تبي تفتك من الاتصال على 110 او شراء بطاقات شحن لموبايلي تعال واستفيد

[dat4u]

السلام عليكم

انا انسان ما احب اتصل بالتليفون ابد واكره مالي اذا رن الجوال بس عاد مضطرين نستخدمه

على كل حال انا عندي اكثر من شريحة موبايلي باسمي وكلها فيها باقات انترنت 1 قيقا وكلها مع ناس عزيزين علي لكن مايعرفون كيف يفعلون الباقات ولا كيف يشحنون وانا اسوي كل شي من كمبيوتري بكل بساطه

عشان تشحن اي رقم موبايلي كل اللي عليك انك تدخل على موقع البنك اللي تتعامل معاه

مثلا انا استخدم سامبا او الراجحي ادخل على تسديد الفواتير وادخل رقم موبايلي واختار شحن وبعدين ادخل المبلغ اللي هو 100 ريال قيمة باقة 1 قيقا
او تشحن عن طريق موقع موبايلي عن طريق الكريدت كارد

بعدها ادخل على موقع موبايلي
http://www.mobily.com.sa
وادخل اسم المستخدم وكلمة المرور اللي سجلت بها من قبل في موقع موبايلي ويطلع لي ارقامي في موبايلي كلها طبعاً اي رقم لازم تفعله عن طريق الموقع ويرسلون لك رسالة تأكيد عشان تقدر تشوف من الموقع

بمجرد ماتختار الرقم اللي شحنته تقدر تدخل على الفواتير والدفع عشان تشوف رصيدك كم وتتأكد ان المبلغ اللي شحنته دخل في رصيدك

بعدها تضغط على خدماتي وبعدين ادارة الخدمات وتختار منها خدمة الانترنت وتختار باقة 1 جيجا او 5 جيجا او الباقة المفتوحة
وتقدر تشوف نقاطك وتغير الكثر من مزايا رقمك وكل هذا بدون ماتتصل على 1100 ولا تتعب نفسك في الانتظار
وانا جربت الخدمه هذي اكثر من مره والحمد لله دائماً تتفعل الخدمة مباشرة

حتى تقدر تحول رصيد الى رقم ثاني عن طريق الموقع وتقدر تسوي خدمات كثيرة مفيدة وكلها بدون ماتتعب نفسك وتتصل على 1100

قد يكون موضوعي قديم لكن انا متأكد ان فيه ناس ماتدري عن هالشي

** ملاحظة: عشان تسجل في موبايلي لازم تكون الشريحة باسمك وراح يرسلون لك رسالة تفعيل على نفس الرقم عشان يتاكدون ان الرقم موجود معك وبعدها تقدر تتحكم في الرقم عن طريق الموقع

 

 

[Kont]

شكرا لك أخوي

تحياتي لك

 

 

[waw]

شكرا لك
بتريحنا من التحدث الى موظفي موبايلي اللي ما عندهم المام كافي بالخدمة

 

 

[mmloo7]

مشكوووور ......... اول مرررة أدري عنها ............ مع إني مسجل من زمان في موقع موبايلي ....!!!

 

 

[أبووسم]

طريقة ممتازة وأنا اتبع طريقتك هذه من فترة طويلة

وأشكرك على توضيحها للأعضاء ولك تحياتي

 

 

[مستشارك2]

مشكور

 

 

[bjn]

لكن هل يمكن تسجيل رقم الشريحة مسبقة الدفع في الموقع ؟

 

 

[dat4u]

اول ماتدخل على موقعهم راح تحصل الارقام اللي باسمك ويقول لك اختر رقم واذا اخترت الرقم راح يرسل رسالة تفعيل لنفس الرقم وبعدها تقدر تتحكم في الرقم عن طريق الموقع

 

 

[ترررركي]

بارك الله فيك ...

 

 

[mnsh]

اشكر اخي الحبيب على هذا الاقتراح
لكن المشكلة أن بعض ارقام موبيلي عند محاولة اضافتها الى الفواتير
في البنك يعطي رسالة (الرقم غير معروف) ولا يضيفها الى الفواتير فلا يمكن تسديدها

 

 

[daajaah]

جزاك الله خير وكنت شايل هم تفعيل شريحة موبايلي مو بإسمي بأسم السواق :D ومعي رقم بطاقة الاقامه

يعطيك العافيه

 

 

[xbox elite]

واذا موبايلي مو راضية تتعرف على رقمي؟؟؟

انا حاولت اسجل في موقع موبايلي وعند طلب رقم الجوال كتبته ولكن تم رفضه نهائيا

مسبق الدفع

 

 

[dat4u]

شكراً للجميع على ردودهم

اقتباس: المشاركة الأصلية كتبت بواسطة xbox elite     واذا موبايلي مو راضية تتعرف على رقمي؟؟؟ انا حاولت اسجل في موقع موبايلي وعند طلب رقم الجوال كتبته ولكن تم رفضه نهائيا مسبق الدفع

الله يعينك اخوي والله مدري عن مشكلتك لكن جرب اتصل على 1100 واسئلهم عن مشكلتك وان شاء الله يحلونها

وما دام شريحتك مسبق الدفع اذا انتهت باقتك طلع لك شريحة جديدة والظاهر عندهم عرض الحين رصيد اضافي مجاني مع الشريحة وتصير انت ****بان

 

 

[ha7hai]

أنا أشحن بموقع المباشر في الراجحي

طبعاً رقم حساب رصيد الشحن حيكون نفس رقم الجوال

بس بالبداية لازم 966556677888


>> مثال