أفضل معهد لغة انجليزية في الرياض

[بbadrدر]

مرحبا

حبيت استفسر عن أفضل معهد لغة انجليزية في الرياض
انا بحثت وسألتت كثير ولقيت التالي

نيوهرايزن
معهد YES للغة الانجليزية
المعهد الثقافي البريطاني
وول ستريت

وصراحة انا مايل لمعهد YES هو فعلا راقي ومتقدم - يستخدمون التعليم الإلكتروني بالإضافة إلى التدريب اللي مع المدرب وكمان تدريب بالهاتف - واختبارات ومتابعة عبر الإنترنت

والمدرب حقهم هو نفسه اللي يدرب في فرع فرنسا

بس حبيت اتأكد منكم هل فيه أحد جرب المعهد؟ وماهو رايكم فيه؟

 

 

[خراشو]

اقتباس: المشاركة الأصلية كتبت بواسطة بbadrدر     مرحبا حبيت استفسر عن أفضل معهد لغة انجليزية في الرياض انا بحثت وسألتت كثير ولقيت التالي نيوهرايزن معهد YES للغة الانجليزية المعهد الثقافي البريطاني وول ستريت وصراحة انا مايل لمعهد YES هو فعلا راقي ومتقدم - يستخدمون التعليم الإلكتروني بالإضافة إلى التدريب اللي مع المدرب وكمان تدريب بالهاتف - واختبارات ومتابعة عبر الإنترنت والمدرب حقهم هو نفسه اللي يدرب في فرع فرنسا بس حبيت اتأكد منكم هل فيه أحد جرب المعهد؟ وماهو رايكم فيه؟

مسيك بالخير

بصراحه المعاهد اللي ذكرتها مالي خبره فيها لكن "نيوهورايزن " ماله دخل في الانجليزي، في الكمبيوتر اوكي رح عنده لكن لتعلم اللغه ما انصحك..

بس فيه معهد نسيت تذكره "اكاديمية الفيصل" وبصراحه مروا علي مدرسين منه يعطونا دورات في العمل ممتازين جدا، وشغلهم مرتب ومتخصصين بتدريس اللغه والمدرسين كانوا واحد مصري مايتكلم عربي لو تطير والثاني سوري ونفس الوضع انجليزي في انجليزي.

بالتوفيق..

 

 

[بbadrدر]

يعطيك العافية

انا غلطت وقلت نيوهرايزن وكنت أقصد دايركت انجليش
عموما الاثنين للخليج للتدريب

بمر على اكاديمية الفيصل واشوفهم ..

 

 

[MoOodi-JED]

الله يوفقك مااعرف شي بالرياض ولا كان افدتك ولا قيد جيتها الا مره بحياتي

بالتوفيق

 

 

[أبو تركيه]

أن مجرب المجلس الثقتفي في السفارات جد جد ممتاز

 

 

[Ji Song]

لا تفكر مجرّد تفكير في الالتحاق بمعهد دايركت انجلش

سيء جداً وهدفه تجاري بحت

 

 

[bigname]

المجلس الثقافي البريطاني اللي في السفارات يعتبر أفضل الموجود ...

 

 

[بbadrدر]

يعطيكم العافية جميعا

انا مريت على أغلب المعاهد إن لم يكن كلها

واستخرت ووقع الاختيار على معهد يس لتعليم اللغة الانجليزية

متخصصين ومبدعين والمدرب بريطاني أصلي مو مثل بعض المعاهد يقول يحمل جنسية كذا ويطلع لك عربي في الأخير

ونظام التعليم عندهم متطور يعتمد على التعليم الإلكتروني والإنترنت والتقنية بالاضافة الى التعليم المباشر

وبعد المعهد حقهم حلو ومريح ومودرن تخيلو المعمل أجهزة أبل

حبيت اعطيكم خلاصة اللفة وشكرا لكم

 

 

[goldpen]

طيب شباب حد سمع بمعهد امديست اللي بحي السفارات
هو تبع الخارجية الامريكية ولكن السؤال هل احد يعرفه او جرب الدراسة فيه ؟؟؟

 

 

[أكورداوي]

يا بدر كم السعر طيب وكم ساعة ؟؟! وكم يوم بالاسبوع 4 ولا 5 ؟!!

