عسل نيوزلندي عضوي

[Affar]

السلام عليكم

تابعت برنامج عن الاكل في نيوزليندا قبل على قناة ناشيونال جيوقرافكس قبل دقايق

البرنامح يتكلم عن المزارع وانواع المنتجات الزراعية النيوزلنديه، واحده من المقاطع كان مخصص عن مزرعة نحل تعتمد على الأزهار العضويه وكيف تحصيلهم للعسل وجودة وصفاوة عسلهم.

قلت لنفسي خلني أشارك أعضاء المنتدى لموقع المزرعة يمكن يستفيدون منها. بس الله يعينكم على الشحن ياهو غالي

http://www.beesonline.co.nz/

 

 

[امير ملكي]

يشحن على طول للسعودية ؟

مافيه العسل ذا في امريكا " اسهل للطلب " ؟

 

 

[*رنــــــا*]

وعليكم السلام ورحمة الله ..
صحيح قبل فتره تقريبا اكثر من 3 شهور تابعت نفس البرنامج ..
وشدني جدا كيف طريقه تحصلهم للعسل وحفظ المنتجات وبيعها ..
وحاولت اطلع اسمه ماقدرت لاني نسيت اسم المنتج بالضبط ..
يعطيك العافيه على الافاده ..وشكرا لك جزيلا ..

 

 

[الشاهين®]

لايشحن للسعودية مع الاسف

 

 

[_ابوعبدالله_]

اخوي العسل واحد اللي برا واللي هنا من ناحيه الجوده مثلا عسل الشفا و لانجيز و عسل اخر الماني نسيت اسمه.
عل الاقل تفحص مكوناته من الناحيه الصحيه...
لكن اذا تبي عضوي موجود في السعوديه ... و مضمون
المواد الغذائيه لا انصح بشرائها من الخارج

 

 

[abdullillah]

انا كنت بنيوزيلاندا قبل فترة . طبعا عندهم عسل يعتبر من افضل العسل بالعالم .. اسمه مانوكا Manuka .. انصحكم فيه ... جبت لاهلي والعائلة كثير منه .. لكن ماعمري طلبته عن طريق النت

 

 

[Abdullahx6]

اقتباس: المشاركة الأصلية كتبت بواسطة abdullillah     انا كنت بنيوزيلاندا قبل فترة . طبعا عندهم عسل يعتبر من افضل العسل بالعالم .. اسمه مانوكا Manuka .. انصحكم فيه ... جبت لاهلي والعائلة كثير منه .. لكن ماعمري طلبته عن طريق النت

موجود بالموقع

Organic Manuka



250g

 

 

[امازوني]

الله كريم مافيه السعوديه

 

 

[Brilliant Lady]

اطلبوه من موقع iherb
موجود عسل المانوكا العضوي
دعواتكم لنا بالخير الكثير

 

 

[Brilliant Lady]

موجود شحن للسعوديه
ادخل ع Rest of World
بعدين اكتب عنوانك

 

 

[*رنــــــا*]

^^
صحيح فيه شحن للسعوديه عن طريق
بقيه العالم = Rest of World
سجلوا عنوان البريد العادي ..
ولي تجربه قريبا معه باذن الله ..

 

 

[ابو سآلم]

اشترينا وتم سحب المبلغ

سعر الشحن للسعودية ١٠٠ ريال

 

 

[إحساس حساس]

ابي اطلب منه بس احترت فيه كذا نوع

 

 

[fideatk]

وين رابط العسل المقصود واللي يشحن لسعودية

 

 

[Garmin555]

جزاكم الله خير .. الخوف يمسكونه الجمارك او يتكسر في الشحن ؟؟

هل من تجربه سابقه ؟

 

 

[matrex2000]

عطوني. رابط الي يشحن لسعوديه الله يجزاكم خير

 

 

[sun87]

جربت عسل المنوكا يوم كنت ساكن في بريطانيا من الموقع الي تحت ...لكن ما اعجبني ينشف الحلق

http://www.gfmhoney.co.uk/products.html

http://www.gfmhoney.co.uk/organic_manuka_honey.html

 

 

[fe99]

فيه نوع ممتاز أحببت أشرككم فيه يا إخوان
أنا شفت محمصة اسمها مسك وعنبر تبيع هذا النوع من العسل النيوزلندي
بالرياض ومكانها شارع السيل الكبير بحي الغدير.

 

 

[uae4all]

السلام عليكم ..

بعد عدة تجارب مع هذا العسل فأقل ما يقال عنه انه رائع .. كنت اطلب من امازون لكني وقعت على موقع امريكي يعطيك خصم كل ما تزيد الكمية ويشحن لدولنا لكن حسبتها شفت اشحنها لصندوق ارامكس اوفر وخاصة ان الشحن داخل امريكا مجاني ان تجاوز مبلغ مشترياتك 100$

الموقع هو http://www.luckyvitamin.com


العسل اللي اطلبه دائما هو Wedderspoon Organic +16 Manuka Honey

http://www.luckyvitamin.com/p-30108-...6-176-oz-500-g

وهذا العسل اكثر نوع ابدى الناس اعجابهم فيه في أمازون اقرأوا تجارب الناس

http://www.amazon.com/Wedderspoon-Or...n+manuka+honey


يكفي ان العسل صلاحيته تنتهي في 2020 لتعرف انه خالي من الإضافات ..

السعر في امازون بين 34 و 38 دولار اما في الموقع اعلاه 28$ لو طلبت اربع جرار ذو الـ 500 جرام

بتلاحظون ان جرة العسل فيها رقم مثل +16 وكل ما زاد الرقم كان افضل واغلى .. والـ +16 يعتبر ممتاز جداً ..

اولادي حبوا طعمه طبعا الطابور يبدأ قبل النوم .. بابا نبغي عسل .. بالنسبة لي شخصيا اخلطه مع حبة البركة النصف مطحونة يعطي نكهة وطبعا تزيد الفائدة ان شاء الله

من فوائد هذا العسل بعد أمر الله انه مفيد لقرح المعدة ومساعد لشفاء ندب الجروح بعد العمليات الجراحية ومضاد لغازات وحموضة المعدة والإمساك ..


الخلاصة انصح بقوة بهذا العسل ثم ان الموقع اعلاه عنده منتجات طبيعية خالية من المواد الحافظة مثل مضاد التعرق الخالي من الألمنيوم والصابون ومنتجات اخرى ..

دمتم بود

 

 

[العتيبي111]

الله يجزاكم خير على هالمعلومات القيمة