكم تحيرون الواحد
ما ادري صراحه احترت

بس بشوف لو كان العرض سيء يعني
فانا حاولت ادبر نفسي بجهاز او شيء ما

 

 

[mgnoon]

الله يوفقك باللي تبيه بس عجبتني< همدي>

 

 

[Risky]

مشكورين على الرد


انتظر رأي البقية

 

 

[تنفيذ]

اقتباس: المشاركة الأصلية كتبت بواسطة الشاااامل     وسع صدرك ياخوي لافرق السما عن الارض ولا شي بعض الاخوان يبالغون الله يهديهم انقز واشتر وصله vga بخمسطعشر ريال ووصلة صوت بعشره ريال وصدقني صفاوة في الصورة ممتازة جدا افضل من شاشة اللاب توب نفسها وجرب وانت الحكم كلها عشرين او خمس وعشرين ريال وبصراحه هذا احسن شي معجبني في lcd

كلام سليم
ولن تستفيد كثيرا من وصلة hd حاليا
ماذكره لك (الشامل) وافي وكافي وكأنك امام كميوتر فعلا

الملون لي تحفظ عليه فلن تكون الشاشة افضل من اللابتوب بحكم الحجم

 

 

[Risky]

اقتباس: المشاركة الأصلية كتبت بواسطة تنفيذ     كلام سليم ولن تستفيد كثيرا من وصلة hd حاليا ماذكره لك (الشامل) وافي وكافي وكأنك امام كميوتر فعلا الملون لي تحفظ عليه فلن تكون الشاشة افضل من اللابتوب بحكم الحجم

ليش ما استفيد ؟
مو يقولون ان وضوح الصورة راح يكون عالي



طيب شوفوا هذي الوصلات
هل هي حقيقية وتعمل والا بس كلام شركات

والسؤال الاهم: وين ممكن القاهــــا ؟؟



+




شوفوا هذا الوقع وباين اني اقدر اشبكه على اللابتوب ثم على الشاشة
وناسه انحلت مشكلتي اخيراً

حتى سعره قليل معقول حول الميتين ريال

http://www.chinavasion.com/product_i...dmi-convertor/

بس بليز قولي لي اني اقدر القاه هنا

 

 

[FoFoMilano]

وصلة ال VGA ممتازة عندي ونفس وضوح شاشة اللاب توب

 

 

[تنفيذ]

اخوي risky م
قلت لن تستفيد كثيرا
التوصيلة اتش دي عالية ومميزة
لكن عندك شيء سهل ومتوفر وممتاز ويخدمك في كل الظروف وهي التوصيلات التي ذكرها الاخوان
المهم ان hd لم يحن وقته بعد عطه وقت حتى تتوفر برامجه وتنتشر وبعدها تجد ماتريد بيسر وسهولة
من يحب التقنية ويتابعها سيتعب كثيرا وبعضهم يجد في المتابعة متعة فلا يلام لكن يجب عليه الصبر على التجارب

 

 

[Risky]

اقتباس: المشاركة الأصلية كتبت بواسطة تنفيذ     اخوي risky م قلت لن تستفيد كثيرا التوصيلة اتش دي عالية ومميزة لكن عندك شيء سهل ومتوفر وممتاز ويخدمك في كل الظروف وهي التوصيلات التي ذكرها الاخوان المهم ان hd لم يحن وقته بعد عطه وقت حتى تتوفر برامجه وتنتشر وبعدها تجد ماتريد بيسر وسهولة من يحب التقنية ويتابعها سيتعب كثيرا وبعضهم يجد في المتابعة متعة فلا يلام لكن يجب عليه الصبر على التجارب

طيب بس اذا انا بشتري شاشه بـ مبلغ وقدرة
احب اشوف الابداع فيها < يمديكم ع التعبير


,,

ياليت لو احد عند خبر وين القى الوصله اللي وضعت صورتها اكون شاكره له جداً

 

 

[الشاااامل]

السلام عليكم اخوي risky
سؤال انت شريت الوصلة اللي قلت لك؟
اكيد لا .
ياخي لا توجع راسك وتضيع وقتك رح واشترها ولك مني بتشوف صفاوه في الصوره ممتازة مثل شاشة اللاب توب وافضل بعد لانها ما تعكس النور. وصدقني انا مجربها على افلام hd وزي الحلاوه.