 

 

[mostakenn]

الثقافي البريطاني يمدحونه كثير بس قالو غالي والمشكله الكبيره انه في السفارات يعني يومياً مشوار رايح مشوار جاي

خصوصاً الي ساكن جنوب الرياض الله يعينه بس

شباب احد سمع بـ المعهد السعودي البريطاني الي في حي الملز قدام الملعب

انا اتصلت عليهم لقيته المستوى يخلصونه في شهر وكل مستوى بـ 980 بوينت <---- بلاك اوبس زومبي هع

980 ريال كل شهر
1000 ريال حق التسجيل مع الاختبار
انا مدري ليه الف ريال
سرقه مثلاً بس ماتبغون تقولون سرقة فقلتو رسوم تسجيل
طبعاً هي 950 ريال سرقة ححححم اقصد رسوم تسجيل و50 ريال اختبار

احد درس فيه ؟؟؟

 

 

[بسكإآت]

شف اخوي صح ان اختيار المعهد المناسب خطوه مهمه لكن الاهم الممارسه لنه بدونه تضيع منك اللغه تدريجيا
مثل ماصار معي وبالتوفيق انشالله

 

 

[Teemo1]

الله يوفقك

+

مالي خبره المعاهد =]

 

 

[ابوداحمA]

المركز البريطاني بالعليا


هو فله تدريسه للغه اناا مجرب فيه

اول شيء على حسب مكاانك هل انت في الشمال ام في الجنوب ام الشرق....

 

 

[actio]

شيك مع المعهد بير لتز اتوقع هوافي الرياض الافضل وياتي في المرتبة الثانية المركز الثقافي البريطاني في حي السفارات

رقم معهد بيرلتز/ لاكن عيبة نااار وانت وميزانيتك ..

0120711010

 

 

[ميخائيل]

THANK YOU

 

 

[mtrb]

اقتباس: المشاركة الأصلية كتبت بواسطة mostakenn     شباب احد سمع بـ المعهد السعودي البريطاني الي في حي الملز قدام الملعب انا اتصلت عليهم لقيته المستوى يخلصونه في شهر وكل مستوى بـ 980 بوينت <---- بلاك اوبس زومبي هع 980 ريال كل شهر 1000 ريال حق التسجيل مع الاختبار انا مدري ليه الف ريال سرقه مثلاً بس ماتبغون تقولون سرقة فقلتو رسوم تسجيل طبعاً هي 950 ريال سرقة ححححم اقصد رسوم تسجيل و50 ريال اختبار احد درس فيه ؟؟؟

انحش انا جربته في احد المحافظات
المدرسين ما عليهم بس مالك المعهد اظنه مجرم تصدق شهادة المستوى الأول عندهم الى الان رغم كثرة المطالبات
اكرر البلا من المالك حسبي الله

 

 

[raselny]

عن تجربة شخصية

معهد وول ستريت إلغيه تماما من خياراتك لان طريقته بالتدريس هي انك تقعد على كمبيوتر تسمع وتردد وراه وتجاوب على اسئلة >>> يعني مافي احد يشرحلك شي ولا في احد يكلمك.

دايركت انجلش انا فيه حاليا وممتاز جدا جدا جدا لو قارنته بوول ستريت، وطريقتهم هي تدريس عادي (مدرس عربي) ستة ساعات اسبوعيا اجباري + كمبيوتر (اختياري) لمدة ساعة + محادثة اربع ساعات بالأسبوع مع مدرس امريكي او بريطاني (اجباري). استفدت من المعهد بشكل كبير جدا.

اسمع عن المجلس الثقافي بحي السفارات انه افضل بكثير من دايركت انجلش بحيث ان كل المدرسين بريطانيين لكن ما جربته.

 

 

[الوجه الصبوح]

المجلس الثقافي البريطاني اللي في السفارات
او
اكاديمية الفيصل العالمية
بالنسبة للاول 3 ايام بالاسبوع
ساعتين باليوم
المستوى مدته 6اسابيع
القيمة تقريبا 2000 للمستوى
اما الثاني ف 5 ايام بالاسبوع 4
ساعات يوميا المستوى
مدته 4 اسابيع
نفس القيمة تقريبا

 

 

[زهرة الرياض]

الاكادمية افضل من المعهد