تجربتي الفاشله ( mango + amazon ) __ :'(

[Nirvana]

صباح الخير ..،



قبل أسبوع طلبت فستان من مانغو ( أدري موجود هنا ) بس إدمان امازون وقلت أكيد السعر أقل من محلاتنا

وبعد بـ مدينتي مو موجود المحل !

هذا الرابط :

http://www.amazon.com/Mango-Womens-G...978117&sr=1-47

سعره 189$

يعني 716 ريال

و ارامكس خذوا 100 ع التوصيل




بس صارت لي مشكلتين !

الأولى : طلبت مقاس 10 على أساس إنه عندنا نفس S

طلع XL

قلت مو مشكله حنا مسافرين وراح نتسوق وأقدر أبدل المقاس عند المحل

خصوصاً إنه بـ ورقته ما شلتها

رحت لمحلهم وكلمت الكاشيير على إني ببدله قال ؛ وين الفاتوره؟ قلت ؛ ماهي معي

قال ؛ اوكي أي مقاس تبين ؟

بدلته وسألت عن السعر ..

قال ؛ 379 ريال

يعني الفرق 337 ريال



غريبه سعره بامازون الامريكي أغلى من عندنا !!!!!

احد يشرح لي ؟

مع العلم ان ماركة مانغو إسبانيه مو أمريكيه !




حطيت الموضوع للعظه والعبره

 

 

[jnoon r]

معوضه خير يارب

اهم شيء عاجبك الفستان ولا تعيدينها ههههههههههههههههههههههه

 

 

[aumneah]

وعليكم السلام والرحمة

التسوق من النت متعه لكن مش كل المعروض في المواقع ارخص ولا كل الموجود عندنا اغلى وافضل
علشان كذه الافضل دراسة كل طلبية شراء قبل الاقدام عليها
وموقع امازون الاسعار فيه مش مقياس عالمي فيه مواقع عالمية واسعارها اقل منه تقدري تقارني بينه وبين مواقع الماركات مثل ماركة جوسي في الموقع يسون عروض حلوة وفي امازون الاسعار تظل فترات طويلة ماتنزل ..اما بالنسبة للمقاسات افضل حل هو استخدام المتر وتدوين مقاسك الشخصي ومقارنته مع جدول القياسات في جميع المواقع قبل شراء اي قطعه

ان شاء الله تكون اخر التجارب الغير ناجحه وتكوني استفدتي منها

 

 

[fhoooood]

الله يعينك والله ..

لكن صراحة انا أشك إن الفستان اللي هنا هو نفسه كخامة وجودة باللي موجود في أمازون ..

ياختي تجارنا ما همهم الا مخابيتهم .. 99% من البضائع .. تقليد ماركة ويبيعونه على إنه ماركة ..

خليها على ربك بس ..

وبالعكس انتي ربحتي تجربة ودرس .. والدنيا تجارب ..

لا تحزني فلا تعلمين الخيرة أين كتبت لك ..


معوضة خير يا رب ..

 

 

[سنايبر القصيم]

اقتباس: المشاركة الأصلية كتبت بواسطة fhoooood     الله يعينك والله .. لكن صراحة انا أشك إن الفستان اللي هنا هو نفسه كخامة وجودة باللي موجود في أمازون .. ياختي تجارنا ما همهم الا مخابيتهم .. 99% من البضائع .. تقليد ماركة ويبيعونه على إنه ماركة .. خليها على ربك بس .. وبالعكس انتي ربحتي تجربة ودرس .. والدنيا تجارب .. لا تحزني فلا تعلمين الخيرة أين كتبت لك .. معوضة خير يا رب ..

لا ازيد على كلام اخي

معوضة خير ان شاء الله

 

 

[حورية الشاطيء]

معوضه خير هههههههه
بس غريبه جد وشلون صآر أرخص واهي نفس الماركه ..

موفقه ^_^

 

 

[كمنجاتي]

الله يعوضك خير

 

 

[اسير الحنين]

اقتباس: المشاركة الأصلية كتبت بواسطة حورية الشاطيء     معوضه خير هههههههه بس غريبه جد وشلون صآر أرخص واهي نفس الماركه .. موفقه ^_^

ارخص اذا جينا احنا المستهلكين نبيع شي لكن لما نجي نشتري بالطبع اغلا

 

 

[طامر بعيد]

مع احترامي لك
الي سويتيه غش
مفروض ترجعي الفستان للبائع في امازون مو للمحل
فاتمنى تصححي غلطتك حتى لا تجديها في ميزان اعمالك

 

 

[abdulaziz.net]

هذي هي الدنيا حظوظ وتوافيق
إما وطاك الحظ ولا وطيته


^_^

 

 

[رعشش]

معوضه خير إن شاء الله ..

بس كان في نظري اانك لو رجعتيه لامازون ويرجعون لك فلوسك وبتكونين خسرتي تقريبا 200 على قيمة الشحن والارجاع . بدال ماتخسرين حوالي 337 ريال

 

 

[مـاجـلان]

الله يعوضك .... اتمنى تتأكدين من جواز استبدال الملابس من فرع لم تشتري منه !!!

 

 

[Majed AG]

اقتباس: المشاركة الأصلية كتبت بواسطة مـاجـلان     الله يعوضك .... اتمنى تتأكدين من جواز استبدال الملابس من فرع لم تشتري منه !!!

كل محلات الماركات المنتشرة ، مثل زارا مانجو سنتربوينت وغيره ،

تقدر تبدل او ترجع عند اي فرع من فروعهم ، لان بضاعة كل الفروع وحده

 

 

[نمممس]

معوضه خير ان شاء الله

 

 

[banderino]

ارسلي الفاتورة لهم يرجعونلك الفرق اذا الفترة قريبة من بعض

 

 

[fai3sal6]

قبل ما تفكرين بالشراء من براء قارني الاسعار عشان ما تنمدمين

 

 

[ecoo]

اقتباس: المشاركة الأصلية كتبت بواسطة حورية الشاطيء     معوضه خير هههههههه بس غريبه جد وشلون صآر أرخص واهي نفس الماركه .. موفقه ^_^

ليش غريبة
أولا الماركة ليست امريكية
والبائع ليس امازون
فلذلك فرق السعر متوقع

 

 

[BB 4 EVER]

الله يعوض عليك

 

 

[مهدي بسرعة]

اختـي متأكدة انها نفس الصناعة ونفس الجودة . أتوقع تفرق .


ثانيا في طريقة شارحها أحد الاخوان وهي طريقة استرجاااع السلعة الى امازون مجاااانا.

وهذا الرابط http://www.adslgate.com/dsl/showthre...1197813&page=3


والحمد لله على كل حاال درس وانشالله تعلمنا منه .

 

 

[Green Cafe]

الله يعوض عليك ..