 

 

[Risky]

اقتباس: المشاركة الأصلية كتبت بواسطة الشاااامل     السلام عليكم اخوي risky سؤال انت شريت الوصلة اللي قلت لك؟ اكيد لا . ياخي لا توجع راسك وتضيع وقتك رح واشترها ولك مني بتشوف صفاوه في الصوره ممتازة مثل شاشة اللاب توب وافضل بعد لانها ما تعكس النور. وصدقني انا مجربها على افلام hd وزي الحلاوه.

انا لسا ما اشتريت الشاشه اصلاً
لان لقيتها مخلصه من السوق

انا بس ابي اعرف وضعي قبل اشتريها


معليش بسأل ايش افلام الـ HD
هي نفسها الـ DVDrip والا تختلف وكم حجمها تقريباً ؟

 

 

[مشتاق لها]

رح اكسترا وبتلقى كل شي هناك

 

 

[blueray]

اقتباس: المشاركة الأصلية كتبت بواسطة Risky     السلام عليكم ورحمة الله وبركاتة الهدف الاساسي تقريباً من عزمي على شراء شاشة LCD هو اني اشبك عليها اللابتوب واستمتع بصفاوه عاليه وحجم كبير طبعاً سمعت ان اصفى وافضل الوصلات هي الـ HDMI لكن لو الابتوب حقي مافيه HDMI 1/ هل فيه اي مجال اني اركب فيه الوصله او شي زي كذا ؟ لاني شفت كروت شاشة خارجية يكون فيها هالمنفذ بس ما اعرف اذا تتركب ع الابتوب لان حرام اشتري جهاز جديد وجهازي ماله سنه 2/ واذا ما اقدر وش افضل طريقه لعرض الافلام من الابتوب الى شاشه الـ LCD ؟ وصله الـ S-Video ام منفذ الشاشة الخارجية VGA؟ < لانها الوصلات الوحيدة بجهازي وهل فعلاً صفاوة الـ VGA مو كويسة والا بنفس جودة الـ HDMI ؟؟ ولكن مني جزيل الشكر

أخي العزيز

هل تقصد شاشات LCD المخصصه للكمبيوترات ام الشاشات العامه التلفزيونيه
فالشاشات الخاصه بالكمبيوتر هي افضل والحديثه منها متوفر بها معظم المداخل وتنتج أفضل صورة ممكنه للأشارة الصادرة من الكمبيوتر.
اما شاشات LCD العامه التلفزيونيه فهي تتطلب توصيلات عاليه الجوده مثل HDMI لتحصل منها على صورة مرضية ولكن لا توصل لمستودى الشاشات المخصصه لأستقبال إشارة الكمبيوتر.
هذا والله اعلى واعلم

 

 

[Risky]

اقتباس: المشاركة الأصلية كتبت بواسطة مشتاق لها     رح اكسترا وبتلقى كل شي هناك

رحت وللاسف مالقيت شي

اقتباس: المشاركة الأصلية كتبت بواسطة blueray     أخي العزيز هل تقصد شاشات LCD المخصصه للكمبيوترات ام الشاشات العامه التلفزيونيه فالشاشات الخاصه بالكمبيوتر هي افضل والحديثه منها متوفر بها معظم المداخل وتنتج أفضل صورة ممكنه للأشارة الصادرة من الكمبيوتر. اما شاشات LCD العامه التلفزيونيه فهي تتطلب توصيلات عاليه الجوده مثل HDMI لتحصل منها على صورة مرضية ولكن لا توصل لمستودى الشاشات المخصصه لأستقبال إشارة الكمبيوتر. هذا والله اعلى واعلم

اقصد شاشات الال سي دي التلفزيونية

 

 

[Avguru]

اقتباس: المشاركة الأصلية كتبت بواسطة Risky     معليش بسأل ايش افلام الـ HD هي نفسها الـ DVDrip والا تختلف وكم حجمها تقريباً ؟

افلام الإتش دي في الصوره دقتها 1080 بكسل
في الصوت إذا كان اتش دي يكون lossless surround

احجامها تختلف كثير ويعتمد على خصائص الفلم نفسه
مثلا في ناس تاخذه على AC3 ويكون الصوت فيه متوسط وحجمه 8 جيجا
في ناس تاخذ True HD او DTS-HD ويكون حجم الملف 21 جيجا
هذا إذا كانت دقة الصوره 1080

إذا كانت 720 تقل طبعا خصوصا إذا AC3 تكون غالبا 4 جيجا.