طريقة تشغيل الواتساب على أجهزة التابلت بدون رووت

[aboabdullah]

السلام عليكم ورحمة الله ،،

أنا جديد في عالم الأندرويد ،، اشتريت النيكسس 7 من أسبوع ،، وبحثت عن طريقة إني استخدم فيها الواتساب في التابلت بدون رووت وخرابيط لأني معرفتي في عالم الأندرويد والروت والرام صفر ،،

الطريقة إنشاء الله تكون سهلة وواضحة ،، والأهم أنها بدون رووت


لكن أهم شي التركيز في الخطوات :

1- الخطوة الأولى هي تحميل هالملفين الملف الأول الي هو أخر اصدار للوتساب ) و الملف الثاني هو برنامج اسمه آب جارد (Appgaurd) لالتعديل على قدرات البرامج للتحكم بخصائص النظام .

2- بعد تنصيب البرنامجين ،، نفتح برنامج الآب جارد ،،
ـ نطغط على أول خيار (secure a new app)
ـ نختار برنامج الواتساب ،، عملية السكيور تمر بثلاث مراحل (سكان و حذف البرنامج و تنصيب البرنامج ) ،، نضغط OK لبدأ العملية .
- بعد انتهاء العملية نضغط اوكي ،، بتطلع خيارات كثيرة ،، نجي لخيار اتصلات الهاتف أو Phone call ونشيل علامة الصح من عندها.

3- نرجع نفتح الواتساب ،، بعد عملية السكيور ،، راح نلقى ان الواتساب راح يشتغل وتقدر تدخل رقم ،، لكن المشكلة أننا مانقدر نرسل الكود أو نتصل لأنه مافيه شريحة ،، الحل لهذه المشكلة أنه يكون عندك جوال يشتغل فيه الواتساب وتدخل الرقم الي تبيه (بشرط يكون نفس الرقم الي دخلته بالتابلت ) وراح يصلك كود على الرقم الي حطيته ،، حط الرقم في التابلت وراح يشتغل زي الحلاوة.


ملاحظة:
مايشتغل الواتساب في التابلت برقم شغال عليه بالواتساب جهاز ثاني ( يعني مثلاً مايشتغل الجوال والتابلت على نفس الرقم).


أتمنى أن الخطوات تكون واضحة.

هالموضوع بحثت فيه طويلاً بالنت ،، وشفت هالطريقة بموقع أجنبي ،، وحبيت أشاركم فيه ،، والي عنده إضافة في هالموضوع ياليت يشاركنا ،،

أي استفسار أنا حاظر ،،




تحياتي للجميع ،،

 

 

[أبو سلاف15]

ما قصرّت عساك ع القوة.

 

 

[OXYGEN.SA]

بجربها
بس الخطوة الثالثه مافهمتها ياليت توضحها اكثر
ينفع استخدم ايفون وعليه واتس اب شغال برقم اخر؟ كيف احذف الرقم القديم؟

 

 

[OXYGEN.SA]

ماقدرت انزل الملفات ياليت تضعها في المرفقات الله لا يهينك

 

 

[aboabdullah]

أخوي اكسجين ،،

تم تعديل الروابط ،، وبالنسبة لسؤالك ،، تقدر تحذف الواتساب وتحمله مره ثانية ،، وراح يسآلك عن الرقم الي يبيله تفعيل ،، تحطه وراح تجيك رسالة بالكود ،، حطه بالتابلت ،، وبعدين ارجع حط رقمك بالآي فون (الرقم الي عليه الواتساب الي حذفته )

 

 

[تنورين]

اخي الكريم ارى ان استخدام برامج اخرى غير معروفه مع برامج المحادثة تخوف ، لانها غير موثوقة ويمكن يستغلها اصحابها في التجسس على المحادثات ، وشكراً لك

 

 

[aboabdullah]

بإمكانك حذف الآب جارد ،، اذا اشتغل معاك الوتساب ،،

الآب جارد برنامج من تطوير جامعة المانية ،، وهذا رابط البرنامج http://www.backes-srt.de/produkte/srt-appguard/

 

 

[whocaress]

شكرا على المعلومات و جزاك الله كل خير

 

 

[هلالي غريب]

ياريت تتأكد من رابط الاب جارد

 

 

[aboabdullah]

تم التعديل ،،

 

 

[MOH_EM]

ماضبطت معي يعطيني ايرور

 

 

[Abu Mohanad]

طريقة طويلة و غير عملية و تحتاج جهاز اخر
بينما وضع الروت اريح و لا يسبب مشاكل اساسا

 

 

[AZEEF ALOOD]

بارك الله فيك على الشرح ،، غالب مستخدمين اندرويد او %80 يستخدمون الـROOT

بارك الله فيك ،،

 

 

[abdrash1398sa]

شكرا اخوي ..

بس ليش التعقيد هذا كله ...

الشغلة اسهل من كذا بكثير ... اول شي ثبت برنامج الوتس اب في جهازك Tab ... وسجل رقمك " اي رقم شريحته شغالة معك " .. بعدها بثواني يتم ارسال الكود " عبارة عن 3 ارقام " برسالة نصية الي رقمك " يفضل لو تكون الشريحة في جوال ... علشان تستقبل الرسالة النصية .. كود التحقق " بعدها ادخل رقم التحقق في جهاز الـ Tab وتمتع بالواتس اب ... وسلامتكم

 

 

[OXYGEN.SA]

كيف طريقة الروت؟ وايش اللي راح يتغير في الجهاز لو عملت له روت؟

 

 

[aboabdullah]

أشكر الأخوان الي أثروا الموضوع ،،


بالنسبة لي أنا ماأفضل أني أسوي روت للجهاز ،، عشان كذا استخدمت هالطريقة ،، وهي طريقة مضمونه ،، وماتجرك لمشاكل الروت (كسر الحماية) ،،


،،


abdrash1398sa

يالغالي جهازي نيكسوس ٧ ،، إذا حاولت احمل الوتساب من الستور مااقدر ،، واذا حملته apk يقولي أن الواتساب مايدعم أجهزة التابلت ،،

،،


تحياتي للجميع

 

 

[abolyla]

يالغلا جربت على جهازي ترانسفورمر باد300 ويعطيني ارور
سويت نفس خطواتك ولا افاد

 

 

[اندرويداوي مجنون]

جربت بس في الخطوه الثانيه يعطيني error

تم الإرسال من جهازي Transformer Prime TF201 بواسطة تاباتوك 2

 

 

[MOH_EM]

اقتباس: المشاركة الأصلية كتبت بواسطة اندرويداوي مجنون     جربت بس في الخطوه الثانيه يعطيني error تم الإرسال من جهازي Transformer Prime TF201 بواسطة تاباتوك 2

نفس المشكله

 

 

[aboabdullah]

زي ماقلت لكم ياشباب مالي خبرة في الأندرويد ،،

لكن هالطريقة ضبطت معي ،، << قد تكون تشتغل بأجهزة وأجهزة لا ،،